প্রধান মন্ত্রী শ্রী নরেন্দ্র মোদীনা আই.আই.তি দিল্লি-অবু ধাবী কেম্পসকী অহানবা বেতচগী মহৈরোয়শিংগা উনখ্রে। প্রধান মন্ত্রীনা হায়খি মসি ভারত অমসুং য়ু.এ.ইগী মরক্তা লৈবাক অনি মতেং পাংনবগী অনৌবা তাঙ্কক অমা হৌবতা নত্তনা লৈবাক অনিগী নহারোলশিং পুনশিল্লগনি।
লৈবাক অনিগী লুচিংবশিংনা ফেব্রুৱারি ২০০২২দা য়ু.এ.ইদা ইন্দিয়ান ইন্সতিতুৎ ওফ তেক্নোলোজি, দিল্লিগী কেম্পস অমা হাংদোক্নবা ৱারেপ লৌখিবনি। প্রোজেক অসি মহৈরোয়শিংদা মালেমগী ওইনা অৱাংবা থাক্কী মগুন লৈবা ইজুকেসন ফংহন্নবা ইন্দিয়ান ইন্সতিতুৎ ওফ তেক্নোলোজি, দিল্লি অমসুং অবু ধাবী দিপার্তমেন্ত ওফ ইজুকেসন(এদেক)না পুন্না পায়খৎমিন্নবনি। মসিনা লৈবাক অনিগী মরক্তা তুংগী মীরোলগী তেক্নোলোজি, রিছার্স অমসুং ইন্নোবেসনগী লমশিংদা মতেং পাংনবা হেনগৎহনগনি। অহানবা একাদেমিক প্রোগ্রাম- ইনর্জি ত্রান্সসিসন অমসুং স্তেনেবিলিতিগী মাস্তর অমা চহি অসিগী জনুৱারিদগী হৌরে।
