Share
 
Comments
There is so much that we share: Shared Values & Ideals, Shared Spirit of Enterprise & Innovation, Shared Opportunities & Challenges, Shared Hopes & Aspirations, says PM at #NamasteTrump
India and the US are natural partners: PM Modi at #NamasteTrump
Not only the Indo-Pacific region, partnership between India and US augurs well for peace, progress and security for the entire world: PM Modi at #NamasteTrump

থাগৎচরি মিস্তর প্রসিদেন্ত,

অদোম্না হৌজিক ভারতকী মরমদা হায়বীখ্রে, মহাত্মা গান্ধী, স্বামী বিবেকানন্দ অমসুং সরদার পতেলবু নোল্লুকপগা লোয়ননা নীংশিংবীখ্রে, ভারতকী মীয়ামগী পাঙ্গলগী মরমদা হায়বীখ্রে, এচিবমেন্ত অমসুং কলচরগী মতাংদা হায়বখ্রে ঐহাক্কী মতাংদসু কয়া অমা হায়বীখ্রে। ঐহাক্না মদুগীদমক ভারতমচা খুদিংমক্কী মায়কৈদগী অদোম্বু হন্না-হন্না তৌবীমল খঙবা উৎচরি। রাস্ত্রপতি ত্রম্পনা ভারতকী প্রাইদ হেঙ্গৎহনবতা নত্তনা অমেরিকাদা লৈরিবা ভারতমচাশিংবুসু ইকায় খুম্নবীরি।

মিস্তর প্রসিদেন্ত, অদোম্না ভারতমচাশিংদা ৱা ঙাংলিবা মফম অসি মালেমগী খ্বাইদগী চাউবা স্তেদিয়ম্নি। শান্ন-খোৎনবগা মরী লৈনবা ফেসিলিতী খরা হৌজিক শেমগৎ-শাগৎপগী থবক চত্থরি। অদুম ওইনমক অদোম্না মফম অসিদা অদোম্না লেংবীরক্লিবা অসি স্পোর্তস ৱার্দল্দগা মরী লৈনবা মীপুম খুদিংমকপুসু ইনোৎ পীরগনি। ঐহাক্না গুজরাত ক্রিকেৎ এসোসিয়েসনবুসু থাগৎপা ফোংদোকচরি। মখোয়না ফজখ্রবা মফম অসিবু থৌরম অসিগীদমক ফংহনবীরি। মসিনা মখোয়গী কমপ্লিসন তাইমতেবলদা অহোংবা খরা পুরক্লম্বা য়াই, অদুবু মসি মেন্সিনগনি হায়বা ঐহাক্না মপুং ফানা থাজবা থম্লি।

মরূপশিং,

মীওই অনী ওইগেরা নত্রগা লৈবাক অনীগী মরী ওইগেরা, মদুগী খ্বাইদগী চাউবা য়ুমফম অদু থাজবনা ওইরি, অমনা অমদা থাজবা থম্বা। ঐখোয়গী লমদম অসিদা হায়নবসু লৈ- তন মিত্রম য়ত্র বিশ্বাস:॥ হায়বদি ফ্রেন্দশিপ অসি অচেৎপা থাজবদা লৈরি।

হৌখিবা চহী খরদা, ভারত অমসুং অমেরিকাগী মরক্তা থাজবা হেঙ্গৎলক্লিবা, হেন্না চেৎশিল্লক্লিবা অদু পুৱারীনি। অমেরিকাগী ঐহাক্কী খোংচৎতা, ঐহাক্না থাজবা অসিবু নুমীৎ খুদিংগী চেৎশিল্লক্লিবা অদু উবা ফংই।

ঐহাক্না নিংশিংলি, ঐহাক্না ৱাশিংতনদা রাস্ত্রপতি ত্রম্পকা অহানবা উনখিবা অদুদা মহাক্না ইফমদা হায়বীখি- “ভারতনা হ্বাইত হাউসতা অশেংবা মরূপ অমা লৈরি।”

রাস্ত্রপতি ত্রম্পনা ভারতকী মায়কৈদা মহাক্কী অসিগুম্লবা অখন্নবা নুংশিবা অসিবু মতম পুম্নমক্তা উৎপীরি। হ্বাইত হাউসতা দিৱালী পাংথোকপা মতমদা অমেরিকাদা লৈরিবা ভারত মচা লাখ ৪০সু অমেরিকাগী প্রোসপেরিতী অমসুং প্রোগ্রেসকী কো-পেসেঞ্জর ওইবদা চাউথোকপা পোকচরি।

মরূপশিং,

অমেরিকাগী মতৌগুম্না ঙসি ভারত্তসু অহোংবা পুরক্নবগীদমক মমাংদা অমুক্তা ওইখিদ্রিবা মওংদা তপথবা লৈত্রি। ঙসি ভারত মচা কোতি ১৩০ পুন্দুনা অনৌবা ভারত শেমগৎলি।

