প্রধান মন্ত্রী শ্রী নরেন্দ্র মোদীনা ফিনতেক লুচিংগদবা ফোরম অমা ওইরিবা ইনফিনিতি ফোরম ভিদিও কন্ফরেন্সিংগী খুত্থাঙদা হাংদোকখ্রে।
মীফমদুদা ৱা ঙাঙলদুনা, প্রধান মন্ত্রীনা হায়খিবদা শেলয়েক্কী পুৱারীনা অওনবা চাউনা লাকখিবা উৎলি। প্রধান মন্ত্রীনা পাউদমখিবদা মমাঙ চহিদা ভারত্তা অহানবা ওইনা এ.তি.এম.দগী সেল লৌথোকপদগী মোবাইল পেমেন্তনা মশিং হেনখি। ব্রাঞ্চ ওফিস অমত্তা লৈতবা মপুং ফানা দিজিতেল ওইবা বেঙ্কশিং অশেংবা ওইরে অমদি চহি তরাসিগী মনুংদা ময়ামগী ওইবা মফম অমা ওইরকপা য়ারি। “মীওইবনা হোংলকপগা লোয়ননা ঐখোয়গী ত্রাঞ্জেক্সনগী মওং মতৌসু হোংলক্লি। বার্তর সিস্তেমদগী মেতেলদা, কোইনদগী নোত, চেক্তগী কার্দ অসুম্না লাক্তুনা ঙসি মফমসিদা য়ৌরক্লিবনি,” হায়না মহাক্না ফোঙদোকখি।
তেক্নোলোজী লৌশিনবদা অমদি মসিগী মতাঙদা অনৌবা ৱাখল্লোনশিং পুথোকপদা ভারতনা কনাগীসু মতুং তাদে হায়বা মালেমগী মফমদা উৎখ্রে হায়বা ৱাফম প্রধান মন্ত্রীনা থমখি। দিজিতেল ইন্দিয়াগী মখাদা অওনবা পুরক্কদবা থৌরাংশিং লৌখৎপনা লৈঙাক্লোন্দা শীজিন্নবা য়াগদবা ইনোভেতিব ওইবা ফিনতেক সোলুসনশিংগী থোং হাংদোক্লে। হৌজিক হায়রিবা ফিনতেক্কী থৌরাংশিং অসিবু ফিনতেক রিভোলুসন্দা ওন্থোকপা মতম ওইরে হায়বা ৱাফম প্রধান মন্ত্রীনা ফোঙদোকখি। “লৈবাকসিগী মীপুম খুদিংমকপু শেলথুমগী মপাঙ্গল হাপ্পদা মতেং ওইগদবা রিভোলুসন অমা ওইহনগদবনি,” হায়না মহাক্না হায়খি।
তেক্নোলোজীনা ফাইনেন্সিএল ইনক্লুজনবু কমদৌনা মপুং ফাহনবগে হায়বা তাক্লদুনা শ্রী মোদীনা ২০১৪দা ভারত মচা ৫০%গী মখাগী বেঙ্ক একাউন্ত লৈরমবদগী হৌখিবা চহি ৭সিদা জন ধন একাউন্ত ৪৩০ হাংদোক্তুনা ভারতনা মসিবু মীপুম খুদিংগী ওইহনবগী চাংদু য়ৌনা চঙশিনখ্রে। মমাঙ চহিদা রুপে কার্দ মিলিয়ন ৬৯০না অপুনবা ত্রাঞ্জেক্সন বিলিয়ন ১.৩ য়ৌখিবা; মমাঙগী থা খক্তদা য়ু.পি.আই.না ত্রাঞ্জেক্সন বিলিয়ন ৪.২গী ময়াদা তৌখিবা; থা খুদিংগী জি.এস.তি. পোর্তেলদা ইনভোইস মিলিয়ন ১.৫ থাগৎলকপা; লাইচৎ লৈজরগসু নুমিৎ খুদিংগী রেলৱে তিকেত মিলিয়ন ১.৫ ওনলাইন্দা কক্লিবা; মমাঙ চহিদা ফাসতেগনা অপনবা লৈতবা ত্রাঞ্জেক্সন বিলিয়ন ১.৩ তৌখিবা; পি.এম. স্বানিধিনা লৈবাক শিনবু থুংবদা অপীকপা পোৎফম ফম্বশিংদা শেল পুবা ফংহনখিবা; অকক্নবা সর্ভিসশিং অহো অরাক লৈতনা ই-রুপিনা তার্গেতেদ দেলিভরী ঙমহনখিবা থৌরাংশিং শিংথাখি।
