প্রধান মন্ত্রী, শ্রী নরেন্দ্র মোদীনা ঙসি ‘এগ্রিকলচর অমসুং কোওপরেতিবশিং’ হায়বা হীরমদা বজেৎ মতুংগী ৱেবিনারদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী অনিশুবনি।
থৌরম অদুদা ৱা ঙাংলদুনা প্রধান মন্ত্রীনা চহি অসিগী বজেৎ লোয়ননা হৌখিবা চহি ৮-৯গী বজেৎশিংদা এগ্রিকলচরেল সেক্তরদা পীরিবা মরু ওইবা অদু পাউদমখি। মহাক্না হায় ২০১৪দা লুপা করোর লিশিং ২৫দগী তানা লৈরম্বা এগ্রিকলচরেল বজেৎ অসি ঙসিদি লুপা করোর লাখ ১ লিশিং ২৫দগী হেন্না হেনগৎহনখি। শ্রী মোদীনা হায়, “হৌখিবা মতমগী বজেৎ খুদিংমক গাও, গরীব অমসুং কিসানগী বজেৎ হায়না কৌখি”।
ভারতকী এগ্রিকলচরেল সেক্তর অসি নীংতম্বা মতুং ফাওবা মতম শাংনা চাউখৎপা ঙমদনা লৈরমখি হায়রদুনা প্রধান মন্ত্রীনা ঐখোয়গী ফুদ সেক্যুরিতীগীদমক মীতোপকী মপাল লৈবাক অসিনা তাংখি হায়না ফোঙদোকখি। মহাক্না ভারতকী লৌমীশিংনা করম্না ফীভম অসিদা অওনবা পুরকখিবা অমসুং লৈবাক অসিবু ‘আত্মনির্ভর’ ওইহনবা খক্তা নত্তনা চেং হৱাই এক্সপোর্ত তৌবা ঙমহনখিবগে হায়না ফোঙদোকখি। লৌমীশিংদা দোমেস্তিক অমসুং ইন্তর্নেস্নেল মার্কেৎশিং এক্সেসিবল ওইহন্নবা সরকারগী খোঙথাংশিংগী মতাংদা প্রধান মন্ত্রীনা ফোঙদোকখি। মহাক্না হায় মরোমদোম লেপচবা নত্ত্রগা এক্সপোর্তকী মতাংদা লাকপা মতমদা ভারতকী পান্দম অসি চেং নত্ত্রগা গেহু খক্তদা লোইশিল্লোইদবনি। এগ্রিকলচরেল সেক্তরদা ইম্পোর্তশিং তৌরিবা অসিগী মতাংদা প্রধান মন্ত্রীনা হৱাই ইম্পোর্ত তৌনবগীদমক ২০২১-২২দা লুপা করোর ১৭,০০০, ভেল্যু এদেদ ফুদ প্রদক্তশিংগীদমক লুপা করোর ২৫,০০০ অমসুং ২০২১-২২দা চানবা থাও ইম্পোর্ত তৌবদা লুপা করোর লাখ ১.৫ চাদিং তৌখিবা অদু খুদম ওইনা পীখি। মহাক্না মখা তারদুনা হায় এগ্রিকলচরেল ইম্পোর্তশিংগী অপুনবা শেনফম অসি লুপা করোর লাখ ২ ওইখি। প্রধান মন্ত্রীনা হায় জাতি অসি ‘আত্মনির্ভর’ ওইনবা অমসুং ইম্পোর্ত তৌবদা শীজিন্নবা শেলনা ঐখোয়গী লৌমীশিংদা য়ৌহন্নবা এগ্রিকলচরেল সেক্তর প্রমোৎ তৌনবা বজেৎ অসিদা তোঙান-তোঙানবা ৱারেপশিং লেপ্পা লৈতনা লৌখি। মহাক্না এম.এস.পি.দা হেনগৎহনবা, হৱাই পুথোকপা থৌগৎপা, ফুদ প্রোসেসিং পার্কশিংগী মশিং হেনগৎহনবা, অমসুং চানবা থাওশিংদা মপুং ফানা মীপাল তাংদনবা মিসন মোদতা থবক তৌবগী খুদমশিং পীখি।
