বিকসিত ভারতকী খোঙচৎ অসি মমাঙদা অমুক্ত ওইখিদ্রিবা অওনবা অমা পুরকপা অমসুং মোবিলিতি সেক্তর য়াংনা চাউখৎলকপা ওইগদবনি: প্রধান মন্ত্রী
চৎথোক-চৎশিন নুংঙাইহনবা হায়বসি ঙসিগী ভারতনা মরুওইনা লৌরিবা থবক অমনি: প্রধান মন্ত্রী
মেক ইন ইন্দিয়াগী থবকশিংগী মপাঙ্গল অসিনা লৈবাক অসিগী ওতো ইন্দস্ত্রি চাউখৎনবা ইনোৎ পীরে: প্রধান মন্ত্রী
ভারতকী মোবিলিতিগী পাম্বৈগী সি তরেৎ- কম্মন, কন্নেক্তেদ, কনভিনিয়েন্ত, কঞ্জেসসন-ফ্রি, চার্জ, ক্লিন, কত্তিং-এজনি: প্রধান মন্ত্রী
ঙসি, ভারতনা গ্রিন তেক্নোলোজি, ই.ভিশিং, হায়দ্রোজেন ফ্যুএল অমসুং বাইওফ্যুএলশিং চাউখৎনবা মীৎয়েং চঙলে: প্রধান মন্ত্রী
ভারত অসি মোবিলিত সেক্তরদা মখোয়গী তুংগী ফিবম শেম্নবা থিরিবা ইনভেস্তর খুদিংমক্কী মরুওইবা মফম অমনি: প্রধান মন্ত্রী
ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী ভারত মান্দপমদা ভারতকী খ্বাইদগী চাউবা মোবিলিতি এক্সপো, ভারত মোবিলিতি গ্লোবেল এক্সপো ২০২৫ হৌদোকখ্রে। থৌরম অদুদা তিনখিবা মীয়ামদা ৱা ঙাংবদা, থংন থংননা অহুমলকশুবা ওইনা মখোয়গী সরকার খল্লকপগীদমক মহাক মীয়াম থাগৎপা ফোঙদোকখি। মহাক্না হায়খি হৌখিবা চহিগী একজিবিতর ৮০০ অমসুং ভিজিতর লাখ ২.৫ গা চাংদম্নবদা, নেসনেল কেপিতেল রিজনগী অতোপ্পা মফম অনিদা এক্সপো পাংথোক্তুনা চহি অসিগী এক্সপো অসি হেন্না পাকথোক-চাউথোক্লে। মথংগী নুমিৎ ৫ দা, থৌরম অসিদা দেলিগেদ কয়া শরুক য়াদুনা অনৌবা গারি কয়া হৌদোক্লগনি। সোশিং অসিগা ভারত্ত মোবিলিতিগী তুংগী খুদোংচাবশিংগা মরী লৈনৈ। মহাক্না মফম অসিদা পাংথোক্লিবা একজিবিসন য়েংলে। ভারত্ত ওতোমেতিপ ইন্দস্ত্রি অসি অঙকপনি অমসুং তুংগীদমক থৌরাং তৌরে।
ভারতকী ওতো সেক্তরগী অচৌবা থৌরম অসিদা প্রধান মন্ত্রী শ্রী নরেন্দ্র মোদীনা শ্রী রতন তাতা অমসুং ওসামু সুজুকি নিংশিংখি। প্রধান মন্ত্রী শ্রী নরেন্দ্র মোদীনা হায়খি ভারতকী ওতো সেক্তর চাউখৎনবা অমসুং ভারতকী মিদল ক্লাস ইমুং কয়াগী মঙলানশিং মঙফাওনহনবদা শক্নাইরবা মীওই অনি অসিনা অচৌবা থৌদাং লৌখি। মখোয়না পাংথোক্লম্বা থবকশিং অসিনা মখা তানা ভারতকী মোবিলিতি সেক্তর ইথিল পীগনি হায়বগী থাজবা লৈরি।
