Share
 
Comments
The Rule of Law has been a core civilizational value of Indian society since ages: PM Modi
About 1500 archaic laws have been repealed, says PM Modi
No country or society of the world can claim to achieve holistic development or claim to be a just society without Gender Justice: PM Modi

ভারতকী চীফ জস্তিস, জস্তিস বোবদে, আইন মন্ত্রী রবিশঙ্কর প্রসাদজী, ফম্বাকথক্তা লেংশিনবীরিবা সুপ্রিম কোর্তকী জজশিং, এতোর্নী জেনরেল ওফ ইন্দিয়া, কনফ্রেন্স অসিদা লেংবীরক্লিবা মালেমগী অতোপ্পা হায় কোর্তশিংগী জজশিং, ভারতকী সুপ্রিম কোর্ত অমসুং হায় কোর্তশিংগী ইকায় খুম্নজরিবা জজশিং, মীথুংলেনশিং, ইচিল-ইনাও অমসুং ইচল-ইচেশিং।

মালেমগী প্রজা কোতি কয়াবু জস্তিস অমসুং চিং লেম্বা ফংহল্লিবা ময়ামগী মরক্তা লাকচবা অসি মশানা য়াম্না নুঙাইবা এক্সপরিয়েন্স অমনি।

জস্তিসকী অদুগুম্লবা চৌক্রি অদুদা অদোম ময়াম্না ফম্লিবা অদু সমাজগী ওইবা পুন্সিদা থাজবগী য়াম্না মরুওইবা মফম অমনি।

অদোম ময়াম পুম্নমকপু হন্না-হন্না তৌবীমল খঙবা উৎচরি।

মরূপশিং,

কনফ্রেন্স অসি ২১শুবা চহীচাগী অহুমশুবা দিকেদ হৌরকপদা পাংথোক্লি। দিকেদ অসি ভারত য়াওনা মালেম পুম্বদা চাউনা অহোংবা পুরক্কদৌরিবা দিকেদনি। অহোংবা অসি সোসিয়েল, ইকোনোমিক অমসুং তেক্নিকেল, হিরম খুদিংমক্তা ওইগনি।

অহোংবশিং অসি রেস্নেল ওইগদবনি অমদি জস্তিফাইদসু ওইগদবনি, অহোংবশিং অসি পুম্নমক্কী কাননবা ওইগদবনি, তুংলমচৎকী দরকার ওইবশিং অদু য়েংদুনা ওইগদবনি, মরম অদুনা জুদিসিয়ারী অমসুং চেঞ্জিং ৱার্ল্দদা নৈনবা য়াম্না মথৌ তাই।

মরূপশিং,

মসি ভারতকীদমক য়াম্না নুঙাইবা তঞ্জা অমসুনি মদুদি অসিগুম্লবা মরুওইবা কনফ্রেন্স অসি ঐখোয়গী লৈবাক অসিনা লৈবাক্কী মপা মহাত্মা গান্ধীগী ১৫০শুবা মপোক কুমওন পাংথোক্লিবা অদুগুম্লবা মতম অসিদা পাংথোক্লি।

বাপুগী পুন্সি অচুম্বা অমসুং সেবাদা কত্থোকখি, মদুবু ন্যায়তন্ত্র অমা হেক্তগী য়ুমফম্নি হায়না লৌনরি।

অদুগা ঐখোয়গী বাপু মশামকসু উকিল ওইবিরম্মি। মহাক্না মহাক্কী পুন্সিগী অহানবা থেংনখিবা কেস অদুগী মতাংদা গান্ধী জানা য়াম্না মরিক চুম্না মহাক্কী আত্মকথাদা ইবীরম্মি।

মতম অদুদা গান্ধীজী বম্বই, ঙসিগী মুম্বাইদা লৈরম্মি। স্ত্রগলগী মতম্নি। মতৌ অমা নত্ত্রগা অমা তৌদুনা অহানবা কেস ফংলম্মি অদুবু মফমদা হায়রম্মি মদুদি কেস অদুগীদমক কনাগুম্বা অমদা কমিশন খরা পীগদবনি।

গান্ধীজীনা ময়েক শেংনা হায়রম্মি মদুদি কেস ফংগেরা নত্ত্রগা ফংলোইগেরা, কমিশন পীরোই।

অচুম্বগীদমক, মশাগী ৱাখল্লোনগীদমক গান্ধীজীগী পুক্নিংদা ক্লিয়ারিতী লৈরম্মি।

ক্লিয়ারিতী অসি কদায়দগী লাক্লিবনো?

