প্রধান মন্ত্রী, শ্রী নরেন্দ্র মোদীনা সিলচর অমসুং অকোইবদা লৈরিবা মফমশিংদা ‘ইজ ওফ লিবিং’বু মখাতানা খুমাং চাউশিনহল্লিবা চাউখৎ-থৌরাংগী থবকশিং অদুদা নুংঙাইবা ফোংদোকখি।
ত্বীত থ্রেদ অমদা, মেম্বর ওফ পার্লিয়ামেন্ত, দা. রাজদীপ রোইনা সিলচরগী ৱিকাস য়াত্রাগী মতাংদা খঙহল্লকখি। মহাক্না খঙহল্লকখি মদুদি মহৈ-মশিং তম্বীবা, লু-নানবা, হেল্থকিয়র, ৱাতর সপ্লাই, অকোইবদা লৈরিবা মহৌশাগী ফিভম, ত্রান্সপোর্তেশন, অহোংবা মমলদা লৈননবা য়ুম-কৈ ফংহনবা, অশোই-অঙাম য়াওদনবা চেকশিন থৌরাং অমসুং পব্লিক সর্বিসশিং, পুন্সি মহিং হিংবগী ফিভমশিং অদু লমদম অসিগী শেন্মিৎলোন চাউখৎলকপগা লোইন-লোইননা য়াম্না ফগৎলকখ্রে। মহাক্না সি.জি.ঐচ.এস. ৱেলনেস সেন্তর, প্রধান মন্ত্রি গ্রাম সরক য়োজনা (পি.এম.জি.এস.ৱাই.), প্রধান মন্ত্রী আৱাজ য়োজনা গ্রামিন (পি.এম.এ.ৱাই.- জি.) অমসুং সিলচর অমসুং অকোইবদা লৈরিবা মফমশিংগী প্রজা মীয়ামগী পুন্সিদা মখাতানা য়াম্না কোম্না হিংবা ঙমহল্লিবা অতোপ্পা চাউখৎ-থৌরাংগী অনৌবা থৌরাংশিং অদুগী মতাংদসু পন্দুনা হায়খি।
মেম্বর ওফ পার্লিয়ামেন্ত অদুগী ত্বীত থ্রেদশিং অদুগী পাউখুম ওইনা, প্রধান মন্ত্রী অসুম্না ত্বীত তৌখি;
“চাউখৎ-থৌরাংগী মহৈশিং অদুনা সিলচর অমসুং অকোইবদা লৈরিবা মফমশিংদা ‘ইজ ওফ লিবিং’বু মখাতানা খুমাং চাউশিনহল্লে হায়বসি তাবদা য়াম্না নুংঙাইরে।”
Glad that the fruits of development are furthering ‘Ease of Living’ in Silchar and surrounding areas. https://t.co/d071vTZZLC
— Narendra Modi (@narendramodi) April 3, 2023
