প্রধান মন্ত্রী শ্রী নরেন্দ্র মোদীনা ইতলি রিপব্লিক্কি প্রধান মন্ত্রী ঐচ.ই. ২০২৬কি মে ২০দা রোমদা ঐচ.ই. কুমারি জিওরজিয়া মেলোনিগা মীফম অমা পাংথোকখ্রে।
প্রধান মন্ত্রী অনিনা অৱাংবা থাক্কী একচেঞ্জশিং অমসুং নাকল অনিগী ওইবা তেংবাং পিনবগী অফবা গ্রোথ অমসুং দাইবরসিফিকেসনগী অচেৎপা খোঙজেল অদু তরাম্না ওকখি। মখোয়না ইন্দিয়া -ইতলি স্ত্রেতেজিক পার্ত্নরশিপ অসি স্পেসিএল স্ত্রেতেজিক পার্ত্নরশিপকি থাক ফাওবা য়ৌহন্নবা ৱারেপ লৌখি। মল্তিলেতরেল ইভেন্তশিংগী নাকলদা লৈবা য়াওনা লুচিংবশিংগী চহিগী মিফমশিং পাঙথোক্কদৌরিবা অদুগা লোয়ননা মন্ত্রী অমসুং ইন্সতিত্যুস্নেলগী থাক্তা চাং নাইনা মিফমশিং পাঙথোক্নবা মখোয়না য়ানখি।
লুচিংবা অনিনা ভারত-ইতলিগী পার্ত্নরশিপকি মপুং ওইবা রেঞ্জ পুম্নমক কোনশিন্দুনা অপুনবা খন্ন-নৈনবদা শরুক য়াখি। লুচিংবা অনিমক্না জোইন্ত স্ত্রেতেজিক এক্সন প্লান ২০২৫-২০২৯গী দোমেন পুম্নমক্তা নাকল অনিগী তেংবাং পিনবগী প্রোগ্রেশ অদু য়েংশিনখি। লুচিংবা অনিমক্না ত্রেদ অমসুং ইনভেস্তমেন্ত, দিফেন্স অমসুং সেক্যুরিতি, সাইন্স অমসুং তেক্নোলোজি, রিসর্চ অমসুং ইনোবেসন, স্পেস, ইনর্জি, এ.আই. মখোয়না জোইন্ত স্ত্রেতেজিক এক্সন প্লান চাং নাইনা য়েংশিন্নবা ফোরেন মিনিস্তরগী থাক্তা মেকানিজম অমা লিংখৎনবা ৱারেপ লৌখি।
লুচিংবশিংনা নাকল অনিগী ইকোনোমিক অমসুং কম্মর্সিএলগী মরিদা অনৌবা খোঙজেল, শেল থাদবা হেনগৎলকপা অমসুং মতম শাংনা পুন্না থবক তৌমিন্ননবা হোৎনরিবশিং অদু নোৎ তৌখি। মশিগী মতাংদা মখোয়না মমাঙ চহিদা বিজিনেস ফোরম অহুম পিথোক-পিশিন তৌনবদা তরাম্না ওকখি। মখোয়না দিফেন্স, দিজিতেল, ইনরজি ত্রাঞ্জিসন, ইনফ্রাস্ত্রকচর অমসুং লোজিস্তিক্সকুম্বা সেক্তরশিংগী মিহুৎ ওইরিবা ইতলিগী অমসুং ভারতকি খনগৎলবা সি.ই.ও.শিংগা উনখি। ২০২৯ ফাওবদা নাকল অনিগী ললোন-ইতিক অসি য়ুরো বিলিয়ন ২০দা পাকথোক-চাওথোকহনবগী অপুনবা পান্দম অদু থোইদোক্না ফোংদোক্লদুনা লুচিংবা অনিমক্না ভারত-ইয়ু ফ্রী ত্রেদ এগ্রীমেন্তকি খুদোংচাবশিং লৌশিন্নবা য়ানখি অমসুং মসি ঙন্না থবক ওইনা পাঙথোক্নবা হায়খি।
লুচিংবা অনিনা মন্ত্রী অমসুং ওফিশিএল ইন্তরেক্সনশিংগী খুত্থাংদা দিফেন্স কোওপরেসন হেন্না চেৎশিলহনবা, পোর্ত ভিজিৎশিং এক্সচেঞ্জ তৌবা অমসুং দিফেন্স ফোর্সশিংগা চাং নাইনা এঙ্গেজমেন্ত তৌবদা নুংঙাইবা ফোঙদোকখি। দিফেন্স প্রদক্তশিংগী কো-দিজাইন, কো-দিবেলপমেন্ত অমসুং কো-প্রদক্সন্দা পুন্না থবক তৌমিন্ননবা ইন্দস্ত্রিয়েল রোদমেপ অমা ওইরিবা জোইন্ত দিক্লারেসন ওফ ইন্তেন্ত খুৎয়েক পিনখিবা অদু মখোয়না তরাম্না ওকখি।
লুচিংবশিংনা লৈবাক অনিমক্কি রিসর্চরশিং অমসুং সাইন্তিফিক ইন্সতিত্যুসনশিংগী মরক্তা এঙ্গেজমেন্ত হেনগৎলকপদা নুংঙাইবা ফোঙদোকখি। ইতলিগী স্পেস এজেন্শি অমসুং ইন্দিয়ন স্পেস রিসর্চ ওর্গনাইজেসনগী মরক্তা হৌজিক চত্থরিবা পুন্না থবক তৌমিন্নরিবা, অমসুং কম্মর্সিএল স্পেস কোলাবোরেসন মপাঙ্গল কনখৎহন্নবা হোৎনরিবা অসি মখোয়না তরাম্না ওকখি। মখোয়না এ.আই., সেমিকন্দুক্তরশিং, মরুওইবা মিনরেলশিং অমসুং অতোপ্পা অনৌবা তেক্নোলোজিশিংগী লমদা হেন্না পুন্না থবক তৌমিন্ননবা হায়জখি, ভারতকি হৈথোই-শিংথোইরবা ৱার্কফোর্স অমসুং ইতলিগী তেক্নোলোজিগী হৈথোই-শিংথোইবা অসি পুন্না থবক তৌমিন্ননবা হায়খি।
