ঙসি প্রধান মন্ত্রী শ্রী নরেন্দ্র মোদীনা নিউ দিল্লিগী ৭, লোক কলয়ান মার্গতা লৈবা ওফিসিএল য়ুমদা খৃস্তমাস থৌরমদা খৃষ্টিয়ান লাইনিং চৎপশিংগা উনখ্রে। খৃস্তমাস থৌরমদা পাংথোক্তুনা থৌরম অদুদা মহাক্না ৱা ঙাংখি। স্কুলগী মহৈরোয়শিংনসু কোইর অমা পাংথোকখি।
নুংঙাইরবা খৃস্তমান অমা লাকপদা মরুওইনা খৃষ্টিয়ান লাইনিং চৎপশিং য়াওনা মীওই খুদিংমক য়াইফ-পাউজেল পীরদুনা, অখন্নবা অমসুং শেংলবা থৌরম অসিদা মহাক্কী লোয়ননা থৌরম শরুক য়ারিবা মীওই খুদিংমক প্রধান মন্ত্রীনা থাগৎপা ফোঙদোকখি। ঐখোয় পুম্নমক্না অমত্তা ওইনা খৃস্তমাস পাংথোকমিন্নসি হায়না ইন্দিয়ন মাইনোরিতী ফাউন্দেসন্না ৱাহৌদোক থম্লকপদা মহাক্না হরাওবা ফোঙদোকখি। গুজরাতকী চীফ মিনিস্তর ওইরিঙৈদা মহাক্না খৃষ্টিয়ান লাইনিং চৎপশিংগা য়াম্না নক্না তিন্নখিবা অমসুং য়াম্না তোইনা মীফমশিং পাংথোকখিবা অদু প্রধান মন্ত্রীনা নিংশিংখি। চহি খরগী মমাংদা, মহাক্না হোলী পোপকা উন্নবগী খুদোংচাবসু ফংজখি অদু মহাক্কী কাওবা নাইররোইদবা মিৎকুপশিংগী মনুংদা অমা ওইরবনি। ঐখোয়না মালেম অসিবু নুংঙাইবা মফম অমা ওইহন্নবা সোসিএল হার্মোনী, গ্লোবেল ব্রদর্হুদ, ক্লাইমেত চেঞ্জ অমসুং ইনক্লুসিব দিবেলপমেন্তকুম্বা হীরম কয়াদা মতম শাংনা ফমিন্নদুনা ৱারী শান্নখি হায়না মহাক্না নিংশিংখি।
খৃস্তমাস অসি জিষু খৃষ্টগী মপোক নুমিৎ পাংথোকপা খক নত্তনা মহাক্কী পুন্সি , পাউজেল অমসুং গুনশিং নিংশিবা অমসুনি, মীনুংশিং খঙবা অমসুং থবক্কী গুনশিংদা জিষু হিংখি। পুম্নমক্কী মফমদা অচুম্বা ৱায়েল ফংবা, সোসিএল হার্মোনী লৈবা অমসুং ইনক্লুসিব ওইবা খুন্নাই অমা শেম্নবা মহাক্না হোৎনখি। মসিগুম্বা ভেল্যু অসিমক্না ঐখোয়গী লৈবাক্কী চাউখৎপগী খোঙজেলগী গুন ওইরিবনি, মসিনা ঐখোয়গী লমজিং মৈরা ওইরিবনি হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি খুন্নাইগী পুন্সি মহিংগী হীরম কয়াদা, ঐখোয়বু অমত্তা ওইনা পুনশিনবা ভেল্যু কয়া অমা ঐখোয়না উবা ফংই। খুদম ওইনা হায়রবদা, ঈশ্বরনা ঐখোয়গী মফমদা খুদোল অমা পীবী হায়না শেংলবা বাইবলদসু পল্লি, লোয়ননা, মদুনা ঐখোয়দা পীরিবা পাঙ্গল খুদিংবু ঐখোয়না অতোপ্পগী সেবাগীদমক্তা শিজিন্নগদবনি হায়নসু তাক্লি। মসিগী সেবা অসিমক্না খ্বাইদগী চাউবা ধর্মনি। শেংলবা বাইবলদা অচুম্বা চৎপা হায়বসিদা অহেনবা মিৎয়েং চঙলি। অচুম্বনা ঈশ্বর ফংনবা লম্বী তাকপীগনি হায়নসু মসিনা ঐখোয়দা তাকপীরি। চুনবা থৌওং অমসু অমুক্তা য়েংবীয়ু, ঐখোয়না ইশাবু পাপ্তগী কোককচনবগীদমক্তা শেংলবা থাইনগী লাইরিক খুদিংদা অচুম্বনা করিনো হায়বা খঙনবা মিৎয়েং লোইনা চঙনরি। ঐখোয়গী মান্নবা ভেল্যু অমসুং হেরিতেজতা মিৎয়েং চঙদুনা, ঐখোয়না অমত্তা ওইনা তুংলমচত্তা চংশিনবা য়াগনি। ২১শুবা চহি চাগী মতমগা চুনবা ভারতকীদমক্তা মসিগুম্বা তেংবাংনবা, নুংশী চানবা অমসুং অমত্তা ওইনা হোৎনমিন্নবগী ইথিলনা ভারতপু অনৌবা থাকশিংদা পুগৎকনি।
