প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা ‘বিক্ষিৎ ভারত @2047: ভোইস ওফ য়ুথ’ হৌদোকখ্রে। থৌরম অসিনা প্রধান মন্ত্রী মোদীনা ইনিসিএতিব অসি হৌদোকপা ওইনা লৈবাক শিনবা থুংবদা লৈরিবা রাজ ভাবনশিংদা পাঙথোকপা ৱার্কশোপশিংদা য়ুনিভর্সিতীশিংগী ভাইস চাঞ্চেল্লরশিং, ইন্সতিত্যুতশিংগী হেদশিং অমসুং ফেকলতী মেম্বরশিংদা ৱা ঙাংখি।
প্রধান মন্ত্রীনা বিক্ষিৎ ভারত অমা শেমগৎনবা ঙসিগী ৱার্কশোপ পাঙথোকপগীদমক রাজ্যপাল পুম্নমক্তা চাউনা থাগৎপা ফোঙদোকপগা লোয়ননা মহাক্না ৱা ঙাংবা হৌখি অমসুং হায়খি মদুদি ঙসি অসি ফিরেপ অসিগী মতাংদা অখন্নবা থৌরম অমনি। মহাক্না বিক্ষিৎ ভারত 2047গী পান্দম ফংনবা লৈবাক্কী নহারোলবু লমজিংবদা মখোয়গী থৌদাং লৌরিবা স্তেকহোল্দর পুম্নমক পুনশিনবদা মখোয়না শরুক তম্মিবা অসিবু থাগৎখি। প্রধান মন্ত্রী মোদীনা মীওই অমগী পর্সনেলিতী দিবেলপমেন্তদা এজুকেস্নেল ইন্সতিত্যুসনশিংগী থৌদাং অদু ফোঙদোকখি অমসুং হায়খি মদুদি লৈবাক অদুগী মীয়াম্না চাউখৎলবা মতমদা খক্তা লৈবাক অদু চাউখৎপা ঙম্মি। হৌজিক্কী চহিচা অসিদা পর্সনেলিতী দিবেলপমেন্তগী মরু ওইবা অদু থম্লদুনা প্রধান মন্ত্রীনা ভোইস ওফ য়ুথ ৱার্কশোপকী মাইপাকপগীদমক মহাক্না নুংঙাইবা ফোঙদোকখি।
প্রধান মন্ত্রীনা হায়খি মদুদি লৈবাক অমা হেক্তগী খোঙচৎতা পুৱারীনা লৈবাক অদুগী চাউখৎ খোঙচৎতা চাউনা খোঙথাংশিং লৌখৎনবা তানফম অমা পীরি। ভারতকীদমক “মসিগী অমৃত কাল অসি চত্থরি” অমসুং “মসি লৈবাক অসিনা ক্বান্তম লীপ তৌনবা চংশিল্লিবা অদুগুম্বা ভারতকী পুৱারীগী তানফম অমনি”। মহাক্না অকক্নবা তাইমফ্রেম অমদা ক্বান্তম জম্প তৌখিবা অমসুং চাউখৎপা লৈবাক অমদা ওন্থোকখিবা মনাক নকপা লৈবাক কয়াগী খুদমশিং পীখি। “ভারতকীদমক মসি তানফম অদুনি, চপ চারবা তানফমনি (য়হি সময় হে, সহি সময় হে)” হায়না মহাক্না ফোঙদোক্লদুনা মখা তাখি মদুদি অমৃত কালগী মীকুপ খুদিংমক শীজিন্নহৌগদবনি।
প্রধান মন্ত্রীনা নীংতম্বগী মতিক ময়াই লৈরবা ইহ্র অদুনা অচৌবা ইথিলগী হৌরকফম ওইখি হায়না নীংশিংখি। মহাক্না হায়খি সত্যগর্হ, রিভোল্যুসনরীগী লম্বী, নন-কোওপরেসন, স্বদেশি অমসুং সোসিএল অমদি এজুকেস্নেল রিফোর্মশিং মতম অদুদা পুরকখিবা অসিগুম্বা খোঙথাং খুদিংমক্না নীংতম্বগী মাইকৈদা লমজিংখি। মতম অসিদা লৈবাক্কী কনসিয়সনেস মপাঙ্গল কনখৎহনখিবা কাশী, লখনৌ, বিশ্বা ভারতি, গুজরাত বিদ্যাপীথ, নাগপুর য়ুনিভর্সিতী, এন্নামলাই, আন্ধ্র অমসুং য়ুনিভর্সিতী ওফ কেরালা অসিগুম্বা য়ুনিভর্সিতীশিং উবা ফংখি। খোঙথাং খুদিংমক্না নীংতম্বগী পান্দমগী মাইকৈদা লমজিংলিবা নহারোলগী