প্রধান মন্ত্রী শ্রী নরেন্দ্র মোদীনা ঙসি দিল্লীদা মরুওইবা চাউখৎ-থৌরাংগী প্রোজেক্ত কয়া অমা শঙ্গাখ্রে অমসুং উরেপ-উয়ুং তমখ্রে। য়াম্লনবা মীয়াম তিনবা থৌরম অমদা ৱা ঙাংলদুনা শ্রী মোদীনা অনৌবা চহিগী য়াইফ পাউজেল পীখি অমসুং মহাক্না থাজবা থমখি মদুদি 2025 অসি ভারতকী চাউখৎ-থৌরাংগীদমক অচৌবা খুদোংচাবশিংগী চহি অমা ওইরগনি, মসিনা মালেমগী অহুমশুবা খ্বাইদগী চাউবা শেন্মিৎলোন ওইনবা লৈবাক অসিগী পান্দম অদুদা মতেং পাংগনি। প্রধান মন্ত্রীনা হায়খি, "ঙসিদি, ভারত অসি রাজনিতী অমসুং শেন্মিৎলোনগী স্তেবিলিতীগী মালেমগী ওইবা খুদম অমা ওইরে।" লাক্কদৌরিবা চহি অসিদা লৈবাক অসিগী ইমেজ অসি হেন্না মপাঙ্গল কনখৎহল্লগনি হায়না মহাক্না মখা তাখি। শ্রী মোদীনা 2025গীদমক ভিজন অদু থমলদুনা ভারত অসি মালেমগী খ্বাইদগী চাউবা মেনুফেকচরিং হব ওইহন্নবা, স্তার্ত-অপশিং অমসুং ওন্তপ্রিনোরশিপকীদমক নহাশিংবু মপাঙ্গল কনখৎহন্নবা, লৌউ-শিংউগী লমদা অনৌবা রেকোর্দশিং শেম্নবা, নুপীশিংনা লুচিংবা চাউখৎপা পুরক্নবা অমসুং ইজ ওফ লিবিংদা মীৎয়েং থমদুনা নাগরিক খুদিংমক্কী পুন্সি মহিং ফগৎহন্নবা মহাক্না ৱাফম থমখি।
থৌরম অসিদা মীয়ামদা নুংঙাইবা ফোংদোক্লদুনা প্রধান মন্ত্রীনা হায়খি মদুদি ঙসি হৌদোকখিবা প্রোজেক্তশিং অদুদি লায়রবশিংগীদমক য়ুমশিং অমসুং স্কুলশিং অমসুং কোলেজশিংগা মরী লৈনবা প্রোজেক্তশিংনি। মহাক্না অখন্ননা মীয়াম অমসুং নুপীশিংদা নুংঙাইবা ফোংদোকখি, মহাক্না হায়খি মদুদি মখোয়না অনৌবা ইনিং অমা হৌরি। মহাক্না মখা তাখি মদুদি ঝুগ্গীশিংগী মফমদা পক্কাগী য়ুমশিং অমসুং ভারাগী য়ুমশিংগী মহুৎ মশাগী য়ুমশিং লৈরকপা অসিনা তশেংনা অনৌবা হৌরকফম অমা ওইখি। শ্রী মোদীনা হায়খি মদুদি মীয়ামদা পীরিবা য়ুমশিং অসি মশাগী ইকাই খুম্নবা, অমসুং অনৌবা আশা অমসুং মঙলানগী খুদম্নি। মহাক্না মখোয়গী নুংঙাইবা ফোংদোকপা অমসুং থৌরমশিং অসিদা শরুক য়ানবা মফম অদুদা লৈখি হায়না মহাক্না মখা তাখি। মমাংদা ইমর্জেন্সীগী অমম্বা মতমশিং অদু নীংশিংলদুনা শ্রী মোদীনা হায়খি মদুদি মহাক অমসুং মহাক্কা মান্নবা অতোপ্পা পার্তীগী থৌমী কয়ানা ইমর্জেন্সীগী মায়োক্তা চত্থখিবা আন্দরগ্রাউন্দ মুভমেন্তকী শরুক ওইরকখি অমসুং অশোক বিহারদা লৈরকখি।
