ঙসি প্রধান মন্ত্রী শ্রী নরেন্দ্র মোদীনা গুজরাতকী দেদিয়াপরাদা ধর্তি আবা ভগবন বিরসা মুন্দাগী ১৫০ শুবা মপোক কুমওন থৌরমগী জনজাতিয়া গৌবর দিবসতা ৱা ঙাংখ্রে। থৌরম অদুদা মহাক্না লুপা করোর ৯.৭০০ হেনবগী তোঙান তোঙানবা ইনফ্রাষ্ট্রকচর অমসুং চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। মীয়ামদা ৱা ঙাংবদা প্রধান মন্ত্রীনা হায়খি মদুদি ইমা নর্মাদাগী শেংলবা লমদম অসিদা ঙসি অতোপ্পা পুৱারি ওইরবা থৌরম অমা উবা ফংলে। ভারতকী অপুনবা অমসুং খেন্নবশিং হরাওবা ফোঙদোক্নবা মফম অসিদা ওক্তোবর ৩১ দা সরদার পতেলগী ১৫০ শুবা মপোক কুমওন থৌরম পাংথোকখ্রে অমসুং ভারত পর্ব হৌদোকখ্রে। ঙসি ধর্তি আবা ভগবন বিরসা মুন্দাগী ১৫০ শুবা মপোক কুমওনগী অচৌবা থৌরম পাংথোকপগা লোয়ননা, ভারত পর্ব লোইশিনবা ঐখোয়না উবা ফংলে। শেংলবা থৌরম অসিদা মহাক্না ভগবন বিরসা মুন্দাগী মফমদা ইকায়খুম্নবা উৎখি। প্রধান মন্ত্রীনা হায়খি মদুদি গোবিন্দ গুরুগী থৌজালদগী গুজরাত, রাজস্থান অমসুং মধ্য প্রদেসতা নিংতম্বগী মিকপ থৌকখি অমসুং ত্রাইবেলশিংনা তাবা মফম খুদিংমক থৌরম অসিদা শরুক য়ারি। মহাক ঙাইহাক্কী মমাংদা দেবমোগ্রা মাতাগী লাইশঙদা চৎলুরে অমসুং অমুক হন্না ইমাগী খুয়াদা চঙজখি।
প্রধান মন্ত্রীনা হায়খি সান্ত কবিরগী পাউতাকশিংনা দেদিয়াপরা অমসুং সাগবারা লমদম ইথিল পীখি। মহাক সান্ত কবিরগী লমদম বারানসীগী এম.পিনি অমসুং মরম অদুনা মহাক্কী পুন্সিদা সান্ত কবিরনা অচৌবা মফম অমা কল্লি। মহাক্না থৌরম অদুদা সান্ত কবিরগী মফমদা ইকায়খুম্নবা উৎখি।
প্রধান মন্ত্রীনা হায়খি লৈবাক্কী চাউখৎ-থৌরাং অমসুং ত্রাইবেলগী য়াইফনবগা মরী লৈনবা প্রোজেক কয়া ঙসি শঙ্গারে অমসুং উরেপ-উয়ুং তমখ্রে। পি.এম-জনমন অমসুং অতোপ্পা স্কিমশিংগী মখাদা, লমদম অসিগী ইমুং লাখ ১ দা য়ুম ফংহল্লে। মশিং য়াম্লবা এক্লব্যা মোদেল স্কুলশিং অমসুং অশ্রাম স্কুলশিংসু শঙ্গারে অমসুং উরেপ-উয়ুং তম্লে। বিরসা মুন্দা ত্রাইবেল য়ুনিভর্সিতিদা শ্রী গোবিন্দ গুরু চিয়ার লিংখৎলে। হকশেল, লম্বীশিং অমসুং ত্রান্সপোর্তকা মরী লৈনবা অতোপ্পা প্রোজেক কয়াসু হৌদোক্লে। চাউখৎ-থৌরাংগী থবকশিং অসিগীদমক মীয়ামদা হরাওবা ফোঙদোকচরি।