অপুনবা মীরোল অমনা লৈবাক্কী নীংতম্বগীদমক কত্থোকখি। ঙসি ইন্সতিত্যুসন অমসুং মীওই খুদিংমক্না ফিরেপ অমগা লোয়ননা মাংদা চংশিনগদবনি মদুদি খোঙথাং খুদিংমক অমসুং থবক খুদিংমক্না বিক্ষিৎ ভারত অমগীদমক ওইগদবনি। নখোয়গী পান্দম, নখোয়গী ফিরেপনা হীরম অমা খক্তদা মীৎয়েং থম্বা তাই – বিক্ষিৎ ভারত”। প্রধান মন্ত্রীনা ওজাশিং অমসুং য়ুনিভর্সিতীশিংনা খোঙজেল য়াংনা চাউখৎপা লৈবাক অমা ওইনবা লম্বীশিং থীদোক্নবা খন্নগদবনি অমসুং চাউখৎপা লৈবাক অমা ওইনবা অখক্নবা সেক্তরশিং ফগৎহন্নবগীদমক খঙদোক্কদবনি হায়না ফোঙদোকখি।
প্রধান মন্ত্রী মোদীনা য়ুনিভর্সিতী খুদিংমক্কী মহৈরোয়শিং অমসুং নহারোলগী শক্তি অসি ‘বিক্ষিৎ ভারত’কী অমত্তা ওইবা পান্দম ফংনবা মাইকৈদা চেনেল তৌবা মথৌ তাই হায়খি। আইদিয়া মখল কয়াগী মতাংদা পল্লদুনা প্রধান মন্ত্রীনা স্ত্রীম পুম্নমক চাউখৎপা ভারত অমা শেম্নবা লিঙ্ক তৌনবা হায়খি। শ্রী মোদীনা মীপুম খুদিংমক্তা মখোয়গ লিমিৎশিংগী ৱাংমা লান্থোক্তুনা বিক্ষিৎ ভারত@2047কী বিজন অমদা শরুক তম্নবা হায়খি। মহাক্না কেম্পেন অসিগী নহারোল কয়া কয়াগী কন্নেক্ত তৌনবা লৈবাক অসিদা লৈরিবা কোলেজ অমসুং য়ুনিভর্সিতী খুদিংমক্তা অখন্নবা কেম্পেনশিং চত্থনবা সজেস্ত তৌখি। প্রধান মন্ত্রীনা বিক্ষিৎ ভারতকা মরী লৈনবা আইদিয়াস পোর্তেলগী লোঞ্চ তৌখিবা অদু পনখি অমসুং হায়খি মদুদি তোঙান-তোঙানবা থিম 5দা সজেসনশিং পীবা য়াগনি। “খ্বাইদগী ফজবা সজেসন 10গীদমক মনা অমসু থম্মি। নখোয়গী সজেসনশিং অদু মাইগোবতা নখোয়না পীরকপা য়াগনি”, হায়না মহাক্না মখা তাখি। “‘ইন্দিয়া’ ‘I’না হৌবা অদুগুম্না ‘আইদিয়া’ অসি ‘I’না হৌই হায়রদুনা প্রধান মন্ত্রীনা চাউখৎ-থৌরাংগী আইদিয়া অসি ইশাগী ‘I’না খক্তা হৌগদবনি”।
সজেসনশিং লৌবগী এক্সর্সাইজতা শন্দোক্না ঙাংলদুনা প্রধান মন্ত্রীনা নেস্নেল ইন্তরেস্তপু মরু ওইনা লৌরিবা অমৃত মীরোল অমা ঐখোয়না শেম্বা মথৌ তাই। মহাক্না এজুকেসন অমসুং স্কিলশিংগী ৱাংমদা চৎপা মথৌ তাই অমসুং প্রজাশিংগী মরক্তা নেস্নেল ইন্তরেস্ত অমসুং সিভিস সেন্সকীদমক চেকশিন্নবা হায়খি। “থৌদাং অমা হেক্তা লৌদুনা প্রজাশিংনা মখোয়গী মথৌদাং তৌবা হৌরবা মতমদা লৈবাক অসিনা মাংদা চংশিল্লি”, হায়না প্রধান মন্ত্রীনা ফোঙদোকখি। মহাক্না ঈশিং য়োকশিনবগী খুত্থাংদা মহৌশাগী রিসোর্সশিং ঙাকশেনবা, ইলেক্ত্রিসিতী কনবা, লৌউ-শিংউদা কেমিকেলশিং হন্থনা শীজিন্নবা অমসুং পব্লিক ত্রান্সপোর্ত শীজিন্নবা অসিগুম্বা খুদমশিং অসি পীখি। মহাক্না এজুকেস্নিস্ত ফ্রেতর্নিতীদা নহারোলনা স্বচ্ছতা অভিয়ানদা অনৌবা শক্তি