ঙসি কর্নাতকাগী হুবলীদা প্রধান মন্ত্রী শ্রী নরেন্দ্র মোদীনা ২৬শুবা নেসনেল য়ুথ ফেস্তিবেল হৌদোকখ্রে। মহাক্কী ফিদমশিং, পাউতাকশিং অমসুং থবকশিং ইকায়খুম্নবা উৎপা ওইনা শ্বামী বিবেকানন্দগী মপোক নুমিত্তা নেসনেল য়ুথ ফেস্তিবেল পাংথোকপনি। ফেস্তিবেল অসিগী পান্দমদি ‘বিকসিত য়ুব-বিকসিত ভারত’ হায়বনি অমসুং মসিনা লৈবাক অসিগী মফম পুম্নমক্তগী মখল কয়াগী কলচরশিং মফম অমদা পুনহল্লে অমসুং এক ভারত, শ্রেস্থা ভারতকী ৱাখল্লোন্দা শরুক য়ারিবশিং অমতা ওইহল্লে।
থৌরম অদুদা প্রধান মন্ত্রীনা হায়খি মফম অসিগী কলচর, চৎনবী অমসুং লৌশিংগীদমক কর্নাতকাগী হুবলী লমদম অসি মমিং চৎলি অমসুং মফম অসিগী অচৌবা মীওই কয়া জ্ঞানপীথ পুরুস্কার ফংখ্রে। মফম অসিদগী মমিং লৈরবা ঈশৈগী গুরুশিং হায়বদি পন্দিৎ কুমার গন্ধারব, পন্দিৎ বাসবরাজ রাজগুরু, পন্দিৎ মাল্লিকার্জুন মন্সুর, ভারত রত্ন শ্রী ভিমসেন জোসি অমসুং পন্দিতা গঙ্গুবাই হঙ্গাল পুথোকখি অমসুং মখোয়গী মফমদা ইকায়খুম্নবা উৎচরি।
প্রধান মন্ত্রীনা হায়খি অতোপ্পা অমদা ঐখোয়গী নেসনেল য়ুথ ফেস্তিবেল লৈরে অমসুং অতোপ্পা অমদা অজাদি কা অমৃত মহোৎসব লৈরে। পান্দম ফংদ্রি ফাওবা হোৎনগদবনি অমসুং লেপ্লোইদবনি। শ্বামী বিবেকানন্দানা হায়রমখি মদুদি মসি ভারতকী নহারোলশিংগী পুন্সিগী লাইৱানি অমসুং অমৃত কালদা লৈবাক অসি মাঙলোমদা পুখৎনবা ঐখোয়না থবক তৌগদবনি অমসুং ঐখোয়গী থৌদাংশিং খঙগদবনি। অখন্নবা থৌরম অসিদা ঐনা শ্বামী বিবেকানন্দগী মখোঙদা ঐনা ঐগী কোক নোঞ্জরি। প্রধান মন্ত্রীনা হন্দক লৈখিদ্রবা শ্রী সিদ্ধেশ্বর শ্বামীগী মফমদশু ইকায়খুম্নবা উৎখি।
শ্রী মোদীনা হায়খি শ্বামীজি কর্নাতকাদা কয়ারক হন্না চৎখি অমসুং মহাক্কী চিকাগো খোঙচৎ মতেং পাংখিবশিংগী মনুংদা মৈসুরগী মহারাজাশু অমনি। শ্বামীজিগী ভারত ব্রামন অসি লৈবাক্কী অমতা ওইবগী খুদম্নি অমসুং মসি এক ভারত শ্রেস্থা ভারত ৱাখল্লোনগী নুঙগী ওইবা খুদম অমনি।
শ্বামী বিবেকানন্দাগী ৱারোল পল্লদুনা প্রধান মন্ত্রীনা হায়খি, “তুংলমচৎ অমা অমসুং লৈবাক অমা চাউখৎপা হায়বসি ঐখোয়না নহারোলগী শক্তি শীজিন্নবা মতমদা য়াম্না লাইগনি”। কর্নাতকানা লৈবাক অসিদা লৈবাক্কীদমক মখোয়গী থৌদাংশিংনা মরুওইনা লৌবা অমসুং নহা য়াম্না ওইরিঙৈদা তোমথিন ওইনা মাইপাকপা মীওই কয়া পুথোকখি।
মখোয়গী শক্তিনা বৃতিস লৈঙাক থেংনখিবা চিত্তোরগী মহারানি চিন্নাম্মা অমসুং শঙ্গোলি রায়ান্নাগী খুদম প্রধান মন্ত্রীনা পীখি অমসুং মশাগী চহি ১৪শুবদা লৈবাক্কীদমক মহাক্কী থৱায় কৎখিবা নরায়ন মহাদেব দোনিশু পনখি। মহাক্না হায়খি লেন্স নাইক হনুমানথাপ্পা কোপ্পাদনা সিয়াচিন্দা -৫৫ দিগ্রি সেলসিয়সতা হিংখি। ভারতকী নহারোলশিং হিরম খুদিংমক্তা অনৌবা থবক কয়া পাংথোক্লি।