প্রধান মন্ত্রীনা হায়খি ২০২১ দগী হৌনা, ভগবন বিরসা মুন্দাগী মপোক নুমিৎ অসি ওফিসিএল ওইনা জনজাতিয়া গৌরব দিবস হায়না থৌরম পাংথোক্লে। ত্রাইবেলগী চাউথোকচবা অসি চহি লিশিং কয়া ভারতকী ৱাখল্লোনগী তৎন-থানবা য়াদ্রবা শরুক অমা ওইদুনা লাক্লি; লৈবাক্কী ইকায়খুমনবা, মশানা মশাবু ইকায়খুম্নবা অমসুং নিংতম্বা খুদোংথিবা তারকপা মতমদা, ঐখোয়গী ত্রাইবেল ফুরুপশিংনা মাঙ থাদুনা লেপখি। ভারতকী নিংতম ইহৌ অসি থৌনা অসিগী অচৌবা খুদম অমনি। মশিং থিঙমদ্রবা ত্রাইবেল অথৌবশিংনা নিংতম্বগী মৈরা পায়দুনা মাং থাখি। তিলকা মানঝি, রানি গাইদিনলিয়ু, সিধো-কনহো, ভাইরাব মুর্মু, বুদ্ধু ভগৎ অমসুং অলুরি সিতারমন রাজু ত্রাইবেল খুন্নাইগী মশক থোকপা মীওইশিংনি। মধ্য প্রদেসতগী তন্ত্যা বিল, ছতিসগরদগফী বীর নারায়ন সিংহ, ঝারখন্দগী তেলঙ্গা খারিয়া, অসামদগী রুপচান্দ কোনৱার অমসুং উরিসাদগী লক্সমন নায়ক ভারতকী নিংতম্বা পুরক্নবা কৎথোকখিবা থৌনা ফরবা মীওইশিংনি। ত্রাইবেল ফুরুপনা মশিং থিঙমদ্রবা ইহৌ কয়া লমজিংখি অমসুং লৈবাক অসিগী নিংতম্বা পুরক্নবা মখোয়গী ঈ তাখি। গুজরাত অসি থৌনা ফরবা ত্রাইবেল অথৌবশিংগী লমদম অমনি। গোবিন্দ গুরুনা ভগৎ ইহৌ লুচিংখি; রাজা রুপসিংহ নায়ক্না পঞ্চমহলদা বৃতিস সরকারগী মায়োক্ত মতম শাংনা লান্থেংনখি; মোতিলাল তেজাৱাতনা ইকি ইহৌ হৌদোকখি অমসুং দাশ্রিবেন চৌধুরিনা গান্ধীজিগী অচুম্বা ফিদমশিং ত্রাইবেল খুন্নাইদা মশক তাকখি। নিংতম ইহৌগী পন্দুব কয়াদা ত্রাইবেলগী থৌনা অমসুং চাউথোকচবনা লৈতেংলি।
প্রধান মন্ত্রীনা মখা তানা হায়খি মদুদি নিংতম ইহৌদা ত্রাইবেলশিংনা লৌখিবা থৌদাং তুংগী মীরোলশিংদা খঙহনবা য়াম্না মরুওই। লৈবাক শীনবা থুংনা ত্রাইবেল ম্যুজম কয়া লিংখৎলে। গুজরাত্ত, রাজপিপ্লাদা লম একর ২৫ দা অচৌবা ত্রাইবেল ম্যুজিয়ম অমা শেমগৎলি। নুমিৎ খরগী মমাঙদা মহাক ছতিসগরদা চৎলুরে অমসুং মফম অদুদা সহিৎ বীর নারায়ন সিংহ ত্রাইবেল ম্যুজিয়ম শঙ্গাখ্রে। রাঞ্চিদা বিরসা মুন্দা থমখিবা জেল অদু ত্রাইবেল ম্যুজিয়ম অমা ওইনা শেমগৎলে।
প্রধান মন্ত্রীনা হায়খি ঙসি, শ্রী গোবিন্দ গুরু চিয়ার ফোর ত্রাইবেল লেঙ্গোইজ প্রোমোসন সেন্তরসু শঙ্গারে। সেন্তর অসিদা ভিল, গামিত, বাসাবা, গারাসিয়া, কোকানি, সন্থাল, রাথৱা, নায়ক, দব্লা, চৌধুরি, কোকনা, কুম্ভি, ৱারি অমসুং দোদিয়াগুম্বা ত্রাইবেল ফুরুপশিংগী লোলশিং তমগনি; হায়রিবা ফুরুপশিং অসিগী ৱারিশিং অমসুং ঈশৈশিং মাঙহন্দনা থমগনি। চহি লিশিং কয়াগী লৌশিং কয়া ত্রাইবেল খুন্নাইদা লৈরি। মখোয়গী হিংবগী লম্বীদা সাইন্স য়াওরি, মখোয়গী ৱারিদা ফিলোসোফি মমি তারি অমসুং মখোয়গী লোলশিংনা মহৌশাগী অকোয়বগী ফিবম খঙলি। শ্রী গোবিন্দ গুরু চিয়ারনা ইনাকখুল্লবা চৎনবী অসি অনৌবা মীরোলশিংগা শম্নহনগনি।
