প্রধান মন্ত্রী শ্রী নরেন্দ্র মোদীনা ঙসি নেস্নেল তেক্নোলোজী দেনা লাকপদা মীপুম খুদিংমক্তা য়াইফ-পাউজেল পীখ্রে।
১৯৯৮দা পোখরান্দা মাইপাক্না চাংয়েং পাঙথোকখিবা সাইন্তিস্তশিংগী হোৎনবা কনবা অমসুং মখোয়গী থৱায় য়াওবা অদু প্রধান মন্ত্রীনা চাউথোকচবা পোকপগা লোয়ননা নীংশিংখি। মহাক্না পনখি মদুদি মরু ওইবা তাঙ্কক অসিনা ভারতকী সাইন্তিফিক এক্সিলেন্স অমসুং অচেৎপা ফিরেপ অদু উৎলি।
প্রধান মন্ত্রীনা হায়খি মদুদি তেক্নোলোজী অসি আত্মনির্ভর ভারত অমা শেমগৎপদা মরুওইবা য়ুম্বী অমা ওইরে। শ্রী মোদীনা হায়খি মদুদি মসিনা ইনোবেসন, খুদোংচাবশিং পাকথোক চাউথোকহনবা অমসুং সেক্তর পুম্নমক্তা লৈবাক্কী চাউখৎপদা মতেং পাংলি। মহাক্না অকনবা ৱাফম থমখি মদুদি তেলেন্তপু মপাঙ্গল কনখৎহনবা, রিসর্চপু পুক্নিং থৌগৎপা অমসুং লৈবাক্কী চাউখৎপা অমসুং মীয়ামগী অপাম্বা অনিমক্তা মতেং ওইগদবা সোলুসনশিং পুথোকপদা মখা তানা মীৎয়েং থম্লি।
পুৱারী ওইরবা মাইলস্তোন অদুগী মতাংদা প্রধান মন্ত্রীনা মখা তারদুনা হায়খি মদুদি ১৯৯৮গী ঙসিগী নুমিত্তা পোখরান্দা পাঙথোকখিবা ন্যুক্লিয়র তেস্তশিংনা মালেমদা ভারতকী অঙকপা তৌবা ঙম্বশিং অদু খঙহনখি। মহাক্না সাইন্তিস্তশিংবু লৈবাক অসিগী মীংচৎ অমসুং ইশাগী ইকাই খুম্নবগী অশেংবা আর্কিতেক্তশিং ওইনা থাগৎপা ফোংদোকখি।
সংস্কৃৎ সুভাশিতম অমা শিয়র তৌরদুনা, প্রধান মন্ত্রীনা হায়খি মদুদি অগ্নি অসি স্বর্গগী খ্বাইদগী ৱাংবা শক্তি অমসুং মালেমগী ইনর্জী পুম্নমক্কী মরুওইবা সোর্সনি। মৈগী মগুন অসিনা পোৎকী খ্বাইদগী পিকপা মচাকশিংগী মনুংদা লৈরিবা অচৌবা শক্তি অসিবু য়াকাইহল্লি অমসুং থৱায় পানবা পুম্নমক্তা ইনর্জী অমসুং মোসন শন্দোক্লি।
এক্সতা পোস্ত কয়া তৌরদুনা প্রধান মন্ত্রীনা ইখি:
“নেস্নেল তেক্নোলোজী দেগী য়াইফ-পাউজেল পীজরি। ঐখোয়না ঐখোয়গী সাইন্তিস্তশিংগী কন্না হোৎনখিবা অমসুং মখোয়গী থৱায় য়াওবগী থৌনা অদু চাউথোকচবা ফাওবগা লোয়ননা নীংশিংলি, মসিনা ১৯৯৮দা পোখরান্দা মাইপাক্না চাংয়েংশিং পাংথোকপা ঙমহনখি। মরু ওইবা মীকুপ অসিনা ভারতকী সাইন্তিফিক এক্সিলেন্স অমসুং অচেৎপা ফিরেপ অদু উৎখি।
তেক্নোলোজী অসি মশা-মরোমদোম লেপচবা ভারত অমা শেমগৎপদা মরুওইবা য়ুম্বী অমা ওইরক্লি। মসিনা ইনোবেসন খোংজেল য়াংখৎহল্লি, খুদোংচাবশিং হেনগৎহল্লি অমসুং সেক্তর কয়াদা লৈবাক্কী চাউখৎপদা মতেং পাংলি। তেলেন্তপু শক্তি লৈহনবদা, রিসর্চপু পুক্নিং থৌগৎপদা অমসুং লৈবাক খুমাং চাউশিনহনবা অমসুং ঐখোয়গী মীয়ামগী অপাম্বা অনিমক্তা মতেং পাংগদবা সোলুসনশিং পুথোকপদা ঐখোয়না লেপ্পা লৈতনা মীৎয়েং।”
Greetings on National Technology Day. We recall with pride the hard work and dedication of our scientists, which led to the successful tests in Pokhran in 1998. That landmark moment reflected India’s scientific excellence and unwavering commitment.
— Narendra Modi (@narendramodi) May 11, 2026
Technology has become a key…
“১৯৯৮গী ঙসিগী নুমিত্তা পোখরানদা ন্যুক্লিয়র তেস্ত তৌখিবনা মালেমদা ভারতকী অখন্নবা তৌবা ঙম্বশিং খঙহনখি।
ঐখোয়গী সাইন্তিস্তশিং অসি লৈবাক অসিগী চাউথোকচবা অমসুং মশাগী ইকাই খুম্নবগী অশেংবা আর্কিতেক্তশিংনি।
अग्निर्मूर्धा दिवः ककुत्पतिः पृथिव्या अयम्।
अपां रेतांसि जिन्वति॥"
অগ্নি অসি স্বর্গগী খ্বাইদগী ৱাংবা শক্তি অমসুং মালেমগী ইনর্জী পুম্নমক্কী মরুওইবা সোর্সনি। মৈগী মগুন অসিনা পোৎকী খ্বাইদগী পিকপা মচাকশিংগী মনুংদা লোৎতুনা লৈরিবা অচৌবা শক্তি অসিবু য়াকাইহল্লি অমসুং থৱায় পানবা পুম্নমক্তা ইনর্জী অমসুং মোসন শন্দোক্লি।
वर्ष 1998 में आज के दिन पोखरण में हुए परमाणु परीक्षण ने दुनिया को भारत के अद्भुत सामर्थ्य से परिचित कराया।
— Narendra Modi (@narendramodi) May 11, 2026
हमारे वैज्ञानिक देश के गौरव और स्वाभिमान के सच्चे शिल्पी हैं।
अग्निर्मूर्धा दिवः ककुत्पतिः पृथिव्या अयम्।
अपां रेतांसि जिन्वति॥ pic.twitter.com/ufKK8gUbtd
