ঙসি প্রধান মন্ত্রী শ্রী নরেন্দ্র মোদীনা বরানাসীদা লুপা করোর ১৩,০০ হেনবগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং শঙ্গাখ্রে। য়ুপিসিদা এগ্রো পার্ক, খরখিয়োং, বরানাসীদা শাবদা বনসকান্থা দিস্ত্রিক কোওপরেতিপ মিল্ক প্রদুসরস য়ুনিয়নগী মিল্ক প্রোসেসিং য়ুনিত অমা ওইরিবা বনস কাসি সনকুলদা প্রধান মন্ত্রী চৎখি অমসুং কাউ বেনিফিসরিশিংগা ৱারি শানখি। প্রধান মন্ত্রীনা ইমপ্লোইমেন্ত লেত্তরশিং অমসুং জি.আই-ওথোরাইজ য়ুজর সর্তিফিগেতশিং য়েন্থোকখি। ঙসিগী প্রোজেকশিং অদু লম্বী, রেল, এভিএসন, তুরিজম, লাইরিক-লাইশু, হকশেল, থক্নবা ঈশিং, সহর শেমগৎপা অমসুং সেনিতেসনগুম্বা মরুওইবা হিরমশিংগীনি।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি অমুক হন্না কাসিদা লাকপদা মীয়ামদা তৌবীমল খঙবা উৎচরি। চহি ১০গী মমাঙদগী সহর অসিগী এম.পি অমা ওইনা মীয়াম্না খনখিবনি। হায়রিবা চহি ১০গী মতম অসিদা, বরানসনা মহাক বরানাসী অমা ওইহল্লে। কাসিগী মীয়াম্না শৌগৎপগীদমক থাগৎপা ফোঙদোকচরি। ঙসি লুপা করোর ১৩,০০০ হেনবগী প্রোজেকশিংগা লোয়ননা অনৌবা কাসি অমা শেমগৎনবা খোঙজং চৎথরি।
মহাক্না হায়খি রেল, লম্বী, এয়রপোর্তকা মরী লৈনবা প্রোজেকশিং, শা-ষন লোইবা, উদোগ, শান্নবা, স্কিল হেনগৎহনবা, লু-নানবা, হকশেল, অধ্যাতিক, তুরিজম অমসুং এল.পি.জি য়াওনা হিরম কয়াগী চাউখৎ-থৌরাংগী প্রোজেকশিংনা কাসি খক্তগী চাউখৎ-থৌরাং হেনগৎহনবতা নত্তনা পুর্বানচল লমদম শীনবা থুংনা চাউখৎহনগনি। মসিনা অনৌবা থবকশিং ফংনবা খুদোংচাবশিংশু পীগনি। প্রধান মন্ত্রীনা সান্ত রবিদাস জিগা মরী লৈনবা প্রোজেকশিংশু পনখি অমসুং মীয়ামদা নুংঙাইবা ফোঙদোকখি।
কাসি অমসুং নোংপোক থংবা উত্তর প্রদেসতা পায়খৎলিবা চাউখৎ-থৌরাংগী প্রোজেকশিংগী হরাওবা ফোঙদোক্লদুনা প্রধান মন্ত্রীনা হায়খি হৌখিবা অহিংদা মহাক্না গেস্ত হাওস ফাওবা লাকপা লম্বীদা ফুলৱারিয়া ফ্লাইওভর প্রোজেক্কী কান্নবশিং খঙলে। বি.এল.দব্লিউদগী এয়রপোর্ত ফাওবা চৎপগী খোঙচৎ হেন্না নুংঙাইরে। গুজরাত খোঙচৎ মতুংদা থুংলরবা মতুংদা হৌখিবা অহিংদা খুদক্তা প্রধান মন্ত্রীনা চাউখৎ-থৌরাংগী প্রোজেকশিং য়েংশিনখি। প্রধান মন্ত্রীনা হায়খি সিগ্রা স্পোর্তস স্তদিয়ম ফেজ-১ অমসুং দিস্ত্রিক রাইফল সুতিং রেঞ্জনা লমদম অসিগী নহা ওইরিবা শান্নরোয়শিংদা য়াম্না চাউনা কান্নবা পীরগনি।
