শঙ্গাখিবা প্রোজেকশিংগী মনুংদা লম্বী, রেল, হকশেল, ইন্তরনেত কন্নেক্তিবিতি, লম্বী-থোং, তুরিজম, লাইরিক-লাইশু অমসুং রিছার্স সেক্তরশিং য়াওরি
ভারত নেত ফেজ-২ গুজরাত ফাইবর গ্রিদ নেতৱার্ক লিমিতেদ মীয়ামদা কৎথোকখ্রেরেল, লম্বী অমসুং ঈশিং পীনবা তোঙান-তোঙানবা প্রোজেকশিং মীয়ামদা কৎথোকখ্রেগান্ধীনগরদা গুজরাত বাইওতেক্নোলোজি য়ুনিভর্সিতিগী মরুওইবা একাদেমিক বিল্দিং মীয়ামদা কৎথোকখ্রেঅনন্দ জিলাদা অনৌবা দিস্ত্রিক হোস্পিতাল অমসুং অয়ুর্বেদা হোস্পিতাল শানবা অমসুং অম্বাজিদা রিনছাদিয়া মহাদেব লাইশঙ অমসুং অম্বাজিদা পাৎ শেমগৎনবা উরেপ-উয়ুং তমখ্রেগান্ধীনগর, অহমেদবাদ, বনাসকান্থা অমসুং মহেসনাদা তোঙান-তোঙানবা লম্বীগী প্রোজেকশিং অমসুং ঈশিং পীনবা প্রোজেকশিং ফগৎহন্নবা; দিসাদা এয়র ফোর্স স্তেসনগী রনৱেগী উরেপ-উয়ুং তমখ্রেঅহমেদবাদতা হুমেন এন্দ বাইওলোজিকেল সাইন্স গেল্লরি, গীফ সিতিদা গুজরাত বাইওতেক্নোলোজি রিছার্স সেন্তর(জি বি আর সি)গী অনৌবা বিল্দিংগী উরেপ-উয়ুং তমখ্রে“মহেসনাদা লাকপা অসি মতম পুম্নমক্ত নুংঙাই”“হৌজিক অসি ঈশ্বরগী থবক(দেব কাজ) নত্ত্রগা লৈবাক্কী থবক(দেস কাজ) অনিমক য়াংনা পায়খৎলিবা মতমনি”প্রোজেকশিংগী মনুংদা লম্বী, রেল, হকশেল, ইন্তরনেত কন্নেক্তিবিতি, লম্বী-থোং, তুরিজম, লাইরিক-লাইশু অমসুং রিছার্স সেক্তরশিং য়াওরি।রেল,লম্বী, হিথাংফম, ত্রান্সপোর্ত, ঈশিং, সেকুরিতি, সহর শেমগৎপা অমসুং তুরিজমগী প্রোজেকশিং অসিনা হিংবদা লাইবা হেনগৎহনগনি অমসুং লমদম অসিগী নহারোলশিংদা অনৌবা থবক কয়া ফংহনগনি।মখোয়গী থবকশিংদগী ঙসি মাইপাক্না বলিনাথ মহাদেব হিঙ্গলাজ মাত জি অমসুং ভাগবান দাত্তত্রেয়া শঙ্গাবা ঙমখিবনি অমসুং থৌরম অসিদা মখোয় থাগৎপা ফোঙদোকচরি।ঙসি প্রধান মন্ত্রী শ্রী নরেন্দ্র মোদীনা গুজরাতকী তারাভ, মহেসনাদা লুপা করোর ১৩,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেকশিংগী মনুংদা লম্বী, রেল, হকশেল, ইন্তরনেত কন্নেক্তিবিতি, লম্বী-থোং, তুরিজম, লাইরিক-লাইশু অমসুং রিছার্স সেক্তরশিং য়াওরি।
মীয়ামদা ৱা ঙাংবদা প্রধান মন্ত্রীনা হায়খি থা অমগী মমাং জনুৱারি ২২দা ঐখোয়না অযোধ্যাদা রাম লালাগী প্রান প্রাস্থিথা পাংথোক্নবা খুদোংচাবা অমা ফংখি। ফেব্রুৱারি ১৪ বসন্তপঞ্চমী থৌরমদা অবু ধাবীদা মহাক্না গল্ফ লৈবাকশিংদা অহানবা হিন্দু লাইশঙ শঙ্গাখি। উত্তর প্রদেসকী সম্বালদা মহাক্না কালকি ধাম শানবা উরেপ-উয়ুং তমখি। ঙসি তরাভতা বালিনাথ মহেদেব লাইশঙদা পুজা অমসুং দর্শন পাংথোকখি।