প্রধান মন্ত্রী শ্রী নরেন্দ্র মোদীনা মীয়ামগী অনিংবশিং অমসুং নহারোলশিংগী শক্তিনা লমজিংদুনা, ভারতকী ওতোমোবাইল সেক্তর অসি মমাঙদা অমুক্ত ওইখিদ্রিবা অওনবশিং উবা ফংলে। হৌখিবা চহিদা ভারতকী ওতো ইন্দস্ত্রি চাদা ১২ রোম গ্রোথ লৈখি। “মেক ইন ইন্দিয়া অমসুং মেক ফোর ৱার্ল্দ” গী লাইৱানা মপান্দা থাদোকপা হেনগৎখি। ভারতনা চহি অমদা য়োল্লিবা কার মশিং অসি লৈবাক কয়াগী অপুনবা মীশিংদগী হেল্লে। চহি অমদা কার করোর ২.৫ রোম য়োনবা অসিনা ভারত্ত মখা তানা কার পাম্নবা হেনগৎলক্লিবা অদু উৎলে। মসিগী হেনগৎলক্লিবা অসিনা তুংদা মোবিলিতি সেক্তরদা করিগীদমক ভারতনা অচৌবা থাজবশিং থম্লিবনো হায়বা উৎলে।
প্রধান মন্ত্রী শ্রী নরেন্দ্র মোদীনা হায়খি হৌজিক ভারত মালেমদা ৫শুবা খ্বাইদগী চাউবা ইকোনোমি অমসুং মী তোংনবা গারিগী অহুমশুবা খ্বাইদগী চাউবা কৈথেল ওইরে। মালেমগী মকোক থোংবা ইকোনোমি অহুমগী মনুংদা য়াওনবা ভারত চাউখৎলক্লি অমসুং লৈবাক অসিগী গারিগী কৈথেল অসি মমাঙদা অমুক্ত ওইখিদ্রিবা মওংদা অওনবা পুরক্লে অমসুং পাকথোক-চাউথোক্লে। লৈবাক অসিগী মশিং য়াম্লবা নহারোলশিং, মিদল ক্লাস মশিং হেনগৎলকপা, য়াংনা সহর শেমগৎলকপা, অনৌবা ইনফ্রাস্ত্রকচর শেমগৎলকপা অমসুং মেক ইন ইন্দিয়াগী মখাদা গারিশিংগী মমল হোংদোরকপা অসিনা তুংদা ভারতকী মোবিলিতি সেক্তর চাউখৎলক্নবগী মরমশিংনি। হায়রিবা মরমশিং অসিনা অপুনবা ওইনা ভারত্ত ওতো সেক্তর চাউখৎলকপনি।
প্রধান মন্ত্রী শ্রী নরেন্দ্র মোদীনা হায়খি দরকার ওইবা অমসুং অপাম্বশিং অনিমক ফংহনবা অসি ওতো ইন্দস্ত্রি চাউখৎনবগীদমক য়াম্না মরুওই। ভারতনা অনিমক অসি লৈরি অমসুং ভারতনা চহি কয়া মালেমদা খ্বাইদগী নহা ওইবা লৈবাক ওইদুনা লৈগনি অমসুং নহারোলশিংনা খ্বাইদগী মশিং য়াম্বা পোৎ লৈবা মীওইশিং ওইগনি। লৈবাক অসিগী মশিং য়াম্লবা নহারোলশিং অসিনা পোৎ-চৈ কয়া দরকার ওইরক্কনি। অতোপ্পা মরুওইবা পোৎ-চৈ লৈগদবা কাংলুপ অমনা ভারতকী মিদল ক্লাস অসিনি অমসুং হৌখিবা চহি ১০ দা, ভারতমচা করোর ২৫ হেন্না লায়রবা কোক্লে, মখোয়গী অহানবা গারিশিং লৈবা ঙম্বা নিও-মিদল ক্লাস অমা শেম্লে। মখা তানা চাউখৎলকপগা লোয়ননা, কাংবু অসিনা মখোয়গী গারিশিং অনৌবা তোংলক্কনি, ওতো সেক্তরনা কান্নবা ফংগনি।
প্রধান মন্ত্রী শ্রী নরেন্দ্র মোদীনা হায়খি অফবা অমসুং অপাকপা লম্বীশিং লৈতবা অসিনা মতম অমদা ভারত্ত কারশিং লৈদবগী মরম অমা ওইখি। হৌজিক ফিবম অসি হোংলে অমসুং চৎথোক-চৎশিন নুংঙাইহনবা হায়বসি ঙসিগী ভারতনা মরুওইনা লৌরিবা থবক অমনি। হৌখিবা চহিগী বজেত্ত ইনফ্রাস্ত্রকচর শেমগৎনবা লুপা করোর লাখ ১১ হেন্না কাইথোকখ্রে। ভারত শীনবা থুংনা লেন কয়াগী হায়ৱেশিং অমসুং এক্সপ্রেসৱেশিং শেমগৎলে। পি.