প্রধান মন্ত্রী শ্রী নরেন্দ্র মোদীগা স্লোভাক রিপব্লিক্কী প্রেসিদেন্ত ঐচ.ই. মিস্তর পিতর পেলেগ্রিনিগা অনিগী মরক্তা হৌজিক নই দিল্লীদা ফেব্রুৱারী ১৬-২০ ফাওবা পাঙথোক্লিবা ইন্দিয়া-AI ইম্পেক্ত সম্মিত ২০২৬ তা ঙসি উনখ্রে। মসিনা লুচিংবা অনিগী মরক্তা অহানবা উনবনি।
উনখিবা অদুনা লুচিংবা অনিগী মফমদা ইন্দিয়া-স্লোভাক মরীগী মপুং ফাবা শক্তম য়েংশিনমিন্ননবা অমদি নাকল অনিগী ইন্তরেস্ততা লৈবা রিজনেল অমদি গ্লোবেলগী ৱাফমশিংগী মতাঙদা ৱাখল্লোনশিং ফোঙদোক্ননবা খুদোংচাবা অমা ফংহনখি।
লুচিংবা অনিনা হন্দক্কী ইন্দিয়া-ই.য়ু. সম্মিতদা লৈখিবা অফবা খোঙজেলবু শিংথানখি অমদি প্রাইওরিতী পীরিবা লমশিংদা মরী ফগৎহন্নবা জোইন্ত ইন্দিয়া-ই.য়ু. কমপ্রিহেন্সিব স্ত্রেতেজিক এজেন্দা চৎনবগা লোয়ননা মশক নাইরবা ইন্দিয়া-ই.য়ু. ফ্রী ত্রেদ এগ্রীমেন্ত ৱারোইশিন পুরকখিববু তরাম্না ওক্নখি।
লুচিংবশিং অদুনা নাকল অনিগী শেন্মিৎলোন অমদি লল্লোন ইতিক্কী মরী খোঙজেল য়াঙ্খৎলকপদা অপেনবা ফোঙদোক্নখি অমদি স্তার্তঅপ, ইনফোর্মেসন তেক্নোলোজী, ন্যুক্লিয়র ইনর্জী য়াওনা রিনিউএবল ইনর্জী, মেনুফেকচরিং, দিফেন্স, স্পেস অমদি মহৈ মশিংনচিংবা লমশিংদা মখা তানা খুদোংচাবা থিমিন্ননবা ৱাফম য়ানখি।
লুচিংবা অনিমক্না ভারতকী “AI ফোর ওল” গী মঙলান অমদি স্লোভাকিয়ানা দিজিতেল ত্রান্সফোর্মেসন অমদি ইন্দস্ত্রী ৪.০ দা থম্লিবা মীৎয়েঙ পরিংদা দিজিতেল পব্লিক ইনফ্রাস্ত্রকচরগা লোয়ননা AI অমদি তুংলমচৎকী তেক্নোলোজীশিংদা খুৎশম্ননা চৎমিন্নবা হেনগৎহন্নবগী মতিংশিং পুথোক্তুনা খন্নখি।
প্রধান মন্ত্রী মোদী অমদি প্রেসিদেন্ত পেলেগ্রিনিনা মীগা মীগগী মরক্তা লৈনরিবা মরী, তুরিজম অমদি কলচরেল এক্সচেঞ্জ মপাঙ্গল কনখৎহন্নবা ফোঙফম চেৎশিনহনমিন্নখি। প্রেসিদেন্ত পেলেগ্রিনিনা স্লোভাকিয়াদা লৈরিবা ভারত মচাশিংগী থৌদাংবু শিংথাখি অমদি লুচিংবা অনিমক্না লৈবাক অনিগী মরক্তা চত্থোক চৎশিনগী খুদোংচাবা হেনগৎহন্ননবা পায়খৎলিবা থৌরাংশিংবু শিংথানখি।
My meeting with Mr. Peter Pellegrini, President of the Slovak Republic was very productive. The recent India-EU FTA will create several opportunities to boost trade and investment between our nations. Other subjects we discussed included cooperation in digital technology,… pic.twitter.com/vmjLUs7mY7
— Narendra Modi (@narendramodi) February 20, 2026
Stretnutie s prezidentom Slovenskej republiky Petrom Pellegrinim bolo veľmi konštruktívne. Nedávno prijatá dohoda o voľnom obchode medzi Indiou a EÚ (India-EU FTA) vytvorí nové príležitosti na posilnenie obchodu a investícií medzi našimi krajinami. Diskutovali sme aj o spolupráci… pic.twitter.com/nNPKufHfAS
— Narendra Modi (@narendramodi) February 20, 2026
