ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।
লৌমী অমা অমসুং পি.এম কিষান সম্মান নিধিগী বেনিফিসরি অমা ওইরিবা হরিয়ানাগী রোহাতাক্কী শ্রী সন্দিপ মীওই ১১গী অপুনবা ইমুং অমদা লৈরি।
মীয়ামগা উনবদা, প্রধান মন্ত্রীনা হায়খি মখোয়গী একাউন্তশিংদা হকথেংননা শেন হাপচিল্লে হায়বা খঙদবা মীওই কয়া লৈরি। মখোয়না ফংলিবা খুদোংচাবশিং মতাংদা অসিগুম্বা মীওইশিংদা ৱাখল তাহল্লে। শ্রী সন্দিপনা প্রধান মন্ত্রীদা হায়খি মদুদি সম্মান নিধি ওইনা ফংলিবা শেনফম অদু হার অমসুং মরু-মরাং লৈবদা মতেং ওইরে অমসুং লৌউ-শিংউদা মতেং পাংলে।
মওং তানা চেঙ য়েন্থোকপগী থবক পাংথোক্লি হায়না প্রধান মন্ত্রীদা খঙহনখি। হরিয়ানাগী চীফ মিনিস্তরনা নিংথিনা থবক পায়খৎপা অদুদা প্রধান মন্ত্রীনা থাগৎপা ফোঙদোকখি। খুঙ্গং অদুদা মোদি কি গরেন্তি কি গারি হরাও-তয়াম্না ওকখি।
থৌরম পাংথোকফমদা মশিং য়াম্লবা নুপীশিং শরুক য়াবা উবদা শ্রী মোদী অপেনবা ফোঙদোকখি অমসুং প্রান প্রতিস্থাগীদমক বর নিখি।