এম গাতিশক্তি নেসনেল মাস্তর প্লান্না মখল কয়াগী লম্বী-থোং শেমগৎপা য়াংখৎহল্লে অমসুং পোৎ-চৈ পুথোক-পুশিন্দা চঙবা শেনফম হন্থহল্লে। নেসনেল লোজিস্তিক্স পোলিসনা ভারত অসি মালেমদা মমল খ্বাইদগী হোংনা পোৎ-চৈ পুথোক-পুশিন তৌবা লৈবাক অমা ওইহনগনি। হায়রিবা থবকশিং অসিনা ওতো ইন্দস্ত্রিগী অনৌবা খুদোংচাবা কয়া পীরে অমসুং মসিনা লৈবাক অসিদা গারিশিং পাম্নবা হেনগৎহলকপগী অচৌবা মরম অমা ওইরে।
প্রধান মন্ত্রী শ্রী নরেন্দ্র মোদীনা হায়খি অফবা ইনফ্রাস্ত্রকচরগা লোয়ননা অনৌবা তেক্নোলোজিশু পুনশিল্লে। ফাস্ততেগনা ভারত্ত গারি থৌবদা হেন্না খুদোংচাহল্লে। নেসনেল কম্মন মোবিলিতি কার্দনা মখা তানা ভারত্ত অপনবা লৈতনা চৎথোক-চৎশিনগী থবকশিং ফগৎহল্লে। ইন্তরনেত শম্লবা গারিশিং অমসুং মশা মরোমদোম থৌজবা গারিশিং য়াংনা শীজিন্নরকপগা লোয়ননা, হৌজিক ভারত স্মার্দ মোবিলিতিগী মাইকৈদা চঙশিল্লক্লি।
প্রধান মন্ত্রী শ্রী নরেন্দ্র মোদীনা হায়খি মেক ইন ইন্দিয়াগী থবকশিংগী মপাঙ্গল অসিনা লৈবাক অসিগী ওতো ইন্দস্ত্রি চাউখৎনবা ইনোৎ পীরে। লুপা করোর লাখ ২.২৫ হেন্না য়োনবদা মতেং পাংদুনা, মেক ইন ইন্দিয়া কেম্পেন্না পি.এল.আই স্কিমশিংদা অনৌবা ইনোৎ পীরে। স্কিম অসিনা সেক্তর অসিদা হকথেংননা থবক লাখ ১.৫ হেন্না ফংহল্লে। ওতো সেক্তরনা থবক ফংহনবা অসিনা অতোপ্পা সেক্তরশিংদা কান্নবা কয়া পীরে। এম.এস.এম.ই সেক্তরনা মশিং য়াম্লবা ওতো পার্তশিং শারে। ওতো সেক্তর চাউখৎলকপগা লোয়ননা, এম.এস.এম.ই, লোজিস্তিক্স, তুরিজম অমসুং ত্রান্সপোর্ত সেক্তরশিংদা অনৌবা থবকশিং ফংহল্লে।
থাক খুদিংমক্ত সরকারনা ওতো সেক্তর মপুংফানা শৌগৎলিবা অসিগী মতাংদা, প্রধান মন্ত্রী শ্রী নরেন্দ্র মোদীনা হায়খি হৌখিবা চহি ১০ অসিদা, ইন্দস্ত্রিদা এফ.দি.আইগী অনৌবা খুদোংচাবশিং, তেক্নোলোজি ফংহনবা অমসুং মালেমগী লৈবাকশিংগা পুন্না থবক তৌমিন্নবা খুদোংচাবা ফংলে। হৌখিবা চহি ৪ খক্তদা, সেক্তর অসিদা দোল্লর বিল্লিয়ন ৩৬ গী ফোরেন দাইরেক্ত ইনভেস্তমেন্ত লাকখি। মশিং অসি লাক্লিবা চহিশিংদা হেনগৎলক্কনি হায়বগী থাজবা থম্লি। ভারত্ত গারি শাবগী মপুংফাবা ইকোসিস্তেম অমা শেমগৎনবা সরকারনা থবক পায়খৎলে।