প্রধান মন্ত্রীনা এগ্রিকলচরেল সেক্তরগা মরী লৈনবা শীংনবশিং অসি কোকহন্দ্রিবা ফাওবা মপুং ফানা চাউখৎপগী পান্দম অসি ফংবা ঙম্লোই হায়না ফোঙদোকখি। মহাক্না প্রাইবেৎ ইন্নোভেসন অমসুং ইনভেস্তমেন্তনা সেক্তর অসিগী লাপথোক্না লৈ মসিনা থৱায় য়াওনা শরুক য়ারিবা অমদি গ্রোথ লৈবা অতোপ্পা সেক্তরশিংগা চাংদম্নবা মতমদা এগ্রিকলচরেল সেক্তরদা ভারতকী নহারোলশিংনা শরুক য়াবা হন্থনা লৈ হায়না ফোঙদোকখি। প্রধান মন্ত্রীনা মসিগী অৱাৎপা অসি মেনখৎনবা চহি অসিগী বজেৎতা কয়া অমা লাউথোকখি। য়ু.পি.আই.গী ওপন প্লেৎফোর্মগা চাংদম্নরদুনা প্রধান মন্ত্রীনা এগ্রিকলচরেল সেক্তরগী দিজিতেল পব্লিক ইনফ্রাস্ত্রকচরগী মতাংদা পনখি অমসুং এগ্রি-তেক দোমেনশিংদা ইনভেস্তমেন্ত অমসুং ইন্নোভেসনগী ওইথোকপা য়াবা চাউনা লৈ হায়না ফোঙদোকখি। প্রধান মন্ত্রীনা লোজিস্তিক্স ফগৎহনবা, অচৌবা মার্কেৎশিং এক্সেসিবল ওইহনবা, তেক্নোলোজীগী খুত্থাংদা দ্রিপ ইরিগেসন থৌগৎপা, মেদিকেল লেবশিংগা লোয়ননা সোইল তেস্তিং লেবশিং ইন্সতোল তৌবা অসিগুম্বা খুদোংচাবশিংগী মতাংদা ফোঙদোকখি। মহাক্না নহারোলশিংদা মতম চানা অফবা পাউতাক পীনবা মাইকৈদা নহারোলদা থবক তৌনবা অমরোমদা সরকার অমদি লৌমীশিংগী মরক্তা মখোয়গী ইন্নোভেসনশিংগী ইনফোর্মেসনগী ব্রিজ শেম্নবা অমসুং পোলিসী মেকিংদা মতেং পাংনবসু হায়খি। প্রধান মন্ত্রীনা ক্রোপ এপ্রোক্সিমেসনগীদমক দ্রোনশিং শীজিন্নবা লোয়ননা অইং-অশাদা অহোংবশিং লাকপগী মতাংদা রিএল-তাইম ইনফোর্মেসন পীবগী মতাংদা ফোঙদোকখি।
প্রধান মন্ত্রীনা এগ্রি-তেক স্তার্ত-অপশিংগীদমক ফন্দশিংগী এসেলরেতর হৌদোক্নবগী মতাংদা অমদি সরকারনা দিজিতেল ইনফ্রাস্ত্রকচর খক্তা নত্তনা ফন্দিং এভেন্যুশিং শেম শারিবা অসিগী মতাংদসু ফোঙদোকখি। মহাক্না নহারোল অমসুং নহা ওইরিবা ওন্তপ্রিনোরশিংদা মখোয়গী পান্দমশিং ফংনবা মাংদা চংশিন্নবা হায়খি। প্রধান মন্ত্রীনা ভারত অসি চহি ৯গী মমাংদা এগ্রি-স্তার্তঅপ অমত্তা লৈরমদবা অদুগা চাংদম্নবদা ঙসি ৩০০০ হেন্না লৈরে হায়না ফোঙদোকখি।
প্রধান মন্ত্রীনা ইন্তর্নেস্নেল ইয়র ওফ মিল্লেৎসকী মতাংদা পল্লদুনা হায় মদুদি মাগী ইন্তর্নেস্নেল আইদেন্তিতী অসিনা ভারতকী লৌমীশিংগীদমক গ্লোবেল মার্কেৎ অমগী গেৎৱে অমা হাংলি। প্রধান মন্ত্রীনা হায়, “লৈবাক অসিনা কোর্স গ্রেনশিংবু হৌজিক শ্রী অন্ন হায়না বজেৎ অসিদা শকখঙখ্রে”। মহাক্না হায় মদুদি শ্রী অন্ন অসি ঐখোয়গী অপীকপা লৌমীশিংদা কান্নবা পীনবা লোয়ননা সেক্তর অসিগী স্তার্তঅপকী গ্রোথ লৈহনবা হেনগৎহন্নবা প্রমোৎ তৌরি।
