Share
 
Comments
“মসিগী অপুনবা পালন থৌরম অসিনা তোঙান-তোঙানবা মতমশিংদা তোঙান-তোঙানবা থৌওংশিংগী খুত্থাংদা মাংদা চংশিল্লি ভারতকী অদুগুম্বা ৱাখল্লোনগী অমর ওইরবা খোঙচৎ অদু মশক তাক্লি”
“ঐখোয়গী মঙাল পীবিরিবা মফমশিং অসি শুপ্নগী তীর্থ খক্তা নত্তে, মসি লাইনীংগী ওইবা মফমশিং খক্তা নত্তে, মখোয় অসিনা ‘এক ভারত, শ্রেস্থ ভারত’কী ৱাখল্লোন অসি ঐখোয়দা ফাওহল্লি”
“ভারতকী ঋসিশিং, লৌশিং লৈবা মীওইশিং, গুরুশিংনা মতম চুপ্পদা ৱাখল্লোন অমসুং থৌওংশিং অসি ফগৎহল্লি অমসুং চাউখৎহল্লি”
“শ্রী নারায়ন গুরুনা জাৎ-বিজাৎকী মিংদা চত্থরিবা হন্থনা য়েংবগী থৌওং অসিগী মায়োক্তা ৱাখল লৈনা অমসুং চৎনবা য়াবা মওংদা লান্থেংনখি। ঙসি, নারায়ন গুরুজীনা পীবিরম্বা ইথিল অদুগা লোয়ননা লৈবাক অসিনা লায়রবশিং, তুহৎপীরবশিং, শোত্থরবশিংগী শেবা তৌরি অমসুং মখোয়দা মখোয়গী হকশিং ফংহল্লি”
“শ্রী নারায়ন গুরু অসি রেদিকেল থিঙ্কর অমসুং প্রেক্তিকেল রিফোর্মর অমনি”
“খুন্নাইদা অহোংবা পুরক্নবা লম্বী অসিদা ঐখোয়না চৎলবা মতমদা খুন্নাই অসিদা ইশাবু ফগৎচহন্নবা শক্তি অমা লাক্কনি, ‘বেতি বচাও, বেতি পরাও’ অসি মসিগী খুদম অমনি”

প্রধান মন্ত্রী, শ্রী নরেন্দ্র মোদীনা ঙসি লোক কল্যান মার্গতা সিবগীরি তীর্থয়াত্রাগী ৯০শুবা কুমওন অমসুং ব্রহ্ম বিদ্যালয়গী গোল্দন জুবিলীগী চহি অমা চুপ্না পুন্না পাঙথোক্কদৌরিবা থৌরমশিং হৌদোকপদা শরুক য়াখ্রে। মহাক্না চহি অমা চুপ্না পুন্না পালন তৌগদৌরিবা থৌরমশিং অসিগী লোগোসু লোঞ্চ তৌখি। সিবগীরি তীর্থয়াত্রা অমসুং ব্রহ্ম বিদ্যালয় অনিমক অথৌবা খুন্নাইদা অহোংবা পুরকখিবা শ্রী নারায়ন গুরুগী থৌজাল ফংদুনা অমসুং লমজিং-লমতাক্তুনা হৌদোকখি। সিবগীরি মথকী লাইনীংগী ওইবা লুচিংবশিং অমসুং ভক্তাশিংগী মথক্তা কেন্দ্রগী মন্ত্রীশিং, শ্রী রাজিব চন্দ্রসেখর অমসুং শ্রী ভি. মুরালীধারনসু থৌরম অদুদা শরুক য়াখি।

প্রধান মন্ত্রীনা মহাক্কী য়ুমদা লম্বোইবশিং ওকপা ফংজখিবদা মহাক্না নুংঙাইবা ফোঙদোকখি। মহাক্না সিবগীরি মথকী লম্বোইবশিং অমসুং ভক্তাশিংগা চহি কয়া অসিদা উনখিবশিং অমসুং মখোয়গা ৱারী শাবনা মঙোন্দা করম্না মতম চুপ্পদা থৌনা হাপখিবগে হায়বা অদু নীংশিংখি। উত্তরাখন্দ-কেদরনাথকী লাইবক থিবা থৌদোক থোকখিবা মতমদা কেন্দ্রদা কোংগ্রেস সরকার অমসুং কেরালাদগী ঙাকশেল মন্ত্রী লৈজরবসু, মহাক্না গুজরাতকী মুখ্য মন্ত্রী ওইরিঙদা মঙোন্দা মথনা সিবগীরি মথকী লম্বোইবশিংবু কনবীনবা হায়রখিবা মতম অদু নীংশিংখি। প্রধান মন্ত্রীনা মসিদা মহাক্না ফংজখিবা খুদোংচাবা অদু কৈদৌনুংদা কাউরোই হায়না ফোঙদোকখি।

