প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা লৈবাক অসিগী তোঙান তোঙানবা মফমশিংদগী প্রিন্ত মীদিয়াগী জর্নেলিস্ত কুন হেন্না অমসুং স্তেকহোল্দরশিংগা ৱারী শানখ্রে। জর্নেলিস্তশিংনা মফম তরামরিদগী ৱারী শানবা অদুদা শরুক য়াখি অমদি তোঙান-তোঙানবা লোন তরামাথোই রিপ্রজেন্ত তৌরদুনা নেস্নেল অমসুং রিজনেল মীদিয়া অনিমক্তগী শরুক য়াখি।
প্রধান মন্ত্রীনা হায়খি মদুদি মীদিয়ানা লৈবাক অসিগী মনুং হুঞ্জিনবা অমসুং চাউখৎতরিবা মফমশিং ফাওবা ই-পাউ য়ৌহনবদা থাগৎনিঙাই ওইরবা থৌদাংলৌরি। মহাক্না হায়খি মদুদি মীদিয়াগী নেৎৱার্ক অসি পান-ইন্দিয়ানি অমদি শহরশিং অমসুং খুঙ্গংশিংদা শন্দোক্লি। মসিনা মীদিয়াবু শিংনরকপা অসি থেংনবদা অৱাংবা থাক্তা মসিগী মতাংদা ই-পাউ শন্দোকনবগীদমক য়াম্না মরুওইবা ওইরি।
মহাক্না হায়খি মদুদি পাউ-চেশিংনা অচৌবা ক্রিদিবিলিতী পুদুনা চৎলি অমদি রিজন অমগী লোকেল পেজ অসি মীয়াম্না পাক শন্না পানরি। মরম অসিনা মসি দরকার ওই মদুদি চেনা অসিদা নম্লিবা আর্তিকলশিংগী থোংদা কোরোনা ভাইরসকী মতাংদা এৱার্নেস শন্দোকপা তাই। মীয়াম্বু ৱাফম অসি খংহবা য়াম্না দরকার ওই মদুদি তেস্তিং সেন্তর কদায়দা লৈবগে, কনানা তেস্ত তৌগদবনো, তেস্ত তৌনবগীদমক কনাদা পাউ ফাউনগদগে অমদি হোম আইসোলেসন প্রোতোকোলশিং ইনগদগে।
প্রধান মন্ত্রীনা মীদিয়াদা নেস্নেল অমসুং রিজনেল থাক অনিমক্তা সরকার অমসুং মীয়ামগী মরক্তা লিঙ্ক অমা এক্ত তৌনবা অমসুং লেপ্পা লৈতনা ফীদবেক ফংহন্নবা হায়খি। মহাক্না সোসিয়েল দিস্তেন্সিংগী মরুওইবা অদু ফোংদোকখি অমদি মসিগী মরুওইবা অসিগী মতাংদা এৱার্নেস জেনরেৎ তৌনবা, রাজ্যশিংনা ৱারেপ লৌরিবা লোকদাউনগী মতাংদা প্রজাশিংদা খংহন্নবা মীদিয়াদা হায়খি।
প্রজাশিংগী লান্থেংনবগী স্পিরিৎ হেঙ্গৎহন্নবগী মরু ওইবা অদু ফোংদোক্লদুনা প্রধান মন্ত্রীনা অকনবা ৱাফম থমখি মদুদি পেসিমিজম, নেগতিবিতী অমসুং তোকঙা শন্দোকপা থেংনবা মরু ওই। প্রজাশিংনা এস্যুর তৌবা দরকার ওই মদুদি সরকারনা কোবিদ-১৯গী ইম্পেক্ত থেংননবগীদমক্তা ৱাশক্লি।
প্রিন্ত মীদিয়াদগী জর্নেলিস্তশিং অমসুং স্তেকহোল্দরশিংনা ইফেক্তিব ওইনা কম্ম্যুনিকেৎ তৌবদা লৌরিবা থৌদাং অমসুং লৈবাক অসিবু লুচিংবগীদমক প্রধান মন্ত্রীবু থাগৎপা ফোংদোকখি। মখোয়না হায়খি মদুদি মখোয়না পুক্নিং থৌগৎপা অমসুং পোজিতিব ওইবা ৱারীশিং পব্লিস তৌনবগীদমক প্রধান মন্ত্রীগী সজেসন্দা থবক তৌগনি।
প্রধান মন্ত্রীনা শরুক য়ারিবশিংবু ফীদবেক্কীদমক থাগৎপা ফোংদোকখি অমদি মখোয়দা শোত্থরবশিংগী মায়কৈদা সমাজকী থৌদাং অদু নিংশিংখি। মহাক্না হায়খি মদুদি ঐখোয়গী নেস্নেল সেক্যুরিতীগী সেফগার্দকীদমক সমাজকী তিন্নবা ফগৎহনবা মরু ওই।
হকশেল অমসুং য়াইফ য়ুম্বালগী সেক্রেতরীনা সরকারগী প্রোএক্তিব, প্রীম্পতিব অমসুং গ্রেদেদ রেস্পোন্সকী মতাংদা ইনফোর্মেশন শেয়ার তৌবগী থোংদা অকিবা শন্দোকপা ঙাকথোকপগীদমক জর্নেলিস্তশিংবু থাগৎখি। মহাক্না ক্রাইসিসকী পুংফম অসিদা অরানবা ই-পাউ শন্দোকপা থিংনবা প্রিন্ত মীদিয়াগী মফমদা অপীল তৌখি।
ইনফোর্মেশন অমসুং ব্রোদকাস্তিংগী য়ুনিয়ন মিনিস্তর অমসুং ইনফোর্মেশন অমসুং ব্রোদকাস্তিং মন্ত্রালয়গী সেক্রেতরীসু ৱারী শানবা অদুদা শরুক য়াখি।
