ঙসি প্রধান মন্ত্রী শ্রী নরেন্দ্র মোদীনা মুম্বাইগী বন্দ্রা কুরলা কমপ্লেক্স, জি-ব্লোক্তা ইন্দিয়ান ন্যুজপেপর সোসাইতি(আই এন এস) সেক্রেতরিয়েত্তা ইন্দিয়ান ন্যুজপেপর সোসাইতি তৱারশিং শঙ্গাখ্রে। অনৌবা বিল্দিং অসিনা আই.এন.এসকী মেম্বরশিংদা মুম্বাইদা অনৌবা অমসুং নুংঙাইবা ওফিস ফংহল্লগনি অমসুং মুম্বাইদা পাউ-চে উদ্যোগকী মরুওইবা মফম অমা ওইনা থবক তৌরগনি।
থৌরম অদুদা ৱা ঙাংবদা, অনৌবা বিল্দিং শঙ্গাবদা ইন্দিয়ান ন্যুজপেপর সোসাইতিগী মেম্বরশিং প্রধান মন্ত্রীনা থাগৎপা ফোঙদোকখি অমসুং অনৌবা মফম অসিদা নুংঙাইনা থবক তৌনবা মফম অমা ফংবা অসিনা ভারতকী গনতন্ত্র মখা তানা মপাঙ্গল কনখৎহল্লগনি হায়বগী থাজবা ফোঙদোকখি। নিংতম্বা ফংদ্রিঙৈ মমাংদা শেমখিবা ইন্দিয়ান ন্যুজপেপর সোসাইতিগী মরুওইবা পল্লদুনা, প্রধান মন্ত্রীনা হায়খি আই.এন.এসনা ভারতকী খোৎচৎকী অকা-অকুম থেংনবা খক নত্তনা মসিগা লোয়ননা হিংমিন্নরি অমসুং মসি মীয়ামদা পাউদম্লি। মরম অদুনা লুপ অমা ওইনা ইন্দিয়ান ন্যুজপেপর সোসাইতিগী থবক লৈবাক অসিদা উবা ফংগনি।
প্রধান মন্ত্রীনা হায়খি লৈবাক অমগী ফিবমশিংদা মেদিয়া অসি তুমিন্না য়েংদুনা লৈবা ভাবক অমা নত্তে, মসিনা লৈবাক্কী অহোংবশিং পুরকপদা মরুওইবা থৌদাং অমা লৌরি। মথং চহি ২৫ দা বিকসিত ভারতকী খোঙচত্তা পাউ-চেশিংগী থৌদাং য়াম্না মরুওই। মীয়ামগী হকশিং অমসুং তৌবা ঙম্বশিংগী মরমদা খঙহনবদা মেদিয়ানা মরুওইবা থৌদাং অমা লৌরি। ভারত্তা দিজিতেল ত্রান্সসেক্সনশিং মাইপাকপা অসি কমদৌনা মীয়াম্না অচৌবা মাইপাকপা পুরকপা ঙম্বগে হায়বগী খুদম অমনি। অচৌবা লৈবাকশিংনা ভারতকী দিজিতেল পব্লিক ইনফ্রাস্ত্রকচরদা থৱায় য়াওরে। হায়রিবা থবকশিং অসি মাইপাকপদা মেদিয়াগা লোয়ননা চৎমিন্নরি।
প্রধান মন্ত্রীনা হায়খি মরুওইবা ৱাফমশিং খন্ন-নৈনবদা মেদিয়ানা লৌফম থোকপা থৌদাং লৌরি। মেদিয়ানা মথৌ পাংথোকপদা সরকারগী থৌশিলশিংদা ইথিল পীরি। মীওই খুদিংমক শেন-থুমগী থবকশিংনা কোনশিনবা অমসুং জন ধন য়োজনাগী খুৎথাংদা বেঙ্ক একাউন্তশিং হাংদোকপা অমসুং চাউরাক্না মীওই করোর ৫০ রোম বেঙ্কগী থবকশিংগা শম্নহনবা অসি খুদম অমনি। হায়রিবা প্রোজেক অসিনা দিজিতেল ইন্দিয়াদা চাউনা মতেং পাংলে অমসুং শেঞ্জা-থুমজা লাকশিনবা থবকশিংদা মতেং পাংলে। শ্বাছ ভারত নত্ত্রগা স্তার্দঅপ ইন্দিয়া অসি ভোৎ ফংনবা রাজনিতিনা ইথিল পীবা নত্তে। হায়রিবা খোঙজংশিং অসি লৈবাক্কী থবক অমা ওইহনবগীদমক মহাক্না মেদিয়া থাগৎপা ফোঙদোকখি।
প্রধান মন্ত্রীনা হায়খি ইন্দিয়ান ন্যুজপেপর সোসাইতিনা লৌখিবা ৱারেপশিংনা লৈবাক অসিগী মেদিয়াগী মাইকৈ তাক্লি। সরকারনা হৌদোকপা থৌরম অমা হেক্তা দরকার লৈতনা সরকারগী থৌরম অমা ওইরোই অমসুং অনৌবা ৱাখল্লোন অমা সরকারগী হেক্তা ওইরোই। অজাদি কা অমৃত মহোৎসব অমসুং হর ঘর তিরঙ্গ অসি সরকারনা হৌদোকপা থবক্নি অদুবু মসি লৈবাক শীনবা থুংনা পাংথোক্লি।
