প্রধান মন্ত্রী, শ্রী নরেন্দ্র মোদীনা ঙসি নই দিল্লীদা শ্রী গুরু নানক দেবজীগী ৫৫৩শুবা প্রকাশ পর্বকী থৌরমদা শরুক য়াখ্রে অমসুং থৌনিজখ্রে। প্রধান মন্ত্রীবু শাল, সিরোপা অমসুং থাং পীদুনা ইকাই খুম্নবা উৎতুনা ওকখ্রে।
রম অদুদা ৱা ঙাংলদুনা প্রধান মন্ত্রীনা গুরপুরব অমসুং প্রকাশ পর্ব অমসুং দেব দীপাৱলীগীদমক য়াইফরবা থৌরমনা লাকপদা মীপুম খুদিংমকপু য়াইফ পাউজেল পীখ্রে। মহাক্না গুরু গোবিন্দ সিংহজীগী ৩৫০শুবা প্রকাশ পর্ব, গুরু তেগ বহাদুরগী ৪০০শুবা প্রকাশ পর্ব অমসুং গুরু নানক দেবজীগী ৫৫০শুবা প্রকাশোৎসব অসিগুম্বা মরু ওইবা প্রকাশ পর্বশিং পালন তৌবগী খুদোংচাবা ফংজবগীদমক নুংঙাইবা ফোঙদোকখি। প্রধান মন্ত্রীনা হায়খি, “য়াইফরবা থৌরমশিংগী ইথিল অমসুং থৌজালশিংনা অনৌবা ভারতকী শক্তি হেনগৎহল্লি… প্রজাশ পর্ব খুদিংমক্কী মঙালনা লৈবাক্কী লমজিং মৈরাগী হৌরকফম ওইরি”। মহাক্না হায়খি মদুদি সিখ ফুরুপনা ঙাক্না চৎলিবা প্রকাশ পুর্বকী ৱাহন্থোক অসিনা জাতিদা থৌদাং য়াবা অমসুং কত্থোকপগী লম্বী তাক্লি। প্রধান মন্ত্রীনা শেংলবা থৌরমশিংদা গুরু ক্রিপা, গুরবানী অমসুং লঙ্গর কা প্রসাদতা মহাক্না কত্থোকপা অদু ফোঙদোকখি। মহাক্না মখা তারদুনা হায়, “মসিনা ইন্নর পীচ ফংহনবা খক্তা নত্তনা কত্থোকপা, তাইবংপালবু শেম্বীরিবা মপুগী শেবা তৌনবা থৌনা পীরি”।
প্রধান মন্ত্রীনা হায়, “গুরু নানক দেবজীগী ৱাখল্লোনশিংনা ইথিল পীদুনা ভারত মচা করোর ১৩০গী য়াইফনবগী ৱাখল্লোনগা লোয়ননা লৈবাক অসিনা মাংদা চংশিল্লি”। প্রধান মন্ত্রীনা গুরু নানক দেবজীনা স্পিরিচুএল এনলাইতনমেন্ত, মালেমগী য়াইফবা অমসুং খুন্নাইদা ইংতপ্পা পুরক্নবা তাকপী-তম্বীরমখিবা অদু নীংশিংখি। প্রধান মন্ত্রীনা হায়খি মদুদি আজাদী কা অমৃত কালদা লৈবাক অসিনা জাতিগী মতিক-মঙাল অমসুং স্পিরিচুএল আইদেন্তিতীদা চাউথোকচবা পোকপগী ৱাখল্লোন নৌহৌনা পোকহনখি। থৌদাং য়াবগী অথোইবা ৱাখল্লোনবু পুক্নিং থৌগৎনবগীদমক লৈবাক্না তাঙ্কক অসিবু কর্তব্য কাল হায়না পালন তৌনবা ৱারেপ লৌখি। আজাদী কা অমৃত কালগী তাঙ্কক মনুংদা খেন্নবা লৈতবা, তংদু লৈতাবা, সোসিএল জস্তিস অমসুং অপুনবগী শক্তমগী থবক অসি সবকা সাথ, সবকা বিকাস, সবকা বিশ্বা অমসুং সবকা প্রয়াসকা লোয়ননা পাইখৎলি। মহাক্না মখা তারদুনা হায়, “গুরবানীসগী ফংখিবা লমজিং মৈরানা চাউখৎপা ভারতকী চৎনবী, থাজবা লোয়ননা মঙলান ওইখি”।
গুরুনা তাকপী-তম্বীরম্বা লোইনাইদ্রবা কান্নবা অদুগী মতাংদা পল্লদুনা প্রধান মন্ত্রীনা হায়খি, “গুরু গ্রন্থ সাহিবকী শক্লোন্দা ঐখোয়দা লৈরিবা অমৃতকী মতিক-মঙাল, মাগী মরু ওইবা অসি মতম অমসুং জিওগ্রাফীগী পনখৈশিংগী ৱাংমদা লৈ। ঐখোয়না খুদোংথিবনা হেন্না চাউখৎলকপা মতমদা মদু উবা ফংখি, সোল্যুসনশিংগী মরু ওইবা হেন্নদুম হেনগৎলকই। মালেমদা ৱাখল চরাংনবা অমসুং তংদু লৈতাদবা মতমদা গুরু সাহিবনা তাকপী-তম্বীরম্বা অমসুং গুরু নানক দেবজীগী পুন্সিনা মালেমদা থাওমৈগী মঙালগুম্না মাইকৈ তাক্লি”। প্রধান মন্ত্রীনা হায়খি ঐখোয়গী গুরুশিংগী ৱাখল্লোনশিংগা লোয়ননা ঐখোয়না হিংবা মতমদা ঐখোয়দা ‘এক ভারত শ্রেস্থ ভারত’কী ৱাখল্লোন পোকহল্লি, ঐখোয়না মীওইবা জাতিগী ভেল্যুশিং হেন্না মরু ওইনা লৌরিবা মখৈ গুরু সাহিবশিংনা তাকপী-তম্বীরমখিবশিং অদু হেন্না হৌবা অমসুং ময়েক শেংবা হেনগৎলক্তুনা মীপুম খুদিংমক্তা য়ৌবা ঙমগনি।