ঐখোয়গী য়ুথফুল পৱার অসি এস্পিরেসন্না থল্লি। অচৌবা পান্দম থম্বা, মদুবু ফংবা ঙম্বা, ঙসিদি অনৌবা ভারতকী শক্তম ওইরক্লে।        

  • ঙসি ভারত্তা মালেমগী খ্বাইদগী চাউবা ক্রিকেৎ স্তেদিয়ম লৈবতা নত্তনা, ঙসি ভারত মালেমগী খ্বাইদগী চাউবা হেল্থ ইন্সুরেন্স স্কিমসু পায়খৎলি।
  • ঙসি ভারত্তা মালেমগী খ্বাইদগী চাউবা সোলর পার্ক শাবতা নত্তনা ঙসি ভারত্তা মালেমগী খ্বাইদগী চাউবা সেনিতেসন প্রোগ্রমসু পায়খৎলি।
  • ঙসি ভারত অমুক্তদা খ্বাইদগী য়াম্বা সেতেলাইত থাগৎপগী ৱার্ল্দ রেকোর্দ থম্বতা নত্তনা ঙসি ভারত খ্বাইদগী য়াংবা ফাইনান্সিয়েল ইনক্লুজন তৌদুনসু ৱার্ল্দ রেকোর্দ থম্লে।

২১শুবা চহীচাদা, ঐখোয়গী ইনফ্রাস্ত্রকচর ওইগেরা নত্রগা সোসেল সেক্তর ওইগেরা, ঐখোয়না গ্লোবেল বেঞ্চমার্ক পুরদুনা মাংলোমদা চংশিল্লি।

হৌখিবা মতম খরদা ভারতনা অরীবা আইন ১৫০০ মুত্থৎপদা নত্তনা সমাজপু ফগৎহন্নবগীদমক অনৌবা আইন কয়া অমসু শেম্লে।

ত্রান্সজেন্দর মীওইশিংগী হক ওইগেরা, তলাক অহুমলক হায়বগী মায়োক্তা আইন শেম্দুনা মুস্লিম নুপীশিংগী ইকায় খুম্নবা ওইগেরা, শোয়নাইরবশিংবু প্রায়োরিতী পীবা ওইগেরা, নুপীশিংবু মীরোল্লিঙৈ মনুংদা হপ্তা ২৬কী পেইদ মেতরনিতী লীবকী প্রোভিজন ওইগেরা, অসিগুম্লবা হক কয়া অমা ঐখোয়না সমাজকী তোঙান-তোঙানবা কাংলুপকীদমক শোইদনা ফংহল্লে।

মরূপশিং,

ঐহাক্না ৱাফম অসিগী নুঙাইবা ফাওই মদুদি ভারত্তা ওইরক্লিবা অহোংবশিং অসিগী মরক্তা ঙসি অমেরিকা ভারতকী থাজনিঙাই ওইরবা পার্তনর অমা ওইররি।

ঙসি ভারতকী খ্বাইদগী চাউবা ত্রেদিং পার্তনর অমা ওইরিবা লৈবাক অদু অমেরিকানি।

ঙসি ভারতকী লান্মীশিংনা খ্বাইদগী য়াম্না লান ঔরাইরিবা লৈবাক অদু অমেরিকানি।

ঙসি ভারতনা খ্বাইদগী পাক চাউনা রিসর্স অমসুং দিবেলপমেন্ত পার্তনরশিপ ওইরিবা লৈবাক অদু অমেরিকানি।

ঙসি দিফেন্স ওইগেরা, ইনর্জী সেক্তর ওইগেরা, হকশেল ওইগেরা, আই.তি. ওইগেরা, লম খুদিংমক্তা ঐখোয়গী রিলেসনশিপকী থাক লেপ্পা লৈতনা হেঙ্গৎলক্লি।

মরূপশিং,

২১শুবা চহীচাগী দিকেদ অসিদা, অনৌবা ভারত, রিসর্জেন্ত অমেরিকাগীসু অনৌবা তাঞ্জা কয়া অমা পুরদুনা লাক্লি।

দিবেলপমেন্তকী লম পুম্নমক্তা, লৈবাক অনিমক্কী নাক্তা ফংবা য়াবা কয়া অমা লৈরি।

ভারত্তা মেন্যুফেকচরিং হেঙ্গৎপা, ইনফ্রাস্ত্রকচর হেন্না পাকথোক চাউথোকপা অসিনা অমেরিকাগীদমক অনৌবা ওইথোকপা কয়া পুদুনা লাক্লগনি।

ইন্দস্ত্রী ৪.০গী মতম অসিদা ভারত্তা দিজিতেল ইকোনোমী পাকথোক চাউথোকপা অসিনা অমেরিকাগীসু ইনবেস্তকী খুদোংচাবা কয়া ফংলগনি।

মিস্তর প্রসিদেন্ত,

হৌখিবা দিকেদশিংদা দিজিতেল তেক্নোলোজীনা ভারত অমসুং অমেরিকাগী মরীশিংবু মওং মতৌ পীবদা য়াম্না মরুওইবা থৌদাং লৌরি।