ফাইনেন্সিএল ইনক্লুজন্না ফিনতেক রিভোলুসনবু থৌদুনা চৎলি হায়বা ৱাফম প্রধান মন্ত্রীনা ফোঙদোকখি। মখা তারদুনা প্রধান মন্ত্রীনা হায়খিবদা ফিনতেক্না ইনকম, ইনভেস্তমেন্ত, ইন্সুরেন্স অমসুং ইন্সতিত্যুসনেল ক্রেদিত হায়বা য়ুম্বী ৪দা লেপ্লি। “শেন্থোক হেনগৎলক্লবা মতমদা শেল থাদবা ঙমহল্লি। ইন্সুরেন্স য়ৌহনবনা খুদোংথিবা হেন্না মায়োক্ননবা অমদি শেল হেন্না থাদনবা মতিং হাপকৎলি। ইন্সতিত্যুসনেল ক্রেদিতনা হেন্না পাকথোক চাউথোকহন্নবা মশা পানহল্লি। অদুগা ঐখোয়না হায়রিবা য়ুম্বী মরিমকসিদা থবক পায়খৎখি। পুম্নমকশিং অসিনা পুনশিল্লক্লবা মতমদা অদোম্না খঙহৌদনা ফাইনেন্সিএল সেক্তরদা মী মশিং হেন্না শরুক য়ারকপা থেংনরিবনি”, হায়না প্রধান মন্ত্রীনা শন্দোক্না তাকখি।
অসিগুম্বা ইনোভেসনশিং অসিবু মীয়াম্না পাক শন্না য়ানরকপা তাঞ্জাসিদা ফিনতেক্তা থাজবা লৈহনবগী মরুওইবা ৱাফমশিং প্রধান মন্ত্রীনা ফোঙদোকখি। ভারতকী মীচম মীয়াম্না দিজিতেল পেমেন্ত অমসুং অসিগুম্বা তেক্নোলোজীশিং শীজিন্নদুনা ঐখোয়গী ফিনতেক্তা মপুং ফানা থাজবা উৎলি। “হায়রিবা থাজবা অসি থৌদাং অমনি। থাজবা হায়বদি মীয়ামগী ইন্তরেস্ত মাঙহন্দনবা থবক লৌখৎপদুনি। ফিনতেক ইনোভেসন ইনোভেসন য়াওদনা ফিনতেক ইনোভেসন মপুং ফারোই”, হায়না মহাক্না হায়খি।
প্রধান মন্ত্রীনা ফিনতেক্কী লমদা ভারতনা থেংনরিবশিং হেন্না পাক শন্না শীজিন্নবা য়াবগী মতাঙদসু ৱাফম কয়া ফোঙদোকখি। ভারতনা থেংনরক্লিবশিং অমসুং মাগী হৈ-শিংববু মালেমগী মফমদা খঙহন্নবা অমদি মখোয়দগীসু তমহৌনবা ভারতকী লৈরিবা ৱাখল্লোনগী মতাঙদসু মহাক্না ফোঙদোকখি। “ঐখোয়গী দিজিতেল পব্লিক ইনফ্রাস্ত্রকচর সোলুসনশিংনা মালেম পুমবগী মীয়ামগী পুন্সি মহিং ফগৎহনবা ঙমগনি”, হায়না প্রধান মন্ত্রীনা ফোঙদোকখি।
গিফ্ত সিতী হায়বসি ইচম চমবা মফম অমা নত্তে, মসিনা ভারতকী মশক তাক্লিবনি। মসিনা ভারতকী দিমোক্রেতিক ভেল্যু, দিমান্দ, দিমোগ্রাফী অমসুং দাইভর্সিতী মশক তাক্লিবনি। মসিনা ৱাখল্লোন, ইনোভেসন অমসুং ইনভেস্তমেন্তগী মতাঙদা লৈরিবা ফীভম তাক্লিবনি। গিফ্ত সিতীনা মালেমগী ফিনতেক্কী তাইবংগা ফাওনগদবা থোঙজাউনি হায়বা ৱাফম প্রধান মন্ত্রীনা থমখি।
“শেলথুম্না শেন্মিৎলোনগী পুন্সি হাপ্লিবা ঈনি অদুগা তেক্নোলোজীনা মদুবু পুদুনা চৎলিবনি। অন্তয়োদয়া অমসুং সর্বোদয়া ফংবদা অনিমক চপ মান্ননা মরুওই”, হায়বা ৱাফম ফোঙদোক্লদুনা প্রধান মন্ত্রীগী ৱারোল লোইশিনখি।
থৌরম অদু ইন্তর্নেসনেল ফাইনেন্সিএল সর্ভিস সেন্তর্স ওথোরিতী (আই.এফ.এস.সি.এ.)না গিফ্ত সিতী অমসুং ব্লুমবর্গকা খুৎশম্নরগা ভারত লৈঙাক্কী মীৎয়েং মখাদা দিসেম্বর ৩ অমসুং ৪, ২০২১দা শীনবনি। ইন্দোনেসিয়া, খা অফ্রিকা অমসুং য়ু.কেনা ফোরম অসিগী অহানবা ইদিসনগী খোঙবু ওইরিবা লৈবাকশিংনি।
ইনফিনিতী ফোরম্না মীওইবা খুন্নাইনা অপুনবা ওইনা চাউখৎলক্নবা অমদি থৌগল তৌনবগীদমক ফিনতেক ইন্দস্ত্রীনা কমদৌনা তেক্নোলোজী অমসুং ইনোভেসনবু শীজিন্নদুনা করমবা থবক থৌওংশিং পায়খৎপা য়াবগে হায়বদু নৈননবা খুজিন থৌরাং, লল্লোন ইতিক অমসুং তেক্নোলোজীদা মালেমগী ওইনা মাঙজিন থাবা মীওইশিং পুনশিন্নগদবনি।
