ইয়োর এক্সেলেন্সী
প্রসিদেন্ত এন্তোনিও কোস্তা অমসুং প্রসিদেন্ত উর্শুলা ভোন দের লেয়েন,
লৈবাক অনিমক্কী মিহুৎশিং,
মেদিয়াগী ইচিল-ইনাওশিং,
খুরুমজরি !
ঐহাক্কী নক্নবা মরুপ অনি, প্রসিদেন্ত কোছ্ৎ অমসুং প্রসিদেন্ত ভোন দের লেয়েনবু ভারতকি পুৱারি ওইরবা খোংচৎ অসিদা ঢ়াম্না ওকচবদা ঐহাক য়াম্না নুংঙাইবা ফাওই।
প্রসিদেন্ত কোছ্টনা মহাক্কি ইচম চম্বা পুন্ছি মহিং অমসুং খুন্নাইদা অচেৎপা ৱাছক লৌবগীদমক পাক ছন্না থাগৎলি, মদুনা মহাকপু “লিবোনগী গান্ধী”গী নুংশিরবা মিংথোল ফংহনখি। প্রসিদেন্ত উর্শুলা ভোন দের লেয়েন অসি মালেম শিনবা থুংনা ইন্সপীরেসনগী হৌরকফম অমনি - জরমনিগী অহানবা নুপী ঙাকশেল মন্ত্রী ওইনা খক্তা নত্তনা য়ুরোপিয়ন কমিসনগী অহানবা নুপী প্রসিদেন্তশুনি।
ঙরাং অসি পুৱারি ওইরবা থৌদোক অমা ওইখি, মরমদি অহানবা ওইনা য়ুরোপিয়ন য়ুনিয়নগী লুচিংবশিংনা ভারতকি রিপব্লিক দেগী থৌরমদা অথোইবা মীথুংলেন ওইনা শরুক য়াখি। ঙসি অসি অতোপ্পা পুৱারি ওইরবা থৌরম অমা ওইরি, মরমদি মালেমগী খ্বাইদগী চাওবা গনতন্ত্রগী শক্তি অনিনা মখোয়গী মরিদা ৱাহন্থোক পীবা লামায় অমা হাপচিন্নবা পুন্না লাকমিন্নরি।
মরুপশিং,
হৌখিবা চহি খরসিদা ভারত অমসুং য়ুরোপিয়ন য়ুনিয়নগী মরিদা শিংথানিংঙাই ওইবা প্রোগ্রেস উবা ফংলে। সেয়র তৌরবা দেমোক্রেতিক ভেল্যুশিং, ইকোনোমিক সিনর্জিদা য়ুম্ফম ওইবা ঐখোয়গী পার্ত্নরশিপ অসি অনৌবা অৱাংবা থাক্তা য়ৌরক্লি। ঙসি ঐখোয়না য়ুরো বিলিয়ন চামগা মরিফুগী ত্রেদ লৈরে। য়ুরোপিয়ন য়ুনিয়নগী লৈবাকশিংদা ভারত মচা লাখ নিপান হেন্না হিংলি অমসুং এক্তিব ওইনা কন্ত্রিব্যুৎ তৌরি।
স্ত্রেতিজিক তেক্নোলোজিদগী হৌরগা ক্লিন ইনর্জি ফাওবা, দিজিতেল গবর্নান্সতগী হৌরগা দিবেলপমেন্ত পার্ত্নরশিপ ফাওবা সেক্তর খুদিংমক্তা ঐখোয়না তেংবাং পীনবগী অনৌবা দাইমেন্সনশিং লিংখৎলে। হায়রিবা মায়পাকপশিং অসিগী মখা পোন্না ঙসিগী সমিৎ অসিদা ঐখোয়না ৱারেপ কয়া অমা লৌখ্রে মদুনা খুন্নাইগী কাঙলুপ খুদিংদা কান্নবা পীগনি ।
মরুপশিং,
ঙসি ভারতনা মসিগী পুৱারিদা খ্বাইদগী চাওবা ফ্রি ত্রেদ এগ্রিমেন্ত লোইশিনখ্রে। মসি নুংঙাইবা থৌদোক অমনি মদুদি থা অসিগী কুন তরেৎশুবা নুমিত্তা ভারতনা য়ুরোপিয়ন য়ুনিয়নগী মেম্বর লৈবাক কুন তরেৎকা লোয়ননা এফ.তি.এ. মসিগী পুৱারি ওইরবা য়ানচে অসিনা ঐখোয়গী লৌমীশিং অমসুং অপীকপা ইন্তরপ্রাইজশিংবু য়ুরোপিয়ন মার্কেত্তা ফজনা য়ৌহনবদা লাইথোকহল্লগনি, মেন্যুফেকচরিংদা অনৌবা খুদোংচাবশিং শেমগৎলগনি, অমসুং ঐখোয়গী সর্ভিস সেক্তর পুম্নমক্তা তেংবাং পীনবা মখা তানা চেৎশিলহল্লগনি।