প্রধান মন্ত্রীনা হায়খি মদুদি গুরু নানক দেবজীগী থৌজালশিংগী খুত্থাংদা ঐখোয়না হৌখিবা চহি ৮গী মনুংদা অথোইবা সিখ হেরিতেজকী থৌগল তৌবগী খুদোংচাবা ফংজখি। মহাক্না তীর্থ চৎপা মীওইশিংগী খুদোংচানবগীদমক গোবিন্দ ঘাত্তগী হেমকুন্ত সাহিব ফাওবগী রোপৱে উরেপ-উয়ুং তমখিবা অমসুং দিল্লী উনা ভন্দে ভারত এক্সপ্রেসকী মতাংদা পনখি। গুরু গোবিন্দ সিংহজী অমসুং দিল্লী কাত্রা অমৃতসর এক্সপ্রেসৱেগা মরী লৈনবা মফমশিং ইলেক্ত্রিফিকেসন তৌবনা খুদোংচাবা হেনগৎহল্লগনি। সরকারনা মসিদা লুপা করোর লিশিং ৩৫ হেন্না চাদিং তৌরি হায়না মহাক্না পাউদমখি। প্রধান মন্ত্রীনা হায়খি মদুদি খোঙথাংশিং অসিনা এমেনিতীশিং অমসুং তুরিজম পোতেন্সিএলগী মথক্তা মসি ঐখোয়গী ধর্মগী মফমশিং, সিখ হেরিতেজ, শেবা, মীনুংশিং অমসুং কত্থোকপগী থৌনাগী মতাংদনি। প্রধান মন্ত্রীনা করতারপুর সাহিব কোরিদোর হাংদোকপা, অফঘানিস্তানদগী গুরু গ্রন্থ সাহিবকী শেংলবা শক্তম অমুক হন্না পুরকপা অমসুং দিসেম্বর ২৬পু সাহিবজাদেশিংনা কত্থোকখিববু ইকাই খুম্নবা উৎতুনা ভীর বাল দিৱস ওইনা পালন তৌনবা লাউথোকখিবা অসিগুম্বা খোঙথাংশিংগী মতাংদা পনখি। প্রধান মন্ত্রীনা হায়খি “পার্তিসন্দা ঐখোয়গী পঞ্জাবকী মীয়াম্না কত্থোকখিবশিংবু নীংশিংলদুনা লৈবাক অসিনা বিভাজন বিভীসিকা স্মৃতি দিৱস পাঙথোকপসু হৌখি। ঐখোয়না সি.এ.এ. এক্ততা পার্তিসন্না শোকহনখ্রবা হিন্দু-সিখ ইমুং-মনুংশিংদা সিতিজেনশিপ পীনবগী পাম্বৈ অমা শেম্নবসু হোৎনখি”।
প্রধান মন্ত্রীনা লোইশিনবদা হায়, “গুরুশিংগী থৌজালশিংগা লোয়ননা ভারতনা মাগী সিখকী চৎনবীগী মতিক-মঙাল অসি হেন্না হেনগৎহনগনি অমসুং চাউখৎপগী লম্বেলদা চংশিনগনি হায়না ঐহাক্না মপুং ফানা থাজবা থম্মি”।
Greetings on Guru Purab and Dev Deepavali. pic.twitter.com/uLejNJlqMh
— PMO India (@PMOIndia) November 7, 2022
मैं अपना और अपनी सरकार का बहुत बड़ा सौभाग्य मानता हूं कि गुरुओं के इतने अहम प्रकाश पर्व हमारी ही सरकार के दौरान आए: PM @narendramodi pic.twitter.com/pTPU4dm8yx
— PMO India (@PMOIndia) November 7, 2022
हर प्रकाश पर्व का प्रकाश देश के लिए प्रेरणापुंज का काम कर रहा है: PM @narendramodi pic.twitter.com/ptiKVYcPHS
— PMO India (@PMOIndia) November 7, 2022
Inspired by Guru Nanak Dev Ji's thoughts, the country is moving ahead with the spirit of welfare of 130 crore Indians. pic.twitter.com/5T00SsVP6v
— PMO India (@PMOIndia) November 7, 2022
जो मार्गदर्शन देश को सदियों पहले गुरुवाणी से मिला था, वो आज हमारे लिए परंपरा भी है, आस्था भी है, और विकसित भारत का विज़न भी है: PM @narendramodi pic.twitter.com/QKhywDTRYC
— PMO India (@PMOIndia) November 7, 2022
It is our constant endeavour to strengthen the Sikh traditions. pic.twitter.com/njOJwoNhJZ
— PMO India (@PMOIndia) November 7, 2022
हमारा प्रयास रहा है कि सिख विरासत को सशक्त करते रहें। pic.twitter.com/IndhMYhmhk
— PMO India (@PMOIndia) November 7, 2022
विभाजन में हमारे पंजाब के लोगों ने, देश के लोगों ने जो बलिदान दिया, उसकी स्मृति में देश ने विभाजन विभीषिका स्मृति दिवस की शुरुआत भी की है। pic.twitter.com/1QS3JrmuU5
— PMO India (@PMOIndia) November 7, 2022