মহাক্কী য়োকপী থাকপীরকপগী মওং মতৌ, মহাক্কী হৌনা-লোনচৎ অমসুং ইন্দিয়ন ফিলোসোফী লেপতনা নৈনবদগী।

মরূপশিং,

ভারতকী সমাজতা রুল ওফ লো সমাজগী ওইবা হৌন-লোনচৎকী য়ুম্ফম ওইরি।

ঐখোয়গী মফম অসিদা হায়নবা লৈ- ‘ক্ষত্রয়স্য ক্ষত্রম য়ত ধর্ম:’। হায়বদি আইন অসি নিংথৌশিংগী নিংথৌনি, আইন অসি খ্বাইদগী অকনবনি। চহী কয়াদগী চত্থদুনা লাক্লিবা অসিগুম্বা ৱাখল্লোন, য়াম্না চাউবা মরম অমা লৈরি মদুদি ভারত মচা পুম্নমক্না জুদিস্যরীদা থাজবা থম্লি।

মরূপশিং,

ইকুই কুইদ্রিঙৈদা অসিগুম্লবা অচৌবা ৱারেপ খরা লাকখি, মদু মালেম পুম্বদা খন্ন-নৈনখি।

ৱারেপ লৌদ্রিঙৈ মমাংদা মখল কয়াগী অনিংবা অপাম্বাশিং ফোংদোক্নরম্মি। অদুবু করি ওইখিবগে? ভারত মচা কোতি ১৩০না কোর্তনা পীরকপা ৱারেপশিং অদু মপুংফানা য়ানিংবগা লোয়ননা লৌশিনখি। চহী লিশিং কয়াদগী, ভারত, জস্তিসতা থাজবগী ভেল্যুশিং অসিগা লোয়ননা মাংলোমদা চংশিল্লি। মসিমক ঐখোয়গী সংবিধানগীসু ইন্সপাইরেসন ওইরি। হৌখিবা চহীদা ঐখোয়গী সংবিধান চহী ৭০ মপুং ফাখ্রে।

সংবিধান লেংবীরম্বা দোক্তর বাবা সাহেব অম্বেদকরনা হায়বীখি-

“সংবিধান অসি লোয়রগী দোকুমেন্ত অমা নত্তে, মসি পুন্সিগী ভেহিকল অমনি, অমদি মসিগী স্পিরিৎ অসি মতম পুম্নমক্তা চহীগী স্পিরিৎ অমা ওইরি।”

ৱাখল্লোন অসিবু ঐখোয়গী লৈবাক্কী কোর্তশিং, ঐখোয়গী সুপ্রিম কোর্তনা মখা চত্থরি।

স্পিরিৎ অসিবু ঐখোয়গী লেজিস্লেচর অমসুং একজিক্যুতিবনা হিংহন্দুনা থম্লি।

অমনা অমগী হৌনবী অদু খঙনা, শিংনরকপা কয়াগী মরক্তা কয়ারক হন্না লৈবাক্কীদমক সংবিধানগী য়ুম্বী অহুম্না মতিকচাবা লম্বী থিখি।

অমদি ঐখোয়না চাউথোকচবা ফাওরি মদুদি ভারত্তা অসিগুম্বা মখলগী ইনাক খুল্লবা ত্রেদিসন দিবেলপ তৌরি।

হৌখিবা চহী মঙাদা ভারতকী তোঙান-তোঙানবা সংস্থানশিংনা ত্রেদিসন অসিবু হেন্না মপাঙ্গল কনখৎহল্লে।

লৈবাক অসিদা মতম অসিগা চানদ্রবা অরীবা আইন চাউরাক্না ১৫০০ মুত্থৎখ্রে।

আইন মুত্থৎপা খক্তদা খুমাং চাউশিনবা উৎপা অদু খক্তা নত্তে।

সমাজপু হেন্না চৎশিলহনগদবা অনৌবা আইনসু অদুক য়াম্না অথুবা মতমদা শেম্লে।

ত্রান্সজেন্দর পর্সনশিংগী হকশিংগা মরী লৈনবা আইন ওইগেরা, তলাক অহুমগী মায়োক্তা আইন ওইগেরা মদু নত্ত্রগা শোইনায়রবা মীওইশিংগী হকশিং হেঙ্গৎহনবগী আইন ওইগেরা, সরকারনা মপুংফাবা সেন্সিতিবকা লোয়ননা থবক তৌরি।

মরূপশিং,

কনফ্রেন্স অসিদা জেন্দর জস্ত ৱার্ল্দগী হিরম থম্বা অসিদসু ঐহাক নুঙাইবা ফাওই।

মালেমগী লৈবাক অমত্তা, সমাজ অমত্তা জেন্দর জস্তিস য়াওদনা মপুং ফানা দিবেলপ তৌবা ঙমদে অমদি জুরিসপ্রুদেন্স ক্লেম তৌবা ঙমদে। ঐখোয়গী সংবিধান্না রাইত তু ইক্বেলিতীগী মখাদা জেন্দর জস্তিস ফংহল্লি।