প্রধান মন্ত্রীনা হায়খি জনজাতিয়া গৌরব দিবসগী থৌরম অসিদা ঐখোয়গী ত্রাইবেল ইনাওশিং অমসুং ইচলশিংদা চৎথখিবা অরানশিং ঐখোয়দা নিংশিংহল্লে। লৈবাক অসিদা চহি ৬০ পানখিবা ওপোজিসন দলনা ত্রাইবেল ফুরুপশিং মখোয়গী মরাইবক্না তম্বনি হায়দুনা হুন্দোক্তুনা থমখি। ত্রাইবেলগী লমদমশিংদা মচি ওইবা চীঞ্জাক ৱাৎপা, অনা-লায়য়েংগী খুদোংচাবা ৱাৎপা, লাইরিক-লাইশু তমফম মতিক চাদবা অমসুং লম্বী-থোঙ মতিক চাদবা থেংনখি। অৱাৎপশিং অসিনা ত্রাইবেলগী লমদমশিং মশক তাকখি অমসুং হৌখিবা সরকারশিংনা তুমিন্না লৈখি। ত্রাইবেলগী য়াইফনবা থবক পায়খৎপা হায়বসি মখোয়গী সরকারগী মরুওইবনি। ত্রাইবেলশিংনা মায়োক্নরিবা অরানশিং লোইশিন্নবা সরকারগী লেংদ্রবা ৱাশক লৈরি অমসুং চাউখৎ-থৌরাংগী কান্নবশিং মখোয়দা য়ৌহনগনি।
প্রধান মন্ত্রীনা হায়খি শ্রী অতল বিহারি বাজপায় জিগী লৈঙাক মখাদা, মখোয়গী দলনা ত্রাইবেল এফেয়ার্সকী তোখায়বা মিনিষ্ট্রি অমা লিংখৎখি। অদুবু অতল জিগী লৈঙাক মতুংদা লাকখিবা সরকারনা মিনিষ্ট্রি অসি চহি ১০ মীরাইদুনা থমখি। ২০১৩ দা মতম অদুগী সরকারনা ত্রাইবেলগী য়াইফনবা লুপা করোর লিশিং খর কাইথোকখি। মখোয়গী সরকার লাক্লবা মতুংদা, ত্রাইবেলগী য়াইফনবা সরকার অসিনা অমুক হন্না থবক পায়খৎপা হৌখি অমসুং মিনিষ্ট্রিগী বজেত হেনগৎহনখি। ত্রাইবেল মীয়াম য়াইফনবগীদমক ঙসিদি ত্রাইবেল এফেয়ার্স মিনিষ্ট্রিগী বজেত শরুক কয়া হেনগৎলে।
প্রধান মন্ত্রীনা হায়খি গুজরাত্ত ত্রাইবেলগী লমদমশিংগী ফিবম ফত্তবা মতম অমা লৈরমখি। ত্রাইবেলশিংনা নম্না তাবা অম্বাজিদগী উমারাগাম ফাওবদা সাইন্সকী স্কুল অমা ফাওবা লৈরমদে। দেদিয়াপরা অমসুং সাগবারাগুম্বা লমদমশিংদা, মহৈরোয়শিং অৱাংবা থাক্কী মহৈ তম্নবা খুদোংচাবা লৈখিদে। মহাক্না গুজরাতকী চীফ মিনিষ্টর ওইরিঙৈদা দেদিয়াপরাদগী মহাক্না কন্যা কেলাবানি মহোৎসব হৌদোকখি। মতম অদুদা মহাক্না অঙাং কয়া উনখি অমসুং অঙাং খরনা মখোয় দোক্তরশিং ওইনিংবগী অপাম্বা ফোঙদোকখি, খরনা ইঞ্জিনিয়ার নত্ত্রগা সাইন্তিষ্টশিং ওইনিংবগী অপাম্বা ফোঙদোকখি। মখোয় মাঙলোমদা চঙশিন্নবা মহাক্না পুক্নিং থৌগৎখি অমসুং মখোয়গী মঙলানশিং মঙফাওন্নবগী লম্বীদা থেংনবা অপনবশিং লৌথোক্কনি হায়না মখোয়দা থাজবা পীখি।