প্রধান মন্ত্রীনা সিবগীরি তীর্থয়াত্রাগী চহি ৯০শুবা কুমওন অমসুং ব্রহ্ম বিদ্যালয়গী গোল্দন জুবিলী অসি শুপ্নগী সংস্থান অমগী খোঙচৎ খক্তা নত্তে, অদুবু “মসি তোঙান-তোঙানবা মতমশিংদা তোঙান-তোঙানবা থৌওংশিংগী খুত্থাংদা মাংদা চংশিল্লি ভারতকী অদুগুম্বা ৱাখল্লোনগী অমর ওইরবা খোঙচৎ অমসু ওইরি” হায়না ফোঙদোকখি। মহাক্না মখা তারদুনা হায়খি “বারানসীগী শিবকী শহর নত্ত্রগা বরকলাগী শিবগিরী ওইগরে, ভারতকী মঙাল পীবিরিবা মফম খুদিংমক অসি ভারত মচা ঐখোয় পুম্নমক্কী পুন্সিদা অখন্নবা মফম অমা কল্লি। মসিগী মফমশিং অসি শুপ্নগী তীর্থ খক্তা নত্তে, মসি লাইনীংগী ওইবা মফমশিং খক্তা নত্তে, মখোয় অসিনা ‘এক ভারত, শ্রেস্থ ভারত’কী ৱাখল্লোন অসি ঐখোয়দা ফাওহল্লি”।

প্রধান মন্ত্রীনা মালেমগী লৈবাক কয়াদা অমসুং সভ্যতা কয়াদা মখোয়গী লাইনীংদগী লাপথোরকপা মতমদা মেতরিএলিজমনা স্পিরিচুএলিতীগী মহুৎ শিনখি হায়না ফোঙদোকখি। মহাক্না হায়, ভারতকী ঋসিশিং, লৌশিং লৈবা মীওইশিং, গুরুশিংনা মতম চুপ্পদা ৱাখল্লোন অমসুং থৌওংশিং অসি ফগৎহল্লি অমসুং চাউখৎহল্লি। প্রধান মন্ত্রীনা শ্রী নারায়ন গুরুনা মোদর্নিতীগী মতাংদা ফোঙদোক্লমখি অদুবু মসিগা ইরোইননা মহাক্না ভারতকী সংস্কৃতি অমসুং কান্নবশিং অসিগী মগুনসু হাপ্পীরমখি হায়না ফোঙদোকখি। মহাক্না মহৈ-মশিং অমসুং বিজ্ঞানগী মতাংদা ফোঙদোক্লমখি অদুবু মসিগা ইরোইননা মহাক্না ঐখোয়গী চহি লিশিং কয়া শুরবা চৎনবী অমসুং লাইনীংশিং অসিগী মতিক-মঙাল অদু হেনগৎহন্নবা হোৎনবদা কৈদৌনুংদা তুংহনখিদে হায়না ফোঙদোকখি। শ্রী নারায়ন গুরুনা স্তেরিওস্তাইপশিং অমসুং ফত্তবশিংগী মায়োক্না খোঙজং চংশিনখি অমসুং ভারত্তা মসিগী চৈথেংশিংগী মরমদা খঙহনখি। মহাক্না জাতি-বিজাৎকী মিংদা চত্থরিবা দিস্ক্রিমিনেসন অসিগী মায়োক্তা ৱাখল লৈনা অমসুং চৎনবা য়াবা মওংদা লান্থেংনখি। “ঙসি, নারায়ন গুরুজীনা পীবিরম্বা ইথিল অদুগা লোয়ননা লৈবাক অসিনা লায়রবশিং, তুহৎপীরবশিং, শোত্থরবশিংগী শেবা তৌরি অমসুং মখোয়দা মখোয়গী হকশিং ফংহল্লি”, হায়না প্রধান মন্ত্রীনা ফোঙদোকখি, মহাক্না মখা তারদুনা লৈবাক অসিনা সবকা সাথ, সবকা বিকাস, সবকা বিশ্বাস অমসুং সবকা প্রয়াসকী মন্ত্রগা লোয়ননা মাংদা চংশিল্লি হায়না ফোঙদোকখি।