ভারত অমসুং মালেমগী ওইনা, ভলিনাথ সিব ধাম অসি লাইফম অমনি অমসুং রেৱারি সোসাইতি অমসুং লৈবাক শীনবা থুংবগী ভক্তশিংগী শেংলবা মফম অমনি।
প্রধান মন্ত্রীনা হায়খি ভারতকী চাউখৎপগী খোঙচত্তা হৌজিক অসি য়াম্না মরুওইবা মতমনি। হৌজিক অসি ঈশ্বরগী থবক(দেব কাজ) নত্ত্রগা লৈবাক্কী থবক(দেস কাজ) অনিমক য়াংনা পায়খৎলিবা মতমনি। শেংলবা থৌরম অসিদা লুপা করোর ১৩,০০ রোমগী চাউখৎ-থৌরাংগী থবকশিং মীয়ামদা কৎথোক্লে নত্ত্রগা উরেপ-উয়ুং তম্লে। রেল,লম্বী, হিথাংফম, ত্রান্সপোর্ত, ঈশিং, সেকুরিতি, সহর শেমগৎপা অমসুং তুরিজমগী প্রোজেকশিং অসিনা হিংবদা লাইবা হেনগৎহনগনি অমসুং লমদম অসিগী নহারোলশিংদা অনৌবা থবক কয়া ফংহনগনি।
শেংলবা মহেসনাগী লমদমদা ঈশ্বরগী শক্তি অমা লৈরিবা অসিগী মতাংদা প্রধান মন্ত্রীনা হায়খি ভাগবান কৃষ্ণ অমসুং ভাগবান মহাদেবগা লোয়ননা চহি লিশিং কয়া শুরবা অধ্যাতিক্কী লৌশিংগা লমদম অসিগী মীয়ামগা শম্নরি। শক্তি অসিনা মীয়ামগা গাদিপতি মহান্ত বিরাম-গিরি বাপু জিগী খোঙচৎকা শম্নহল্লে অমসুং মহাক্কী মফমদা ইকায়খুম্নবা উৎচরি। গাদিপতি মহান্ত বালদেবগিরি বাপুগী পান্দমশিং থবক ওইনা পাংথোকপগীদমক মহাক্না মহান্ত শ্রী জয়রামগিরি বাপুগী মফমদা কোক নোনখি।
মহাক্না চহি ৪০ হেন্না বালদেবগিরি বাপু জিগা মরী লৈনরকপা অদু পল্লদুনা, প্রধান মন্ত্রীনা হায়খি অধ্যাতিক্কী মঙাল ফংনবা মহাক্না গুজরাতকী চীফ মিনিস্তর ওইরিঙৈদা মহাক্কী য়ুমদা বাপু জি কয়ারক হন্না তরাম্না ওকখি। মহাক ২০২১দা লৈখিদ্রে অমসুং মহাক্কী পান্দমশিং থবক ওইনা পাংথোক্লবা মতুংদা ঙসি লৈখিদ্রবগী থৱায়না মীওই খুদিংমক বর পীগনি। ২১শুবা চহিচাগী চিংলেম্বা অমসুং ঈশ্বরগী মশক ওইরবা অরিবা চৎনবীশিংগা লোয়ননা চহি চা কয়া কুইরবা লাইশঙ শাবা লোইশিনখ্রে। মসি ক্রাফমেন অমসুং শিন্মী চা কয়াগী থবকশিংনা পাংথোকপা ঙমখিবনি। মখোয়গী থবকশিংদগী ঙসি মাইপাক্না বলিনাথ মহাদেব হিঙ্গলাজ মাত জি অমসুং ভাগবান দাত্তত্রেয়া শঙ্গাবা ঙমখিবনি অমসুং থৌরম অসিদা মখোয় থাগৎপা ফোঙদোকচরি।
প্রধান মন্ত্রীনা হায়খি লাইশঙশিং অসি লাই খুরুমফম অমদগী হেল্লবনি অমসুং মখোয় চহি চা কয়া শুরবা ঐখোয়গী সভেত্যগী খুদমশিং ওইরি। খুন্নাইদা লৌশিং শন্দোকপদা লৌশিংনা মরুওইবা থৌদাং লৌরি। লৌশিং শন্দোকপগী চৎনবী চাউখৎহন্নবা লমদম অমগী ধর্মগী অখাদাসশিংনা মরুওইবা থৌদাং লৌরি। পুস্তক পরাব শীনবা অমসুং স্কুল অমসুং হোস্তেল শাবা অসিনা মীয়াম মরক্তা ৱাখল তাবা হেনগৎহল্লে। দেব কাজ অমসুং দেস কাজদগী হেন্না ফবা খুদম অমা লৈতে। অসিগুম্বা অফবা চৎনবীশিং য়োকখৎপগীদমক রবারি সমাজ থাগৎপা ফোঙদোকচরি।