মসিদা নত্তনা, মসিগী এফ.তি.এ.না ভারত অমসুং য়ুরোপিয়ন য়ুনিয়নগী মরক্তা শেল থাদবা হেনগৎহনগনি, অনৌবা ইনোবেসন পার্ত্নরসিপশিং য়োকখৎকনি, অমসুং মালেমগী থাক্তা সপ্লাই চেনশিং মপাঙ্গল কনখৎহনগনি। অতোপ্পা ৱাহন্থোক অমদা হায়রবদা, মসি শুপ্নগী ললোন-ইতিক্কি য়ানচে অমখক্তমক নত্তে; মসি সেয়র তৌরবা য়াইফনবা অনৌবা ব্লুপ্রিন্ত অমনি।
মরুপশিং,
মসিগী অচৌবা এফ.তি.এ.গা লোয়ননা ঐখোয়না মোবিলিতিগীদমক অনৌবা ফ্রেমৱারক অমছু শেমগৎলি। মসিনা ভারতকি মহৈরোইশিং, শিন্মীশিং, অমসুং প্রোফেস্নেলশিংগীদমক্তা য়ুরোপিয়ন য়ুনিয়নদা অনৌবা খুদোংচাবশিং হাংদোক্লগনি। ঐখোয়না ছাইন্স অমসুং তেক্নোলোজিগী লমদা মতম শাংনা অমসুং পাক শন্না তেংবাং পীনরি। ঙসি ঐখোয়না মরুওইবা লিঙ্কেজশিং অসি মখা তানা চেৎশিলহন্নবা ৱারেপ লৌরে ।
মরুপশিং,
দিফেন্স অমসুং সেক্যুরিতি অসি অচেৎপা পার্ত্নরশিপ অমহেক্তাগী য়ুম্ফম অমনি। ঙসি ঐখোয়না সেক্যুরিতি অমসুং দিফেন্স পার্ত্নরশিপ অমগী খুৎঠাংদা মসি ওফিসিএল ওইহল্লি। মসিনা ঐখোয়দা তেরোরিজম ঠেংননবা, ছমুদ্রগী সেক্যুরিতি, অমসুং ছাইবরসেক্যুরিতিগী মতাংদা হেন্না নক্ণা থবক তৌবদা মতেং পাংগনি।
মসিনা রুলশিংদা য়ুম্ফম ওইবা ইন্তরণেস্নেল ওরদর অমদা ঐখোয়গী সেয়র তৌরবা ৱাছক অদুছু মপাঙ্গল কনখৎহনগনি। ইন্দো-পেসিফিক লমদমদা ঐখোয়গী তেংবাং পীনবা হেনগৎলক্কনি, অমসুং ঐখোয়গী দিফেন্স কম্পেনিশিংনা কো-দিবেলপমেন্ত অমসুং কো-প্রদক্সন্দা পুন্না থবক তৌমিন্নবগী অনৌবা খুদোংচাবা ফংলগনি।
মরুপশিং,
ঙসিগী মায়পাকপশিং অসিদা য়ুম্ফম ওইরগা ঐখোয়না মঠংগী চহি মঙাগীদমক হেন্না এমবিসিয়ছ ওইবা অমসুং হোলিস্তিক ওইবা স্ত্রেতিজিক এজেন্দা অমা হৌদোক্লি। কম্প্লেক্স গ্লোবেল এনভাইরোনমেন্ত অমদা, এজেন্দা অসিনা ময়েক শেংবা মায়কৈ পীগনি, ঐখোয়গী সেয়র তৌরবা য়াইফ-থৌরাং অসি মাংলোমদা পুখৎকনি, ইনোবেসন খোংজেল যাংহনগনি, সেক্যুরিতি কোওপরেসন মপাঙ্গল কনখৎহনগনি, অমসুং মিয়াম-মীওইবগী মরি হেন্না চেৎশিলহল্লগনি।
কমরুপশিং,
ভারত অমসুং য়ুরোপিয়ন য়ুনিয়নগী মরক্তা তেংবাং পীনবনা “গ্লোবেল গুদকিদমক পার্ত্নরশিপ” অমা শেম্লি। ঐখোয়না ইন্দো-পেসিফিক্তগী হৌরগা কেরিবিয়ান ফাওবা ত্রাইলেতরেল প্রোজেক্তাশিং পাকথোক-চাওথোকহল্লগনি, মদুনা তুং কোইনা চৎকদবা লৌউ-শিংউ, ক্লিন ইনর্জি, অমসুং নুপীশিংবু শক্তি পীবদা তেঞ্জিবল তেংবাং পীগনি। ঐখোয়না পুন্না আই.এম.ই.সি.গী কোরিদোর অসি মালেমগী ললোন-ইতিক অমসুং তুং কোইনা চৎকদবা চাওখৎ-থৌরাংগী মরুওইবা য়ুম্বি অমা ওইনা লিংখৎনবা থবক তৌগনি।
মরুপসিং,
