প্রধান মন্ত্রী, শ্রী নরেন্দ্র মোদীনা ঙসি দিল্লীগী দ্বারকাদা রাম লীলা অমসুং রাবন দহন য়েংখ্রে।
থৌরম অসিদা ৱা ঙাংলদুনা প্রধান মন্ত্রীনা হায়খি মদুদি বিজয়াদশমী অসি অরানগী মায়োক্না অচুম্বনা, নাপলগী মায়োক্তা নোলুকপা অমসুং অশাওবগী মায়োক্তা অখাং কনবনা মাইপাকপগী কুহ্মৈ অমনি। মহাক্না মসি নৌনা ৱাশকশিং লৌবগী নুমিৎ অমসু ওইরি হায়খি।
প্রধান মন্ত্রীনা হায়খি হন্দক্তি ঐখোয়না চন্দ্রয়ানদা লেন্দিং তৌখিবগী থা অনিগী মতুং চপ চানা বিজয়া দশমী পাঙথোক্লি। নুমিৎ অসিদা তৌখিবা শাস্ত্র পুজনগী চৎনবীগী মতাংদা প্রধান মন্ত্রীনা হায়খি মদুদি ভারতনা খুৎলাইশিং লম লৌশিন্নবা শীজিন্নদে অদু ঙাকথোক্নবদি শীজিন্নৈ। মহাক্না হায়খি মদুদি শক্তি পুজা হায়বগী ৱাহন্থোক অসি তাইবংপান পুম্বগী নুংঙাই-য়াইফবা, অনা অয়েক য়াওদবা, মাইপাকপা অমসুং মতিক-ময়াই অদুনি। মহাক্না ভারতকী ফিলোসোফীগী লোইনাইদ্রবা অমসুং অনৌবা হীরমশিংগী মতাংদা ফোঙদোকখি। “ঐখোয়না রামগী ‘মর্য়াদা’ (ঙমখৈশিং) খঙই অমসুং ঐখোয়গী ঙমখৈশিং করম্না ঙাকথোক্কনি হায়বসু খঙই”, হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি “ভগৱান রামগী পোক্নফমদা মন্দির শারিবা অসিনা চহিচা কয়া ঙাইরবা মতুংদা ভারত মচা ঐখোয়গী অখাং কনবনা মাইপাকপগী খুদম অমা ওইরি”। মহাক্না হায়খি মথংগী রাম নবমীদা মন্দির অসিদা তৌবা পুজাশিংনা মালেম পুম্বদা হরাও নুংঙাইবা শন্দোক্লগনি। “ভগৱান শ্রী রাম শোইদনা লাক্লগনি” হায়না প্রধান মন্ত্রীনা ফোঙদোকখ্রে। রামচরিতমানসতা ফোঙদোকখি য়ৌরকপগী খুদম-চাংদমশিং অদু নীংশিংলদুনা প্রধান মন্ত্রীনা মদুগা মান্নবা খুদম-চাংদমশিং অদু পনখি খুদম ওইনা ভারতকী ইকনোমীনা মঙাশুবা খ্বাইদগী চাউবা ইকনোমী ওইরকপা, থা কাবা, অনৌবা পার্লিয়ামেন্ত বিল্দিং, নারী শক্তি বন্দন অধিনিয়াম। “ঙসি ভারতনা মালেমগী খ্বাইদগী চাউবা দেমোক্রেসী ওইনা লোয়ননা খ্বাইদগী থাজবা দেমোক্রেসী ওইরক্লি”, হায়না মহাক্না ফোঙদোকখি। ভগৱান রামনা অসিগুম্বা য়াইফরবা খুদম-চাংদমশিংগা লোয়ননা লাক্লি হায়না ফোঙদোক্লদুনা প্রধান মন্ত্রীনা হায়, “অমরোমদা নীংতম্বা ফংখিবগী চহি 75গী মতুংদা ভারতকী লাইবক অসি হৌজিক মায়োল চুমলক্তুনা খুমাং চাউশিল্লি”।
মহাক্না খুন্নাই, জাৎ-বিজাৎ, অমসুং লাইনীং অমসুং ভারত চাউখৎহনবগী মহুৎ পুকচেল পীকপা ৱাখল্লোন্না তংদু লৈতাবাদা অকাইবা থোকহল্লিবা পেথোলোজীশিংগী শক্তিশিংদগী চেকশিন্নবা লৈবা মথৌ তাই হায়খি। “ঐখোয়না খুন্নাইদা লৈরিবা ফত্তবশিং অমসুং খেন্নবা অসি মুত্থৎনবা ৱাশক লৌরসি”, হায়না মহাক্না ফোঙদোকখ্রে।