লায়রবা মুৎথৎনবা থবক তৌরিবশিংগী য়াইফনবা মহাক্না থৌনখিবা শেংলবা পোপকী খৃস্তমাসকী ৱারোল অমা পল্লদুনা প্রধান মন্ত্রীনা হায়খি লাইরবনা মীওই অমগী মশাগী থাজবদা য়াম্না শোকহল্লি হায়না মহাক্না খল্লি। হোলী পোপকী মসিগুম্বা ৱারোলদা ঐখোয়গী চাউখৎপগী মন্ত্রা ওইরিবা ৱাখল্লোন অসিগী মমি তারি। ঐখোয়গী মন্ত্রদি করিনো, সবকা সাথ, সবকা বিকাস, সবকা বিশ্বাস অমসুং সবকা প্রয়াস হায়বসিনি। চাউখৎপগী খুদোংচাবা খুদিংমক মীপুম খুদিংগী মফমদা ফংহন্নবা অমসুং মসিদগী কনামত্তা চিত্থহৌদনবা হায়দুনা সরকারনা হোৎনদুনা লাক্লি। খৃস্তিয়ন খুন্নাইগী মীওইশিংগী মফমদা, মরু ওইনা, লাইরবা অমসুং শোত্থরবশিংগী মফমদা হায়রিবা খুদোংচাবশিং অসি ফংলি।
প্রধান মন্ত্রীনা হায়খি খৃষ্টিয়ান লাইনিং চৎপশিংনা পাংথোক্লিবা থবকশিং লৈবাক অসিনা চাউথোকচবগা লোয়ননা খঙলে। খৃষ্টিয়ান লাইনিং চৎপশিংনা খুন্নাইগী নিংতম লান্দা মশক থোকপা থৌদাং কয়া য়াখি। ইহৌ অসিদা খুন্নাই অসিগী ৱাখল খনবা মীওই অমসুং লুচিংবা কয়াসু শরুক য়াখি। নন কোওপরেসন মুবমেন্ত অসি সেন্ত স্তেফেন কোলেজকী প্রিন্সিপল, শুশিল কুমার রুদ্রগী লমজিং লমতাক্কী মখাদা শেমখিবনি হায়না গান্ধী মশানা হায়খিবসু লৈরবনি। খুন্নাইগী মাইকৈ তাকপদা খৃষ্টিয়ান লাইনিং চৎপশিংনা মরুওইবা থৌদাং লৌখি অমসুং লায়রবশিংগী য়াইফনবা খুন্নাইগী থবকশিংদা থৱায় য়াওনা শরুক য়াখি। লাইরিক-লাইশু অমসুং অনা-লায়য়েংগী লমদা মখোয়না পাংথোকখিবা থবকশিং মহাক্না পনখি।
ইং ২০৪৭ ফাওবদা চাউখৎপা ভারত অমা ওইহন্নবা পান্দম অমা থম্লিবা অমসুং খোঙচৎ অসিদা নহারোলশিংগী মরুওইবা অদু অমুক হন্না নিংশিংলদুনা প্রধান মন্ত্রীনা হায়খি খোঙচৎ অসিদা ঐখোয়গী মফমদা খ্বাইদগী চাউনা তেংবাংলিবা মরুপশিংদি ঐখোয়গী নহাশিংনি। লেপ্তনা চাউখৎনবগীদমক্তা, ঐখোয়গী নহাশিংনা ৱাখল, হকচাং অমসুং পুক্নিং-ৱাখল চঙ-চঙ লাওনা লৈবা হায়বসি য়াম্না মরু ওইবা ৱাফম অমা ওইরি। মসিগুম্বা ৱাখল্লোন কয়াগা লোয়ননা চঙশিনবা খোঙথাং কয়া, খুদম ওইনা হায়রবদা, ফিত ইন্দিয়া, মিল্লেত শিজিন্নবা, ন্যুত্রিসন্দা মিৎয়েং চঙবা, মেন্তেল হেল্থকী মতাংদা এৱিয়র্নেস পুরকপা অমসুং নিশাগী মাইয়োক্তা চঙশিনবা ইহৌ কয়ানা জন আন্দোলন ওইনখ্রবনি।