শ্রী মোদীনা হায়খি মদুদি “ঙসিদি লৈবাক পুম্বনা ভিকসিৎ ভারত শেমগৎনবা হোৎনরি”। ভারতকী নাগরিক খুদিংমক চাউখৎলবা ভারত্তা পুক্কা য়ুম অমা লৈহন্নবা ঐখোয়না ৱারেপ লৌদুনা থবক তৌরি হায়না মহাক্না মখা তাখি। মহাক্না মখা তারদুনা হায়খি মদুদি দিল্লীনা মসিগী ৱারেপ অসি মপুং ফাহন্নবদা অচৌবা থৌদাং অমা লৌরি। মরম অদুনা, কেন্দ্র সরকারনা ঝুগ্গীশিংগী মহুৎ শিনবা পক্কা য়ুমশিংগী স্কিম অমা হৌদোক্লে হায়না মহাক্না মখা তাখি। চহি অনিগী মমাংদা মহাক্না কলকাজি এক্সতেন্সন্দা ঝুগ্গি দ্বেল্লরশিংগীদমক য়ুম 3,000 হেন্না শঙ্গাবগী খুদোংচাবা ফংখিবা অদু প্রধান মন্ত্রীনা নীংশিংখি। মহাক্না মখা তাখি মদুদি, মীরোল কয়া অমা ঝুগ্গীদা আশা অমত্তা লৈতনা লৈরক্লবা ইমুংশিং অসিনা পক্কাগী য়ুমশিংদা অহানবা ওইনা হোংলক্লি। মহাক্না মখা তানা নীংশিংলদুনা হায়খি মদুদি মসি অহৌবা খক্তনি। ঙসি চাউরাক্না য়ুম 1,500 রোমগী শোশিং মীয়ামদা পীখ্রে হায়না শ্রী মোদীনা ফোংদোকখি। "স্বভিমান এপার্তমেন্তশিংনা মীয়ামগী মশাগী ইকাই খুম্নবা হেনগৎহল্লগনি।" প্রধান মন্ত্রীনা হায়খি মদুদি ঙসি অঙনবা শরুক্তা মহাক্না বেনিফিসরীশিংগা ৱারী শানখিবা মতমদা মখোয়দা অনৌবা থৌনা অমসুং শক্তি অমা উবা ফংখি। য়ুম অদুগী মপু মীওই অমা হেক্তনা ওইরবসু, মখোয় পুম্নমক মহাক্কী ইমুংগী শরুক অমনি হায়না মহাক্না মখা তাখি।
সরকারগী অচেৎপা ফিরেপ অদু পল্লদুনা প্রধান মন্ত্রীনা হায়খি মদুদি হৌখিবা চহি 10দা, মহাক্কী সরকারনা মীওই করোর 4 হেনবগী পক্কা য়ুম অমা লৈবগী মঙলান অদু মপুং ফাহনখ্রে। মহাক্না মীয়ামদা হৌজিক য়ুম লৈতবা মীওই পুম্নমক্না তঙাইফদবা খুদোংচাবশিং লৈবা য়ুম অমা ফংলগনি হায়বা ৱাফম শন্দোক্নবা হায়খি। শ্রী মোদীনা হায়খি অসিগুম্বা খোঙথাংশিং অসিনা লায়রবশিংগী মশাগী ইকাই খুম্নবা হেনগৎহল্লগনি অমসুং মখোয়দা ভিকসিৎ ভারতকী অশেংবা ইনর্জী ওইরিবা থাজবা পোকহল্লগনি। মহাক্না দিল্লীদা অনৌবা য়ুম 3000 রোম শাবগী থৌরাংসু লাউথোকখি। লাক্লিবা চহি অসিদা সহর অসিগী মীয়ামগীদমক অনৌবা য়ুম লিশিং কয়া ফংহনগনি হায়না মহাক্না মখা তাখি। শ্রী মোদীনা মখা তানা হায়খি, “সরকারগী মশিং য়াম্লবা এমপ্লোয়ী কয়ানা হায়রিবা মফমশিং অসিদা লৈরি অমসুং মখোয়না লৈরম্বা য়ুমশিং অদু য়াম্না অরিবা