ভারত-নাইজেরিয়াগী মরী ফগৎহন্নবা মহাক্না লুচিংখিবা অমসুং পাংথোকখিবা থবকশিংগীদমক, স্তেৎ গেস্ত হাওসতা পাংথোকপা থৌরম অমদা, নাইজেরিয়াগী রাস্ত্রপতি বোলা অহমদ তিনুবুনা প্রধান মন্ত্রী শ্রী নরেন্দ্র মোদীদা নেসনেল এৱার্দ-“গ্রান্ত কমান্দর ওফ ওর্দর ওফ নাইজর” পীখ্রে। এৱার্দ সাইতেসন অদুদা হায়খি মদুদি প্রধান মন্ত্রী নরেন্দ্র মোদীগী লমজিং মখাদা, ভারত মালেমগী শক্তি লৈবা লৈবাক অমা ওইরক্লে অমসুং মহাক্না লৈঙাক-সাসনগী থবকশিংদা অওনবা পুরকপদগী অপুনবা, শান্তি অমসুং মীওই খুদিংমক নুংঙাইবা পুরক্লে।
মনা অদু ফংখিবগা লোয়ননা, প্রধান মন্ত্রীনা মনা অদু ভারতকী মীয়াম অমসুং মতম কুইরবা অমসুং পুৱারি ওইরবা ভারত-নাইজেরিয়াগী মরক্তা লৈনরিবা মরুপ-মপাং ওইবা মরীদা কৎথোকখ্রে। মহাক্না হায়খি মদুদি মনা অসিনা লৈবাক অনিগী মরক্তা লৈনরিবা অচেৎপা মরী অমসুং গ্লোবেল সাউথকী অনিংবশিং থুংহন্নবা মখোয়না পীখিবা থাজবশিং অদু মশক খঙলে।
১৯৬৯ গী মতুংদা মপান লৈবাক্কী লুচিংবদা মনা অসি পীবা প্রধান মন্ত্রী শ্রী নরেন্দ্র মোদীনা অহানবনি।
