প্রধান মন্ত্রী, শ্রী নরেন্দ্র মোদীনা বদোদরাগী করেলিবাগতা শীন-লাঙলিবা ‘য়ুবা শিবির’ থৌরমদা ঙসি ভিদিও কনফরেন্সিংগী খুত্থাংদা ৱা ঙাঙখ্রে। শ্রী স্বামিনরায়ন লাইশঙ, কুন্দলধাম অমসুং শ্রী স্বমিনরায়ন লাইশঙ করেলিবাগ, বদোদরানা ঙসিগী শিবির অসিবু শীন-লাঙবনি।
প্রধান মন্ত্রীনা মিতিন অসিদা ৱা ঙাঙবদা, ঐখোয়গী স্ক্রিপচরনা চারোন-শুরোন খুদিংগী কেরেক্তর শেম্বা লেপ্তবা হায়বনা খুন্নাই খুদিংগী য়ুম্ফম্নি হায়বা তাক্লি হায়না ফোংদোকখি। ঙসি পাংথোক্লিবা শিবির অসিগুম্বা অসি নহারোলশিংগী মরক্তা অফবা ‘সন্সকার’ লৈহন্নবা হোৎনবতা নত্তনা খুন্নাই, ইশাগী শক্তাক, চাউথোকচবা অমসুং লৈবাকপু নৌহৌননা ময়োল চোংহনবগী থম্মোই শেংবা অমসুং মহৌশাগী ওইবা খোঙজংনি হায়না ফোংদোকখি।
প্রধান মন্ত্রীনা মীয়াম্না অপুনবা ৱারেপ লৌদুনা অনৌবা ভারত অমা শেম্নবা হোৎননবা হায়খি। মশাগী শক্তাক্না অনৌবা ওইবা, তুংলমচত্তা মিৎয়েং থম্বা অমসুং নাৎনা অরিবা মতমগী ওইবা অনৌবা ভারত অমবু মহাক্না পনখি। অনৌবা ৱাখল্লোন অমসুং চহি কয়া লিরবা নাৎপু অমত্তা ওইনা পুদুনা তুংলমচৎকীদমক্তা খোঙদাবা অনৌবা ভারত অসিনা মীওইবা খুন্নাই খুদিংদা মাইকৈ তাক্কদবনি হায়না মহাক্না ফোংদোকখি। “শিংনবা লৈবা মফম খুদিংদা ভারতনা থাজবা অমগা লোয়ননা লৈরি, খুদোংচাদবা লৈবা খুদিংদা ভারতনা ৱারোইশিন পুথোক্লি”, হায়না প্রধান মন্ত্রীনা ফোংদোকখি।
কোরোনাগী ইরাং মনুংদা মালেমদা ভেক্সিন অমসুং হিদাক-লাংথক পীবদগী হৌদুনা সপ্লাই চেন ততলিবা মরকসিদা মরোমদোম লেপচবা ঙম্বা ভারত শেম্বগী মঙলান লৈবা অমসুং মালেমদা থোক্লিবা চরাংনবা অমসুং য়েংথীনবা কয়াগী মরক্তা শান্তি পুরকপা ঙমগদবা মতিক লৈবা লৈবাক অমা ওইবা ফাওবদা, ভারতনা ঙসিগী মালেমগী অনৌবা থাজবা অমা ওইরি হায়না প্রধান মন্ত্রীনা ফোংদোকখি।
প্রধান মন্ত্রীনা ঐখোয়না মীওইবা খুন্নাই অপুনবদা য়োগগী লম্বী তাক্লি, অয়ুর্বেদগী শক্তিবু মখোয়দা শক্তাক্লি হায়না ফোংদোকখি। মীয়াম্না শরুক য়াবগী থৌওং হেনগৎলকপনা মরম ওইরগা ঐখোয়গী সরকারগী মথৌ তৌবগী মওং অমসুং খুন্নাইগী ৱাখল খনবগী মতৌদা অহোংবা লাক্লে হায়না প্রধান মন্ত্রীনা হায়খি। ঙসিদি ভারতকী নহাশিংনা লুচিংদুনা মালেমগী ওইনা ভারত্তা স্তার্ত-অপকী খ্বাইদগী অহুমশুবা চাউবা পথাপ লৈরে। “ঐখোয়না সোফৱেয়রদগী স্পেস ফাওবদা হয়েংগী অনৌবা মতমগীদমক্তা শেম-শারবা লৈবাক অমা ওইনা থোক্লক্লি। ঐখোয়গী ওইনদি, সন্সকার হায়বসিনা এজুকেসন, মীয়ামগী সেবা অমসুং মীয়ামগী অপাম-পামদ খঙবনি! ঐখোয়গী ওইনদি, সন্সকার হায়বদি পুক্নিং চঙবা, খোঙফম চেৎপা অমসুং পাঙ্গল হায়বনি! ঐখোয়না ইশাবু থাক ৱাংনা পুখৎসি, অদুবু থৌওং অসিনা অতোপ্পগী য়াইফ-য়ুম্বালগী পাম্বৈসু ওইগদবনি! ঐখোয়গী মায়-পাকপগী অৱাংবা থাক্তা য়ৌবা ঙম্বা ওইসনু, অদুগা ঐখোয়গী মায় পাকপা হায়বসিনা মীয়ামগী সেবা তৌবা ওইসনু। ভগবান স্বামিনরায়নগী পাউতাক অমসুং ভারতকী মহৌশাগী মতৌ অসিদি হায়রিবশিং অসিনি”, হায়না প্রধান মন্ত্রীনা হায়খি।