য়ুমশিংনি। অনৌবা, মোদর্ন হাউজিং শাবনা মখোয়গী য়াইফনবা ঐখোয়গী থৌদাং অদু উৎতুনা মখোয়গী পুন্সি মহিং ফগৎহনগনি”। সহর অসিদা মীশিং হেনগৎলকপা অমসুং অর্বানাইজেসন লাকপদা প্রধান মন্ত্রীনা কেন্দ্র সরকারনা দিল্লীগী ইনফ্রাস্ত্রকচর চাউখৎহন্নবা, নরেল্লা সব-সিতী শেমগৎপগী থবক অথুবা মতমদা পায়খৎলি হায়না লাউথোকখি।
চাউখৎলবা ভারত অমা শেমগৎপদা সহরশিংনা লৌরিবা মরুওইবা থৌদাং অদু পল্লদুনা প্রধান মন্ত্রীনা হায়খি মদুদি লৈবাক অসিগী মফম কয়াদগী লাকপা মীওইশিংনা মখোয়গী মঙলানশিং অদু ফংনবগীদমক্তা সহরশিং অসিদা লাকই। নাগরিক খুদিংমক্তা ক্বালিতী লৈবা য়ুম অমসুং এজুকেসন ফংহন্নবা সরকারগী অচেৎপা ফিরেপ অদু মহাক্না অমুক হন্না ফোংদোকখি। “ঐখোয়গী সহরশিং অসি চাউখৎলবা ভারত অমগী য়ুম্ফম্নি। মীশিংনা মফম অসিদা অচৌবা মঙলানগা লোয়ননা লাকই, অমসুং মখোয়না মঙলানশিং অদু মঙফাওনহন্নবা কন্না হোৎনৈ। কেন্দ্র সরকারনা ঐখোয়গী সহরশিংদা লৈবা ইমুং খুদিংদা ক্বালিতী লাইফ অমা ফংহন্নবা ৱাশক্লি।" হাউসিং সেক্তরদা লৌখৎলিবা অচৌবা খোঙথাংশিং অদু পল্লদুনা প্রধান মন্ত্রীনা প্রধান মন্ত্রী অৱাস য়োজনা (অর্বান) মায় পাক্না পায়খৎপগী মতাংদা পনখি। মসিগী মখাদা হৌখিবা চহি তরা অসিদা লৈবাক শিনবা থুংনা য়ুম করোর অমা হেন্না শাখ্রে। “হৌখিবা চহি 10দা, স্কিম অসিগী মখাদা দিল্লীদা অনৌবা য়ুম 30,000 হেন্না শাখ্রে। ঐখোয়না হৌজিক মসিগী হোৎনবা অসি পাকথোক চাউথোকহল্লে, অমসুং মথংগী তাঙ্কক অসিদা, লৈবাক শিনবা থুংনা অর্বানগী লায়রবা ইমুংশিংগীদমক য়ুম করোর অমা হেন্না শাবা হৌরগনি।" চহিগী ওইনা লুপা লাখ 9গী মখাদা শেল তানশিল্লিবা মীওইশিংগীদমক্তা হোম লোনগী শেন্দোইদা অচৌবা সবসিদী য়াওনা মিদ্দল ক্লাসকী ইমুংশিংদা পীরিবা শেলগী তেংবাং অদুসু প্রধান মন্ত্রীনা পনখি। “ঐখোয়গী সরকারনা ইমুং খুদিংমক, লায়রবা নত্ত্রগা মিদ্দল ক্লাস ওইরবসু, অফবা য়ুম অমা লৈবগী খুদোংচাবা ফংহন্নবা হোৎনরি," হাবণা মহাক্না মখা তাখি।