প্রধান মন্ত্রীনা হায়খি ফিবম অদু অহোংবা অমা পুরক্নবা পোথাবা লৈতনা হোৎনখি। মতুং তারকপদা, গুজরাতগী ত্রাইবেলশিংনা নম্না তাবা মফমশিংদা হৌজিক স্কুল ১০,০০০ হেন্না লৈরে। হৌখিবা চহি ২০ দা, ত্রাইবেলগী লমদমশিংদা সাইন্স, কম্মর্স অমসুং আর্তস কোলেজ কয়া লিংখৎলে। মখোয়গী সরকারনা গুজরাত্ত ত্রাইবেল অঙাংশিংগী হোষ্টেল চা কয়া শাখ্রে অমসুং ত্রাইবেল য়ুনিভর্সিতি অনি লিংখৎলে। অসিগুম্বা থবকশিংনা লমদম অসিদা অচৌবা অওনবা পুরক্লে। চহি ২০ গী মমাংদা, মখোয়গী মীৎশিংদা মঙলানশিংগা লোয়ননা মহাক্না অঙাংশিং উনখি- অঙাং খরনা মখোয় দোক্তরশিং ওইনিংবগী অপাম্বা ফোঙদোকখি, খরনা ইঞ্জিনিয়ার নত্ত্রগা সাইন্তিষ্টশিং ওইনিংবগী অপাম্বা ফোঙদোকখি। ঙসিদি, অঙাং অয়াম্বা দোক্তরশিং, ইঞ্জিনিয়ারশিং অমসুং থিজিল্লোয়শিং ওইরে। ত্রাইবেল অঙাংশিংগী তুংগী ফিবম অফবা ওইনবা সরকারনা অহিং অমসুং নুংথিল থবক তৌখি। হৌখিবা চহি ৫-৬ খক্তদা, লৈবাক শীনবা থুংবদা এক্লব্যা মোদেল রেসিদেন্সিএল স্কুলশিং লিংখৎনবা কেন্দ্র সরকারনা লুপা করোর ১৮,০০০ কাইথোকখ্রে। মহৈরোয় নুপীমচাশিংদা স্কুলদা তঙাইফদবা খুদোংচাবশিং ফংহল্লে। মসিগী ফল ওইনা, হায়রিবা স্কুলশিং অসিদা ত্রাইবেল অঙাংশিং তম্বা চাদা ৬০ হেনগৎলে।
প্রধান মন্ত্রীনা হায়খি ত্রাইবেল নহারোলশিংদা খুদোংচাবশিং পীবা মতমদা, হিরম খুদিংমক্ত মাঙজিল থানবা মখোয়গী মপাঙ্গল লৈ। মখোয়গী থৌনা, থবক শুবা কনবা অমসুং তৌবা ঙম্বা অসি চৎনবীদগী ফংলকপনি। মালেম শীনবা থুংনা মচু অহুমগী ফিরাল চিংখৎপদা ত্রাইবেল নহারোলশিংনা শিংথানিঙাই ওইনা থবক পাংথোক্তুনা, ঙসিদি শান্নবগী লমদা ময়েক লারবা খুদম অমা ওইরে। মেরি কোম, থোনাকাল গোপি, দুদি চান্দ অমসুং বাইচুং ভুতিয়া মীয়াম্না খঙনরে, হৌজিক মরুওইবা চাংদম্নবশিংদা ত্রাইবেল লমদমশিংগী শান্নরোয়শিং শরুক য়াবা উরে। হন্দক ভারতকী নুপীশিংগী ক্রিকেত তিমনা ৱার্ল্দ কপ লৌদুনা পুৱারি শেমখ্রে অমসুং মাইপাকপা অদুদা ত্রাইবেল ফুরুপকী ইচানুপী অমনা মরুওইবা থৌদাং লৌখি। ত্রাইবেলগী লমদমশিংদা অনৌবা হৈথোই-শিংথোইবা নহারোলশিং মশক খঙদোক্নবা অমসুং য়োকখৎনবা সরকারনা থবক পায়খৎলি। ত্রাইবেল লমদমশিংদসু শান্নবগী খুদোংচাবশিং ফংহল্লে।
