প্রধান মন্ত্রী শ্রী নরেন্দ্র মোদীনা হৌজিক চত্থরিবা ইন্দিয়া ইনর্জি ৱীক (IEW) 2026 কী শরুক অমা ওইনা মহাক্কী লৈফম লোক কলয়ান মার্গতা ঙসি অঙনবা শরুক্তা মালেমগী ইনর্জি সেক্তরগে CEO শিংগা উনখ্রে।
ৱারী শানবা অসিদা CEO শিংনা ভারতকী চাউখৎপগী লম্বেলদা চাউনা থাজবা থমখি। মখোয়না পোলিসী স্তেবিলিতী, রিফোর্মগী মোমেন্তম অমসুং মতম কুইনা চৎকদবা দিমান্দশিং পল্লদুনা ভারত্তা মখোয়গী লল্লোন ইতীক চাউথোকহনবগী অপাম্বা ফোংদোকখ্রে।
CEO শিংবু তরাম্না ওক্লদুনা প্রধান মন্ত্রীনা হায়খি মদুদি হায়রিবা রাউন্দতেবলশিং অসিনা ইন্দস্ত্রী গবর্ন্মেন্ত এলাইন্মেন্তকী মরুওইবা ফম্বাক অমা ওইরগনি। মহাক্না পনখি মদুদি মালেমগী ইন্দস্ত্রী লুচিংবশিংদগী হকথেংননা ৱারী শানবনা পোলিসী ফ্রেমৱার্ক হেন্না ফজহনবা, সেক্তরশিংদা লৈরিবা খুদোংচাদবশিং কোকহনবা অমসুং ভারতনা ইনভেস্তমেন্ত দেস্তিনেসন অমা ওইনা লৈরিবা ফিভম অসিবু হেন্না মপাঙ্গল কলহনবদা মতেং পাংই।
ভারতকী মতীক ময়াই লৈরবা একনোমিক মোমেন্তম অসি য়েংলদুনা প্রধান মন্ত্রীনা হায়খি মদুদি ভারতনা মালেমগী অহুমশুবা খ্বাইদগী চাউবা শেন্মিৎলোন ওইনবগী মায়কৈদা চঙশিল্লি অমসুং মালেমগী ইনর্জি দিমান্দ-সপ্লাই বেলেন্সতা অচৌবা থৌদাং লৌগনি।
প্রধান মন্ত্রীনা ভারতকী ইনর্জি সেক্তরদা লৈরিবা অচৌবা ইভেস্তমেন্তকী খুদোংচাবশিংদা মীৎয়েং থমখি। মহাক্না এক্সপ্লোরেসন অমসুং প্রদক্সন্দা লৈঙাক অসিনা শেমখিবা ইনভেস্তর ফ্রেন্দলি পোলিসী রিফোর্মশিং পল্লদুনা USD 100 বিলিয়ন লোমগী ইনভেস্তমেন্তকী মফমশিং পুখৎখি। মহাক্না কম্প্রেস বাইও-গ্যাস (CBG) দা লৈরিবা USD ৩০ বিলিয়নগী খুদোংচাবগী মতাংদসু পনখি। মসিগী মথক্তা মহাক্না হেন্না পাক চাউবা ইনর্জি ভেল্যু চেন্দা গ্যাস বেজ একনোমি, রিফাইনরী পেত্রোকেমিকেল ইন্তিগ্রেসন অমসুং মেরিতাইম অমসুং শিপবিল্দিং য়াওনা লৈরিবা অচৌবা খুদোংচাবশিংগী মতাংদসু পনখি।
ইনর্জি সেক্তর লেন্দস্কেপ অসি তম্বা ঙমদবা তারবদি মসিনা অচৌবা খুদোংচাবা কয়া অমদি পীরি। মহাক্না অপুনবা ইনর্জি ভেল্যু চেন্দা ইন্নোভেসন, কোল্লাবোরেসন, অমসুং হেন্না লুনা মপাং ওইমিন্ননবা আপিল তৌরি।
অৱাংবা থাক্কী রাউন্দতেবল অসিদা CEO ২৭ অমসুং মালেমগী অমসুং ভারতকী মকোক থোংবা ইনর্জি কম্পেনী অমসুং ইন্সতিত্যুসনশিং অমসুং তোতেল ইনর্জি, BP, ভাইতোল, HD হ্যুন্দাই, HD KSOE, একর, লাঞ্জা তেক, ভেদন্তা, ইন্তর্নেসনেল ইনর্জি ফোরম (IEF), এক্সিলরেত, ৱুদ মেকেঞ্জি, ত্রাফিগ্যুরা, স্তাতসোলি, প্রাজ, রিন্যু অমসুং MOL, অমসুং অতৈ কয়া য়াওনা শরুক য়াখি। ৱারী শানবগী থৌর অদুদা কেন্দ্রগী পেত্রোলিয়ম অমসুং নেচরেল গ্যাস মন্ত্রী শ্রী হর্দীপ সিংহ পুরি অমসুং রাজ্যগী পেত্রোলিয়ম অমসুং নেচরেল গ্যাস মন্ত্রী শ্রী সুরেশ গোপি অমসুং মন্ত্রালয় অসিগী মকোক থোংবা ওফিসিএলশিংসু য়াওখি।
