Share
 
Comments
PM Modi holds virtual bilateral summit with Denmark PM Mette Frederiksen
India is working with Japan and Australia towards supply-chain diversification and resilience: PM
Events in the past months have made it clear how important it is for like-minded countries like India, which share a rules-based, transparent, humanitarian & democratic value-system, to work together: PM

খুরুমজরি, এক্সেলেন্সী!

ভর্চুএল সমিৎকী থোংদা অদোম খুদিংমক্কা ৱারী শানবগী তাঞ্জা ফংজবা অসিদা য়ান্না নুংঙাইবা ফাওই। খ্বাইদগী ইহান-হানবদা কোবিদ-১৯না মরম ওইদুনা দেনমার্কতা অৱা-অনা নংখিবশিং অদুগীদমক্তা নুংঙাইতবা ফোংদোকচরি। অৱাবা তানফম অসিদগী নান্থোরক্নবা অদোম্না মকোক থংনা হৈ-শিংনা হোৎনবিরিবশিং অদুগীদমক্তসু নোল্লুকপা উৎচরি। 

অচিনবা কয়াশিংসিগী মরক্তা অদোম্না মসিগী ৱারী শান্নবসিগীদমক্তা মতম কাইথোকপীরিবা অসি ঐখোয়গী মরক্তা লৈনরিবা মরি অসিগীদমক্তা অদোমগী থোইদোক-হেন্দোক্না মায় ওনশিনবা অমদি অচেৎপা ৱাফম অদু উবা ফংই।

হন্দক্তা অদোম লুহোংবিখিবসিগীদমক্তা ঐহাক্না অদোমদা য়াইফ-পাউজেল পীজরি অদুগা কোবিদ-১৯ অসি ফরবা মতুংদা থুনা অদোমগী ইমুং-মনুংগা লোয়ননা অদোম ভারত্তা অদোম্বু তরাম্না ওকচবগী তাঞ্জা ফংগনি হায়না খঞ্জরি। অদোমগী ইচানুপী ইদানা অমুক হন্না শোইদনা ভারত্তা লাক্নিংবগী লাংতক্নরমগনি হায়বা ঐহাক্না থাজৈ। 

নুমিৎ খরনিগী মমাংদা ঐখোয়না ফোন্দা য়াম্না অফবা মহৈ পুরক্কদবা ৱারী শান্নখি। ঐখোয়না হিরম কয়াদা ভারত অমসুং দেনমার্ককী মরক্তা তেংবাং পীনবসি হেনগৎনবা ৱা খন্নখি।

ঙসি ভর্চুএল সবমিৎ অসিদগী পাংথোক্নিংলিবশিংসিদা অনৌবা মায়কৈ অমদি খোংজেল হেনগৎহল্লিবসি য়াম্না হরাউনিংঙীই ওইবা হিরম্নি।  দেনমার্ক অসি ২০০৯দা ঐহাক্না গুজরাতকী মুখ্য মন্ত্রী ওইরিঙৈদা ভাইব্রেন্ত গুজরাত সবমিত্তা লেপ্তনা পুনশিল্লক্লি, মরম অসিনা দেনমার্ককী মফমদা ঐহাক্না থোইদোক্না নকশিন্নবগুম খঞ্জবসু লৈরি। ঐহাক্না অতোপ্পা ইন্দিয়া-নার্দিক সবমিৎ অসি থৌবু ওইনা হৌদোক্নবগী অদোম্না ৱা পুখৎপীরকপসিগীদমক্তা তৌবিমল খংবা উৎচরি। ফীভম ফরবা মতুংদা দেনমার্কতা লাক্তুনা অদোমগা ৱারী শান্নজবা ফংলবদি লাইবক ফবনি হায়না খঞ্জগনি।