প্রধান মন্ত্রীনা হায়খি তোল্লবশিং মরুওইনা লৌবা পান্দমগা লোয়ননা মখোয়গী সরকারনা থবক পায়খৎলি। মতম অমদা চাউখৎতবনি হায়না খন্নরম্বা নর্মাদা জিলা মরুওইনা লৌখি, এস্পিরেসনেল দিষ্ট্রিক অমা ওইরে হায়না লাউথোকখি অমসুং ঙসি জিলা অসি চাউখৎপগী পেরামিতর কয়াদা শিংথাবা য়ানা ফগৎলে। অওনবা অসিনা লমদম অসিগী ত্রাইবেলগী লমদমদা চাউনা কান্নবা পীরে। ত্রাইবেলনা মশিং য়াম্না তাবা রাজ্যশিং অমসুং তোল্লবা কাংলুপশিংদা কেন্দ্র সরকারগী স্কিম কয়া হৌদোক্লে। লেম্না লায়য়েংনবগীদমক ২০১৮ দা অয়ুস্মান ভারত হৌদোকখি। স্কিম অসি ঝারখন্দগী রাঞ্চিদগী হৌদোকখি। ঙসিদি, স্কিম অসিগী মখাদা, লৈবাক শীনবা থুংবগী ত্রাইবেল ইনাও অমসুং ইচল করোর কয়া লুপা লাখ ৫ ফাওবগী লেম্না লায়য়েংবগী খুদোংচাবা ফংলে। ত্রাইবেলনা মশিং য়াম্না খুন্দাবা ছতিসগরদগী অয়ুস্মান অরোগ্যা মন্দিরগী থবকশিং হৌদোকখি অমসুং মসিনা ত্রাইবেল মীয়ামদা শিংথাবা য়ানা কান্নবশিং ফংহল্লে।
প্রধান মন্ত্রীনা হায়খি ত্রাইবেল ফুরুপশিংগী মরক্ত খ্বাইদগী শোৎথরবশিংদা মখোয়গী সরকারনা অখন্নবা মীৎয়েং থম্লে। নিংতম্বা ফংলবা চহি কয়া ফাওবদা, মৈ, ঈশিং, লম্বী অমসুং হোস্পিতালশিং লৈতবা লমদম কয়া লৈরি। অসিগুম্বা মফমশিং অসি চাউখৎনবা, ঝারখন্দগী খুন্তিদগী পি.এম-জনমন স্কিম হৌদোকখ্রে। থবক অসিগীদমক লুপা করোর ২৪,০০০ চাদিং তৌখ্রে। ধর্তি আবা ত্রাইবেল ভিলেজ উতকার্স অভিয়ান্না চাউখৎত্রিবা ত্রাইবেলগী খুঙ্গংশিংদা চাউখৎপগী অনৌবা পন্দুব অমা হাংদোক্লে। লৈবাক শীনবা থুংনা খুঙ্গং ৬০,০০০ কেম্পেন অসিদা শরুক য়াখ্রে। খুঙ্গং লিশিং কয়া অহানবা ওইনা তোতি ঈশিং ফংলে অমসুং মীওই চা কয়া তেলিমেদিসনগী খুদোংচাবশিং ফংলে। অভিয়ান অসিগী মখাদা, গ্রাম সভাশিংগী চাউখৎপগী মরুওইবা থৌদাং লৌখি। হকশেল, লাইরিক-লাইশু, মচি ওইবা চীঞ্জাক, লৌউ-শিংউ অমসুং হিংনবা লম্বীদা মীৎয়েং থমদুনা খুঙ্গংশিংদা মীয়াম্না থৌরাংশিং শেম্লে। অচেৎপা ফিরেপনা খ্বাইদগী ওইথোক্লরোই হায়না খনবা পান্দমশিং ফাওবা ফংবা ঙম্লে হায়বা অভিয়ান অসিনা তাক্লে।
