সেপ্তেম্বর ১০,২০২৩দা নিউ দিল্লিদা জি-২০ মীফম নাকলদা প্রধান মন্ত্রী শ্রী নরেন্দ্র মোদীনা কনাদাগী প্রধান মন্ত্রী জস্তিন ত্রুদিও উনখ্রে।
ভারতনা মাইপাক্না জি-২০গী প্রসিদেন্ত ওইবদা প্রধান মন্ত্রী ত্রুদিওনা প্রধান মন্ত্রী থাগৎপা ফোঙদোকখি।
ভারত-কনাদাগী মরীশিং অসি গনতন্ত্রগী গুনশিং, আইনগী চৎন-কাংলোনশিং ইকায়খুম্নবা অমসুং মীগা মীগা লৈনবা অকনবা মরীশিংদা য়ুম্ফম ওইবনি হায়না প্রধান মন্ত্রীনা ফোঙদোকখি। কনাদাদা কাহেনবা নিতি চৎপশিংনা ভারতকী মায়োক্তা মখা তানা থবক চৎথরিবা অসিদা ভারতনা লুম্না লৌরিবা অসি মহাক্না থমখি। মখোয়না ভারতকী দিপ্লোমেতশিংগী মথক্তা হিংশা চৎথখি, দিপ্লোমেতকী বিল্দিং অমাং-অতা থোকহনখি অমসুং কনাদাদা লৈবা ভারতমচাশিংদা কিহনখি অমসুং মখোয়গী লাইশঙশিংদা অমাং-অতা থোকহনখি। ফত্তবা থবক তৌবা মীওইশিং, দ্রগ ললোনবশিং অমসুং হুমেন ত্রাফিক্কিং তৌবশিংগা খুৎশম্নবা অসিনা কনাদাগী ওইনসু নুংনাংবা অমনি। অসিগুম্বা শিংনরকপশিং থেংননবা লৈবাক অনি মতেং পাংনবা অসি তঙাইফদবনি।
লৈনরিবা মরী অসি অমনা অমবু ইকায়খুম্নবদা য়ুম্ফম ওইবনি অমসুং ভারত-কনাদাগী মরী চাউখৎনবা থাজবা লৈনবা অসি তঙাইফদে হায়না প্রধান মন্ত্রীনা ফোঙদোকখি।
Met PM @JustinTrudeau on the sidelines of the G20 Summit. We discussed the full range of India-Canada ties across different sectors. pic.twitter.com/iP9fsILWac
— Narendra Modi (@narendramodi) September 10, 2023