প্রধান মন্ত্রীনা হায়খি বলিনাথ ধামদা সবকা সাথ সবকা বিকাসগী ৱাখল্লোন য়াওরে অমসুং মসিগী ৱাখল্লোন অসিগী চৎমিন্নদুনা কাংলুপ খুদিংমক হেন্না নুংঙাইনবা সরকারনা থবক পায়খৎলে। খুন্নাইগী খ্বাইদগী নেম্বা থাক্ত হিংলবা মীওইগী পুন্সি অওনবা পুরকপা হায়বসি মোদীগী গরেন্তিগী পান্দম্নি। অনৌবা লাইশঙশিং শাবগা লোয়ননা লায়রবশিংগী পাক্কাগী য়ুম করোর কয়া শারে, হন্দক য়ুম লাখ ১.২৫ মীয়ামদা কৎথোকখ্রে অমসুং উরেপ-উয়ুং তমখ্রে। ‘ভগবান কা প্রসাদ’ ওইনা মীওই করোর ৮০দা লেম্না চেঙ য়েন্থোকখ্রে অমসুং ‘অমৃত’ ওইনা অনৌবা ইমুং করোর ১০দা তোতি ঈশিং ফংহনখ্রে।
প্রধান মন্ত্রীনা হায়খি হৌখিবা চহি ২০দা ইনফ্রাস্ত্রকচর শেমগৎপগী মথক্তা গুজরাত্তা হেরিতেচ সাইতশিং শেমগৎনবা সরকারনা থবক পায়খৎলে। চহি কয়া ভারত্তা চাউখৎ-থৌরাং অমসুং হেরিতেচকী মরক্তা মুক্নবা অমা লৈরকখি, শেংলবা সোমনাথ লাইশঙ অসি য়েৎনবা মফম অমা ওইরে, পবাগাধকী মফম মীরাইরে, মোধেরাগী নুমিৎকী লাইশঙদা ভোৎ বেঙ্কগী রাজনিতি তৌদুনা লৈরে, প্রভু রাম লৈ নত্ত্রগা লৈতে হায়না ৱাহং হংদুনা লৈরে অমসুং মহাক্কী লাইশঙ শাবদা অপনবা পীদুনা লৈরে। রাম লালাগী পোক্নফমদা লাইশঙ শাবদা লৈবাক শীনবা থুংবা হরাওবা ফোঙদোক্লবশু হায়রিবা মীওইশিং অসিনা হৌজিক ফাওবা ওইদবা শন্দোক্তুনা লৈরি।
প্রধান মন্ত্রীনা হায়খি ঙসি, অনৌবা ভারত্তা পায়খৎলিবা থবক খুদিংমক্না তুংগী মীরোলশিংগী পুক্কৈ অমা শেমগৎলি। ঙসি শেমগৎলিবা অনৌবা লম্বীশিং অমসুং রেলৱে ত্রেকশিং চাউখৎলবা ভারত অমগী লম্বীশিংনি। ঙসি মহেসনাদা রেল কন্নেক্তিবিতগী খুদোংচাবা হেনগৎহল্লে। রেল লাইন দবল ওইহনবা অসিনা বনাসকান্থা অমসুং পাতানগা কান্দলা, তুনা অমসুং মুন্দ্রা হিথাংফমশিংগা শম্নবা ফিবম ফগৎহল্লগনি।
দিসা এয়র ফোস স্তেসনগী রনৱে শেমগৎনবা চহি ১.৫গী মমাঙদা মহাক্না উরেপ-উয়ুং তমখি। মোদীনা ৱাশকখিবশিং, মহাক্না মদু থবক ওইনা পাংথোকই, দিসাগী রেনৱে অসি মসিগী খুদম অমনি। মসি মোদীগী গরেন্তিনি হায়না শ্রী মোদীনা ফোঙদোকখি।
চহি ২০-২৫গী মমাঙদা অৱাং গুজরাত্তা উদোগ চাউখৎহনবা য়াওনা খুদোংচাবা কয়া য়াম্না তাংনা ফংলিঙৈ মতম অদু নিংশিংলদুনা, প্রধান মন্ত্রীনা হায়খি মতম অদুদা শা-ষন লোইরিবা লৌমীশিং অমসুং লৌমীশিংগী লৌবুক্তা ঈশিং ফংবদগী অৱাবা মায়োক্নখি। হৌজিক পাল্লিবা সরকার অসিনা অফবা অহোংবা কয়া পুরক্লে। লৌমীশিংনা চহি অমদা মহৈ-মরোং ২-৩ রক থারে অমসুং লমদম অসি শীনবা থুংনা ঈশিং ফংবা হেনগৎহল্লে। ঈশিং ফংহন্নবা লুপা করোর ১৫০০ হেনবগী প্রোজেক ৮ ঙসি শঙ্গারিবা অমসুং উরেপ-উয়ুং তম্লিবা অসিনা মখা তানা অৱাং গুজরাত্তা ঈশিংগী অৱাবশিং কোকহনবা ঙম্লগনি। দ্রিপ ইরিগেসন অমসুং ওর্গনিক লৌউ মখল পায়খৎপগীদমক অৱাং গুজরাতকী লৌমীশিং থাগৎচরি। অদোমগী থবকশিংনা লৈবাক শীনবা থুংবগী লৌমীশিং ইথিল পীগনি।