এজুকেসনগী মায়কৈদা, অঙাং পুম্নমক্তা, মরুওইনা শোত্থরবা বেকগ্রাউন্দদগী লাকপা অঙাংশিংদা, ক্বালিতী লৈবা এজুকেসন অমসুং খুদোংচাবশিং ফংহন্নবা সরকারনা মীৎয়েং থম্লিবা অদু প্রধান মন্ত্রীনা অমুক হন্না ফোংদোকখি। মহাক্না হায়খি মদুদি ইমুং খুদিংমক্না মখোয়গী অঙাংশিংবু খ্বাইদগী ফবা এজুকেসন ফংহনগনি হায়না মঙোন্দা থাজবা থম্লি অমসুং কেন্দ্র সরকারনা লৈবাক শীনবা থুংনা অৱাংবা থাক্কী স্কুলশিং, কোলেজশিং অমসুং য়ুনিভর্সিতীশিং ফংহন্নবা হোৎনরি। প্রধান মন্ত্রীনা নেস্নেল এজুকেসন পোলিসি (NEP) গীসু থাগৎপা ফোংদোকখি, মসিনা মমা লোলদা তম্বদা মরুওইবা পীরি। মসিনা মরম ওইদুনা শোত্থরবা কাংলুপশিংগী অঙাংশিং য়াওনা বেকগ্রাউন্দ পুম্নমক্কী অঙাংশিংনা মায় পাকপগী খুদোংচাবা ফংলি। অনৌবা নেস্নেল এজুকেসন পোলিসীগী মখাদা, লায়রবা ইমুংগী অঙাংশিংনা দোক্তর, ইঞ্জিনীয়র অমসুং প্রোফেস্নেল ওইনবগী লম্বী অসি ময়েক শেংলে হায়না মহাক্না হায়খি। শ্রী মোদীনা সেন্ত্রেল বোর্দ ওফ সেকেন্দরী এজুকেসন (CBSE) না ভারতকী এজুকেসন সিস্তেম ফগৎহনবদা লৌরিবা মরুওইবা থৌদাং অদুসু শকখঙখি। অনৌবা এজুকেস্নেল প্রাক্তিসশিং পাকথোক চাউথোকহন্নবা CBSE গী অনৌবা বিল্দিং অমা শাবগী ৱাফম মহাক্না ফোংদোকখি। CBSE গী অনৌবা বিলদিং অসিনা মোদর্ন এজুকেসন অমসুং এদভান্স একজামিনেসন মেথদশিং শীজিন্নবদা মতেং পাংগনি," হায়না মহাক্না ফোংদোকখি।
প্রধান মন্ত্রীনা হায়র এজুকেসনগী লমদা দিল্লী য়ুনিভর্সিতীগী মমিং লেপ্তনা হেনগৎলক্লি হায়না ফোংদোকখি। ঐখোয়গী খোঙথাং অসি দিল্লীগী নহারোলশিংদা অৱাংবা থাক্কী মহৈ তম্বগী খুদোংচাবা হেন্না ফংহন্নবা হোৎনবনি। ঙসি, অনৌবা কেম্পসকী য়ুম্ফম থোনখ্রে, মসিনা চহি খুদিংগী মহৈরোই চাম্মরোম DUদা মহৈ তম্বা য়াহল্লগনি। মতম শাংনা ঙাইদুনা লাক্লবা নোংপোক অমসুং নোংচুপকী কেম্পসশিং অসি হৌজিক মথংশিৎনা সুরজমল বিহার অমসুং দ্বারকাদা শেমগৎলগনি”, হায়না শ্রী মোদীনা ফোংদোকখি। মসিগী মথক্তা, নাজাফগরদা ভীর সাভারকরজীগী মিংদা অনৌবা কোলেজ অমা শাগনি।
প্রধান মন্ত্রীনা হায়খি মদুদি নাকল অমরোমদা, কেন্দ্র সরকারনা দিল্লীগী এজুকেসন সিস্তেমগীদমক হোৎনরি, অদুগা নাকল অমরোমদা রাজ্য সরকারনা ময়েক শেংনা লান্না হায়রি। দিল্লীগী রাজ্য সরকারনা চাউনা অকাইবা পীরি, মরু ওইনা এজুকেসনগী ফন্দশিং লান্না শীজিন্নরি। "সমগ্র শিক্ষা অভিয়ান"গী মখাদা থাদোকপা শেনফম অসি রাজ্য সরকারনা অঙাংশিংগী মহৈ তম্বগীদমক্তা শীজিন্নখিদে। হৌখিবা চহি 20 অসিদি মদুমক কন্ত্রেক্ত তৌবা, স্কুল এজুকেসন, লায়রবশিংগী