সেপ্তেম্বর ১০,২০২৩ দা নিউ দিল্লিদা জি-২০ মীফম নাকলদা চাক্লেন অমগা লোয়ননা প্রধান মন্ত্রী শ্রী নরেন্দ্র মোদীনা ফ্রান্সকী রাস্ত্রপতি ইম্মানুয়েল মেক্রোন উনখ্রে। ভারত-ফ্রান্স স্ত্রাতেজিক পার্তনরশিপকী চহি ২৫ মপুংফারকপগী থৌরম পাংথোকপা ওইনা, জুলাই ১৪, ২০২৩দা ফ্রেঞ্চ নেসনেল দে থৌরমদা গেস্ত ওফ ওনর ওইনা শরুক য়ানবা জুলাই ২০২৩দা প্রধান মন্ত্রী পেরিস্তা চৎলুরবা মতুংদা রাস্ত্রপতি মেক্রোন ভারত্তা লাকপনি।
ভারতনা মাইপাক্না জি-২০গী প্রসিদেন্ত ওইবদা রাস্ত্রপতি মেক্রোন্না প্রধান মন্ত্রী থাগৎপা ফোঙদোকখি। মসিদা ফ্রান্সনা শৌগৎপগীদমক প্রধান মন্ত্রীনা রাস্ত্রপতি মেক্রোন থাগৎপা ফোঙদোকখি।
‘হোরাইজন ২০৪৭’ রোদমেপ, ইন্দো-পেসিফিক রোদমেপ অমসুং প্রধান মন্ত্রীগী হন্দক্কী খোঙচৎকী ফলশিং য়াওনা লৈবাক অনিগী মরক্তা লৈনরিবা মরীশিংগী ফিবম লুচিংবা অনিনা য়েংশিনখি অমসুং খন্নখি। ঙাক-শেন, স্পেস, ইন্দস্ত্রি, স্তার্দপ কোওপরেসন, নিউক্লিয়ার ইনর্জি, এস.এম.আর অমসুং এ.এম.আর তেক্নোলোজিশিং পুন্না শেমগৎমিন্নবা, দিজিতেল পব্লিক ইনফ্রাস্ত্রকচর, ক্রিতিকেল তেক্নোলোজি, চৎথোক-চৎশিন, ইনর্জি, অইং অশাগী খল হোঙলকপা, লাইরিক লাইশু, নেসনেল মিউজমগী মতেং পাংনবা অমসুং মীগা মীগা লৈনবা মরীশিং য়াওনা হিরম কয়াদা মতেং পাংনবগী পান্দমশিং থবক ওইনা ওন্থোক্নবা মখোয়না খন্নখি।
ইন্দো-পেসিফিক লমদম য়াওনা মালেমগী অমসুং লমদম লমদমগী ওইরক্লিবা ফিবমশিং লুচিংবা অনিনা খন্নখি অমসুং মালেমগী লুপশিংগী থবক্তা অওনবা পুরকপগী তঙাইফদবা অদু তকশিনখি। ইন্দিয়া-মিদল-ইস্ত-য়ুরোপ ইকোনোমিক কোরিদোর লাউথোকপদা মখোয়না তরাম্না ওকখি অমসুং মসি থবক ওইনা পাংথোক্নবা পুন্না থবক তৌমিন্ননবা ৱাশকখি।
ভারতকী চন্দ্রয়ান-৩ মাইপাকপদা রাস্ত্রপতি মেক্রোন্না প্রধান মন্ত্রী থাগৎপা ফোঙদোকখি। চহি ৬০ মপুংফারবা ভারত-ফ্রান্স স্পেস কোওপরেসন লুচিংবা অনিনা নিংশিংখি।
A very productive lunch meeting with President @EmmanuelMacron. We discussed a series of topics and look forward to ensuring India-France relations scale new heights of progress. pic.twitter.com/JDugC3995N
— Narendra Modi (@narendramodi) September 10, 2023
Un déjeuner de travail très productif avec le président @EmmanuelMacron. Nous avons discuté d'une série de sujets et nous nous réjouissons de faire en sorte que les relations entre l'Inde et la France atteignent de nouveaux sommets de progrès. pic.twitter.com/zXIP15ufpO
— Narendra Modi (@narendramodi) September 10, 2023