খৃস্তমাসতা খুদোলপোৎশিং পীবগী চৎনবী লৈরিবা অসি পল্লদুনা প্রধান মন্ত্রীনা হায়খি তুংগী মীরোলশিংদা অফবা মালেম অমা খুদোলপোৎ ওইনা পীগদবনি। তুংকোইনা চৎনবা য়াগদবা থবক পায়খৎপা হায়বসি হৌজিক্কী মতম অসিগী দরকার ওইবনি। সস্তেনেবল ওইবা পুন্সি মহিং অমা হিংনবগীদমক্তা মসিনা মিসন লাইফকী মপুং ওইবা ৱারোল ওইরিবনি। মসিদি ভারতনা লুচিংবা মালেমগী ওইবা খোঙথাং অমনি। মসিগী খোঙথাং অসিনা প্রো-প্লানেত পীপল অমসুং প্রো-প্লানেত লাইফস্তাইল হিংনবা ঐখোয়দা ইথিল পীরি। অদুগা, সম্পতজীনা অপীকপা লাইরিকশিংদা অশংবা মচু পুরক্নবা হায়রিবা অদুগী পাম্বৈসু মসিনা ওইরিবনি। খুদম ওইনা হায়রবদা, বাইও দিগ্রেদেবল ওইবা পোৎলমশিং অমুক্কা হন্না শিজিন্নবা অমসুং রিসাইকল তৌবা, মিল্লেত-শ্রী অন্নদা মায় ওনশিনবা, কার্বন ফুতপ্রিন্ত য়ারিবমখৈ হন্থহনবা পোৎলমশিং শিজিন্নবা, মসিগুম্বা পোৎলমশিং ঐখোয়না ঐখোয়গী নোংমগী পুন্সিগী য়াওদ্রবা য়াদ্রবা শরুক ওইহনবা তাবনি, মসিনা অচৌবা অহোংবা অমা পুরক্কনি। অদুগা মহাক্না থাজৈ, খৃষ্টিয়ান লাইনিং চৎপশিংনা সমাজকীদমক্তা খনবা অসিনা মরম ওইরগা, মখোয়না মিসন অসিদা মশক থোকপা শরুক তম্বা ঙমগনি, লুচিংবা ঙমগনি হায়না।
প্রধান মন্ত্রীনা ভোকেল ফোর লোকেলগী মরমদসু খন্নখি। মহাক্না হায়খি ঐখোয়না লোকেলগী পোত্থোকশিংবু খুমাং চাউশিলহনবা মতমদা, ভারত্তা শাবা পোত্থোকশিংগী এম্বেসেদর ওইরকপা মতমদা, মসিসু লৈবাক্কী সেবাগী মখল অমা ওইরিবনি। ভোকেল ফোর লোকেলগী লাইৱা মায় পাকপদগী, লৈবাক্কী অপীকপা উদোগ লাক্ষ কয়াগা ইমপ্লোয়মেন্তকা মরী লৈনখি, মশানা মশাবু থবক পীজবগী থৌওং কয়াগা মরী লৈনখি। অদুনা, খৃষ্টিয়ান লাইনিং চৎপশিংনা লোকেলগী ভোকেল ওইবগী মতাংদা লেপ্তনা লৌশিং ফংনবা হোৎনবীয়ু।
কুহ্মৈগী মতম অসিদা লৈবাক অসি অমতা ওইহনবা অমসুং মীওই খুদিংমক পুনশিনবদা প্রধান মন্ত্রীনা য়াইফ-পাউজেল পীরদুনা মহাক্না হায়খি হন্দক্কী কুহ্মৈগী কুমজা অসিনা ঐখোয়বু অপুনবা লৈবাক অমা ওইবগী পাঙ্গল পীবীবা ওইসনু, লৈবাক মীয়াম্বু হান্নদগী হেন্না নুংশিনহনবা ওইসনু হায়বগী অপাম্বা থমজরি। মসিগী কুহ্মৈ অসিনা ঐখোয়গী খেন্নবশিং অমত্তা ওইহন্দুনা থম্বা মরী অমা ওইহনগনি, মরী অসিবু মপাঙ্গল হেন্না লৈহনগনি।
উনবা অদুদা লৈবাক অসিগী মফম কয়াদগী খৃষ্টিয়ান লাইনিং চৎপা শক্নাইরবা মীওই কয়া শরুক য়াখি। থৌরম অদুদা প্রধান মন্ত্রী শরুক য়াবগীদমক কার্দিনেল ওসৱাল্দ গ্রাসিয়াস, পোপ কাউন্সিলগী কার্দিনেল এদভাইজরগী মেম্বরসু ওইরিবা রোমান কেথোলিক চর্চ ওফ ইন্দিয়া অমসুং আর্কিবীসোপ ওফ বোম্বেগী কার্দিনেলনা থাগৎপা ফোঙদোকখি। নুমিৎ অসিদা হান্নগী প্রধান মন্ত্রী শ্রী অতল বিহারি বাজপায়গী মপোক নুমিৎ পাংথোকপা অমসুং মহাক্কী অফবা সাসনগী মতাংদা প্রধান মন্ত্রীনা পনখি। লৈবাক অসিগী য়াইনবা, খৃষ্টিয়ান লাইনিং চৎপশিং অমসুং মালেমগী য়াইফনবা মহাক্না পায়খৎলিবা থবকশিংগীদমক কার্দিনেল ওসৱাল্দ গ্রাসিয়াসনা প্রধান মন্ত্রী মোদী থাগৎপা ফোঙদোকখি।