মসি রাজ্য খরা অমসুং লৈবাক অসিগী রিজন খরা খক্তগী ওইদ্রে হায়না ফোঙদোক্লদুনা প্রধান মন্ত্রীনা হায়, “ভারতকী কোওপরেতিব সেক্তরদা অনৌবা রিভোল্যুসন অমা লাক্লি”। মহাক্না হায় চহি অসিগী বজেৎতা কোওপরেতিব সেক্তরদা তেক্সকা মরী লৈনবা পোৎলুমশিং কোকপীখি মসিনা মেন্যুফেকচরিংদা থবক তৌরিবা অনৌবা কোওপরেতিব সোসাইতীশিংদা কান্নবা পীরগনি। মহাক্না মখা তারদুনা হায় তি.দি.এস. অসি কোওপরেতিব সোসাইতীশিংনা লুপা করোর ৩ ফাওবগী শেল লৌথৌকপদা লৌররোই। প্রধান মন্ত্রীনা ২০১৬-১৭গী মমাংদা সুগর কোওপরেতিবনা তৌখিবা পেমেন্তদা তেক্স এক্সেম্পসন পীখিবগী মরু ওইবা ৱারেপকী মতাংদা ফোঙদোকখি অমসুং হায় মদুদি মসিনা সুগর কোওপরেতিবতা লুপা করোর ১০,০০০গী কান্নবা পীরগনি।
প্রধান মন্ত্রীনা মমাংদা কোওপরেতিবশিং লৈরমদবা দাইরী অমসুং ফিশরীজগুম্বা সেক্তরশিংনা ঙসিদি লৌমীশিংদা চাউনা কান্নবা পীরগনি। ফিশরীজরা ঐখোয়গী লৌমীশিংগীদমক লৈরিবা অচৌবা খুদোংচাবশিংগী মতাংদা পল্লদুনা প্রধান মন্ত্রীনা হায় মদুদি লৈবাক অসিদা ঙা পুথোকপগী চাং অসি হৌখিবা চহি ৮-৯দা মেত্রিক তন লাখ ৭০দা হেনগৎলকখি। মহাক্না লুপা করোর ৬০০০কী শেনফম ওইবা পি.এম. মতস্যা সম্পাদা য়োজনাগী মখাদা লাউথোকখিবা অনৌবা সব-কম্পোনেন্ত অসিনা ফিশরীজ ভেল্যু চেন লোয়ননা মার্কেৎতা শাহৌ অমা পীরগনি হায়নসু ফোঙদোকখি।
ৱারোল পীবা লোইশিনবদা প্রধান মন্ত্রীনা মহৌশাগী লৌউ-পথাপ য়োকখৎনবা অমসুং কেমিকেল-বেজ ফার্মিং হন্থহন্নবা মাইকৈদা সরকারনা থবক তৌরিবা পি.এম. প্রনাম য়োজনা অমসুং গোবরধন য়োজনাগী মতাংদা ফোঙদোকখি।
आज भारत कई तरह के कृषि उत्पादों को निर्यात कर रहा है। pic.twitter.com/u7V3ad3yNY
— PMO India (@PMOIndia) February 24, 2023
हमने MSP में बढ़ोतरी की, दलहन उत्पादन को बढ़ावा दिया, फूड प्रोसेसिंग करने वाले फूड पार्कों की संख्या बढ़ाई गई। pic.twitter.com/IIDHRFhEkO
— PMO India (@PMOIndia) February 24, 2023
इस बार के बजट में एक और महत्वपूर्ण घोषणा हुई है। pic.twitter.com/vVde5APjqY
— PMO India (@PMOIndia) February 24, 2023
भारत के सहकारिता सेक्टर में एक नया revolution हो रहा है। pic.twitter.com/j0LbpVh6eX
— PMO India (@PMOIndia) February 24, 2023