পীনবা, লাইফস্তাইল ইস্যুশিং থেংনবা অমসুং মোবাইল ফোনশিংদগী হেন্দোক্তুনা মালেমবু এক্সপ্লোর তৌবা অসিগী লম্বীশিং সজেস্ত তৌনবা হায়খি। মহাক্না মখোয়দা মহৈরোয়শিংগীদমক রোল মোদেলশিং ওইনবা হায়খি। মহাক্না হায়খি সোসিএল থিঙ্কিং অসি গভর্নান্সতসু মমি তাই অমসুং মীয়ামদা দিগ্রী পাইরিবশিংনা য়ামদ্রবদা ভোকেস্নেল স্কিলশিং অমা পাইগদবনি। “কেপ খুদিংমক্তা, ইন্সতিত্যুসন খুদিংমক্তা, অমসুং রাজ্যগী থাক্তা হীরমশিং অসিদা ব্রানস্তোর্মিংগী কমপ্রিহেন্সিব প্রোসেস অমা মাংদা পুখৎকদবনি” হায়না মহাক্না মখা তাখি।
‘বিক্ষিৎ ভারত’কী চাউখৎ-থৌরাংগী মতমগা পরিক্ষা অমগা চাংদম্নরদুনা প্রধান মন্ত্রীনা পান্দম অসি ফংনবা মথৌ তাবা দিস্সিপ্লিন লেংদনা থম্নবা মহৈরোয়শিংগী থাজবা, শেম-শাবা অমসুং কত্থোকপা লোয়ননা ইমুং মনুংশিংনা শরুক তম্বগী মতাংদা ফোঙদোকখি। মহাক্না হায়খি মদুদি লৈবাক অসিগী প্রজাশিং ওইনা ঐখোয়গীদমক পরিক্ষাগী তাং লাউথোকখ্রে। “ঐখোয়গী মাংদা অমৃত কালগী চহি 25 লৈরি। বিক্ষিৎ ভারতকী পান্দমগীদমক ঐখোয়না নোংমদা পুং 24 থবক তৌবা তাই। ইমুং অমা ওইনা মসি ঐখোয়না শেমগদবা এনভাইর্নমেন্ত অদু মসিনি” হায়না প্রধান মন্ত্রীনা ফোঙদোকখি।
লৈবাক অসিগী মীশিং খোঙজেল য়াংনা হেনগৎলক্লিবা অসি নহারোলনা শক্তি পী হায়রদুনা শ্রী মোদীনা হায়খি মদুদি ভারতনা লাক্কদৌরিবা 25-30 ৱার্কিং এজ পোপুলেসন্দা লুচিংবা অমা ওইরগনি অমসুং মালেমনা মসি শকখঙগনি। “য়ুবা শক্তিনা অহোংবগী এজেন্ত অমসুং অহোংবগী বেনিফিসরীশিংসু ওইরি” হায়না পি.এম. মোদীনা ফোঙদোকখি। মহাক্না মথংগী চহি 25 অসি ঙসিগী কোলেজ অমসুং য়ুনিভর্সিতীশিংগী নহারোলগী কেরিয়রশিংগীদমক মরু ওইরগনি। তুংলমচৎতা নহারোলনা অনৌবা ইমুং-মনুংশিং অমসুং অনৌবা খুন্নাইশিং শেমগদৌরিবনি হায়রদুনা প্রধান মন্ত্রীনা হায়খি মদুদি চাউখৎপা ভারত অসি কমদৌগদগে হায়বা লেপ্পগী হক মখোয়দা লৈ। ৱাখল্লোন অসিগা লোয়ননা প্রধান মন্ত্রীনা মখা তাখি, সরকারনা লৈবাক্কী নহারোল খুদিংমকপু চাউখৎপা ভারত অমগী এক্সন প্লানগা কন্নেক্ত তৌবা পাম্মি। প্রধান মন্ত্রীনা লৈবাক্কী নহারোলগী ভোইস অদুবু চাউখৎপা ভারত অমা শেম্নবা পোলিসী স্ত্রেতেজীদা ওন্থোক্নবা ফোঙদোকখি অমসুং নহারোলগা লোয়ননা মেক্সিমম কন্তেক্ত থম্মিবা এজুকেস্নেল ইন্সতিত্যুসনশিংগী থৌদাং অদু ফোঙদোকখি।