প্রধান মন্ত্রীনা ভারতকীদমক মথংগী চহি 25 অসি মরু ওই হায়না নৌহৌনা ফোঙদোকখ্রে। “ঐখোয়না ভগৱান রামগী ৱাখল্লোন চেনবা ভারত অমা শেমগদবনি। আত্মনির্ভর ওইবা চাউখৎপা ভারত অমা, মালেমদা শান্তিগী পাউজেল পীরিবা চাউখৎপা ভারত অমা, মীপুম খুদিংমক্না মখোয়গী মঙলানশিং থুংহন্নবা চপ মান্নবা হকশিং ফংবা চাউখৎপা ভারত অমা, মীয়াম্না নুংঙাই য়াইফবা অমসুং অপেনবা পোকপা চাউখৎপা ভারত অমা। মসি রাম রাজকী বিজননি”, হায়না মহাক্না ফোঙদোকখি।
হীরম অসিদা প্রধান মন্ত্রীনা মীপুম খুদিংমক্তা ঈশিং য়োকশিনবা, দিজিতেল ত্রাঞ্জেক্সনশিং তৌবা, লুনানবা, ভোকেল ফোর লোকেল, ক্বালিতী লৈবা প্রদক্তশিং পুথোকপা, মীরৈবাক য়েংবা চৎত্রিঙৈদা ইশাগী লৈবাক হান্না য়েংবা, মহৌশাগী লৌউ-পথাপ থৌগৎপা, মিল্লেৎ থৌগৎপা অমসুং চাবা, মশা-মউ ফনা থম্বা অসিগুম্বা ৱারেপ 10 লৌদুনা অমসুং অরোইবদা “ঐখোয়না য়ামদ্রবদা লায়রবা ইমুংগী মখোয়গী ইমুংগী মীওই অমা ওইদুনা মখোয়গী খুন্নাইদা লৈরিবা থাক ৱাংখৎহনবা ঙমগনি” হায়না ফোঙদোকখ্রে। লোইশিনবদা প্রধান মন্ত্রীনা হায়খি, “তঙাই ফদবা খুদোংচাবশিং ফংদবা, য়ুম লৈতবা, মৈ, গ্যাস, ঈশিং ফংদবা, অনা লায়েংগী খুদোংচাবা ফংদবা লৈবাক অসিদা য়ামদ্রবদা লায়রবা মীওই অমা খক্তা লৈরবসু ঐখোয়না পোত্থাদুনা লৈথোক্লোই”।
मैं समस्त भारतवासियों को शक्ति उपासना पर्व नवरात्र और विजय पर्व विजयादशमी की अनेक शुभकामनाएं देता हूं: PM @narendramodi pic.twitter.com/I0cts5TrZB
— PMO India (@PMOIndia) October 24, 2023
भारत की धरती पर शस्त्रों की पूजा किसी भूमि पर आधिपत्य नहीं, बल्कि उसकी रक्षा के लिए की जाती है: PM @narendramodi pic.twitter.com/iCeS1Rkwao
— PMO India (@PMOIndia) October 24, 2023
भगवान राम की जन्मभूमि पर बन रहा मंदिर सदियों की प्रतीक्षा के बाद हम भारतीयों के धैर्य को मिली विजय का प्रतीक है: PM @narendramodi pic.twitter.com/8z4VfySRX2
— PMO India (@PMOIndia) October 24, 2023
भारत आज विश्व की सबसे बड़ी democracy के साथ, सबसे विश्वस्त democracy के रूप में उभर रहा है: PM @narendramodi pic.twitter.com/oaQxN5wLTp
— PMO India (@PMOIndia) October 24, 2023
हमें समाज में बुराइयों के, भेदभाव के अंत का संकल्प लेना चाहिए: PM @narendramodi pic.twitter.com/1vcHZqbc8M
— PMO India (@PMOIndia) October 24, 2023