লোইশিল্লকপদা, প্রধান মন্ত্রীনা হায়খি লৈবাক অসি চাউখৎহন্নবা অমসুং হেরিতেচ ঙাক-শেন্নবা সরকারনা মীৎয়েং চঙলি। ঙসিগী চাউখৎ-থৌরাংগী প্রোজেকশিং অসিগীদমক মহাক মীয়ামদা মহাক্কী য়াইফ-পাউজেল পীখি।
থৌরম অদুদা শরুক য়াখিবশিংগী মনুংদা গুজরাতকী চীফ মিনিস্তর শ্রী ভুপেন্দ্র পতেল অমসুং তোঙান-তোঙানবা এম.পিশিং, এম.এল.এশিং অমসুং গুজরাত সরকারগী মীহুৎশিং য়াওখি।
নুঙগীৱারোল
প্রধান মন্ত্রীনা মীয়ামদা কৎথোকখিবা মরুওইবা প্রোজকশিংগী মনুংদা গ্রাম পঞ্চয়াত ৮০০০ হেনবদা অয়াংবা ইন্তরনেত পীগদবা ভারত নেত ফেজ-২ গুজরাত ফাইবর গ্রিদ নেতৱার্ক লিমিতেদ; প্রোজেকশিং; মেহসনা অমসুং বনাসকান্থা জিলাশিংদা রেল লাইন দবল ওইহনবা, গেজ ওনখৎপা অমসুং অনৌবা ব্রোদ-গেজ লাইনগী তোঙান-তোঙানবা প্রোজেকশিং; খেরা, গান্ধীনগর, অহমেদবাদ অমসুং মহেসনাদা তোঙান-তোঙানবা লম্বীগী প্রোজেকশিং; গান্ধীনগরদা গুজরাত বাইওতেক্নোলোজি য়ুনিভর্সিতিগী মেন একাদেমিক বিল্দিং; বনাসকান্থা ঈশিং পীনবা তোঙান-তোঙানবা প্রোজেকশিং য়াওরি।
থৌরম মনুংদা, অনন্দ জিলাদা অনৌবা দিস্ত্রিক হোস্পিতাল অমসুং অয়ুর্বেদা হোস্পিতাল; বনাসকান্থীদা রিনছাদিয়া মহাদেব লাইশঙ শেমগৎপা অমসুং অম্বাজিদা পাৎ শেমগৎপা; গান্ধীনগর, অহমেদবাদ, বনাসকান্থা অমসুং মহেসনাদা তোঙান-তোঙানবা লম্বীগী প্রোজেকশিং; দিসাদা এয়র ফোর্স স্তেসনগী রনৱে; অহমেদবাদতা হুমেন এন্দ বাইওলোজিকেল গেল্লরি; গিফ সিতিদা গুজরাত বাইওতেক্নোলোজি রিছার্স সেন্তর(জি বি আর সি)গী অনৌবা বিল্দিং; গান্ধীনগর, অহমেদবাদ অমসুং বনাসকান্থাদা ঈশিং পীবগী থবক ফগৎহন্নবা তোঙান-তোঙানবা প্রোজেকশিং য়াওনা তোঙান-তোঙানবা মরুওইবা প্রোজেকশিং প্রধান মন্ত্রীনা উরেপ-উয়ুং তমখি।
ये एक ऐसा समय है, जब देवकाज हो या फिर देश काज, दोनों तेज़ गति से हो रहे हैं: PM @narendramodi pic.twitter.com/2uE2pHY96s
— PMO India (@PMOIndia) February 22, 2024
एक तरफ देश में देवालय भी बन रहे हैं और करोड़ों गरीबों के पक्के घर भी बन रहे हैं। pic.twitter.com/rv35W0rd22
— PMO India (@PMOIndia) February 22, 2024
आज नए भारत में हो रहा हर प्रयास, भावी पीढ़ी के लिए विरासत बनाने का काम कर रहा है। pic.twitter.com/iLQFqRlScp
— PMO India (@PMOIndia) February 22, 2024