প্রধান মন্ত্রীনা হায়খি ত্রাইবেলগী পুন্সিগী হিরম খুদিংমক্ত থেংনরিবা খুদোংচাদবশিং কোকহন্নবা অপুনবা থৌরাং অমগা লোয়ননা সরকারনা থবক পায়খৎলি। উমংগী পোৎথোকশিংগী মশিং ২০ দগী ১০০ দা হেনগৎলে অমসুং উমংগী পোৎথোকশিংগী এম.এস.পি হেনগৎলে। সরকারনা থৱায় য়াওনা শ্রী অন্না য়োকখৎপদগী ত্রাইবেলশিং কান্নবা ফংলে। গুজরাত্ত হৌদোকখিবা বনবন্ধু কলয়ান য়োজনানা ত্রাইবেল মীয়ামদা অনৌবা শেন-থুমগী মপাঙ্গল হাপ্লে। মসিনা ইথিল পীদুনা, জনজাতিয়া কলয়ান য়োজনা হৌজিক পায়খৎলে।
প্রধান মন্ত্রীনা হায়খি সিক্কল সেল লায়নাশিং মতম শাংনবা ত্রাইবেল ফুরুপশিংদা অচৌবা খুদোংচাদবা অমা ওইখি অমসুং মসি থেংননবা ত্রাইবেলগী লমদমদা দিস্পেন্সরিশিং, মেদিকেল সেন্তরশিং অমসুং হোস্পিতালশিং মশিং হেনগৎহল্লে; সিক্কল সেল লায়না মপুংফানা লাকশিন্নবা হৌজিক লৈবাক শীনবা থুংনা খোঙজং অমা চৎথরি। থবক অসিগী মখাদা, লৈবাক শীনবা থুংবগী ত্রাইবেল ইনাও অমসুং ইচল করোর ৬ লায়না অসি লৈবরা হায়না য়েংথোকখ্রে।
লাইরিক-লাইশুগী মতাংদা প্রধান মন্ত্রীনা হায়খি অনৌবা ইজুকেসন পোলিসিগী মখাদা, মমালোলশিংদা লাইরিক তম্নবগী খুদোংচাবশিং পীরে। লোল খঙদবগী হান্না লাইরিক তম্বা তোকখিবা ত্রাইবেল অঙাংশিং হৌজিক মমালোলদা লাইরিক তম্বগী চাউখৎপা হৌরে অমসুং লৈবাক্কী চাউখৎ-থৌরাং থৱায় য়াওনা শরুক য়ারে।
প্রধান মন্ত্রীনা হায়খি গুজরাতকী ত্রাইবেল ফুরুপশিংগী ইনাকখুল্লবা কলাগী পুক্কৈ লৈরি। মখোয়গী অয়েকপা লাইশিং অমসুং কলাগী থবকশিং অঙকপনি। কলাকার পরেসভাই রাথৱানা কলাশিং অসি চাউখৎহনখি অমসুং পদ্ম এৱার্দ পীদুনা সরকারনা মহাক ইকায়খুম্নবা উৎখ্রে।
প্রধান মন্ত্রীনা হায়খি খুন্নাই অমা চাউখৎনবা গনতন্ত্রদা শরুক য়াবা অসি তঙাইফদে। সরকারগী পান্দমদি ত্রাইবেল ফুরুপশিং চাউখৎলকপা অমসুং লৈবাক অসি লমজিংবনি। ঙসিদি ভারতকী রাষ্ট্রপতি ত্রাইবেল নুপী অমনা ওইরি। দল অমসুং সরকারদা অচৌবা থৌদাংশিং লৌনবা মখোয়গী দল অমসুং এল্লাইন্সনা ত্রাইবেল লুচিংবশিং পুখৎলে। ছতিসগরগী শ্রী বিষ্ণুদেব সাই, উরিসাগী শ্রী মোহন চরন মাঝি, অরুনাচল প্রদেসকী শ্রী পেমা খান্দু অমসুং নাগালেন্দগী শ্রী নৈফিয়ু রিও মশক থোকপা ত্রাইবেল লুচিংবশিংনি অমসুং রাজ্য কয়াদা ত্রাইবেল লুচিংবশিং চীফ মিনিষ্টরশিং ওইরে। দল অসিনা রাজ্যগী এশেমব্লিশিংদা ত্রাইবেল স্পিকরশিং হাপ্লে। গুজরাত্তগী শ্রী মঙ্গুভাই পতেল হৌজিক মধ্য প্রদেসকী রাজ্যপাল ওইরি। অসামগী হান্নগী চীফ মিনিষ্টর শ্রী সর্বনন্দ সোনোৱাল হৌজিক মখোয়গী মন্ত্রীমন্দলদা য়ুনিয়ন মিনিষ্টর ওইরি। লৈবাক অসি চাউখৎনবা লুচিংবশিং অসিনা পাংথোক্লিবা থবকশিং লাম্বা লৈতে অমসুং তোপ-তোপ্পনি।