শ্রী নারায়ন গুরুবু রেদিকেল থিঙ্কর অমসুং প্রেক্তিকেল রিফোর্মর অমনি হায়রদুনা প্রধান মন্ত্রীনা গুরু অসিনা মতম পুম্বদা খন্ন-নৈনবা হায়বা অসি ঙাক্না চৎখি অমসুং মতম চুপ্পদা অতোপ্পগী ৱাখল্লোন খঙদোক্নবা হোৎনখি অমসুং অতোপ্পা মীশক অদুগা চুংশিন্নদুনা মহাক্কী ওইবা ৱাখল্লোন অদুসু খঙহন্নবা হোৎনখি। মহাক্না অচুম্বা মরমগা লোয়ননা ইশাবু ফগৎচহন্নবা মাইকৈদা চংশিন্না খুন্নাই অসিনা শীজিন্নবা য়াবা অদুগুম্বা মখলগী ফীভম অমা খুন্নাই অসিদা শেম্নবা হোৎনখি। প্রধান মন্ত্রীনা খুন্নাইদা অহোংবা পুরক্নবা লম্বী অসিদা ঐখোয়না চৎলবা মতমদা খুন্নাই অসিদা ইশাবু ফগৎচহন্নবা শক্তি অমা লাক্কনি হায়না ফোঙদোকখি। মহাক্না বেতি বচাও, বেতি পরাও হায়বা কেম্পেন অসি খুন্নাইদা চৎনখিবা অসিবু খুদম ওইনা পীখি, হন্দক্তা সরকারনা অফবা ফীভম অমা শেমগৎপা ঙমখিবনা ফীভমশিংবু খোঙজেল য়াংনা ফগৎলকখি হায়না ফোঙদোকখ্রে।

প্রধান মন্ত্রীনা মখা তারদুনা হায়খি ভারত মচা অমা ওইনা ঐখোয় পুম্নমক জাতি অমত্তনি হায়বদি ভারতীয়তা। ঐখোয় পুম্নমক্না ধর্ম অমা খক্তা চৎলি – সেবধর্ম, ঐখোয়গী থৌদাংশিং পাঙথোকপা। ঐখোয় পুম্নমক্কী ঈশ্বর অমা খক্তা লৈ – ভারত ইমাগী করোর ১৩০ হেনবা শুরোলশিং লৈ। শ্রী নারায়ন গুরুজীগী ৱান কাস্ত, ৱান রিলিজন, ৱান গোদ হায়বা ৱাখল্লোন অসিনা ঐখোয়গী লৈবাকনীংবগী ৱাখল্লোন্দা স্পিরিচুএলগী ওইবা মপাঙ্গল হাপ্লি, হায়না মহাক্না মখা তাখি। “অপুনবা ভারতকীদমক মালেমদা লৈরিবা পান্দম অমত্তা ফংদবা তৌরোই হায়বা ঐখোয়না খঙই”, হায়না মহাক্না ফোঙদোকখি।

আজাদী কা অমৃত মহোৎসব অসিগী মতাংদা প্রধান মন্ত্রীনা অমুক হন্না নীংতম্বগী লানগী মহাক্কী ওইবা এনলাইসিস অদু মাংদা পুথোক্লদুনা মহাক্কী মতুং ইন্না মসিদা মতম চুপ্পদা স্পিরিচুএল ওইবা ফাউন্দেসন অমা য়াওই হায়না ফোঙদোকখি। প্রধান মন্ত্রীনা হায়খি, “ঐখোয়গী নীংতম লান অদু শুপ্নগী য়ানীংদবা ফোঙদোকপা অমসুং রাজনিতিগী লালোংশিংগী খক্তা ওইখিদে। ঐখোয়না মীনাই-নাইথাংগী য়োৎলিং অসি থদৎনবা লান্থেংনখি, অদুবু মসিগা লোয়ননা নীংতম্লবা লৈবাক অমা করম্না ওইগনি, হায়বগী ৱাখল্লোন অসিসু য়াওখি। মরমদি, ঐখোয়না কনাগী মায়োক্তা লান্থেংনরি হায়বা অসি খক্তা মরু ওইবা নত্তে। ঐখোয়না করম্বা ৱাখল্লোনগী, করম্বা অচুম্বগীদমক পুন্না লেপ্লিবনো হায়বা অসিসু য়াম্না মরু ওইখি”।

