প্রধান মন্ত্রীনা ঙসি ইথিওপিয়াগী পার্লিয়ামেন্তগী অপুনবা সেসনদা ৱা ঙাংখ্রে। মসি ইথিওপিয়াদা মহাক্কী অহানবা বাইলেতরেল খোংচৎতা লাক্লিবা প্রধান মন্ত্রীদা পীখিবা অখন্নবা ইকায় খুম্নবা অমনি।
প্রধান মন্ত্রীনা মহাক্কী ৱারোল হৌরকপদা ভারতকী মীয়ামদগী ইথিওপিয়াগী আইন শেম্বা মীওইশিংদা মরুপ-মপাং ওইবগী অমসুং অফবা মঙলানগী য়াইফ পাউজেল পীখি। মহাক্না হায়খি মদুদি পার্লিয়ামেন্ততা ৱা ঙাংবা ফংদুনা দেমোক্রেসীগী লাইশং অসিগী থোংদা ইথিওপিয়াগী মীচম প্রজাশিং- লৌমীশিং, ওন্ত্রপ্রিনরশিং, লৈবাক অসিগী তুংলমচৎ শেম্লিবা চাউথোকচনীংঙাই ওইরবা নুপীশিং অমসুং নহাশিংগা ৱারী শাবা অসি মহাক্কীদমক চাউথোকচনিংঙাই অমনি। মহাক্না ইথিওপিয়াগী খ্বাইদগী ৱাংবা এৱার্দ- গ্রেৎ ওনর নিসান ওফ ইথিওপিয়া পীবীবগীদমক ইথিওপিয়াগী মীয়াম অমসুং সরকারদা থাগৎপা ফোংদোকখি। মরী অসিগী মরুওইবা অদু পল্লদুনা, প্রধান মন্ত্রীনা লৈবাক অনিগী মরক্তা চহী কয়াগী মমাংদগী লৈরক্লবা মরী অসি খোংচৎ অসিগী মনুংদা স্ত্রেতেজিক পার্তনরশিপ অমদা হেনগৎলকপদা চাউথোকচবা ফোংদোকখি।
ভারত অমসুং ইথিওপিয়াগী মরক্তা লৈনরিবা সিভিলাইজেস্নেল লিঙ্কশিং অদু নীংশিংলদুনা প্রধান মন্ত্রীনা লৈবাক অনিমক্না অরিবা মতমগী লৌশিংবু মোদর্ন এম্বিশনগা লোয়ননা পুনশিন্নরি হায়না ফোংদোকখি। মসিগী মতাংদা মহাক্না হায়খি মদুদি ভারতকী জাতিগী ঈশৈ "বন্দে মাতরম" অমসুং ইথিওপিয়াগী নেস্নেল এন্থেম অনিমক্না মখোয়গী লমদম অসিবু মমা অমা ওইনা লৌই। লৈবাক অনিগী অপুনবা লান্থেং অসিগী মতাংদা পল্লদুনা, প্রধান মন্ত্রীনা ১৯৪১দা ইথিওপিয়াবু নীংখা তম্বগীদমক ইথিওপিয়াগী মীওইশিংগা লোয়ননা লান্থেংনখিবা ভারতকী লান্মীশিংগী থৌদাং অদু পনখি। মহাক্না হায়খি মদুদি ইথিওপিয়াগী মীয়াম্না কত্থোকখিবা অদুগী খুদম ওইরিবা অদৱা ভিক্তরী মোন্যুমেন্তদা ইকায় খুম্নবা উৎপা অসি মহাক্কীদমক ইকায় খুম্নবা অমনি।
প্রধান মন্ত্রীনা ভারত-ইথিওপিয়া পার্তনরশিপ হেন্না মপাঙ্গল কনখৎহন্নবা ভারতকী অচেৎপা ৱাফম থমখি। মসিগী মতাংদা, মহাক্না ইথিওপিয়াগী চাউখৎপা অমসুং খুমাং চাউশিনবদা ভারতকী ওজাশিং অমসুং ভারতকী ললোন-ইতিক্কী থৌদাংশিং নিংশিংখি। মহাক্না দিজিতেল পব্লিক ইনফ্রাস্ত্রকচর, ফুদ প্রোসেসিং অমসুং ইন্নোবেসনগী লমশিং য়াওনা ভারতকী চাউখৎ-থৌরাংগী এক্সপরিয়েন্সশিং শান্নখি অমসুং ইথিওপিয়াগী প্রাইওরিতীশিং অসিগা মরী লৈননা ইথিওপিয়াদা চাউখৎ-থৌরাংগী তেংবাং পীনবা ভারতনা শেম-শারি হায়না ফোংদোকখি। "ভাসুধৈব কুতুম্বকম" [মালেম অসি ইমুং অমখক্তনি] হায়বা ৱাখল্লোন অসিদা য়াওরিবা মীওইবা খুন্নাইগী সেবা তৌনবা ভারতকী অচেৎপা ফিরেপ অদু পল্লদুনা মহাক্না হায়খি মদুদি কোবিদ লাইচৎ মনুংদা ইথিওপিয়াদা ভেক্সিনশিং সপ্লাই তৌবা অসি ভারতকীদমক খুদোংচাবা অমনি।