সি তরেৎ- কম্মন, কন্নেক্তেদ, কনভিনিয়েন্ত, কঞ্জেসসন-ফ্রি, চার্জ, ক্লিন, কত্তিং-এজগী মহাক্কী মঙলানশিং অমুক হন্না নিংশিংলদুনা, প্রধান মন্ত্রী শ্রী নরেন্দ্র মোদীনা হায়খি গ্রিন মোবিলিতিদা মীৎয়েং চঙবা অসি মহাক্কী পান্দমনি। শেন্মিৎলোন অমসুং মহৌশাগী অকোয়বগী ফিবম অনিমক শৌগৎপা চৎথোক-চৎশিনগী থবক অমা ভারতনা শেমগৎপদা, মপান লৈবাকশিংদগী থাউ পুশিল্লকপগী বিল হন্থহনগনি। ঙসি, ভারতনা গ্রিন তেক্নোলোজি, ই.ভিশিং, হায়দ্রোজেন ফ্যুএল অমসুং বাইওফ্যুএলশিং চাউখৎনবা মীৎয়েং চঙলে। মসিগী পান্দম অসিগী খন্দুনা নেসনেল ইলেক্ত্রিক মোবিলিতি মিসন অমসুং গ্রিন হায়দ্রোজেন মিসন হৌদোক্লে।
হৌখিবা চহি খর অসিদা ভারত্ত ইলেক্ত্রিগী গারি শীজিন্নবা য়াংনা হেনগৎলক্লিবা অসিগী মতাংদা, প্রধান মন্ত্রী শ্রী নরেন্দ্র মোদীনা হায়খি হৌখিবা চহি ১০দা ইলেক্ত্রিক গারিশিং য়োনবা শরুক ৬৪০ হেনগৎলে। চহি ১০ গী মমাঙদা ইলেক্ত্রিক গারি ২,৬০০ খক য়োনবদা, ২০২৪ দা ইলেক্ত্রিক গারি লাখ ১৬.৮০ হেন্না য়োনখি। ঙসি নোংমদা য়োল্লিবা ইলেক্ত্রিক গারিশিং অসি চহি ১০ গী মমাঙদা চহি অমদা য়োনবা গারি মশিংদগী শরুক অনি হেল্লে। চৎলিবা চহি ১০ অসিদা, ভারত্ত ইলেক্ত্রিক গারিশিং য়োনবা শরুক নিপাল হেনগৎকনি হায়না পানরি অমসুং মসিদা সেক্তর অসিগী খুদোংচাবশিং উৎলে।
প্রধান মন্ত্রী শ্রী নরেন্দ্র মোদীনা হায়খি লৈবাক অসিদা ইলেক্ত্রিক্কী গারিশিং শীজিন্নবা হেনগৎনবা সরকারনা মতেং পাংলে অমসুং মখা তানা ৱারেপ কয়া লৌরে। চহি ৫ গী মমাঙদা হৌদোকখিবা ফেম-২ স্কিম্না লুপা করোর ৮,০০০ হেনবগী শেন্থং পীখ্রে। হায়রিবা শেনফম অসি ইলেক্ত্রিক গারিশিং লৈবা অমসুং চার্জ তৌনবা মফমশিং শেমগৎপদা সবসিদি পীবদা শীজিন্নরি অমসুং ইলেক্ত্রিক বস ৫,০০০ য়াওনা ইলেক্ত্রিক গারি লাখ ১৬ হেন্না মতেং পাংখ্রে। দিল্লিদা চেন্নবা কেন্দ্র সরকারনা ইলেক্ত্রিক বস ১,২০০ হেন্না পীখ্রে।
প্রধান মন্ত্রী শ্রী নরেন্দ্র মোদীনা হায়খি অহুমশুবা তার্মদা হৌদোকখিবা পি.এম ই-দ্রাইভ স্কিম অসিনা চকা অনি পানবা, চকা অহুম পানবা, ই-এম্বুলেন্সশিং অমসুং ই-ত্রকশিং য়াওনা ইলেক্ত্রিক গারি লাখ ২৮ রোম লৈবদা মতেং পাংগনি। ইলেক্ত্রিক বস ১৪,০০০ রোম লৈগনি অমসুং তোঙান তোঙানবা গারিশিংগীদমক লৈবাক শীনবা থুংনা চার্জ তৌফম ৭০,০০০ হেন্না লিংখৎকনি। লৈবাক শীনবা থুংবগী অপীকপা সহরশিংদা ই-বস ৩৮,০০০ রোম চেন্নবা অহুমশুবা তার্মদা পি.এম ই-বস সর্বিস হৌদোক্লে। ইলেক্ত্রিক গারি শাবদা সরকারনা মখা তানা মতেং পাংলি। ভারত্ত ইলেক্ত্রিক কার শাবদা মালেমগী ইনভেস্তরশিং থৱায় য়াওনা লম্বীশিং শেম্লে। হায়রিবা থবকশিং অসিনা অফবা ইলেক্ত্রিক গারি শাবগী থবক পাকথোক চাউথোকহনবদা অমসুং ভারত্ত ভেলু চেন শেমগৎপদা মতেং পাংগনি।