প্রধান মন্ত্রীনা হায়খি ঙসি অয়ুক বনস দাইরিদা চৎলুরে অমসুং পাসুপালক নুপীশিংগা ৱারি শানখি। লৌউ-শিংউগী থবক তৌরিবা নুপীশিংদা চহি ২-৩গী মমাঙদা গির গাইগী লৈবাক অসিগী ওইজবা ধারাশিং পীখ্রে। হৌজিক গির গাই মশিং ৩৫০ য়ৌরে। মহৌশাগী ষনবীশিংনা শঙ্গোম লিতর ৫ পুথোকপা অদুগা চাংদম্নবদা মখোয়না শঙ্গোম লিতর ১৫ পুথোকপা ঙম্মী। অসিগুম্বা গির গাই অমনা শঙ্গোম লিতর ২০ পুথোকপা মতমদা নুপীশিং অহেনবা শেন্থোক লৈহন্দুনা মখোয় লাখপতি দিদি ওইহনগনি। মসি লৈবাক অসিদা লৈরিবা সেল্ফ-হেল্প গ্রুপশিংদা থবক তৌরিবা নুপী করোর ১০গী অচৌবা ইথিল অমনি।
চহি ২গী মমাঙদা বনস দাইরি উরেপ-উয়ুং তমখিবা থৌদোক অদু নিংশিংলদুনা প্রধান মন্ত্রীনা হায়খি ঙসি মাঙদা ফম্লিবা মীয়ামগী মমাঙদা থাজবা অদু পীখিবনি। নিয়ম চুম্না শেন থাদদুনা থবক ফংহনবগী অচৌবা খুদম অমা বনস দাইরিনা ওইরি। বনস দাইরিনা বরানাসী, মিরজাপুর, গাজিপুর অমসুং রাইবারেলিদগী নোংমদা শঙ্গোম লিতর লাখ ২ রোম খোমগৎলি। অনৌবা প্লান্ত থবক হৌরকপদগী বাল্লিয়া, চান্দাওলি, প্রায়াগ্রজ অমসুং জাউনপুরগী পাসুপালকশিংশু কান্নবা ফংলে। প্রোজেক অসিগী মখাদা, বরানাসী, জাউনপুর, চান্দাওলি, গাজিপুর অমসুং অজামগর জিলাশিংগী খুঙ্গং ১০০ হেনবদা অনৌবা মিল্ক মন্দিশিং লিংখৎলগনি।
প্রধান মন্ত্রীনা হায়খি বনস কাসি সনকুলনা অনৌবা থবক লিশিং কয়া ফংহনগনি। চাউরাক্নবা খোৎপা অমদা, বনস কাসি সনকুলনা লৌমী লাখ ৩ হেনবগী শেন্থোক হেনগৎহনগনি। য়ুনিত অসিনা অতোপ্পা শঙ্গোমগী পোৎথোকশিং হায়বদি বত্তরমিল্ক, দহি, লাসি, আইজ ক্রিম, পনির অমসুং অথুম-অহাওশিং পুথোক্লি। বরানসকী অথুম-অহাওশিং ভারতকী মফম খুদিংমক্তা য়ৌহনবদা প্লান্ত অসিনা মরুওইবা থৌদাং অমা লৌগনি। শঙ্গোম পুথোক-পুশিন তৌবা অসি থবক ফংনবগী পাম্বৈ অমা ওইরি।
প্রধান মন্ত্রীনা হায়খি দাইরি সেক্তরদা নুপীশিংনা মরুওইবা থৌদাং লৌরি। দাইরিগী লুচিংবশিংনা পাসুপালক ইচলশিংগী একাউন্তশিংদা দিজিতেল ওইনা শেন হকথেংননা হাপচিন্নবা সিস্তেম অমা পায়খৎকদবনি। লায়রবা লৌমীশিং অমসুং লম লৈজদবা শিন্মীশিং মতেং পাংবদা শা-ষন লোইবনা অচৌবা থৌদাং অমা লৌরি।
