নোংলৈ নুৎশিৎকী চৈথেং মায়োক্ননবা পায়খৎলিবা থবকশিংগী মতাংদা প্রধান মন্ত্রীদা পাউদমখি
খুদোংথিনিঙাই ওইবা মফমশিংদা লৈরিবা মীয়াম অশোই-অঙাম থোক্তনা লৌথোক্নবা পায়খৎপা য়াবা থবক পায়খৎলে: প্রধান মন্ত্রী
অমাং-অতা থোরকপা মতমদা মখোয় খুদক্কী ওইনা মতেং পীনবা থৌরাং তৌবগা লোয়ন্না তঙাইফদবা থবকশিং ফংহনগদবনি: প্রধান মন্ত্রী
শা-ষনশিং অশোই-অঙাম থোকহন্দনবা প্রধান মন্ত্রীনা ওফিসিএলশিংদা খঙহনখ্রে

ঙসি প্রধান মন্ত্রী শ্রী নরেন্দ্র মোদীনা লুচিংদুনা কেন্দ্রগী মিনিস্ত্রিশিং/এজেন্সিশিং অমসুং গুজরাতনা নোংলৈ নুংশিৎ ‘বিপারজয়’গী শেম-শারিবা হন্না য়েংশিন্নবা অৱাংবা থাক্কী মীফম অমা পাংথোকখ্রে।

অমাং-অতা থোরকপা মতমদা মখোয় খুদক্কী ওইনা মতেং পীনবা থৌরাং তৌবগা লোয়ন্না তঙাইফদবা থবকশিং হায়বদি মৈ, তেলিকম্মুনিকেসন, হকশেল, থক্নবা ঈশিং ফংহন্নবা অমসুং অমাং-অতাশিং খুদক্তা শেমজিন্নবা সেনিয়র ওফিসিএলশিংদা প্রধান মন্ত্রীনা খঙহনখ্রে। শা-ষনশিং অশোই-অঙাম থোকহন্দনবা প্রধান মন্ত্রীনা ওফিসিএলশিংদা খঙহনখ্রে। কন্ত্রোল রুমশিং 24x7 থবক তৌনবা মহাক্না মখা তানা পাউতাক পীখি।

জুন ১৫গী নুমিৎ য়ুংবদা নোংলৈ নুৎশিৎ ‘বিপারজয়’ সৌরাস্ত্রা অমসুং কুছগী মরক্তা লৈবা মান্দভি(গুজরাত) অমসুং জাখাউ হিথাংফম(গুজরাত) ময়াদা করাচি(পাকিস্তান)দা য়ৌরকপা য়াই হায়না মীফম অদুদা ইন্দিয়া মেতিওরোলোজিকেল দিপার্তমেন্তনা ফোঙদোক্লি। নোংলৈ নুংশিৎ অদু য়াংবগী চাং পুং অমদা কিমি ১২৫-১৩৫দগী পুং অমদা কিমি ১৪৫ ফাওবা ওইরবা য়াই হায়রি। মসিনা কুছ, দেবভুমি দ্বারকা অমসুং জামনাগর য়াওনা গুজরাতকী সমুদ্র মপানগী জিলাশিংদা অকনবা নোং তারবা য়াই অমসুং জুন ১৪-জুন ১৫দা গুজরাতকী পোর্বন্দর, রাজকোত, মোর্বি অমসুং জুনাগর জিলাশিংদা অকনবদগী য়াম্না কনবা ফাওবা নোং চুরবা য়াই হায়রি। নোংলৈ-নুংশিৎ অসি হৌরকপদগী হৌনা জুন ৬তগী আই.এম.দিনা রাজ্যশিং অমসুং মরী লৈনবা এজেন্সিশিংদা খ্বাইদগী নৌবা চেকশিনৱাশিং মাঙজৌন্না পীদুনা লাক্লি।  

হোম এফেয়ার্স মিনিস্ত্রিনা ফিবম অসি 24x7 চুপ্না য়েংশিল্লি অমসুং রাজ্য সরকার অমসুং মরী লৈনবা এজেন্সিশিংগা পাউ ফাউনরি। এন.দি.আর.এফনা মাঙজৌন্না তিম ১২ থমখ্রে, তিম অদুদা হি, উ কক্নবা খুৎলায়সিং, তেলিকোমগী খুৎলায়শিং য়াওরে অমসুং অতোপ্পা তিম ১৫ স্তেন্দবাই ওইনা লৈরে।

মী কনবা, মী থিবা অমসুং তেংবা পীবগী থবকশিং পাংথোক্নবা ভারতকী কোস্ত গার্দ অমসুং ভারতকী নেভিনা জহাজশিং অমসুং হেলিকোপ্তরশিং থমখ্রে। হিশিং অমসুং মী কন্নবা খুৎলায়শিংগা লোয়ন্না লান্মীগী ইঞ্জিনিয়ার তাক্স ফোর্স য়ুনিতশিং অমসুং এয়র ফোর্স স্তেন্দবাই ওইনা থমখ্রে। সমুদ্র মপান্দা সর্ভিলিয়েন্স এয়রক্রাফ অমসুং হেলিকোপ্তরশিংনা মথক্তগী য়েংশিল্লি। লান্মী, নেভি অমসুং কোস্ত গার্দকী দিজাস্তর রিলিফ তিম(দি আর তি) অমসুং মেদিকেল তিম(এম তি) স্তেন্দবাইদা লৈরে।

নোংলৈ নুংশিৎ থেংন্নবা গুজরাত সরকারনা পায়খৎলিবা থবকশিংগী মতাংদসু প্রধান মন্ত্রীদা পাউদমখি। চীফ মিনিস্তরগী থাক্তা জিলাগী ওফিসিএলশিংগা লোয়ন্না হন্না য়েংশিনবগী মীফম পাংথোকখ্রে অমসুং ফিবম অমা হেক্তা থেংন্নবা রাজ্যগী মেছিন্নরিশিং শেম-শাবা লোইরে। কেবিনেত সেক্রেতরি অমসুং হোম সেক্রেতরিনা লেপ্তনা গুজরাতকী চীফ সেক্রেতরি অমসুং কেন্দ্রগী মিনিস্ত্রিশিং/এজেন্সিশিংগা পাউ ফাওনরি।

মীফম অদুদা হোম মিনিস্তর, প্রধান মন্ত্রীগী প্রিন্সিপাল সেক্রেতরি, কেবিনেত সেক্রেতরি অমসুং অতোপ্পা সেনিয়র ওফিসিএলশিং শরুক য়াখি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Demat accounts rise to 15,14 million in March 2024, up 32.25% year-on-year: March month new additions at 31.3 Lakh

Media Coverage

Demat accounts rise to 15,14 million in March 2024, up 32.25% year-on-year: March month new additions at 31.3 Lakh
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 17 এপ্ৰিল, 2024
April 17, 2024

Holistic Development under the Leadership of PM Modi