ভারতকী তেলেন্ত অমসুং অমেরিকাগী তেক্নোলোজীনা লম অসিবু অনৌবা লীদরশিপ পীরি।

অমদি ২১শুবা চহীচাদা ভারত অমসুং অমেরিকা পুল্লগা দিজিতেল য়ুগ অসিগী ইন্দস্ত্রী ৪.০ লুচিংবা ঙমগনি হায়না ঐহাক্না লৌই।

মরূপশিং,

২১শুবা চহীচা অসিদা, অনৌবা এলাইনমেন্তশিং, অনৌবা কম্পিতিসন, অনৌবা চেলেঞ্জশিং অমসুং অনৌবা ওপোর্চুনিতীশিংনা অহোংবা পুরকপগী য়ুমফম থোল্লি।

অসিগুম্বা অসিদা ভারত অমসুং অমেরিকাগী মরী অমসুং তেংবাংগী, ২১শুবা চহীচাগী মালেমগী মায়কৈ লেপ্পদা মরুওইবা থৌদাং ওইরগনি।

ভারত অমসুং অমেরিকা নেচরেল পার্তনরশিংনি হায়বা ঐহাক ময়েক শেংলে।

ঐখোয়না ইন্দো-পেসিফিক রিজন খক্তদা নত্তনা মালেম পুম্বগী শান্তি, প্রোগ্রেস অমসুং সেক্যুরিতীদা ইফেক্তিব ওইবা কন্ত্রীব্যুসন অমা পীবা ঙমগনি।

তেরোরিজম্বু মায়থিবা পীবদা অমেরিকাগী কমিতমেন্ত অমসুং প্রসিদেন্ত ত্রম্পকী লীদরশিপনা মীওইবা জাতিগী সেবা তৌরি, মরম অসিনা প্রসিদেন্ত ত্রম্পগুম্লবা থোইদোক হেন্দোক্লবা লুচিংবা অমসুং ভারতকী এক্সক্লুসিব ফ্রেন্দগী দিকেদ অসিগী হৌরকপদা মক্তদা ভারত্তা লাকপা অসি য়াম্না চাউবা তাঞ্জানি।

হৌখিবা মতমদা, ভারত-অমেরিকা মরীশিংবু চেৎশিলহন্নবা ঐখোয়না হৌদোকখিবা অদু হৌজিক মহাক্কী খোংচৎ অসিনা, মদুগী অতোপ্পা ফেজ হৌরে।

ঐখোয় লোং তর্ম ভিজন অমদগী ইন্সপায়র ওইরি, শুপ্নতরী শোর্ত তর্ম কন্সিদরেসনশিংদগী ওইদ্রি। ঐখোয়গী নাকল অনীগী মরীশিং হেঙ্গৎলগনি, ঐখোয়গী ইকোনোমিক পার্তনরশিপ হেন্না পাকথোক চাউথোক্লগনি, ঐখোয়গী দিজিতেল কোওপরেসন হেঙ্গৎলগনি।

অদুগা ঐহাক্না থাজবা থম্লি মদুদি অনৌবা অৱাংবশিং লান্থোক্তুনা ভারতনা পুদুনা চৎলিবা মংলানশিং অদু অমেরিকানা পুদুনা চৎলিবা মংলানশিং অদু ঐখোয় অমত্তা ওইনা পুন্দুনা মংলানশিং অদু মপুং ফাহনগনি, ঙসি ঐহাক্কী লাইবক ফবনি মদুদি রাস্ত্রপতি ত্রম্প অমসুং মহাক্কী ইমুং মনুং পুম্বা তরাম্না ওকচনবগী তাঞ্জা অদু ঐহাক্না ফংজরে। ঐহাক্না অমুক হন্না নমস্তে ত্রম্পকী খোন্থাং অসি নিন্দুনা ময়াম পুম্নমক্তা হায়জরি মদুদি ভারত ইমানা য়াইফরে, ভারত ইমানা য়াইফরে, ভারত ইমানা য়াইফরে।

ইন্দিয়া য়ু.এস. ফ্রেন্দশিপ লোং লিব, লোং লিব!

হন্না-হন্না থাগৎচরি।

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
'Little boy who helped his father at tea stall is addressing UNGA for 4th time'; Democracy can deliver, democracy has delivered: PM Modi

Media Coverage

'Little boy who helped his father at tea stall is addressing UNGA for 4th time'; Democracy can deliver, democracy has delivered: PM Modi
...

Nm on the go

Always be the first to hear from the PM. Get the App Now!
...
PM speaks to AP CM about Cyclone Gulab
September 26, 2021
Share
 
Comments

The Prime Minister, Shri Narendra Modi has spoken to Andhra Pradesh Chief Minister, Shri Y S Jagan Mohan Reddy and took stock of the situation arising in the wake of Cyclone Gulab. The Prime Minister has also assured all possible support from the Centre.

In a tweet, the Prime Minister said;

"Spoke to Andhra Pradesh CM Shri @ysjagan and took stock of the situation arising in the wake of Cyclone Gulab. Assured all possible support from the Centre. I pray for everyone’s safety and well-being."