হকশেল, পোলুসন কন্ত্রোল, অমসুং রিক্রুতমেন্তকুম্বা সেক্তর কয়াদা করপ্সন অমসুং স্কেমশিংনা মশক তাক্লি। অন্না হজারেবু ফ্রন্ত অমা ওইনা শীজিন্নদুনা হার্দকোর করপ্সন ইন্দিভিজুএল খরনা দিল্লীবু অসিগুম্বা অৱাবা অমদা পুশিল্লক্লি,” হায়না শ্রী মোদীনা মখা তাখি। প্রধান মন্ত্রীনা মখা তারদুনা হায়খি মদুদি দিল্লীনা মতম পুম্নমক্তা অফবা লৈঙাক লৈবগী ৱাখল্লোন লৈরি অদুবু লৈঙাক্লোনগী রাজ্য সরকারনা মহাক্কী ৱাশকশিং অদু মপুং ফাহনখিদে অমসুং ফিভম অসি হেন্না ফৎচিনহনখিদে। মসিনা মরম ওইদুনা, দিল্লীগী মীয়াম্না অৱাবা অসিগী মায়োক্তা লান্থেংননবা ৱারেপ লৌরে। মখোয়না অহোংবা পুরক্নবা অমসুং সহর অসিদগী ফত্তবশিং মুত্থৎনবা ৱাশক লৌরে।
প্রধান মন্ত্রীনা হায়খি মদুদি কেন্দ্র সরকারনা দিল্লীদা লম্বী, মেত্রো সিস্তেম, হোস্পিতাল অমসুং কোলেজ কেম্পসকুম্বা মরুওইবা প্রোজেক্তশিং পায়খৎলি। অদুম ওইনমক, রাজ্য সরকারনা মরুওইনা য়মুনা তুরেল শেংদোকপা অসিগুম্বা হিরমশিংদা মশাগী থৌদাংশিং অদু পাংথোকপা ঙমখিদে। য়মুনা তুরেলবু য়েংশিনবীদবা অসিনা মীয়ামদা অমোৎপা ঈশিং ওইনা পীবগী অৱাবা অমা মায়োক্নহল্লে হায়না মহাক্না মখা তাখি।
শ্রী মোদীনা হায়খি মদুদি মহাক্কী পান্দমদি অফবা নেস্নেল স্কিমশিংগী কান্নবশিং দিল্লীদা য়ৌহনবনি। কেন্দ্র সরকারগী থৌরাংশিংনা লায়রবশিং অমসুং মিদ্দল ক্লাসকী মীওইশিংদা শেলগী কান্নবা অমসুং সেভিংস অনিমক ফংহল্লে। মহাক্না হায়খি সরকারনা ইলেক্ত্রিসিতী বিলসু জিরো ওইহল্লি অমসুং ইমুংশিংদা ইলেক্ত্রিসিতী পুথোক্নবা খুদোংচাবা পীরি। শ্রী মোদীনা হায়খি মদুদি প্রধান মন্ত্রী সুর্য় গর মুফ্ত বিজলী য়োজনাগী খুত্থাংদা, কেন্দ্র সরকারনা সোলর পেনেলশিং ইনস্তোল তৌবদা মতেং পাংনবা লুপা 78,000 পীদুনা ইমুংশিং অসি ইলেক্ত্রিসিতী পুথোক্লিবশিং ওইরক্লি।
শ্রী মোদীনা হায়খি মদুদি কেন্দ্র সরকারনা দিল্লীদা লায়রবা মীওই লাখ 75 রোমদা লেম্না রাসন পীরি। "ৱান নেসন, ৱান রাসন কার্দ" স্কিম অসিনা দিল্লীগী মীয়ামদা অচৌবা মতেং অমা ওইরি।