প্রধান মন্ত্রীনা মহাক্কী বদোদরাগা মতম কুইনদগী মরী লৈরকপগী মতাংদা নীংশিংলদুনা লমদম অসিনা মহাক্কী মশাগী অমসুং রাজনিতীগী পুন্সিদা মরু ওইবগী মতাংদা পনখি। ‘স্তেচু ওফ য়ুনিতী’না মরম ওইরগা বদোদরানা মালেমগী পুক্নিং চিংশিনবগী মরু ওইবা বেজ অমা ওইরে হায়না মহাক্না ফোংদোকখি। মান্নবা ওইনা, পবাগর লাইশঙনা মালেম শিনবা থুংবগী মীয়ামগী পুক্নিংসু চিংশিল্লি। বদোদরাদা শাবা মেত্রো কোচশিংবু মালেম পুম্বদা শিজিন্নরকপগা লোয়ননা ‘সন্সকার নগরী’ বদোদরা অসি মালেম শিনবা থুংবদা মশক খঙনরক্লি অমসুং মসিনা বদোদরাগী মপাঙ্গলনি হায়না প্রধান মন্ত্রীনা হায়খি। ঐখোয়না লৈবাক্কী নীংতম ইহৌগী মনুংদা ইশাগী পুন্সি কত্থোকপগী খুদোংচাবা ফংহৌদ্রবসু, ঐখোয়না লৈবাক্কীদমক্তা হিংবদি য়াই হায়না প্রধান মন্ত্রীনা ফোংদোকখি। “ইং ২০২৩গী ওগস্ত ১৫ ফাওবদা, ঐখোয়না শেল শিজিন্নদুনা ত্রাঞ্জেক্সন তৌবা লেপ্তুনা দিজিতেল পেমেন্ত ওইনা শিজিন্নবা য়ারোইদরা? অদোমগী থৌওং অপীকপা অমনা কারবার অপীকপা অমসুং ভেন্দরশিংগী পুন্সিদা অচৌবা অহোংবা অমা পুরকপা ঙমগনি”, হায়না মহাক্না হায়খি। মান্নবা ওইনা, লু-নানবা, সিঙ্গল য়ুজ প্লাস্তিক শিজিন্নবা থিংবা অমসুং মেলন্যুত্রিসন থোকহন্দনবা ঐখোয়না ৱাশক অমা লৌবা য়াই হায়নসু মহাক্না মখা তানা পনখি।
প্রধান মন্ত্রীনা নাগালেন্দগী নুপীমচা অমনা চঙশিল্লিবা কাশি ঘাত শেংবগী খোঙজংগী মতাংদসু ৱাফম থমখি। মহাক্না মথন্নতা হৌখি, মতুংদা মীয়াম অমনা মহাক্কা পুনখি। মসিনা থবক অমগী মতাংদা অপুনবা ৱারেপ লৌবগী পাঙ্গল উৎলি। মসিগা মান্নবা ওইনা, প্রধান মন্ত্রীনা মীয়াম্না লৈবাক কন্নবগীদমক্তা মৈ লিক্না শিজিন্নবা নত্ত্রগা নেচরেল ফার্মিং পায়খৎপগুম্বা অপীকপা থৌওং কয়া পাংথোক্নবা হায়খি।
आज हम नए भारत के निर्माण के लिए सामूहिक संकल्प ले रहे हैं, प्रयास कर रहे हैं।
— PMO India (@PMOIndia) May 19, 2022
एक ऐसा नया भारत, जिसकी पहचान नई हो, forward-looking हो और परम्पराएँ प्राचीन हों!
ऐसा नया भारत, जो नई सोच और सदियों पुरानी संस्कृति दोनों को एक साथ लेकर आगे बढ़े, पूरे मानवजात को दिशा दे: PM
कोरोनाकाल के संकट के बीच दुनिया को वैक्सीन और दवाइयाँ पहुंचाने से लेकर बिखरी हुई supply chains के बीच आत्मनिर्भर भारत की उम्मीद तक,
— PMO India (@PMOIndia) May 19, 2022
वैश्विक अशांति और संघर्षों के बीच शांति के लिए एक सामर्थ्यवान राष्ट्र की भूमिका तक,
भारत आज दुनिया की नई उम्मीद है: PM @narendramodi
हम पूरी मानवता को योग का रास्ता दिखा रहे हैं, आयुर्वेद की ताकत से परिचित करवा रहे हैं।
— PMO India (@PMOIndia) May 19, 2022
हम सॉफ्टवेयर से लेकर स्पेस तक, एक नए भविष्य के लिए तत्पर देश के रूप में उभर रहे हैं: PM @narendramodi
हमारे लिए संस्कार का अर्थ है- शिक्षा, सेवा और संवेदनशीलता!
— PMO India (@PMOIndia) May 19, 2022
हमारे लिए संस्कार का अर्थ है- समर्पण, संकल्प और सामर्थ्य!
हम अपना उत्थान करें, लेकिन हमारा उत्थान दूसरों के कल्याण का भी माध्यम बने!
हम सफलता के शिखरों को छूएँ, लेकिन हमारी सफलता सबकी सेवा का भी जरिया बने: PM