প্রধান মন্ত্রীনা হায়খি অন্নদাতাদগী উর্জ দাতা অমসুং উরৱারাকদাতা ওইহন্নবা সরকারনা থবক পায়খৎলে। দাইরি প্লান্তশিংনা বাইও সি.এন.জি অমসুং ওর্গনিক হার পুথোকপদা অচৌবা থৌদাং লৌরি। গঙ্গা তুরেল মপান্দা ওর্গনিক ফার্মিংগী থবক হেনগৎলক্লে। গোবর ধন স্কিমগী মখাদা ওর্গনিক হার শীজিন্নবা হেনগৎহল্লে। এন.তি.পি.সিনা সহরগী অমোৎপশিংদগী মৈতাল পুথোক্নবা প্লান্ত লিংখৎলে। ‘কচ্রাদগী কানচন’ ওন্থোকপা কাসিগী ৱাখল্লোন অসি থাগৎলি।
প্রধান মন্ত্রীনা হায়খি লৌমী অমসুং পাসুপালক অসি সরকারনা মরুওইনা লৌরি। হৌখিবা মন্ত্রীমন্দলগী মীফমদা চুগী এফ.আর.পি শেমদোক্তুনা কুইন্তল অমদা লুপা ৩৪০ পীরগনি। নেসনেল লাইভস্তোক মিসন শেমদোক্তুনা পসুধান বিম কর্য়াক্রম হেন্না লাইহল্লে। লৌমীশিংগী এরিয়ারশিং পীথোকপতা নত্তনা মহৈ-মরোশিংগী মমলশু হেনগৎলে।
প্রধান মন্ত্রীনা হায়খি অত্মানির্ভর ভারতনা বিকসিত ভারতকী য়ুম্ফম ওইগনি। হৌজিক পাল্লিবা সরকার অসিগা মমাঙগী সরকারশিংগা ৱাখল খনবগী থৌওংদা খেন্নবা লৈরি। লৈবাক অসিগী অপীকপা খুদোংচাবশিং অমুক হন্না থৌনা হাপ্লবা অমসুং লায়রবা লৌমীশিং, পাসুপালকশিং, খুৎহৈবশিং, অপীকপা অমসুং ময়াই ওইবা উদোগশিংদা মতেং পাংলবা মতমদা অত্মানির্ভর ভারত থবক ওইনা পাংথোকপা ঙমগনি।
প্রধান মন্ত্রীনা হায়খি তেলিবিজন অমসুং পাউ-চেদা শেন থাদবা ঙমদবা অপীকপা য়ুনিতশিংগী ওইনা ভোকেল ফোর লোকেল অসি এদভরতাইজমেন্ত অমনি। লৈবাক অসিগী মশাগী ওইবা পোৎথোক পুথোক্লিবশিংগী মোদী মশামক্না এদভরতাইজ তৌরি। লায়রবা অমসুং অপীকপা উদোগ খুদিংমক্কী মোদীনা এম্বেসেদর ওইরি। মসি খাদি, শান্নপোৎশিং পুথোকপা, মেক ইন ইন্দিয়া নত্ত্রগা দেখো অপ্না দেস য়োকখৎপা ওইবা য়াই।
মহাক্না হায়খি অসিগুম্বা খোঙজং অসিগী কান্নবা কাসি মশামক্তা উবা ফংলে। বিশ্বনাথ ধাম অমুক হন্না শেমগৎপদগী সহর অসিদা লমকোয়বা মীওই করোর ১২ হেন্না লাকখ্রে অমসুং শেন্থোক অমসুং থবক ফংবগী খুদোংচাবশিং হেনগৎলক্লে। বরানাসী অমসুং অযোধ্যাগীদমক ইনলেন্দ ৱাতরৱেজ ওথোরিতি ওফ ইন্দিয়ানা পীবা ইলেক্ত্রিক কেতামরন ভেসেল থবক হৌরে। মসিনা লমকোয়বা লাকপশিংদা অঙকপা নুংঙাইবা অমা ফংহল্লগনি।
প্রধান মন্ত্রীনা হায়খি মমাঙগী মতমদা শাগৈগী রাজনিতি, শেঞ্জা-থুমজা অমসুং পেনহলবগী থবকশিংনা মীরোল কয়াদা খুদোংচাদবশিং থেংনহনখি। মীওই কাংলুপ খরনা কাসিগী নহারোলশিংগী মিংচৎ থিংনবা হোৎনখি। নহারোলশিং ফগৎলকপা অমসুং শাগৈগী রাজনিতিগা য়ানদবা লৈরি। হায়রিবা ফোর্সশিংগী মরক্তা কাসি অমসুং অযোধ্যা য়ানিংদবগী অনৌবা মওংশিং উবা ফংলে।