প্রধান মন্ত্রীনা হায়খি মদুদি দা 80গী মথক্তা দিস্কাউন্ত পীদুনা মমল হোংবা হিদাক-লাংথকশিং ফংহন্নবা দিল্লীদা জন ঔশধী কেন্দ্র 500 রোম হাংদোক্লে মসিনা মীওইশিংদা থা খুদিংগী লুপা লিশিং কয়া কনবা ঙমহল্লি। শ্রী মোদীনা হায়খি মদুদি মহাক্না দিল্লীগী মীয়ামদা অয়ুশ্মান স্কিমগী কান্নবা ফংহনবা পাম্মি, মসিনা লেম্না লায়েংলি অদুবু রাজ্য সরকারনা দিল্লীদা অয়ুশ্মান স্কিম অসি চৎনহন্নবা অয়াবা পীদে। মসিগী মহৈ ওইনা, দিল্লীগী মীয়াম্না অৱা-অনা কয়া মায়োক্নরি।
মালেমগী খ্বাইদগী চাউবা হেল্থ ইন্সুরেন্স স্কিমগী খুত্থাংদা দিল্লীগী মীয়ামগী পুন্সি মহিং ফগৎহন্নবা কেন্দ্র সরকারনা হোৎনরি হায়না পল্লদুনা প্রধান মন্ত্রীনা হায়খি, “কেন্দ্র সরকারনা আয়ুশ্মান ভারত য়োজনা অসি চহি 70গী মথক্তা লৈবা অহল ওইরবা নাগরিকশিং য়াওহন্নবা পাকথোক চাউথোকহনখ্রে। অদুম ওইনমক, দিল্লীগী মীয়াম্না, মরুওইনা চহি য়াম্লবা মীওইশিংনা, রাজ্য সরকারগী পুকচেল পীকপা, ফত্তবা অমসুং অনম কনবা অসিনা মরম ওইদুনা মসিগী কান্নবা ফংদ্রি”। মহাক্না হায়খি মদুদি কেন্দ্র সরকারনা দিল্লীগী মীয়ামগী মথৌ তাবশিং ফংহন্নবা মপুং ফানা থবক তৌরি। শ্রী মোদীনা দিল্লীদা লৈবা কোলোনীশিং রিগুলারাইজ তৌনবা কেন্দ্র সরকারনা হোৎনরিবশিং অদুসু পনখি, মসিনা মীওই লাখ কয়াদা কান্নবা ফংহনখি হায়না মহাক্না মখা তাখি। মহাক্না রাজ্য সরকারবু ঈশিং অমসুং সিৱেজগুম্বা তঙাইফদবা সর্ভিসশিং ফংহন্দবগীদমক য়ানীংদবা ফোংদোকখি। শ্রী মোদীনা দিল্লীগী মীয়ামদা ৱাফমশিং অসি কোকহন্নবগী থাজবা পীখি।
য়ুমথোং খুদিংদা পাইপকী খুত্থাংদা নেচরেল গ্যাস ফংহনবা অমসুং অনৌবা হায়ৱে অমসুং এক্সপ্রেসৱেশিং শেমগৎপা অসিনচিংবা দিল্লীগী ইনফ্রাস্ত্রকচর দিবেলপমেন্তদা খুমাং চাউশিল্লকপগী মতাংদা পল্লদুনা প্রধান মন্ত্রীনা হায়খি, "রাজ্যনা প্রোজেক্তশিং অসিদা অয়েৎপা পীবা লৈতবনা মরম ওইদুনা থবকশিং অসি খোংজেল য়াংনা খুমাং চাউশিল্লি। দিল্লীগী মীয়ামগী পুন্সি মহিং ফগৎহনবদা হায়রিবা চাউখৎ-থৌরাংশিং অসি য়াম্না মরু ওই”। মহাক্না শিব মুর্তীদগী নেলসন মেন্দেলা মার্গ ফাওবদা তনেল অমা শাবগী অমসুং মরুওইবা এক্সপ্রেসৱে কয়া অমগা শম্নহন্নবগীদমক নৌনা প্রপোজ তৌখিবা ত্রাফিক সোলুসনশিংগী মতাংদসু পনখি। প্রধান মন্ত্রীনা হায়খি মদুদি মসিগী প্রপোজেলশিং অসি অয়াবা পীখ্রে অমসুং মসিনা তুংদা ত্রাফিক চিনবা হন্থহল্লগনি।