প্রধান মন্ত্রীনা হায়খি মহৌশাগী অকোয়বগী ফিবম ঙাক-শেন্নবা সরকারনা পায়খৎলিবা থবকশিং অসি রাজনিতিগী ৱাফম অমা ওইবগী মহুত্তা মীওইবগী য়াইফনবা থবক অমনি অমসুং হন্দক হৌদোকখিবা ‘ইমাগী মিংদা উ পাম্বী অমা’ খোঙজং অসি মালেম শীনবা থুংনা খন্নরে। প্রধান মন্ত্রী শরুক য়াখিবা জি-৭ মীফমদা থৌরম অসি মালেমগী লুচিংবশিংনা পাম্নরে। তুংগী মীরোলশিংগীদমক অফবা তুংলমচৎ অমা থম্লম্নবা মেদিয়া হাওসশিং পুন্না থবক তৌমিন্নগদবনি। অসিগুম্বা থবকশিং লৈবাক্কী থবক অমা ওইনা চাউখৎহন্নবা ঐনা মেদিয়া হাওসশিংদা হায়জরি।
ভারত সংবিধান চহি ৭৫ মপুংফারকপগী থৌরম পাংথোকপগী মতাংদা প্রধান মন্ত্রীনা হায়খি মীয়াম মশাগী থৌদাং খঙহনবা অমসুং সংবিধানগী মরমদা ৱাখল তাহনবদা মেদিয়ানা মরুওইবা থৌদাং অমা লৌরি।
প্রধান মন্ত্রীনা হায়খি তুরিজম অসি অপুনবা ওইনা মশক তাকপা অমসুং মীওই খুদিংমক্না য়োনবা দরকার ওইরে। অকক্নবা রাজ্য অমগী তুরিজম য়োকখৎনবা পাউ-চেশিংনা থা অমা খনবা য়াই। মসিনা রাজ্যশিংগী মরক্তা অমনা অমবু পাম্নবা হেনগৎহনগনি।
প্রধান মন্ত্রীনা হায়খি ভারতকী পাউ-চেশিং মালেমগী মফমশিংদা য়ৌবা হেনগৎহনগদবনি। মালেমদা খ্বাইদগী চাউবা অহুমশুবা ইকোনোমি ওইনা ভারতনা মাঙলোমদা চঙশিল্লি। মালেমগী মফম খুদিংমক্তা ভারতকী মাইপাকপা য়ৌহনবদা মেদিয়ানা থৌদাং লৌরি। লৈবাক অমগী মালেমদা তারিবা মমি অদুনা হকথেংননা লৈবাক অমগী শেন্মিৎলোন্দা শোকহল্লি।
মহাক্না হায়খি ভারতকী ফিবম ফগৎলকপগা লোয়ননা মালেমগী চাউখৎলকপদা লৈবাক অসিনা মতেং পাংবা হেনগৎলকপগা লোয়ননা মপান লৈবাকশিংদা লৈরিবা ভারতমচাশিংগী মরুওইবা হেনগৎলক্লে। য়ু.এনগী লোল খুদিংমক্তা ভারতকী পাউ-চেশিং ফোঙবা হেনগৎহনগদবনি। পাউ-চেশিংগী ৱেবসাইতশিং, মাইক্রোসাইতশিং নত্ত্রগা সোসিএল মেদিয়া একাউন্তশিং হায়রিবা লোলশিং অদুদা ফোঙগদবনি। অসিগুম্বা থবকশিংদা এ.আইনা লাইনা থবক পাংথোকপা ঙমগনি।
লোইশিল্লকপদা, প্রধান মন্ত্রীনা হায়খি প্রিন্ত ইদিসনশিংগা চাংদম্নবদা লম য়াম্না কন্দবা মরমনা মেদিয়া হাওসশিংনা পাউ-চেশিংগী দিজিতেল ইদিসনশিং পুথোক্কদবনি অমসুং ঙসি পীরিবা পাউতাক অসি খন্নগনি হায়না থাজৈ। অদোম্না হায়রিবা পাউতাকশিং অসি খন্নগনি হায়না ঐনা থাজৈ অমসুং অনৌবা চাংয়েংশিং পাংথোকউ অমসুং ভারতকী গনতন্ত্র মপাঙ্গল কনখৎহল্লু। অদোম্না থবক কন্না শুরিবমখৈ, লৈবাক অসি হেন্না চাউখৎকনি।
থৌরম অদুদা মহারাস্ত্রাগী রাজ্যপাল শ্রী রমেস বাইস, মহারাস্ত্রাগী চীফ মিনিস্তর শ্রী একনাথ সিন্দে, মহারাস্ত্রাগী দিপুতি চীফ মিনিস্তরশিং শ্রী দিবেন্দ্র ফদনাবিস অমসুং শ্রী অজিত পৱার অমসুং ইন্দিয়ান ন্যুজপেপর সোসাইতিগী প্রসিদেন্ত শ্রী রাকেস শর্মা শরুক য়াখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज भारत एक ऐसे कालखंड में है जब उसकी अगले 25 वर्षों की यात्रा बहुत अहम है: PM @narendramodi pic.twitter.com/hO3uNbE2o5
— PMO India (@PMOIndia) July 13, 2024
जिस देश के नागरिकों में अपने सामर्थ्य को लेकर आत्मविश्वास आ जाता है...वो सफलता की नई ऊंचाई प्राप्त करने लगते हैं।
— PMO India (@PMOIndia) July 13, 2024
भारत में भी आज यही हो रहा है: PM @narendramodi pic.twitter.com/D6PbpfG2Am
विश्व में भारत की साख बढ़ी है। pic.twitter.com/NDngvPO015
— PMO India (@PMOIndia) July 13, 2024