এক্সেলেন্সী,
হৌখিবা থা খরদা থোকখ্রিবা থৌদোকশিং অসিনা চৎন-কাংলোন্দা য়ুম্ফম ওইবা, নুং-পান শেংনা উবা, মীওইবগী ৱাখ্ল্লোন চেনবা অমদি দেমোক্রেতিক ভেল্যু-সিস্তেম অসি পীথোক-পীশিন তৌনবা, পুন্না থবক তৌমিন্নবা অসি কয়াদা মরুওই হায়বা খংবা ঐখোয়গুম্না ৱাখল মান্নবা লৈবাকশিং লৈ হায়বসি ময়েক শেংনা উরে।

ভেক্সিন পুথোকপগী থবক্তসু ৱাখল মান্নবা লৈবাকশিংগী মরক্তা তেংবাংনবা অসিনা মসিগী লায়চৎসিদগী নান্থোরকপদা মতেং ওইগনি। লায়য়চৎসিদা ভারতকী ফার্মা পোৎলম পুথোকপগী মঙম অসি মালেম পুম্বগী ওইনা কান্নরি। ঐখোয়না মসিগী হোৎনবা অসি ভেক্সিনগী ওইনসু হোৎনরি। ঐখোয়গী ‘আত্মনির্ভর ভার’ অভিয়ানগী ওিনসু মসিগী কন্না হোৎনবসিনা শে-থুমগী লমশিংদসু ভারতকী মপাঙ্গলশিং অসি হেনগৎহনবা অদুগা মালেমগী ওইনসু কান্ননবনি।

অভিয়ান অসিদগী মায়কৈ পুম্নমক্কী ওইনা অনৌবা মওংদা শেমদোক্নবদা কন্না হোৎনরি। রিগুলেতরী অমসুং তেক্সোসন রিফোর্মশিংদগী ভারত্তা থবক তৌরিবা কম্পনিশিংনা কান্নবা ফংগনি। অতোপ্পা লমশিংদসু অনৌবা মওংদা শেমদোক্নবা থবকশিং লেপ্তনা চত্থরি। হন্দক্তা ইকুই-কুইদনা লৌউ-শিংউ অমসুং লেবর সেক্তরশিংদা মরুওইবা মওংদা শেমদোকখ্রে।

এক্সেলেন্সী,
কোবিদ-১৯সিনা গ্লোবেল সপ্লাই চেন অসি সোর্স অমখক্তদা হেক্তা য়াম্না মখা পোনবা অসি খুদোংথিনিংঙাই ওই হায়বসি উৎলে। ঐখোয়না জাপান অমসুং অস্ত্রেলিয়াগা পুল্লগা সপ্লাই-চেন অসি মখল-মখল খায়দোক্নবা অমদি হান্নগী ফীভমদা অমুক হঞ্জিল্লকপা ঙম্নবা হোৎনরি।

অতোপ্পা ৱাখল মান্নবা লৈবাকশিংসু মসিগী হোৎনরিবসিদা য়াওশিল্লকপা য়াই। মসিগী মতাংদা ঐখোয়গী ভর্চুএল সবমিৎ অসিনা শুপ্নতগী ভারত-দেনমার্ক্কী মরি অসিগীদমক্তা কান্ননিংঙাই ওইহনবদা নত্তনা মালেমসিগী শিংনবশিংসি লান্থেংননবা মান্ননা ৱাফম অমা শেমগৎপদা মতেং ওইগনি হায়না ঐহাক্না খল্লি।
ঐহাক্না অমুক হন্না, এক্সেলেন্সীগী মফমদা মতম কাইথোকপিবগীদমক্তা হন্না-হন্না থাগৎচরি। অদোম পুম্নমকপু ওপনিং রিমার্ক পীবিরনবা হায়জরি।

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Matthew Hayden writes an emotional note for India, gives his perspective to the ‘bad press’

Media Coverage

Matthew Hayden writes an emotional note for India, gives his perspective to the ‘bad press’
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 17 মে, 2021
May 17, 2021
Share
 
Comments

PM Modi extends greets Statehood Day greetings to people of Sikkim

Modi govt is taking all necessary steps to cope up with Covid-19 crises