প্রধান মন্ত্রীনা হায়খি ঙসি লৈবাক অসি সবকা সাথ, সবকা বিকাসগী লাইৱাগী মপাঙ্গল লৈরে। লাইৱা অসিনা চহি কয়া মীওই কয়াগী পুন্সি অওনবা পুরকখ্রে, লৈবাক্কী অপুনবা শক্তম মপাঙ্গল কনখৎলে অমসুং মতম শাংনা মীরাইদুনা লাক্লবা ত্রাইবেল ফুরুপশিং জাতিগী ইচেলদা পুরক্লে। ভগবন বিরসা মুন্দাগী ১৫০ শুবা মপোক কুমওনগী শেংলবা থৌরমদা, সবকা সাথ, সবকা বিকাসগী লাইৱা মপাঙ্গল কনখৎহন্নবা ঐখোয় ৱাশক লৌগদবনি; চাউখৎপদা কনা অমতা চিৎথহল্লোইদবনি, চাউখৎপদা কনা অমতা হুন্দোক্লম্লোইদবনি; মসি লৈবাক অসিগী অশেংবা মপারি ধর্তি আবাগী খুয়াদা কৎপা অশেংবা ইকায়খুম্নবনি। অপুনবা ওইনা ঐখোয় মাঙলোমদা চঙশিনগনি অমসুং বিকসিত ভারত অমগী মঙলানা মঙফাওনবা ঙমগনি অমসুং ৱাশক অসিগা লোয়ঘনন, জনজাতিয়া গৌরব দিবস অসিদা মীয়ামদা য়াইফ পাউজেল পীজরি।
প্রধান মন্ত্রীনা মখা তানা হায়খি ত্রাইবেল ফুরুপশিংনা ঙাক্লিবা চৎনবীশিংগী অশেংবা মশক জনজাতিয়া গৌরব দিবসনা ঙাক্তুনা থম্লি অমসুং তুংগী মীরোলশিংগী অনিংবশিং থুংহল্লি। মরম অদুনা, ভারত শীনবা থুংনা নবেম্বর ১৫ দা, জনজাতিয়া গৌরব দিবস হায়না ভগবন বিরসা মুন্দাগী মপোক নুমিৎ পাংথোক্লি। ভারতমচা ওইবগী ৱাখল্লোন্দা য়ুম্ফম ওইদুনা অমসুং মাইপাকপগী অনৌবা পান্দমশিং ফংদুনা অনৌবা থৌনাগা লোয়ননা ঐখোয় চঙশিনগদবনি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা গুজরাতকী রাজ্যপাল শ্রী অচার্য়া দেবব্রাত, গুজরাতকী চীফ মিনিষ্টর শ্রী ভুপেন্দ্রভাই পতেল য়াওখি।
নুঙগীৱারোল
দেদিয়াপরাদা পাংথোকপা থৌরম মনুংদা, ত্রাইবেল ফুরুপশিংগী ফিবম ফগৎনবা অমসুং খুঙ্গং অমসুং মনুং-হুঞ্জিনবা মফমশিংদা ইনফ্রাষ্ট্রকচর চাউখৎনবা তোঙান তোঙানবা চাউখৎ-থৌরাংগী প্রোজেকশিং প্রধান মন্ত্রীনা শঙ্গাখ্রে অমসুং উরেপ-উয়ুং তমখ্রে।
প্রধান মন্ত্রী জনজাতি অদিবাসি ন্যয়া মহা অভিয়ান (পি.এম-জনমন) অমসুং ধর্তি আবা জনজাতিয়া গ্রাম উতকার্স অভিয়ান(দি.এ-জগুৱা) গী মখাদা শাবা য়ুম ১০০,০০০ গী গ্রিহ প্রভেস থৌরমদা প্রধান মন্ত্রী শরুক য়াখি।
