প্রধান মন্ত্রী, শ্রী নরেন্দ্র মোদীনা ঙসি রাজস্থানগী অবু রোদতা ব্রহ্মা কুমারিশিংগী শান্তিভান কমপ্লেক্সতা চৎখি। মহাক্না সুপর স্পেসিয়েলিতী চেরিতেবল গ্লোবল হোসপিতাল, শিৱমনি ওল্দ এজ হোমগী অনিশুবা ফেজ অমসুং নর্সিং কোলেজগী এক্সতেন্সনগীদমক্তা উরেপ-উয়ুং তমখি। প্রধান মন্ত্রীনা থৌরম অদুদা কলচরেল পর্ফোর্মেন্স অমসু মিৎয়েং তাখি।
মীতিন অদুদা ৱা ঙাংলদুনা প্রধান মন্ত্রীনা থৌরম কয়া অমদা ব্রহ্মা কুমারিশিংগী শান্তিভান কমপ্লেক্সতা চৎপগী খুদোংচাবা ফংবগী মতম অদু নিংশিংখি অমসুং মহাক্না মফম অদু চৎপা খুদিংগী নুংদগী স্পিরিচুৱল ওইবা ৱাখল্লোন অমা ফাওরকই হায়না হায়খি। মহাক্না খঙহল্লকখি মদুদি হৌখিবা থা খরা অসিদা মহাক্না ব্রহ্মা কুমারিশিংগা মরি লৈনবা থৌরমশিংদা শরুক য়ানবগী খুদোংচাবা ফংবা অসি মসিনা অনিশুবনি। হন্দক্কী চহি অসিগী ফেব্রৱারীদা জল জন অভিয়ান হৌদোকপগী খুদোংচাবা অদুবু নিংশিংলদুনা প্রধান মন্ত্রীনা ব্রহ্মা কুমারিশিংগী ওর্গনাইজেশনগা লেপ্তনা লৈরক্লিবা মহাক্কী মরি অদুবু মরু ওইনা থমখি অমসুং পরম পিতাগী থৌজাল অমসুং রাজ্য য়োগিনি দাদিজীনা নুংশিবীদগীনি হায়না হায়খি। প্রধান মন্ত্রীনা খঙহল্লকখি মদুদি সুপর স্পেসিয়েলিতী চেরিতেবল গ্লোবল হোসপিতালগী উরেপ-উয়ুং তম্বা অসি শিৱমনি ওল্দ এজ হোম অমসুং নর্সিং কোলেজকী এক্সপান্সনগী থবক পাইখৎপগা ইরোইননা পাংথোকখিবনি অমসুং মসিগীদমক্তা ব্রহ্মা কুমারিশিংগী ওর্গনাইজেশনবুসু নুংঙাইবা ফোংদোকখি।
পর্ধান মন্ত্রীনা হায়খি মদুদি অমৃত কালগী য়ুগ অসিদা, খুনাই অমসুং ধর্মগী ওইবা ইনস্তিত্যুশনশিং পুম্নমক্কী য়াম্না চাউরবা থৌদাং লৈরি। “মসিগী অমৃত কাল অসি লৈবাক অসিগী নাগরিক খুদিংমকক্কীদমক কর্তৱ্যা কালনি। মসিনা তাক্লিবা অসি ঐখোয়না ঐখোয়গী ইথৌদাং অদু মপুং ফানা পাংথোক্কদবনি”, হায়না প্রধান মন্ত্রীনা মরু ওইনা পনখি। মসিবু ঐখোয়না খুনাইগী অমসুং লৈবাক অসিগী য়াইফনবগীদমক্তা ঐখোয়গী ৱাখল্লোনশিং অমসুং ইথৌদাংশিং অদু চাউথোকপগা ইরোইননা থবক তৌগদবনি হায়না মহাক্না মখা তারকখি। মহাক্না হায়খি ব্রহ্মা কুমারিশিংনা ইনস্তিত্যুশন অমা ওইনা, খুনাই অসিগী মোরেল ভেল্যুশিং ফগৎহন্নবগীমদক্তা থবক তৌগদবনি। সাইন্স, এজুকেশন অমসুং সোসিয়েল এৱেয়রনেস প্রোমোত তৌনবগী মাইকৈদা মখোয়না লৌখিবা থৌদাংশিং অদুবুসু মহাক্না মশক খঙবীখি। হেল্থ অমসুং ৱেলনেসকী লমদা মখোয়না লৌখিবা থৌদাং অদুবুসু মহাক্না থাগৎখি।