তেরোরিজমগী লাইচৎ অসি থেংননবা মখোয়গী অচেৎপা ৱাশক অদু অমুক হন্না ফোঙদোক্লদুনা লুচিংবা অনিমক্না নাকল অনিগী অমসুং মল্তিলেঢ়েল লেভেলদা মখা তানা তেংবাং পিনবা য়ানখি । ২০২৫গী নবেম্বরদা এদোপ্ত তৌখিবা জোইন্ত ইনিশিয়েতিবা তু কাওন্তর ফাইনান্সিং ওফ তেরোরিজম ইমপ্লিমেন্ত তৌবদা মখোয়না নুংঙাইবা ফোঙদোকখি।
লুচিংবা অনিমক্না ইতলিদা লৈরিবা ভারতকি দাইসপোরাগী মমল য়াম্লবা কন্ত্রীব্যুসন অদু শকখঙখি অমসুং মহৈরোয়শিং, রিসর্চরশিং অমসুং একাদেমিয়াশিংগী চৎথোক-চৎশিন তৌবদা লাইথোকহন্নবা য়ান্নখি। ২০২৭ অসি “ভারত অমসুং ইতলিগী মরক্তা কলচর অমসুং তুরিজমগী চহি” হায়না পাঙথোকনবা মখোয়না য়ানখি। মখোয়না ভারত অমসুং ইতলিগী মরক্তা গুজরাতকি লোথালদা লৈবা নেশ্নেল মেরিতাইম হেরিতেজ কমপ্লেক্স শেমগৎনবা অমসুং ভারত্তগী নরশশিং লৌবগী মতাংদা তেংবাং পিনবগী মতাংদা এম.ও.য়ু. খুৎয়েক পিনখিবা অদু তরাম্না ওকখি।
লুচিংবা অনিমক্না কন্ত্রেক্ত প্রোজেক্তাশিংগী খুত্থাংদা কনেক্তিবিতিগী ইনফ্রাস্ত্রকচর শেমগৎপদা মখোয়গী অপাম্বা ফোঙদোকখি অমসুং ইন্দিয়া – মিদল ইস্ত – য়ুরোপ ইকোনোমিক কোরিদোর (আই.এম.ই.সি.) ইমপ্লিমেন্ত তৌনবা মখোয়গী ৱাশক অদু অমুক হন্না ফোঙদোকখি।
ইন্দো-পেসিফিক, ভারত-ইয়ুগী মরিদা অহোঙবশিং, অমসুং ৱেস্ত এশিয়া অমসুং য়ুরোপকি লানফমশিং য়াওনা নাকল অনিগী ইন্তরেস্তকি মালেমগী অমসুং লমদমগী ওইবা হিরমশিংগী মতাংদশু লুচিংবা অনিনা ৱাখললোনশিং পিথোক-পিশিন তৌনখি। হৌজিক চত্থরিবা লানফমশিং শান্তি ওইনা লোয়শিন্নবা ৱারি সানবা অমসুং দিপ্লোমেশিগী মরুওইবা অদু প্রধান মন্ত্রীনা ফোঙদোকখি।
প্রধান মন্ত্রী মেলোনিনা সরকার অমসুং ইতলিগী রিপব্লিক্কি মীয়াম্না নুংশিনা য়েংশিনবিবা অদুগীদমক থাগৎপা ফোঙদোকখি অমসুং প্রধান মন্ত্রী মেলোনিনা নাকল অনিমক্কি খুদোংচাবা মতমদা ভারত্তা লাক্নবা কৌখি।
The talks with Prime Minister Meloni were excellent. Her commitment to furthering the India-Italy friendship is commendable. Bilateral ties between our nations have advanced significantly in sectors like trade, space, technology and more. In order to further deepen linkages, we… pic.twitter.com/0Q6m7C9Sub
— Narendra Modi (@narendramodi) May 20, 2026
PM Meloni and I reviewed the progress on the India-Italy Joint Strategy Action Plan 2025-2029. We agreed that investment and economic linkages have to be strengthened even further. The India-EU FTA presents a historic opportunity to do so. We even talked about areas such as… pic.twitter.com/q44wAiRMbZ
— Narendra Modi (@narendramodi) May 20, 2026
I colloqui con il Primo Ministro Meloni sono stati eccellenti. Il suo impegno nel promuovere l'amicizia tra India e Italia è encomiabile. I legami bilaterali tra le nostre nazioni hanno compiuto progressi significativi in settori come il commercio, lo spazio, la tecnologia e… pic.twitter.com/Rr40MXzVZZ
— Narendra Modi (@narendramodi) May 20, 2026
Il Primo Ministro Meloni ed io abbiamo esaminato i progressi del Piano d'Azione Strategico Congiunto India-Italia 2025-2029. Abbiamo concordato sulla necessità di rafforzare ulteriormente gli investimenti e i legami economici. L'accordo di libero scambio tra India e UE… pic.twitter.com/8rvMRPjvuc
— Narendra Modi (@narendramodi) May 20, 2026