প্রধান মন্ত্রীনা হায়খি মতমগী অহোংবা মতুংইন্না লৈবাক্কী পান্দমশিং অহোংবা লৈ অমসুং ঙসিদি ভারত অসি মশিং য়াম্লবা নহারোল কয়া লৈবা মরম্না ২১শুবা চহিচা অসি য়াম্না মরুওইবা মতম অমনি। য়ুব শক্তি অসি ভারতকী খোঙচৎ মাংলোমদা চিংলিবা শাফুনি। লৈবাক অসি শেমগৎনবা মথং চহি ২৫ অসি য়াম্না মরুওই। য়ুব শক্তিগী মঙলানশিং অমসুং অনিংবশিংনা ভারতকী মাইকৈ অমসুং পন্থুং লেপ্লি অমসুং য়ুব শক্তিগী পামজবনা ভারতকী লম্বী লেপ্লি। মসিগী নহারোলগী শক্তি অসি শীজিন্নবা য়ানবা ঐখোয়গী থবকশিং, ঐখোয়গী ৱাখলদা ঐখোয় নহা ওইবা দরকার ওই। নহা ওইরবদি ঐখোয়গী থবকশিং খিং-খিং লাওগনি। নহা ওইরবদি ঐখোয়গী মীৎয়েক পাক-চাউগনি। নহা ওইরবদি থবক ঙম্বা ওইগদবনি। পাম্বৈশিংগীদমক করিগুম্বা মালেম্না ঐখোয়দা হায়রক্লবদি, মদু ঐখোয়গী ‘অমৃত’ মীরোলগী কৎথোকপনা ওইগনি।
প্রধান মন্ত্রীনা হায়খি ঙসিদি ভারত মালেমদা ৫শুবা খ্বাইদগী চাউবা ইকোনোমি ওইরে অমসুং ঐখোয়গী পান্দমদি মসি অহুমশুবদা লৈহনবনি। লৌউ-শিংউ অমসুং শান্ন-খোৎনবগী হিরমদা খুদোংচাবা কয়া লৈরে অমসুং মসিগী অওনবা অসিদা নহারোলশিংনা অচৌবা থৌদাং লৌখি। ইকোনোমি, লাইরিক-লাইশু তম্বা,শান্নবা অমসুং স্তার্দঅপশিংদা অকনবা য়ুম্ফম কয়া থোল্লে। পাইখৎনবগীদমক রনৱে থৌরাং তৌরে।ঙসিদি ভারত অমসুং মসিগী নহারোলশিংদা মালেম্না থাজনা য়েংলে। মসিগী থাজবা অসি নখোয়গী মরমদনি। থাজবা থম্লক্লিবা অসি নখোয়না ওইহনবনি। চৎলিবা চহিচা অসি ভারতকী চহিচানি হায়না ঙসিদি মালেম্না হায়নরি। চহিচা অসি অদোমগী চহিচানি, ভারতকী নহারোলগী চহিচানি। থাজবা অমসুং খুদোংচাবা পুন্না লাকপা অসি পুৱারি ওইরবা মতম অমনি।
প্রধান মন্ত্রীনা হায়খি ভারতকী মপাঙ্গল কনখৎহনবদা নুপীশিংনা অচৌবা থৌদাং লৌরি অমসুং লান্মী, স্পেস তেক্নোলোজি, স্পেস অমসুং শান্নবদা নুপীশিং মাংজিল থারে। তুংগী খনবা অমসুং ২১শুবা চহিচা অসি ভারতকী চহিচা ওইহনবা হায়বসি মরুওই। নহারোলশিংগী অনিংবশিং থুংহনবা হায়বসি তঙাইফদবনি, ঐখোয়না অফবা অহোঙবা পুরক্কদবনি অমসুং চাউখৎলবা লৈবাকশিংদগী মাংজিল থাগদবনি। হৌজিক লৈত্রিবা শীনফম কয়া তুংদা ঐখোয়গী নহারোলশিংগী মরুওইবা শীনফম ওইরক্কনি, মরম অদুনা তুংগী স্কিলশিংগীদমক ঐখোয়গী নহারোলশিং থৌরাং তৌগদবনি। অনৌবা ইজুকেসন পোলিসিগী খুৎথাংদা তুংগী শীজিন্নফম লৈরবা অমসুং থবক ওইনা পাংথোকপা ঙমগদবা ইজুকেসন সিস্তেম লৈরে।
