প্রধান মন্ত্রী শ্রী নরেন্দ্র মোদীনা মনিপুরগী মীয়ামদা শজিবু চৈরাওবগী য়াইফ পাউজেল পীখ্রে।
ত্বীত অমদা, শ্রী মোদীনা হায়খি, “মনিপুরগী মীয়ামদা শজিবু চৈরাওবগী য়াইফ পাউজেল পীজরি। নুংঙাই য়াইফরবা অমসুং হকচাং ফবা চহি অমগীদমক য়াইফ পাউজেল পীজরি”।
Sajibu Cheiraoba greetings to the people of Manipur. Best wishes for a happy and healthy year ahead.
— Narendra Modi (@narendramodi) April 13, 2021
প্রধান মন্ত্রীনা হায় হৌজিক পাল্লিবা সরকার অসিগী মখাদা পি.এম. আৱাস য়োজনা খোঙজেল য়াংশিনখ্রে অমসুং উত্তর প্রদেশকী লাইরবশিংগী মরক্তা খ্বাইদগী লাইরবশিংবু মতেং পাংবা ঙমখ্রে। মহাক্না ঙসি ভিদিও কফরেন্সকী থোংদা প্রধান মন্ত্রী আৱাস য়োজনা –গ্রামিনগী মখাদা য়ু.পি.দা বেনিফিসরী লাখ ৬ হেনবদা শেলগী তেংবাং পীরবা মতুংদা ৱা ঙাংখিবনি।
প্রধান মন্ত্রীনা হায় আত্মানির্ভর ভারত অসি লৈবাক অসিগী প্রজাশিনা মশাদা থাজবা লৈজবা অমসুং মশাগী ময়ুম অমা লৈবনা মশাগী থাজবা অসি শরুক কয়া হেনগৎহনবগা হকথেংননা মরী লৈনৈ। মশাগী ময়ুম অমা লৈজবনা পুন্সি মহিং ফগৎহল্লি অমসুং লাইরবা কোকহন্নবা আশাসু পীরি।
প্রধান মন্ত্রীনা হান্নগী সরকারগী মতমদা লাইরবশিংনা সরকারনা মখোয়গী ময়ুমশিং শাবিনবা মতেং অমত্তা ফংগনি হায়না আশা তৌখিদে হায়না নৌহৌনা নীংশিংখ্রে। মহাক্না হায় মমাংগী স্কীমদা শাখিবা য়ুমশিং অসিগী ক্বালিতী য়াম্না ফবা ওইখিদে। লাইরবশিংনা অরানবা পোলিসীশিংগী চৈথেং মায়োক্নবা তাখি হায়না প্রধান মন্ত্রীনা ফোঙদোকখ্রে। অৱাবা অসি ৱাখলদা থমদুনা নিংখা-তমখিবগী চহি ৭৫শুদ্রিঙৈদা লাইরবা ইমুং খুদিংমক্কী য়ুম অমা শাবা হায়বা পান্দমগা লোইননা পি.এম. অৱাস য়োজনা হৌদোকখি। হৌখিবা চহি খরা অসিদা খুঙ্গংগী মফমশিংদা হাউসিং য়ুনিৎ করোর ২ শাখ্রে, কেন্দ্র সরকারনা লুপা করোর লাখ ১.৫ পীথবগা লোইননা পি.এম. অৱাস য়োজনাগী য়ুনিৎ করোর ১.২৫ শুখ্রে।
প্রধান মন্ত্রীনা মমাংগী সরকারনা রাজ্য অসিগী ৱা তাবিবা ৱাৎলম্বা অদু নীংশিংখ্রে। মহাক্না হায় উত্তর প্রদেশতা গ্রামিন আৱাস লাখ ২২ শাগদবনি মসিগী মনুংদা শান্নবগীদমক্তা লাখ ২১.৫ অয়াবা পীখ্রে। ইমুং লাখ ১৪.৫গী য়ুম লৈহনখ্রে অয়াম্বনা হৌজিক্কী সরকার অসিগী মখাদা ফংখিবনি।