লুপা করোর ১,৯০০ গী ত্রাইবেল মহৈরোয়শিংদা কৎথোক্লবা এক্লব্য মোদেল রেসিদেন্সিএল স্কুল ৪২; মীয়ামগী থবকশিংগী মফম অমা ওইনবা মল্তি-পর্পজ সেন্তর ২২৮; অসাম মেদিকেল কোলেজ, দিব্রুগরদা সেন্তর ওফ কম্পিতেন্স অমসুং ত্রাইবেল কলচর অমসুং হেরিতেচ ঙাক-শেন্নবা মনিপুরগী ইম্ফালদা ত্রাইবেল রিছার্স ইন্সতিতুৎ বিল্দিং প্রধান মন্ত্রীনা শঙ্গাখ্রে। ত্রাইবেলগী লমদমশিংদা চৎথোক-চৎশিন ফগৎনবা গুজরাতকী ত্রাইবেল জিলা ১৪ গী বস ২৫০ প্রধান মন্ত্রীনা লমথাখ্রে।
ত্রাইবেলগী লমদমশিংদা লম্বী-থোঙ ফগৎনবা কিমি ৭৪৮ গী অনৌবা লম্বীশিং শেম্নবা অমসুং মীয়ামগী মফমশিং ওইনা থবক তৌনবা দি.এ-জগুৱাগী মখাদা ত্রাইবেল মল্তি-মার্কেতিং সেন্তর ১৪ শানবা প্রধান মন্ত্রীনা উরেপ-উয়ুং তমখ্রে। ত্রাইবেল মহৈরোয়শিংদা অফবা মখলগী লাইরিক-লাইশু তম্বগী খুদোংচাবা পীনবা লুপা করোর ২৩২০ হেন্না চঙনা অনৌবা এক্লব্য মোদেল রেসিদেন্সিএল স্কুল ৫০ শানবা প্রধান মন্ত্রীনা উরেপ-উয়ুং তমখ্রে।
ৱা ঙাংখিবগী মপুংফাবা ৱারোল পানবা মসিদা নম্বীয়ু
जनजातीय गौरव हजारों वर्षों से हमारे भारत की चेतना का अभिन्न हिस्सा रहा है।
— PMO India (@PMOIndia) November 15, 2025
जब-जब देश के सम्मान स्वाभिमान और स्वराज की बात आई... तो हमारा आदिवासी समाज सबसे आगे खड़ा हुआ: PM @narendramodi
स्वतंत्रता आंदोलन में ट्राइबल समाज के योगदान को हम भुला नहीं सकते: PM @narendramodi
— PMO India (@PMOIndia) November 15, 2025
आज श्री गोविंद गुरु चेयर जनजातीय भाषा संवर्धन केंद्र की स्थापना भी हुई है।
— PMO India (@PMOIndia) November 15, 2025
यहां भील, गामित, वसावा, गरासिया, कोकणी, संथाल, राठवा, नायक, डबला, चौधरी, कोकना, कुंभी, वर्ली, डोडिया… ऐसी सभी जनजातियों की बोलियों पर अध्ययन होगा।
उनसे जुड़ी कहानियों और गीतों को संरक्षित किया जाएगा: PM…
आदिवासी समुदायों में सिकिल सेल बीमारी एक बहुत बड़ा खतरा रही है। इससे निपटने के लिए जनजातीय इलाकों में डिस्पेंसरी, मेडिकल सेंटर और हॉस्पिटल की संख्या बढ़ाई गई है।
— PMO India (@PMOIndia) November 15, 2025
सिकिल सेल बीमारी से निपटने के लिए राष्ट्रीय स्तर पर अभियान चल रहा है: PM @narendramodi
आज भगवान बिरसा मुंडा की 150वीं जयंती के पावन पर्व पर हमें ‘सबका साथ, सबका विकास’ के मंत्र को मजबूत करने की शपथ लेनी है।
— PMO India (@PMOIndia) November 15, 2025
ना विकास में कोई पीछे रहे...ना विकास में कोई पीछे छूटे।
यही धरती आबा के चरणों में सच्ची श्रद्धांजलि है: PM @narendramodi
