প্রধান মন্ত্রী, শ্রী নরেন্দ্র মোদীনা মহাকপু শৌগৎলিবশিংদা মখোয়গী সোসিএল মীদিয়া হেন্দলশিংদগী “মোদী কা পরিবার” তেগলাইন লৌথোক্নবা হায়খ্রে।
শ্রী মোদীনা মখোয়না লেপ্পা লৈতবা শৌগৎপগীদমক ভারতকী মীয়ামদা মহাক্না তৌবীমল খঙবা উৎখ্রে। মহাক্না হায়খি মদুদি মীখলগী কেম্পেন মনুংদা মীওই কয়ানা মহাকপু নুংশিবা উৎপা ওইনা মখোয়গী সোসিএল মীদিয়া প্রোফাইলশিংদা “মোদী কা পরিবার” হাপখি। দিস্প্লে নেম হোংলবসু ভারতকী চাউখৎ-খোঙচৎকীদমক ঐখোয়গী ইমুং অমা ওইবগী মরী অসি অদুমক মপাঙ্গল কন্না অমসুং তৎন-থানবা লৈতনা লৈখিগনি হায়না মহাক্না মখা তাখি।
Xতা প্রধান মন্ত্রীনা পোস্ত তৌখি;
“মীখলগী কেম্পেন মনুংদা ভারত শিনবা থুংবদগী মীয়াম্না ‘মোদী কা পরিবার’ হায়না ঐবু নুংশিবা উৎপা ওইনা মখোয়গী সোসিএল মীদিয়াদা হাপখি। ঐহাক্না মসিদগী থৌনা কয়া ফংখি। ভারতকী মীয়াম্না রেকোর্দ ওইনা থংন-থংননা অহুমশুবা তর্মগীদমক NDAদা মেজোরিতী ফংহনখি অমসুং ঐখোয়গী লৈবাক্কী অফবা তুংলমচৎকীদমক মখা তানা থবক তৌনবা ঐখোয়দা মেন্দেৎ পীখি।
ঐখোয় পুম্নমক্না ইমুং অমা ওইবগী পাউজেল মপুং ফানা পীবগা লোয়ননা ঐহাক্না ভারতকী মীয়ামদা অমুক হন্না থাগৎপা ফোঙদোকচরি অমসুং অদোমগী সোসিএল মীদিয়া প্রোপর্তীশিংদগী ‘মোদী কা পরিবার’ লৌথোক্নবা ঐহাক্না হায়জরি। দিস্প্লে নেম হোংলবসু ভারতকী চাউখৎ-খোঙচৎকীদমক ঐখোয়গী ইমুং অমা ওইবগী মরী অসি অদুমক মপাঙ্গল কন্না অমসুং তৎন-থানবা লৈতনা লৈখিগনি।”
Through the election campaign, people across India added 'Modi Ka Parivar' to their social media as a mark of affection towards me. I derived a lot of strength from it. The people of India have given the NDA a majority for the third consecutive time, a record of sorts, and have…
— Narendra Modi (@narendramodi) June 11, 2024