প্রধান মন্ত্রীনা হায়খি মোদীগী অহুমশুবা তার্মদা মালেমগী মমাঙদা ভারতকী তৌবা ঙম্বশিং উৎকনি অমসুং ভারতকী ইকোনোমি, খুন্নাই, লাল্লোং অমসুং কলচরগী লমদা অনৌবা থাকশিংদা পুখৎকনি। হৌখিবা চহি ১০দা ভারত মালেমদা খ্বাইদগী চাউবা ১১শুবা ইকোনোমি ওইরম্বদগী ৫শুবা খ্বাইদগী চাউবা ইকোনোমি ওইরে। মথং চহি ৫দা ভারত মালেমদা খ্বাইদগী চাউবা ৩শুবা ইকোনোমি ওইরগনি।
প্রধান মন্ত্রীনা হায়খি মথং চহি ৫দা চাউখৎ-থৌরাংগী থবকশিং হায়বদি দিজিতেল ইন্দিয়া, লম্বীশিং পাকথোকপা, রেলৱে স্তেসনশিং মতমগা চুনবা মওংদা শেমগৎপা, বন্দে ভারত, অমৃত ভারত অমসুং নমো ভারত ত্রেন খোঙজেল য়াংখৎহল্লগনি। নোংপোক ভারত অসি বিকসিত ভারতকী গ্রোথ ইঞ্জিন ওইহনবা হায়বসি মোদীগী গরেন্তিনি। লমদম অসি চাউখৎপা থিন্থরি। বরানাসীদগী ঔরাঙ্গবাদ ফাওবগী ৬-লেন হায়ৱেগী অহানবা ফেজ শঙ্গারে। লাক্লিবা চহি ৫দা বরানাসী-রাঞ্চি-কোলকাতা এক্সপ্রেসৱে লোইশিল্লগনি অমসুং মসিনা য়ু.পি, বিহার, ঝারখন্দ অমসুং নোংচুপ বেঙ্গলগী মরক্তা অরাপ্পা হন্থহল্লগনি। তুংদা, বরানস অমসুং কোলকাতাগী মরক্তা চৎথোক-চৎশিনগী মতম তঙ্খাইদা হন্থরগনি।
প্রধান মন্ত্রীনা হায়খি মথং চহি ৫দা বরানাসীগী চাউখৎপদা অনৌবা শক্তমশিং উবা ফংলগনি। কাসি রোপৱে শেমগৎলে অমসুং এয়রপোর্ত কেপাসিতি অঙকপা ফংনা হেনগৎলে। লৈবাক অসিদা কাসি মরুওইবা শান্নবগী সহর অমা ওইরক্লগনি। মেক ইন ইন্দিয়া অমসুং অত্মানির্ভর ভারত অভিয়ান্দা কাসিনা য়াম্না চাউনা মতেং পাংলি। মথং চহি ৫দা কাসি থবক অমসুং স্কিলগী মফম অমা ওইরগনি। হায়রিবা মতম অসিগী মনুংদা নেসনেল ইন্সতিতুৎ ওফ ফেসন তেক্নোলোজিগী কেম্পস লোইশিল্লক্তুনা লমদম অসিগী নহারোলশিং অমসুং ফিশাবশিংদা অনৌবা খুদোংচাবা কয়া পীরগনি। হৌখিবা চহি ১০দা, হকশেল অমসুং লাইরিক-লাইশুগী মফম অমা ওইনা ঐখোয়না কাসিগী অনৌবা শক্তম অমা উৎলে।
প্রধান মন্ত্রীনা হায়খি কাসিদা অনৌবা মেদিকেল কলেজ অমা হাংদোক্লগনি। বি.ঐচ.য়ুদা নেসনেল সেন্তর ফোর এজিং হাংদোকপগা লোয়ননা, ঙসি লুপা করোর ৩৫ রোমগী দাইগ্নোস্তিক মেছিনশিং অমসুং খুৎলায়শিং শঙ্গাখ্রে। হোস্পিতালগী বাইও-হাজার্দ অমোৎপশিং লোইশিন্নবা ফেসিলিতি অমসু শেমগৎলে।