প্রধান মন্ত্রীনা হায়খি ঙসিদি লেপ্তনা হোঙলিবা মালেম অসিদা শ্বামী বিবেকানন্দগী পাউজেল অনি নহারোল খুদিংমক্কী পুন্সিগী শরুক অমা ওইহনগদবনি। পাউজেল অনি অদুদি মহৈলোয়শঙশিং অমসুং অনৌবা থবক হায়বনি। ঐখোয়গী অনৌবা ৱাখল পাকথোক-চাউথোকপা মতমদা অমসুং অপুনবগী থৌনা অমগা লোয়ন্না থবক তৌবা মতমদা মহৈলোয়শঙ অমা শেম্মী অমসুং ঙসিগী নহারোল খুদিংমক্না মখোয়গী লনাই মাইপাকপা অদু অপুনবগী মাইপাকপা ওইনা উৎকদবনি। মসিগী অপুনবা ওইনা থবক তৌবগী থৌনা অসিনা ভারত অসি ‘তিম ইন্দিয়া’ ওইনা চাউখৎকনি।
অনৌবা থবক পাংথোকপদা শ্বামী বিবেকানন্দগী ৱাখল্লোনগী মতাংদা প্রধান মন্ত্রীনা হায়খি থবক খুদিংমক তাঙ্কক অমা থেংনগনি-নোক্নবা, য়ানিংদবা অমসুং য়ারকপা। দিজিতেল পেমেন্তশিং, শ্বাছ ভারত অভিয়ান,জন ধন য়োজনা অমসুং লৈবাক অসিদা মশানা কোবিদকী তিকা পুথোকচবা অসি অহানবদা নোক্নখি। ঙসিদি ভারত দিজিতেল পেমেন্তশিংদা মালেমগী লুচিংবা ওইরে, জন ধন একাউন্তশিং ঐখোয়গী শেন-থুমগী অচৌবা থৌনা অমা ওইরে অমসুং তিকাশিংগী লমদা ভারতকী মাইপাকপা অসি মালেম শীনবা থুংনা ৱারি শান্নরে। করিগুম্বা অদোমগী অনৌবা ৱাখল্লোন অমা লৈরবদি, অদোম নোক্নগনি নত্ত্রগা অথিংবা পীরক্কনি হায়বা অদোম নিংশিংবীয়ু। অদুবু করিগুম্বা অদোমগী অনৌবা ৱাখল অদুদা অদোম্না থাজরবদি মদু লেংদনা লৈয়ু। মদুদা থাজবা থম্মু।
প্রধান মন্ত্রীনা হায়খি নহারোলশিংগা লোয়ন্না লৈবাক অসিদা অনৌবা থবক কয়া অমসুং চাংয়েং কয়া পাংথোক্লে। নেসনেল য়ুথ ফেস্তিবেল অসিদা লৈবাক্কী মফম কয়াদগী লাকপা নহারোলশিং চাংদম্নবা কয়া শরুক য়ারি। মসি কনানা মাইপাকপগে হায়বা অদু মরুওইবা নত্তে, মসিদা মাইপাক্লিবসি ভারতনি অমসু মফম অসিদা নহারোলশিং অমগা অমগা চাংদম্নবা নত্তে, মতেং পাংনবনি। মসিগী চাংদম্নবা অমসুং মতেং পীনবগী ৱাখল্লোন অসি মাঙলোমদা পুখৎকদবনি অমসুং ঐখোয়গী মাইপাকপা অসি লৈবাক্কী মাইপাকপদা য়েংলগা ওল্লি।
লোশিল্লকপদা প্রধান মন্ত্রীনা হায়খি ঙসিদি লৈবাক অসিগী পান্দমদি বিকসিত ভারত, সাশক্ত ভারত !(চাউখৎলবা ভারত, মপাঙ্গল কনবা ভারত) হায়বনি অমসুং চাউখৎলবা ভারত অমগী মঙলান অসি মঙফাওনদ্রি ফাওবা ঐখোয় লেপ্লোই। লৈবাক্কী নহারোল খুদিংমক্না মসিগী মঙলান অসি মখোয়গী মঙলান ওইহনগদবনি অমসুং লৈবাক্কী থৌদাং মখোয়গী পাম্বোমশিংদা পুগদবনি।
থৌরম অদুদা কর্নাতকাগী রাজ্যপাল শ্রী থৱার চান্দ গেহলোত, কর্নাতকাগী চীফ মিনিস্তর শ্রী বাসবরাজ বোম্মাই, য়ুনিয়ন মিনিস্তরশিং শ্রী অনুরাগ থাকুর, শ্রী নিতিস প্রামানিক অমসুং কর্নাতকা সরকারগী মিনিস্তরশিং শরুক য়াখি।
নুঙগীৱারোল