প্রধান মন্ত্রীনা শ্রী নারায়ন গুরুগা লোয়ননা নীংতম লানগী মরু ওইবা মীওইশিংগা পাঙথোকখিবা মরু ওইবা মীফমশিং অদুগী মতাংদা নীংশিংখি। তোঙান-তোঙানবা থৌরমশিং অমসুং মীফমশিং অসিদা গুরুদেব রবিন্দ্রনাথ তেগোর, গান্ধীজী অমসুং স্বামি বিবেকানন্দ অমসুং অতোপ্পা মশক নাইবা মীওই কয়ানা শ্রী নারায়ন গুরুগা উনখি, হায়না প্রধান মন্ত্রীনা ফোঙদোকখি। ভারত অমুক হন্না শেমগৎনবা মরু হুনখি মসিগী ফলশিং অসি ঙসিগী ভারত অমসুং লৈবাক অসিগী চহি ৭৫গী খোঙচৎ অসিদা উবা ফংলি। ঙসিদগী চহি ২৫গী মতুংদা লৈবাক অসিনা মাগী নীংতম্বগী চহি ১০০ শুবগী থৌরম পালন তৌরগনি, অমসুং মদুগী চহি তরাগী মতুংদা ঐখোয়না তীর্থদানমগী খোঙচৎ চহি ১০০ শুবগী পালন তৌগনি। মসিগী চহি চামাগী খোঙচৎ অসিদা ঐখোয়না মাইপাক্লকপা অদু গ্লোবেল ওইহনগদবনি অমসুং মসিগীদমক ঐখোয়গী বিজন অদুসু গ্লোবেল ওইহনবা তাই, হায়না মহাক্না ফোঙদোকখি।

 

সিবগীরি তীর্থয়াত্রা অসি তিরুবনন্থপুরমগী সিবগীরিদা নুমিৎ হুম্নিগীদমক্তা দিসেম্বর ৩০দগী জনুৱারীগী ১ ফাওবা চহি খুদিংগী পাংথোকই। শ্রী নারায়ন গুরুগী মতুং ইন্না, তীর্থয়াত্রা অসিগী পান্দমদি মমীয়ামগী মরক্তা পাক-শন্না ৱাখল-লৌশিং লৈহনবা ওইগদবনি অমসুং তীর্থয়াত্রা অসিনা মখোয়গী চাউখৎপদা অমসুং নুংঙাই–য়াইফবদা মতেং পাংগদবনি। মরম অদুনা তীর্থয়াত্রা অসিনা হিরম নিপান্দা খুদম ওইনা এজুকেশন, লু-নানবা, ধর্ম, হেন্দিক্রেফশিং, ত্রেদ অমসুং কমর্স, এগ্রিকলচর, সাইন্স অমসুং তেক্নোলোজী অমসুং পুন্না পাইখৎমিন্নবা থবক-থৌরমশিংদা মীৎয়েং থম্মি।

তীর্থয়াত্রা অসি ১৯৩৩দা ভক্তা মশিং য়ামদনা হৌদোরকখিবনি অদুবু হৌজিক্তি খা ভারত্তা য়াম্না চাউবা থৌরম অমা ওইরে। চহী খুদিংগী, মালেম শিনবা থুংবদগী ভক্তা লাখ কয়া অমনা জাৎ-বিজাৎ, ধর্ম অমসুং লোনগী খেনবা লৈতনা তীর্থয়াত্রা অসিদা শরুক য়ারুনবা সিবগীরিদা লাক্নৈ।

শ্রী নারায়ন গুরুনা ধর্ম খুদিংমক্কী ৱাখল্লোনবু ইং-তপ্না অমসুং চপ মান্ননা ইকাইখুম্নবগা লোইননা তাকপী-তম্বীনবগী মফম অমগী মঙালন অমা মংখি। সিবগীরি ব্রহ্ম বিদ্যালয় অসি মসিগী মঙলান অসিবু মঙফাওনহন্নবা লিংখৎখিবনি। ব্রহ্ম বিদ্যালয় অসিনা শ্রী নারায়ন গুরুগী থবকশিং অমসুং মালেমগী মরু ওইবা ধর্মশিংগী শেংলবা লাইরিকশিং য়াওনা ভারতকী ফিলোসোফীগী মতাংদা চহি ৭কী কোর্সশিং পীরি।

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Share beneficiary interaction videos of India's evolving story..
Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
India's cumulative Covid-19 vaccination coverage exceeds 1.96 bn mark

Media Coverage

India's cumulative Covid-19 vaccination coverage exceeds 1.96 bn mark
...

Nm on the go

Always be the first to hear from the PM. Get the App Now!
...
Social Media Corner 26th June 2022
June 26, 2022
Share
 
Comments

The world's largest vaccination drive achieves yet another milestone - crosses the 1.96 Bn mark in cumulative vaccination coverage.

Monumental achievements of the PM Modi government in Space, Start-Up, Infrastructure, Agri sectors get high praises from the people.