মালেমগী শাবা হেনগৎলকপা অমসুং অইং-অশাগী খল হোংলকপগী খুদোংচাদবশিং থেংন্নবা মখা তানা সোলার পৱার অমসুং অতোপ্পা থাউশিং শীজিন্নবগী তঙাইফদবা অদু পল্লদুনা, প্রধান মন্ত্রী শ্রী নরেন্দ্র মোদীনা হায়খি ভারতনা জি-২০ গী প্রসিদেন্ত ওইরিঙৈদা মৈখু থাংদবা মালেম অমা ওইহন্নবা য়াম্না কন্না তকশিনখি। ভারত্ত ইলেক্ত্রিক গারি অমসুং সোলার পৱার অনিমক্কী শিংথানিঙাই ওইবা থবকশিং পায়খৎলে। য়ুম মথক্ত সোলার পেনেল থম্নবা পি.এম সুর্য়াঘর ফ্রি ইলেক্ত্রিসিতি স্কিম পায়খৎলে। সেক্তর অসিদা বেত্তরিশিং অমসুং স্তোরেজ সিস্তেমশিং শীজিন্নবা হেনগৎলক্লে। অৱাংবা থাক্কী কেমিস্ত্রি সেল বেত্তরি স্তোরেজ য়োকখৎনবা লুপা করোর ১৮,০০০ গী পি.এল.আই স্কিম অমা সরকারনা হৌদোক্লে। মসি সেক্তর অসিদা শেন থাদনবা মতম চপ চারবনি। ইনর্জি স্তোরেজ সেক্তরদা লৈবাক অসিগী নহারোলশিংনা স্তার্দঅপশিং পায়খৎকদবনি। ভারত্ত ফংলিবা মচাকশিং শীজিন্নদুনা বেত্তরিশিং অমসুং স্তোরেজ সিস্তেমশিং শানবা অনৌবা থবকশিং পায়খৎপা দরকার ওইরে। হিরম অসিদা শিংথাবা য়ানা থবকশিং পায়খৎলে অমসুং মসি মিসনগী মওংদা খুমাঙচাউশিন্নবা তঙাইফদে।
প্রধান মন্ত্রী শ্রী নরেন্দ্র মোদীনা হায়খি অনৌবা থৌশিলশিং শেম্বা নত্ত্রগা অওনবশিং থবক ওইনা পায়খৎপদা, হৌজিক সরকারনা পায়খৎলিবা থবকশিংদা পুকচেল শেংবা অমসুং অচেৎপা ফিরেপ লৈরি। অমনবা গারিশিং চপখায়বগী থৌশিল অসিদা গারি শারিবশিংনা খুদোংচাবা লৌগদবনি। মীয়াম্না মখোয়গী অরিবা গারিশিং চপখায়নবা পুক্নিং থৌগৎনবা কম্পেনিশিংনা মখোয় মশাগী শেন্থং পীবা স্কিমশিং হৌদোক্কদবনি। মসিনা লৈবাক অসিগী মহৌশাগী অকোয়বগী ফিবম শিংথাবা য়ানা ফগৎহনগনি।
প্রধান মন্ত্রী শ্রী নরেন্দ্র মোদীনা হায়খি ইন্নোবেসন অমসুং তেক্নোলোজিনা ওতোমেতিপ ইন্দস্ত্রি অসি লমজিংলি। তুংলমচৎ অসি নোংপোক, এসিয়া অমসুং ভারতকীনি। ভারত অসি মোবিলিত সেক্তরদা মখোয়গী তুংগী ফিবম শেম্নবা থিরিবা ইনভেস্তর খুদিংমক্কী মরুওইবা মফম অমনি। “মেক ইন ইন্দিয়া, মেক ফোর দি ৱার্ল্দ” গী লাইৱাগা লোয়ননা মখা তানা চাউখৎনবা সরকারনা মতেং পাংলি অমসুং মীওই খুদিংমক পুক্নিং থৌগৎলি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকরি, হাওসিং অমসুং অর্বান এফেয়ার্সগী য়ুনিয়ন মিনিস্তর শ্রী মনোহর লাল, হেভি ইন্দস্ত্রিজ অমসুং স্তিলগী য়ুনিয়ন মিনিস্তর শ্রী ঐচ.দি কুমারাশ্বামী, কম্মর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়াল, মাইক্রো, স্মোল অমসুং মেদিয়ম ইন্তরপ্রাইজেসগী য়ুনিয়ন মিনিস্তর শ্রী জিতন রাম মাঝি, পেত্রোলিয়ম অমসুং নেচরেল গ্যাসকী য়ুনিয়ন মিনিস্তর শ্রী হরদিপ সিংহ পুরি য়াওখি।