“লৈবাক অসিদা হেল্থ ফেসিলিতীশিংগী অওনবা অমা লাক্লি”, হায়না প্রধান মন্ত্রীনা লাইরবা সেক্সনশিংগী মরক্তা অনা লাইয়েংগী খুদোংচাবা ফংহন্নবা অয়ুশমান ভারতকী থৌদাং অদুবু শন্দোক্না তাক্লদুনা হায়খি। মসিনা সরকারগী থোংশিং হাংদোকপদা নত্তনা লাইরবা প্রজাশিংগীদমক্তা লনাইগী হোসপিতালশিংগীসু থোং হাংদোক্লি হায়না হায়খি। মহাক্না খঙহল্লকখি মদুদি লাইরবা পেসেন্ত করোর ৪ হেনবনা স্কীম অসিগী মখাদা হান্নদগী কান্নবা ফংখ্রে, মসিনা মখোয়গী লুপা করোর লিশিং ৮০ তুংশিনহনবা ঙমহনখি। অসিগা চপ মান্ননা, জন ঔশাধি স্কীমনা লাইরবা অমসুং মিদল ক্লাস পেসেন্তশিংগী লুপা করোর লিশিং ২০ রোম তুংশিনবা ঙমহনখি। মহাক্না ব্রহ্মা কুমারিশিংগী য়ুনিৎশিংদা সরকারগী স্কীমশিংগী মতাংদা এৱেয়রনেস শন্দোক্নবা হায়জখি।
লৈবাক অসিদা দোক্তরশিং, নর্সশিং অমসুং মেদিকেল স্তাফকী অৱাৎপা অসিবু মেনখৎনবা লৈবাক অসিদা মমাংদা ওইথোক্কনি হায়না থাজরুদবা চাউখৎ-থৌরাংগী থবকশিং অদুবু পল্লদুনা, প্রধান মন্ত্রীনা খঙহল্লকখি মদুদি হৌখিবা চহি ৯ অসিদা চাংচত্তা থা খুদিংগী মেদিকেল কোলেজ অমদি হৌদোকখি হায়না হায়খি। মহাক্না পনখি মদুদি ২০১৪গী মমাংগী দিকেদতা মেদিকেল কোলেজ ১৫০দগী তানা হৌদোকখি হায়না হায়খি অদুগা হৌখিবা চহি ৯ অসিদা সরকার অসিনা মেদিকেল কোলেজ ৩৫০ হেন্না হৌদোকখি। ২০১৪গী মমাং অমসুং মতুংগা চাংদম্নবা মতমদা প্রধান মন্ত্রীনা পনখি মদুদি লৈবাক অসিদা চাউরাক্না চহি খুদিংগী এম.বি.বি.এস. সীত লিশিং ৫০মুক লৈরম্মি অদুবু মসিগী মশিং অসি ঙসিদি লাখ ১ হেন্না হেনগৎলকখ্রে, অদুগা পোস্ত গ্রেজুৱেত সীতশিংগী মশিং অদুনা চাউরাক্না লিশিং ৩০দগী লিশিং ৬৫ এন্না হেনগৎলকখ্রে। “তৌনিংলিবা অদুগী পান্দম্না ময়েক শেংলবা অমসুং সোসিয়েল সর্বিসকী ৱাখল্লোন অমা লৈরবা, অদু ওইরবদি অচেৎপা ফিরেপশিং লৌগনি অমসুং মাইপাক্কনি”, হায়না মহাক্না মখা তাখি।
“মথংগী দিকেদতা ভারত্তা পুথোক্কদবা দোক্তরশিংগী মশিং অসিনা নিংখা তম্লবা মতুংদা হৌখিবা দিকেদ ৭তা পুথোকপা দোক্তরশিংগী মশিং অদুগা চপ মান্নরগনি”, হায়না প্রধান মন্ত্রীনা নর্সিংগী লমদা থোরক্লিবা খুদোংচাবশিং অদুবু পল্লদুনা হায়খি। মহাক্না লৈবাক অসিদা নর্সিং কোলেজ ১৫০ হেন্না খুৎশিন্নখ্রে হায়না খঙহল্লকখি অমসুং রাজস্থান মশামক্তা নর্সিং কোলেজ ২০ হেন্না লৈরগনি, মসিনা লিংখৎলক্লিবা সুপর স্পেসিয়েলিতী চেরিতেবল গ্লোবল হোসপিতালদসু কান্নহল্লগনি।
ভারতকী খুনাইদা রেলিজিয়স অমসুং স্পিরিচুৱল বোদীশিংনা সোসিয়েল অমসুং এজুকেশনগী লমদা লৌরিবা থৌদাংশিং অদুবু পল্লদুনা, প্রধান মন্ত্রীনা মহৌশাগী ওইবা খুদোংথিবশিংগী মতমদা ব্রহ্মা কুমারিশিংগী থৌদাং অদুবু নিংশিংখি অমসুং মহাক্না থেংনখিবা মীওইবা খুনাই অসিগী সেবাগীদমক্তা ইনস্তিত্যুশন অসিগী দেদিকেশনগী মতাংদা মহাক মশামক্কী এক্সপরিয়েন্স অদুবুসু নিংশিংখি। মহাক্না ব্রহ্মা কুমারিশিংবু জল জীৱন মিসন অমসুং দিএদিক্সন পীপলস মুবমেন্তগুম্বা ইশুশিং পুরকপগীদমক্তা থাগৎখি।