লোইশিল্লকপদা, প্রধান মন্ত্রীনা হায়খি কাসি অমসুং য়ু.পি য়াংনা চাউখৎপা মখা চৎথগনি অমসুং কাসিগী মীওই খুদিংমক অমতা ওইগদবনি। করিগুম্বা লৈবাক অসিনা অমসুং মালেম্না মোদীগী গরেন্তিদা অশুক্কী মতিক থাজরবদি, মসি অদোমগী মীনুংশি অমসুং বাবাগী থৌজালদগীনি।
থৌরম অদুদা শরুক য়াখিবশিংগী মনুংদা উত্তর প্রদেসকী চীফ মিনিস্তর শ্রী য়োগী অদিত্যনাথ, উত্তর প্রদেসকী দিপুতি চীফ মিনিস্তর শ্রী ব্রিজেস পাথক, য়ুনিয়ন মিনিস্তর শ্রী মহেন্দ্র নাথ পান্দে অমসুং বনস দাইরিগী চিয়ারমেন শ্রী সঙ্করভাই চৌধুরি য়াওখি।
নুঙগীৱারোল
বরানাসীগী লম্বী-থোংগী ফিবম মখা তানা ফগৎহন্নবা প্রধান মন্ত্রীনা শঙ্গাখিবা অমসুং উরেপ-উয়ুং তমখিবা তোঙান-তোঙানবা প্রোজেকশিংগী মনুংদা এন.ঐচ-২৩৩গী ঘরগ্রা-ব্রিজ-বরানাসী সেক্সন লেন মরি ওইহনবা; এন.ঐচ-৫৬গী সুলতানপুর-বরানাসী সেক্সন লেন মরি ওইহনবা; এন.ঐচ-৩৫তা পেকেজ-১ বরানাসী-হনুমানা সেক্সন লেন মরি ওইহনবা অমসুং ভারতপুর ময়াদা বরানাসী-জাউনপুর রেল সেক্সনদা আর.ও.বি য়াওরি। মহাক্না বরানাসী-রাঞ্চি-কোলকাতা এক্সপ্রেসৱে পেকেজ-১গী উরেপ-উয়ুংশু তমখি।
লমদম অসিদা উদোগ চাউখৎপা হেনগৎহন্নবা প্রধান মন্ত্রীনা সেৱারিদা এল.পি.জি বোত্তলিং প্লান্ত; য়ুপিসিদা এগ্রো পার্ক.ৱ, কারখিয়াওন্দা বনাস কাসি সনকুল মিল্ক প্রোসেসিং য়ুনিত; য়ুপিসিদা এগ্রো পার্ক.ৱ, কারখিয়াওন্দা তোঙান-তোঙানবা ইনফ্রাস্ত্রকচরগী থবক অমসুং ফিশাবীশিংগী সিল্ক ফেব্রিক প্রিন্তিং কম্মন ফেসিলিতি সেন্তর শঙ্গাখি।
প্রধান মন্ত্রীনা বরানাসীদা শঙ্গাখিবা তোঙান-তোঙানবা চাউখৎ-থৌরাংগী প্রোজেকশিংগী মনুংদা রমানাদা এন.তি.পি.সিনা সহরগী অমোৎ-অকায়দগী মৈতাল পুথোক্নবা প্লান্ত; বরুনা এরিয়াদা ঈশিং পীনবা থবক ফগৎহনবা অমসুং এস.তি.পিশিং অমসুং সিৱেরেজ পম্পিং স্তেসনশিংগী ওনলাইন ইফ্লুয়েন্ত মোনিতরিং অমসুং স্কাদা ওতোমেসন য়াওখি। পুখ্রিশিং অমসুং পার্কশিং অমুক হন্না শেমগৎপা অমসুং ৩-দি অর্বান দিজিতেল মেপ অমসুং দেতাবেজগী দিজাইন অমসুং দিবলপমেন্ত য়াওনা বরানাসী ফজহন্নবা তোঙান-তোঙানবা প্রোজেকশিং প্রধান মন্ত্রীনা উরেপ-উয়ুং তমখি।