শক্নাইরবী শান্নরোয় অঞ্জু বোবি জর্জনা হায়খি শান্নবগী লমদা লৈবাক অসিদা অওনবা কয়া পুরকপদগী ঙসি শান্নরোয়শিংনা মাইপাকপা কয়া পুরকপা ঙমখিবনি। খেলো ইন্দিয়া অমসুং ফিত ইন্দিয়াগী খুৎথাংদা শান্নবগী মরমদা ৱারি শান্নরে অমসুং মালেমগী এরেনাদা ভারতকী শান্নরোয়শিং ফজনা শান্নবা ঙম্লে। মসি প্রধান মন্ত্রী মোদীগী লুচিংবা মখাদা ওইরকপনি। ভারতকী নুপীমচা খুদিংমক মঙ মঙনবা থৌরাং তৌরে অমসুং নোংমদি মখোয়গী মঙলানশিং মঙফাওনগনি হায়বা মখোয় খঙলে। ২০৩৬গী ওলেম্পিক্স য়ুম্বু ওইনবা ভারতনা পুখৎলকপদা মহাক্না হরাওবা ফোঙদোকখি।
থৌরম অসি শরুক য়াবগীদমক দাইসিস ওফ দিল্লি, চর্চ ওফ নোর্থ ইন্দিয়াগী বিসোপ রিভরেন্ত দোক্তর পাউল শ্বারুপনা প্রধান মন্ত্রী থাগৎপা ফোঙদোকখি। মীয়ামগীদমক জিষু খৃস্তনা কৎথোকখিবশিং অমসুং খুন্নাইগী অমসুং মীয়ামগীদমক প্রধান মন্ত্রীনা হোৎনরিবশিং দোক্তর শ্বারুপনা পনখি অমসুং থৌরম অসিগীদমক মহাক্না প্রধান মন্ত্রীগী মফমদা য়াইফ-পাউজেল পীখি।
অনৌবা নেসনেল ইজুকেসন পোলিসিদা মমি তারিবা প্রধান মন্ত্রীগী পান্দম, খাংবা কনবা অমসুং পুকচেল চাউবা সেন্ত স্তেফেন্স কলেজ, দিল্লিগী প্রিন্সিপাল জোন বর্গিসিসনা প্রধান মন্ত্রী থাগৎপা ফোঙদোকখি। এন.ই.পিনা স্কুল ইজুকেন্দা মীৎয়েং চঙবদা মহাক্না থাগৎপা ফোঙদোকখি। ইমালোল চাউখৎনবা পায়খৎলিবা থবকশিং অমসুং ক্লাস ১২দা বোর্দ পরিখাদ লৈহনবগী থবকশিং মহাক্না পনখি।
A few years ago, I had the privilege of meeting The Holy Pope. It was a moment that left a lasting impression on me: PM @narendramodi pic.twitter.com/3UQz1EnJly
— PMO India (@PMOIndia) December 25, 2023
Christmas is the day when we celebrate the birth of Jesus Christ. This is also a day to remember his life, message and values. pic.twitter.com/3KZmh3POuk
— PMO India (@PMOIndia) December 25, 2023
We believe in the mantra of 'Sabka Saath, Sabka Vikas, Sabka Vishwas, Sabka Prayas': PM @narendramodi pic.twitter.com/ygjHqcYqab
— PMO India (@PMOIndia) December 25, 2023
India's youth are the most important partners in the country's development journey: PM @narendramodi pic.twitter.com/N6zWrBgerX
— PMO India (@PMOIndia) December 25, 2023
Let us gift a better planet to the coming generations: PM @narendramodi pic.twitter.com/Y3vZwoomga
— PMO India (@PMOIndia) December 25, 2023