2025গীদমক মহাক্কী ভিজন অদু পল্লদুনা প্রধান মন্ত্রীনা মহাক্কী ৱারোল লোইশিনখি। “2025গী চহি অসিদদি দিল্লীদা অফবা লৈঙাক্কী অনৌবা মতম অমা লাক্কনি। মসিনা 'নেসন ফার্স্ত, কন্ত্রিমেন ফার্স্ত'কী ৱাখল্লোন অসি মপাঙ্গল কনখৎহল্লগনি অমসুং নেসন বিল্দিং অমসুং মীয়ামগী য়াইফ-থৌরাংদা মীৎয়েং চঙবা অনৌবা রাজনিতী অমা হৌদোক্লগনি," হায়না শ্রী মোদীনা ফোংদোকখি। মহাক্না মখোয়গী য়ুমগী শোশিং খুৎশিন্নখিবা মীওইশিংদা অমসুং অনৌবা এজুকেস্নেল ইন্সতিত্যুসনশিং অসিগীদমক দিল্লীগী মীয়ামদা নুংঙাইবা ফোংদোকখি।
কেন্দ্রগী হাউজিং অমসুং অর্বান এফিয়র্স মন্ত্রী, শ্রী মনোহর লাল, এজুকেসন মন্ত্রী, শ্রী ধর্মেন্দ্র প্রধান, দিল্লীগী লেফতনেন্ত গবর্নর, শ্রী বিনয় কুমার সাক্সেনা অমসুং অতৈ মকোক থোংবা মীওইশিংসু থৌরম অদুদা শরুক য়াখি।
বেকগ্রাউন্দ
"হাউসিং ফোর ওল"গী মহাক্কী অচেৎপা ফিরেপ অদুগী মতুং ইন্না, প্রধান মন্ত্রী শ্রী নরেন্দ্র মোদীনা ঙসি দিল্লীগী অশোক ভিহারগী স্বাভিমান এপার্তমেন্তসতা ইন-সিতু স্লম রিহেবিলিতেসন প্রোজেক্তকী মখাদা ঝুগ্গী ঝোপ্রি (JJ) ক্লস্তরগী মীওইশিংগীদমক্তা নৌনা শাবা ফ্লেৎশিংদা চৎখ্রে।
প্রধান মন্ত্রীনা JJ ক্লস্তরগী মীওইশিংগীদমক্তা নৌনা শাবা ফ্লেৎ 1,675 শঙ্গাখ্রে অমসুং দিল্লীগী অশোক ভিহারদা লৈবা স্বাভিমান ফ্লেৎতা ইলিজিবল বেনিফিসরীশিংদা শোশিং খুৎশিন্নখ্রে। নৌনা শাবা ফ্লেৎশিং শঙ্গাবা অসিনা দিল্লী দিবেলপমেন্ত ওথোরিতী (DDA) না পায়খৎলিবা অনিশুবা ইন-সিতু স্লম রিহেবিলিতেসন প্রোজেক্ত মায় পাক্না লোইশিনখিবগী খুদম ওইগনি। প্রোজেক্ত অসিগী পান্দমদি দিল্লীগী JJ ক্লাস্তরশিংদা লৈরিবা মীওইশিংদা অফবা অমসুং হকচাং ফনা লৈনবা অকোয়রোন অমা লৈহন্নবা অমসুং মতিক চাবা খুদোংচাবশিং ফংহন্নবা হোৎনবনি।
সরকারনা ফ্লেৎ অমা শাবদা থাদবা লুপা লাখ 25 খুদিংগী, ইলিজিবল ওইবা বেনিফিসরীশিংনা অপুনবা শেনফমগী চাদা 7তগী হন্থবা শেনফম পুথোক্লি, মসিদা নোমিনেল কন্ত্রিব্যুসন ওইনা লুপা লাখ 1.42 অমসুং চহি মঙাগী মেন্তেনেন্সকীদমক লুপা 30,000 য়াওরি।
প্রধান মন্ত্রীনা অর্বান রিদিবেলপমেন্ত প্রোজেক্ত অনিসু শঙ্গাখ্রে- নৌরোজী নগরদা ৱার্ল্দ ত্রেদ সেন্তর (WTC) অমসুং সরোজিনী নগরদা জেনরেল পুল রেসিদেন্সিএল একোমোদেসন (GPRA) তাইপ-II ক্বাতরশিং।