প্রধান মন্ত্রীনা বরানাসীদা তুরিজম অমসুং স্পিরিচুএল তুরিজমগা মরী লৈনবা তোঙান-তোঙানবা প্রোজেকশিংশু শঙ্গাখি। প্রোজেকশিংগী মনুংদা পঞ্চকোসি পরিক্রমা মার্গতা পান্দব মঙাদা মীয়ামগী খুদোংচাবশিং অমুক হন্না শেমগৎপা অমসুং পাবন পথগা লোয়ননা স্পিরিচুএল যাত্রা ১০; বরানাসী অমসুং অযোধ্যাগীদমক ইনলেন্দ ৱাতরৱেজ ওথোরিতি ওফ ইন্দিয়ানা পীবা ইলেক্ত্রিক কেতামারন ভেসেল হৌদোকপা অমসুং চেঞ্জ রুম ফ্লোতিং জেতি ৭ অমসুং কম্মুনিতি জেতি ৪ য়াওখি। গ্রিন ইনর্জি শীজিন্নদুনা ইলেক্ত্রিক কেতামারন্না গঙ্গাদা তুরিজমগী খুদোংচাবা হেনগৎহনগনি। প্রধান মন্ত্রীনা তোঙান-তোঙানবা সহরশিংদা ইনলেন্দ ৱাতরৱেজ ওথোরিতি ওফ ইন্দিয়াগী কম্মুনিতি জেতি ১৩ অমসুং বাল্লিয়াদা কুইক পোনতুন ওপনিং মেকানিজমগী উরেপ-উয়ুং তমখি।
বরানাসকী মমিং চৎলবা তেক্সতাইল সেক্তর ইনোৎ পীনবা, প্রধান মন্ত্রীনা বরানাসীদা নেসনেল ইন্সতিতুৎ ওফ ফেসন তেক্নোলোজি(নিফ)কী উরেপ-উয়ুং তমখি। অনৌবা মহৈলোয়শঙ অসিনা তেক্সতাইল সেক্তরদা মহৈ-মশিং তম্বা অমসুং ত্রেনিংগী ইনফ্রাস্ত্রকচর মপাঙ্গল কনখৎহনগনি।
বরানাসীগী হকশেলগী মচাক-মথুমশিং ফগৎহন্নবা, প্রধান মন্ত্রীনা বরানাসীদা অনৌবা মেদিকেল কলেজ অমা শানবা উরেপ-উয়ুং তমখি। মহাক্না বি.ঐচ.য়ুদা নেসনেল সেন্তর ফোর এজিংগী উরেপ-উয়ুংশু তমখি। সহর অসিদা শান্নবগী ইনফ্রাস্ত্রকচর মপাঙ্গল কনখৎহন্নবা মাইকৈদা থাংজিনবা খোঙথাং অমদা, প্রধান মন্ত্রীনা সিগ্রা স্পোর্তস স্তদিয়ম ফেজ-১ অমসুং দিস্ত্রিক রাইফল সুতিং রেঞ্জ শঙ্গাখি।
बनास डेरी प्लांट किसानों-पशुपालकों को बेहतर पशुओं की नस्ल और बेहतर चारे को लेकर भी जागरूक करेगा, प्रशिक्षित करेगा। pic.twitter.com/ZO7oPibnP2
— PMO India (@PMOIndia) February 23, 2024
पशुपालन तो एक ऐसा सेक्टर है, जिसमें सबसे अधिक हमारी बहनें जुड़ी हैं।
— PMO India (@PMOIndia) February 23, 2024
ये बहनों को आत्मनिर्भर बनाने का बहुत बड़ा माध्यम है। pic.twitter.com/jYrSJmMEHr
हमारी सरकार, अन्नदाता को ऊर्जादाता बनाने के साथ ही अब ऊर्वरकदाता बनाने पर भी काम कर रही है: PM @narendramodi pic.twitter.com/iuos0OIWiF
— PMO India (@PMOIndia) February 23, 2024
विकसित भारत का निर्माण, आत्मनिर्भर भारत के बल पर होगा। pic.twitter.com/4LBcTGpe23
— PMO India (@PMOIndia) February 23, 2024
Vocal for local. pic.twitter.com/7f3aURQnkC
— PMO India (@PMOIndia) February 23, 2024
यही तो नया भारत है... pic.twitter.com/al5ZAKfvF8
— PMO India (@PMOIndia) February 23, 2024