ঙসিদি গ্লোবেল ওর্দর অসি য়াম্না চাওনা তংদু লৈতাবা অমগী মায়কৈরোমদা ওনশিল্লি। মসিগী ফিভম অসিদা ভারত অমসুং য়ুরোপিয়ন য়ুনিয়নগী মরক্তা লৈরিবা পার্ত্নরশিপ অসিনা ইন্তর্নেস্নেল সিস্তেমগী নুংদা তংদু লৈতাবা মপাঙ্গল কনখৎহনগনি। মসিগী মতুং ইন্না ঙসি ঐখোয়না য়ুক্রেন, নোংচুপ এসিয়া, অমসুং ইন্দো-পেসিফিক য়াওনা মালেমগী ওইবা হীরম কয়াগী মতাংদা অকুপ্পা ৱারি শান্নখি। মল্তিলেতরেলিজম অমসুং ইন্তর্নেস্নেল নোর্মশিং ইকায়খুম্নবা অসি সেয়র তৌরবা প্রাইওরিতি অমা ওইদুনা লৈরি। ঐখোয়গী ৱাখল্লোন্দা ঐখোয় অমত্তা ওইনা লৈরি মদুদি মালেমগী ইন্সতিত্যুসনশিং রিফোর্ম তৌবা অসি ঐখোয়গী মতম অসিগী শিংনবশিং কোকহন্নবা তঙাই ফদবা অমনি।
মরুপশিং,
জাতিশিংগী মরক্তা লৈনরিবা মরিগী থৌওংদা পুৱারি মশামক্না লাওথোকপা মিকুপ কয়া লাকই মদুদি মসিদা মায়কৈ হোঙলকখি, মসিদগী অনৌবা মতম অমা হৌরকখি। ভারত অমসুং য়ুরোপিয়ন য়ুনিয়নগী মরক্তা ঙসিগী পুৱারি ওইরবা সম্মীৎ অসিনা অসিগুম্বা মিকুপ অমা রিপ্রজেন্ত তৌরি।
ঐহাক্না অমুক হন্না প্রসিদেন্ত কোস্তা অমসুং প্রসিদেন্ত ভোন দের লেয়েনবু অচম্বা খোংচৎ অসিগীদমক্তা ভারতকি মায়কৈদগী অদোমগী মরুপ-মপাং ওইবগীদমক অমসুং ঐখোয়গী সেয়র তৌমিন্নরিবা তুংলমচৎকীদমক অদোমগী ৱাশক অদুগীদমক থম্মোই শেংনা থাগৎপা ফোংদোকচরি।
कल एक ऐतिहासिक क्षण था, जब पहली बार European Union के leaders, भारत के गणतंत्र दिवस समारोह में मुख्य अतिथि के रूप में शामिल हुए।
— PMO India (@PMOIndia) January 27, 2026
आज, एक और ऐतिहासिक अवसर है, जब विश्व की दो सबसे बड़ी लोकतांत्रिक शक्तियाँ अपने संबंधों में एक निर्णायक अध्याय जोड़ रही हैं: PM @narendramodi
पिछले कुछ वर्षों में भारत और European Union के संबंधों में उल्लेखनीय प्रगति हुई है।
— PMO India (@PMOIndia) January 27, 2026
साझा लोकतांत्रिक मूल्यों, आर्थिक synergy और मजबूत people-to-people ties के आधार पर हमारी साझेदारी नई ऊँचाइयों तक पहुँच रही है: PM @narendramodi
आज भारत ने अपने इतिहास का अब तक का सबसे बड़ा Free Trade Agreement संपन्न किया है।
— PMO India (@PMOIndia) January 27, 2026
आज 27 तारीख है और ये सुखद संयोग है कि आज ही के दिन, European Union के 27 देशों के साथ भारत ये FTA कर रहा है: PM @narendramodi
यह सिर्फ trade agreement नहीं है।
— PMO India (@PMOIndia) January 27, 2026
यह साझा समृद्धि का नया blueprint है: PM @narendramodi
भारत और European Union का सहयोग एक partnership for global good है: PM @narendramodi
— PMO India (@PMOIndia) January 27, 2026
Multilateralism और international norms का सम्मान हमारी साझा प्राथमिकता है।
— PMO India (@PMOIndia) January 27, 2026
हम एकमत हैं कि आज के challenges का समाधान करने के लिए, global institutions का reform अनिवार्य है: PM @narendramodi