ঐখোয়গী হৈথোই-শিংথোইরবা নহারোলশিং জাতিগী থাক্তা মশক তাক্নবা অমসুং লৈবাক শেমগৎপদা মখোয় শরুক য়াহন্নবা চহি খুদিংগী নেসনেল য়ুথ ফেস্তিবেল পাংথোক্লি। ফেস্তিবেল অসিনা লৈবাক্কী মফম কয়াগী তোঙান-তোঙানবা কলচরশিং মফম অমদা পুহল্লে অমসুং এক ভারত শ্রেস্থা ভারতকী ৱাখল্লোন্দা শরুক য়ারিবশিং অমতা ওইনা পুল্লে। ফেস্তিবেল অসি জনুৱারি ১২দগী জনুৱারি ১৬ ফাওবা কর্নাতকাগী হুবলী-ধরৱাদতা পাংথোক্কনি। চহি অসিগী ফেস্তিবেলগী থিমদি ‘ভিকসিত য়ুব ভিকসিত ভারত’ নি।
জি-২০ অমসুং ৱাই-২০গী থৌরমশিংদগী মতৌ তমদুনা ফেস্তিবেল অসিদা য়ুথ সম্মিৎ পাংথোক্তুনা থিম মঙাদা খন্ন-নৈনবশিং পাংথোক্কনি, থিমশিং অদুদি তুংগী থবক, উদোগ, ইন্নোবেসন অমসুং ২১শুবা চহিচাগী স্কিলশিং, অইং-অশাগী খল হোংলকপা অমসুং অমাং-অতা থোকপা হন্থহনবা, শান্তি পুরকপা অমসুং ৱাখল তামিন্নবা, গনতন্ত্র অমসুং লৈঙাক্তা তুংগী নহারোলশিং শরুক য়াবা , হকশেল অমসুং নুংঙাই-য়াইফবা অসিনি। সম্মিৎ অসিদা অখঙ-অহৈ ৬০ হেন্না শরুক য়াগনি। চাংদম্নবা অমসুং চাংদম্নবা নত্তবা থৌরম কয়া পাংথোক্কনি। চাংদম্নবা থৌরমশিংগী মনুংদা ফোক দান্স অমসুং ফোক শোং য়াওরি। চাংদম্নবা নত্তবা থৌরমশিংগী মনুংদা মীওই লাখ ১০ হেনবনা শরুক য়াগদবা য়োগাথোন অমা য়াওরি। নাৎকী ওইবা অরিবা মশান্না অমসুং শারিৎ-শারাত ৮ উৎকনি। অতোপ্পা থৌরমশিংগী মনুংদা চীঞ্জাক ফেস্তিবেল, নহারোল কলাকারশিংগী কেম্প, আর্মি, নেভি অমসুং এয়রফোর্স কেম্পশিং য়াওরি।
The National Youth Festival in 2023 is very special. pic.twitter.com/reQ7T1LWHB
— PMO India (@PMOIndia) January 12, 2023
India's talented Yuva Shakti amazes the entire world. pic.twitter.com/c8CDvIMPbW
— PMO India (@PMOIndia) January 12, 2023
Yuva Shakti is the driving force of India’s journey!
— PMO India (@PMOIndia) January 12, 2023
The next 25 years are important for building the nation. pic.twitter.com/SlOUVe5dRa
India's youth is the growth engine of the country. pic.twitter.com/ZjA13meoU5
— PMO India (@PMOIndia) January 12, 2023
You are a special generation: PM @narendramodi to India's Yuva Shakti pic.twitter.com/WAuXvQbkAK
— PMO India (@PMOIndia) January 12, 2023
It is the century of India’s youth! pic.twitter.com/9GkqePm7ev
— PMO India (@PMOIndia) January 12, 2023
This is a historic time – when optimism and opportunity are coming together. pic.twitter.com/PoMU8B6lKL
— PMO India (@PMOIndia) January 12, 2023
India's Nari Shakti has strengthened the nation. pic.twitter.com/ViwUBNtD0u
— PMO India (@PMOIndia) January 12, 2023
We have to make 21st century India's century. pic.twitter.com/Rv0Cm2NQB6
— PMO India (@PMOIndia) January 12, 2023