ব্রহ্মা কুমারি ওর্গনাইজেশন্না মতম পুম্বদা মহাক্না থমখিবা থাজবদগী থোইদোক-হেন্দোক্না থবক তৌরকখি হায়না প্রধান মন্ত্রীনা পনখি অমসুং আজাদি কা অমৃত মাহোতসবকী মনুংদা শিনখিবা থৌরমশিং, মালেম শিনবা থুংনা য়োগ শিৱির শিনখিবা, দিদি জানকিনা স্বচছ ভারতকী এম্বেসেদর ওইরকপগী খুদম পীখি। মহাক্না হায়খি মদুদি ব্রহ্মা কুমারিশিংনা পাংথোকপা অসিগুম্বা থবক-থৌরমশিং অসিনা ওর্গনাইজেশন অসিদা মহাক্কী থাজবা অদুবু হেনগৎহল্লে অমসুং মসিনা থাজবা থম্বগী অনৌবা অৱাংবা থাক অমা থমখ্রে।
প্রধান মন্ত্রীনা শ্রী অন্না অমসুং মালেমগী থাক্তা মিল্লেতশিংগী মতাংদা ভারতনা হাপ্লিবা ইনোৎ অদুগী মতাংদসু পনখি। মহাক্না মরু ওইনা পনখি মদুদি লৈবাক অসিনা নেচরেল ফার্মিং, ঐখোয়গী তুরেলশিং শেংদোকপা অমসুং গ্রাউন্দৱাতর কঞ্জর্ব তৌবগুম্বা কেমপেনশিং অসিবু মাংলোমদা পুখৎলি অমসুং মসিগী হিরমশিং অসি চহি লিশিং কয়া লিরবা লমদম অসিগী কলচরশিং অমসুং ত্রেদিশনশিংগা মরি লৈনহল্লি হায়না হায়খি। ৱারোল অদুবু লোইশিল্লদুনা, প্রধান মন্ত্রীনা ব্রহ্মা কুমারিশিংদা ইন্নোভেতিব ওইবা মওংদা নেসন-বিল্দিংগা মরি লৈনবা অনৌবা হিরমশিংদা পুখৎনবা হায়খি। “হোৎনরিবশিং অসিদা নখোয়না কোওপরেশন হেন্না ফংলিবমখৈ, লৈবাক অসিগী সেবা হেন্না তৌগদৌরিবনি। চাউখৎলবা ভারত অমা শেম্বনা, ঐখোয়না মালেম অসিগীদমক্তা ‘সার্ৱে ভাৱন্তু সুখিনাথ’কী মন্ত্রগী মাই ঙাক্কদৌরিবনি”, হায়রদুনা প্রধান মন্ত্রীনা ৱারোইশিন তাখি।
বেকগ্রাউন্দ
লৈবাক শিনবা থুংনা স্পিরিচুৱল রিজুভনেশনদা অনৌবা ইনোৎ হাপ্পা হায়বসিগী মতাংদা প্রধান মন্ত্রীগী অখন্নবা মিৎয়েং থমদুনা লাকখি। হোৎনরিবা থবকশিং অসিবু মখা তারদুনা প্রধান মন্ত্রীনা ব্রহ্মা কুমারিশিংগী শান্তিভান কমপ্লেক্সতা চৎলগনি। মহাক্না সুপর স্পেসিয়েলিতী চেরিতেবল গ্লোবল হোসপিতালগী উরেপ উয়ুং তম্লগনি, শিৱমনি ওল্দ এজ হোমগী অনিশুবা ফেজ অমসুং নর্সিং কোলেজগী এক্সতেন্সন তৌরগনি। সুপর স্পেসিয়েলিতী চেরিতেবল গ্লোবল হোসপিতাল অসি একর ৫০দা পাকশন্না শন্দোক্তুনা অবু রোদতা লিংখৎলগনি। মসিনা মালেমগী থাক্তা লৈবা মেদিকেল ফেসিলিতীশিং ফংহল্লগনি অমসুং মসিনা মরু ওইনা লমদম অসিদা লৈবা লাইরবশিং অমসুং ত্রাইবলগী মীশিংগীদমক্তা কান্নহল্লগনি।
आज़ादी का ये अमृतकाल, देश के हर नागरिक के लिए कर्तव्यकाल है। pic.twitter.com/IHVjkrIffs
— PMO India (@PMOIndia) May 10, 2023
देश स्वास्थ्य सुविधाओं के ट्रांसफॉर्मेशन से गुजर रहा है।
— PMO India (@PMOIndia) May 10, 2023
इसमें एक बड़ी भूमिका आयुष्मान भारत योजना ने निभाई है। pic.twitter.com/ZcahaMetAL
मुझे आशा है, राष्ट्र निर्माण से जुड़े नए विषयों को ब्रह्मकुमारीज़, innovative तरीके से आगे बढ़ाएँगी: PM @narendramodi pic.twitter.com/x6LkLCL6JO
— PMO India (@PMOIndia) May 10, 2023
आज भारत श्रीअन्न यानी मिलेट्स को लेकर एक वैश्विक आंदोलन को आगे बढ़ा रहा है। pic.twitter.com/8uCSkS0kb5
— PMO India (@PMOIndia) May 10, 2023
