প্রধান মন্ত্রী শ্রী নরেন্দ্র মোদীনা সুরীনামগী হান্নগী রাস্ত্রপতি, শ্রী চন্দ্রিকাপর্সাদ সন্তোখীজীনা লৈখিদবদা অৱাবা ফোংদোকখ্রে। প্রধান মন্ত্রীনা হায়খি মদুদি মসি সুরীনাম খক্তা নত্তনা মালেম পুম্বদা লৈরিবা ভারত মচাশিংগীদমক্তসু মেনশিনবা ঙমলরোইদবা অমাংবা অমনি। লৈখিদ্রবা লুচিংবা অসিগা লোয়ননা মহাক্না উনখিবা কয়া অদু নীংশিংলদুনা শ্রী মোদীনা হায়খি মদুদি সন্তোখীজীনা সুরীনামগীদমক চোকথবা লৈতনা থবক তৌখি অমসুং ভারত-সুরীনামগী মরী মপাঙ্গল কনখৎহন্নবা মহাক্না হোৎনখিবশিং অদু মখোয়গী ৱারী শানবদা ময়েক শেংনা উবা ফংখি। মহাক্না সন্তোখী জীনা ভারতকী চৎনবীগীদমক অখন্নবা পামজখিবা মতাংদসু পল্লদুনা মহাক্না সংস্কৃত্তা ৱাশক লৌখিবা মতমদা মহাক্না মীওই কয়াগী থম্মোয়বু জোয় তৌখি।
এক্সতা প্রধান মন্ত্রীনা পোস্ত তৌখি:
“ঐহাক্কী মরুপ অমসুং সুরীনামগী হান্নগী রাস্ত্রপতি শ্রী চান্দ্রিকাপর্সাদ সন্তোখীজীনা খঙহৌদনা লৈখিদবদা য়াম্না ঙকপা অমসুং অৱাবা ফাওই। মসি সুরীনাম খক্তা নত্তনা মালেমগী ওইনা লৈরিবা ভারত মচা পুম্নমক্কীসু মেনশিনবা ঙমলরোইদবা অমাংবা অমনি।
ঐহাক্না মহাক্কা উনখিবা কয়া অদু নীংশিংলি। সুরীনামগীদমক মহাক্না চোকথবা লৈতনা হোৎনখিবা অমসুং ভারত-সুরীনাম মরী মপাঙ্গল কনখৎহন্নবা মহাক্না হোৎনখিবা অদু ঐখোয়গী ৱারী শানবদা ময়েক শেংনা উবা ফংখি। মহাক্না ভারতকী চৎনবী অখন্নবা পামজৈ। মহাক্না সংস্কৃত্তা ৱাশক লৌখিবদা মীওই কয়াগী থম্মোয় জোয় তৌখি।
ঐহাক্না মহাক্কী ইমুং-মনুং অমসুং সুরীনামগী মীয়াম্বু অৱাবা তারবা মতম অসিদা থম্মোয় শেংনা নুংঙাইতবা ফোংদোকচরি। ওম শান্তি।
ঐখোয়গী তোঙান তোঙানবা ৱারী-ৱাতাই শাখিবশিংদগী মমি খরা শিয়র তৌজরি...”
Deeply shocked and saddened by the sudden demise of my friend and the former President of Suriname, Mr. Chandrikapersad Santokhi Ji. This is not only an irreparable loss to Suriname but also to the global Indian diaspora.
— Narendra Modi (@narendramodi) March 31, 2026
I fondly recall my many meetings with him. His tireless… pic.twitter.com/2Yy7sppwDy