গ্লোবেল সাউথকী লৈবাকশিং ওইরিবা ভারত অমসুং ইথিওপিয়া অসি চাউখৎলক্লিবা লৈবাকশিংদা হেন্না ৱা ঙাংনবা পুন্না লেপমিন্নবা মথৌ তাই হায়না প্রধান মন্ত্রীনা অকনবা ৱাফম থমখি। তেরোরিজমগী মায়োক্তা মালেমগী থাক্তা লান্থেংনরিবা অসি মপাঙ্গল কনখৎহন্নবগীদমক মহাক্না ইথিওপিয়াদা থাগৎপা ফোংদোকখি।
আফ্রিকান য়ুনিতীগী মঙলানশিং মপুং ফাহন্নবগীদমক অফ্রিকান য়ুনিতীগী হেদক্বার্বর ওইরিবা এদিস এবেবনা লৌরিবা মরুওইবা থৌদাং অদু পল্লদুনা প্রধান মন্ত্রীনা হায়খি মদুদি ভারতনা জি.২০গী পর্মানেন্ত মেম্বর অমা ওইনা অফ্রিকান য়ুনিয়নবু তরাম্না ওকপদা ইকায় খুম্নবা উৎলি। মহাক্না মখা তাখি মদুদি মহাক্কী সরকারগী চহি ১১গী মখাদা ভারত-অফ্রিকাগী মরী অসি মশিং য়াম্লবা মওংদা হেনগৎলে অমসুং নাকল অনিমক্না লৈবাক অমসুং সরকারগী মকোক থোংবা থাক্তা ভিজিট ১০০ হেন্না তৌনখ্রে। মহাক্না অফ্রিকাগী চাউখৎ-থৌরাংগীদমক ভারতকী অচেৎপা ফিরেপ অদু পনখি অমসুং মহাদেশ অসিদা ত্রেনর মিলিয়ন অমা ত্রেনিং পীনবা "অফ্রিকা স্কিলস মল্তিপ্লিয়র ইনিসিয়েতিব" হৌদোক্নবা জোহান্সবর্গ জি-২০ সম্মিৎতা মহাক্না থাগৎপা ফোংদোকখি।
গ্লোবেল সাউথনা মশাগী তুংগী পুন্সি মশক তাক্লি হায়না পল্লদুনা গ্লোবেল সাউথকী খোঙচৎ অসি মরুপ-মপাং ওইরিবা দেমোক্রেসী অমগা লোয়ননা শরুক য়ামিন্নবগী খুদোংচাবা পীবগীদমক্তা প্রধান মন্ত্রীনা ইকাই খুম্নরবা স্পিকরদা থাগৎপা ফোংদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
PM @narendramodi expresses gratitude for the ‘Great Honour Nishan of Ethiopia.’ pic.twitter.com/ZEj1t26IuN
— PMO India (@PMOIndia) December 17, 2025
India’s national song, Vande Mataram and the Ethiopian national anthem both refer to our land as the mother. pic.twitter.com/y2zUItwpGG
— PMO India (@PMOIndia) December 17, 2025
India’s Digital Public Infrastructure has transformed the way we deliver services and how people access them. pic.twitter.com/QnXWVSkJIU
— PMO India (@PMOIndia) December 17, 2025
India sent medicines and vaccines to more than 150 countries. pic.twitter.com/Cec94KLC6l
— PMO India (@PMOIndia) December 17, 2025
India and Ethiopia are natural partners in regional peace, security and connectivity. pic.twitter.com/a1hnVfgQjK
— PMO India (@PMOIndia) December 17, 2025
Over the 11 years of my government, the connection between India and Africa has grown manifold. pic.twitter.com/ruzuhHKg8E
— PMO India (@PMOIndia) December 17, 2025
Our vision is of a world where the Global South rises not against anyone, but for everyone. pic.twitter.com/G1AYdpiKH0
— PMO India (@PMOIndia) December 17, 2025
The world cannot move forward if its systems remain locked in the past. pic.twitter.com/dzh5bRgQYJ
— PMO India (@PMOIndia) December 17, 2025