নুঙগীৱারোল
এক্সপো অসি জনুৱারি ১৭-২২, ২০২৫ ফাওবা তোঙান তোঙানবা মফম অহুম: ন্যু দিল্লিগী ভারত মান্দপম অমসুং য়াসোভুমি অমসুং গ্রেতর নোইদাগী ইন্দিয়া এক্সপো সেন্তর এন্দ মার্ততা পাংথোক্লি। এক্সপো অসিদা সো ৯, কনফরেন্স অমসুং পেভিলিয়ন ২০ হেন্না পাংথোক্কনি। মসিগী মথক্ত, ইন্দস্ত্রি অমসুং রাজ্যশিংগী থাক্ত পুন্না থবক তৌমিন্নবা ঙম্নবা মোবিলিতি সেক্তরদা থৌশিলশিং অমসুং থবকশিং উৎনবা রাজ্যশিংগী সেসনশিং পাংথোক্কনি।
অপুনবা মোবিলিতি ভেলু চেন মফম অমদা পুনশিন্নবা ভারত মোবিলিতি এক্সপো ২০২৫ না পান্দম থম্লি। মালেম শীনবা থুংবগী একজিবিতরশিং অমসুং ভিজিতরশিং শরুক য়াদুনা চহি অসিগী এক্সপো অসিদা মালেমগী মরুওইবদা অখন্নবা মীৎয়েং চঙগনি। এক্সপো অসি ইন্দস্ত্রিনা লমজিংবা অমসুং সরকারনা মতেং পাংবা থৌরম অমনি অমসুং মসি পাংথোক্নবা ইঞ্জিনিয়ারিং এক্সপোর্ত প্রোমোসন কাউন্সিল ওফ ইন্দিয়ানা তোঙান তোঙানবা ইন্দস্ত্রিগী বোদিশিং অমসুং ওর্গনাইজেসনশিংগা পুন্না চৎমিন্নরি।
Click here to read full text speech
The journey of Viksit Bharat is set to be one of unprecedented transformation and exponential growth in the mobility sector. pic.twitter.com/Z1T5KR5nUJ
— PMO India (@PMOIndia) January 17, 2025
Ease of travel is a top priority for India today. pic.twitter.com/0jHBkIdNjA
— PMO India (@PMOIndia) January 17, 2025
The strength of the Make in India initiative fuels the growth prospects of the country's auto industry. pic.twitter.com/T1aVhDO1nM
— PMO India (@PMOIndia) January 17, 2025
Seven Cs of India's mobility solution. pic.twitter.com/QYtxCEKR4v
— PMO India (@PMOIndia) January 17, 2025
Today, India is focusing on the development of Green Technology, EVs, Hydrogen Fuel and Biofuels. pic.twitter.com/yWmey6vjlk
— PMO India (@PMOIndia) January 17, 2025
India stands as an outstanding destination for every investor looking to shape their future in the mobility sector. pic.twitter.com/V57UcW0Oem
— PMO India (@PMOIndia) January 17, 2025