ফোরম অসিগী এজেন্দানা ‘বিয়োন্দ’ হায়বা হীরমসিদা মীৎয়েং থম্লগা; ফাইনেন্সিএল ইনক্লুজিবনেস য়োকখৎনবা মালেমগী স্তেকশিং শেমগৎপদা লৈঙাক অমসুং বিজিনেসশিংনা লমগী ঙমখৈগী ৱাংমদা মীৎয়েঙ থমবা, ফিনতেক বিয়োন্দ বাউন্দরিজ; স্পেসতেক, গ্রীনতেক অমসুং এগ্রিতেকনচিংবা নৌনা মচিন তুমখৎলক্লিবা লমশিংদা মায় ওনশিন্দুনা তুং কোইনা চাউখৎপা পুরক্নবগীদমক, ফিনতেক বিয়োন্দ ফাইনেন্স; অমসুং তুংদা ক্বান্তম কম্পুতিংনা ফিনতেক ইন্দস্ত্রীগী মওং মতৌদা করমবা শাফু পীরক্কদগে অমদি কমদৌনা অনৌবা খুদোংচাবশিং য়োকখৎকদগে হায়বসিদা মীৎয়েঙ থম্লিবা, ফিনতেক বিয়োন্দ নেক্স্ত, অসিনচিংবা তোঙান তোঙানবা সব-থীমশিংনা ওইরি।
ফোরম অসিদা লৈবাক ৭০ হেনবনা শরুক য়ারি।
The history of currency shows tremendous evolution.
— PMO India (@PMOIndia) December 3, 2021
As humans evolved, so did the form of our transactions.
From barter system to metals,
from coins to notes,
From cheques to cards,
Today we have reached here: PM @narendramodi
Last year, in India, mobile payments exceeded ATM cash withdrawals for the first time.
— PMO India (@PMOIndia) December 3, 2021
Fully digital banks, without any physical branch offices, are already a reality and may become commonplace in less than a decade: PM @narendramodi
India has proved to the world that it is second to none when it comes to adopting technology or innovating around it.
— PMO India (@PMOIndia) December 3, 2021
Transformational initiatives under Digital India have opened doors for innovative Fintech solutions to be applied in governance: PM @narendramodi
Now it is time to convert these fintech initiatives into a fintech revolution.
— PMO India (@PMOIndia) December 3, 2021
A revolution that helps to achieve financial empowerment of every single citizen of the country: PM @narendramodi
We believe in sharing our experiences and expertise with the world and learning from them as well.
— PMO India (@PMOIndia) December 3, 2021
Our Digital Public Infrastructure solutions can improve the lives of citizens around the world: PM @narendramodi
GIFT City is not merely a premise, it represents India.
— PMO India (@PMOIndia) December 3, 2021
It represents India’s democratic values, demand, demography & diversity.
It represents India’s openness to ideas, innovation & investment.
GIFT City is a gateway to the global fintech world: PM @narendramodi