ৱারোল পীবা লোইশিনবদা প্রধান মন্ত্রীনা চাউখৎপগী রোদমেপ অসি সরকারনা লেপকদবা নত্তে লৈবাক্না লেপকদবনি হায়খি। “লৈবাক্কী প্রজা খুদিংমক্না মসিদা ইনপুৎ পীগনি অমসুং থৱায় য়াওনা শরুক য়াগনি”, হায়না ফোঙদোক্লদুনা শ্রী মোদীনা খ্বাইদগী চাউবা ফিরেপ অসি সবকা প্রয়াস হায়বদি মীয়াম্না শরুক য়াবগী মন্ত্রনা থুংহনবা ঙমগনি হায়খি। মহাক্না স্বচ্ছ ভারত অভিয়ান, দিজিতেল ইন্দিয়া কেম্পেন, কোরোনা লাইচৎ মনুংদা মপাঙ্গল কন্না লৈখিবা অমসুং ভোকেল ফোর লোকেলগী খুদমশিং পীদুনা সবকা প্রয়াসকী শক্তি অদু ফোঙদোকখি। “বিক্ষিৎ ভারত অসি সবকা প্রয়াসকী খুত্থাংদা খক্তা শেমগৎপা ঙমগনি” হায়না প্রধান মন্ত্রীনা ফোঙদোকখি। শ্রী মোদীনা থৌরম অসিদা শরুক য়াখিবা স্কোলরশিংগী চাউনা আশা তৌরি মরমদি মখোয়না লৈবাক্কী চাউখৎ-থোরাংগী বিজন মখোঙ শোম্বা অমসুং য়ুবা শক্তি চেনেলাইজ তৌবা ঙম্মি হায়না নৌহৌননা ফোঙদোকখি। “মসি লৈবাক্কী তুলমচৎ ইনবা অচৌবা কেম্পেন অমনি”, হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি অমসুং মখোয়গী সজেসনশিং অদুনা বিক্ষিৎ ভারতকী মতিক ময়াই হেন্না হেনগৎহন্নবা মখোয়দা হায়খি।
বেকগ্রাউন্দ
প্রধান মন্ত্রীগী পান্দমদি লৈবাক অসিগী নহারোলশিং লৈবাক্কী থৌরাংশিং শেম্বা, লৈবাক্কী মরুওইবশিং অমসুং পান্দমশিং শেম্বদা থৱায় য়াওনা শরুক য়াহনবনি। পান্দম অসি ফংনবা, বিক্ষিৎ ভারত @2047 কী পান্দমদা অনৌবা ৱাখল্লোনশিং মতেং পাংনবা লৈবাক অসিগী নহারোলশিংদা মফম অমা পীনবা থবক অসিনা পান্দম থম্লি। বিক্ষিৎ ভারত @2047 কীদমক মখোয়গী অনৌবা ৱাখলশিং অমসুং পাউতাকশিং শরুক য়ানবা থবক হৌনবা মাইকৈদা থাংজিনবা মরুওইবা খোঙথাং অমা ৱার্কশোপ অসিনা ওইগনি।
বিক্ষিৎ ভারত @2047 কী পান্দমদি লৈবাক অসিনা নিংতম্বা চহি 100 মপুংফারকপা, 2047দা ভারত চাউখৎলবা লৈবাক অমা ওইহনবনি। পান্দম অসিদা চাউখৎপগী তোঙান-তোঙানবা মওংশিং হায়বদি শেন-থুম চাউখৎপা, খুন্নাই চাউখৎপা, তুংকোইনা চৎনবা য়াবা মহৌশাগী অকোয়বগী ফিবম অমসুং অফবা লৈঙাক অমসুং অতোপ্পা কয়া য়াওরি।
ये भारत के इतिहास का वो कालखंड है, जब देश, एक quantum jump लगाने जा रहा है। pic.twitter.com/aUfcJcDSO7
— PMO India (@PMOIndia) December 11, 2023
आपके लक्ष्य, आपके संकल्पों का ध्येय एक ही होना चाहिए- विकसित भारत: PM @narendramodi pic.twitter.com/ZUJhySc8RO
— PMO India (@PMOIndia) December 11, 2023
हमें देश में एक ऐसी अमृतपीढ़ी को तैयार करना है, जो आने वाले वर्षों में देश की कर्णधार बनेगी, जो देश को नेतृत्व और दिशा देगी। pic.twitter.com/a12rgV3e9b
— PMO India (@PMOIndia) December 11, 2023
Yuva Shakti is both the agent of change and also the beneficiaries of change. pic.twitter.com/96yoIyMyZw
— PMO India (@PMOIndia) December 11, 2023