নৌরোজী নগরদা লৈরিবা ৱার্ল্দ ত্রেদ সেন্তর অসিনা স্তেৎ-ওফ-দি-আর্ত কম্মর্সিএল তাৱরশিংগা লোয়ননা ফীভম শোক্লবা ক্বার্তর 600 হেন্না নৌনা শেমগৎতুনা মফম অসি শেমদোকখ্রে, মসিনা মোদর্ন এমেনিতীশিংগা লোয়ননা প্রিমিয়ম কম্মর্সিএল স্পেস চাউরাক্না স্ক্বার ফিৎ লাখ 34 ফংহল্লগনি। প্রোজেক্ত অসিদা জিরো-দিসচার্জ কন্সেপ্ত, সোলার ইনর্জী পুথোকপা অমসুং নোংগী ঈশিং য়োকশিনবগী সিস্তেমগুম্বা প্রোভিজনশিং য়াওনা গ্রীন বিল্দিং প্রাক্তিসশিং ইনকোর্পোরেৎ তৌরি।
সরোজিনী নগরদা লৈবা GPRA তাইপ-II ক্বার্তরদা তৱার 28 য়াওরি অমসুং মসিদা রেসিদেন্সিএল য়ুনিত 2,500 হেন্না লৈরি, মসিদা মোদর্ন এমেনিতীশিং অমসুং অহাংবা মফমশিংবু নীংথিনা শীজিন্নবা ফংহল্লি। প্রোজেক্ত অসিগী দিজাইন অসিদা ইকো-কনসিয়স ওইবা পুন্সি মহিংদা পুক্নিং থৌগৎনবা রেনৱাৎ হার্বেজিং সিস্তেমশিং, সিৱেজ অমসুং ৱাতর ত্রীৎমেন্ত প্লান্তশিং, অমসুং সোলর-পাৱর শীজিন্নবা ৱেস্ত কম্পেক্তরশিং য়াওরি।
প্রধান মন্ত্রীনা দিল্লীগী দ্বারকাদা চাউরাক্না লুপা করোর 300 চংনা শাবা CBSEগী ইন্তিগ্রেতেদ ওফিস কমপ্লেক্সসু শঙ্গাখ্রে। মসিদা ওফিস, ওদিতোরিয়ম, এদভান্স দেতা সেন্তর, কম্প্রিহেন্সিব ৱাতর মেনেজমেন্ত সিস্তেম য়াওরি। ইকো ফ্রেন্দলী বিল্দিং অসি অৱাংবা এনভাইর্নমেন্তেল স্তেন্দর্দশিংদা শাখি অমসুং ইন্দিয়ন গ্রীন বিল্দিং কাউন্সিল (IGBC) গী প্লাতিনম রেতিং স্তেন্দর্দশিংগী মতুং ইন্না দিজাইন তৌখি।
প্রধান মন্ত্রীনা দিল্লী য়ুনিভর্সিতীদা লুপা করোর 600 হেনবগী অনৌবা প্রোজেক্ত অহুমগী উরেপ উয়ুংসু তমখ্রে। মসিদা নোংপোক দিল্লীগী সুরজমল বিহারদা লৈবা নোংপোক কেম্পসতা একাদেমিক ব্লোক অমা অমসুং দ্বারকাদা লৈবা নোংচুপ কেম্পসতা লৈবা একাদেমিক ব্লোক অমা য়াওরি। মসিদা নাজাফগরগী রোশনপুরাদা ভীর সাভারকর কোলেজ শাগৎপা, এজুকেসনগীদমক স্তেৎ-ওফ-দি-আর্ত ফেসিলিতীশিং লৈহনবা য়াওরি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
केंद्र सरकार ने झुग्गियों की जगह पक्का घर बनाने का अभियान शुरू किया: PM @narendramodi pic.twitter.com/PfNkLbRCjd
— PMO India (@PMOIndia) January 3, 2025
नई राष्ट्रीय शिक्षा नीति, गरीब घर के बच्चों को नए अवसर देने वाली नीति है: PM @narendramodi pic.twitter.com/cinYRBhoKe
— PMO India (@PMOIndia) January 3, 2025