নিং তম্বা ফংলবা মতুংদগী নুপীশিংবু ভোত থাদনবা হক ফংহল্লিবা মালেমগী লৈবাক খরা অদুগী মনুংদা ভারতসু অমনি। ঙসি চহী ৭০গী মতুং হৌজিক মীখলদা নুপীশিংগী নুপীশিংনা শরুক য়াবা অৱাংবা থাক্তা লৈরি।

হৌজিক ২১শুবা চহীচাগী ভারতনা শরুকয়াবা অসিবু অতোপ্পা এস্পেক্তশিংদসু খোংজেল য়াংনা মাংলোমদা চংশিলহল্লি।

বেতি বচাও, বেতি পরাওগুম্বা মায় পাক্লবা কেম্পেনশিংনা মরম ওইদুনা অহানবা ওইনা ভারতকী এজুকেস্নেল ইন্সতিত্যুসনশিংদা অঙাং নুপীমচাশিং মিং চনবগী মশিং নুপামচাশিংদগী হেল্লে।

মতৌ অসুম্না দিফেন্স সর্বিসতা ইচানুপীশিং থবক হাপ্পা ওইগেরা, ফাইতর পাইলোতকী সেলেক্সন প্রোসেস ওইগেরা, খনি তানফমদা নুমিদাংদা থবক শুবগী ফ্রীদম ওইগেরা, সরকারনা অহোংবা কয়া অমা পুরকখ্রে।

ঙসি ভারত লৈবাক্কী চাজেনবী নুপীবু হপ্তা ২৬কী পেদ লীব পীরিবা মালেমগী অদুগুম্লবা লৈবাক খরগী মনুং চল্লে।

মরূপশিং,

ঐহাক্না ঙসি তঞ্জা অসিদা ভারতকী কোর্তপুসু তৌবিমল খঙবা উৎচরি, মদুনা দিবেলপমেন্ত অমসুং এনবাইরনমেন্তকী মরক্তা খল মানবগী মরুওইবা অদু খঙবীরি, মদুদা লেপ্পা লৈতনা লম্বী তাকপীরি।

পব্লিক ইন্তরেস্ত লিতিগেসন্স-পি.আই.এল.শিং কয়া অমা রাই তাবা মতমদা সুপ্রিম কোর্তনসু এনবাইরনমেন্তকা মরী লৈনবা হিরমশিংবু রিদিফাইন তৌরি।

মরূপশিং,

অদোমগী মাংদা জস্তিসকা লোয়ননা, স্পীদ জস্তিসকীসু শিংনরকপা মতম পুম্নমক্তা লৈরি। মসিগী সোলুসন অসি তেক্নোলোজীনি।

অখন্ননা কোর্তকী প্রোসিদ্যুরেল মেনেজমেন্ততা ইন্তর্নেত্তা য়ুম্ফম ওইবা তেকেনোলোজীদগী ভারতকী জস্তিস দেলিবরী সিস্তেমদা য়াম্না কানবা ফংগনি।

লৈবাক অসিগী কোর্ত পুম্নমকপু ই-কোর্ত ইন্তেগ্রেতেদ মিসন মোদ প্রোজেক্তনা শম্নহন্নবা সরকারনসু হোৎনরি। নেস্নেল জুদিসিয়েল দাতা গ্রিদ লিংখৎপনসু কোর্তকী থবক থৌরমশিং লায়থোকহল্লগনি।

আর্তিফিসিয়েল ইন্তেলিজেন্স অমসুং হ্যুমেন কোন্সিয়েন্স সীনরজীনসু ভারত্তা জুদিসিয়েল প্রোসেসশিংবু অহেনবা খোংজেল পীগনি। করম্বা লমদা, করম্বা থাক্তা আর্তিফিসিয়েল ইন্তেলিজেন্সকী মতেং লৌগনি হায়বদু ভারত্তসু কোর্তশিংনা খঙদোকপা য়াই।

মসিদসু নত্তনা হোংলক্লিবা মতম অসিদা দাতা প্রোতেক্সন, সাইবর ক্রাইমগুম্বা হিরমসু কোর্তশিংগীদমক অনৌবা শিংনবা অমা ওইরক্লি। শিংনরকপশিং অসি খঙনা অসিগুম্লবা হিরম কয়াদা কনফ্রেন্স অসিদা মরু ওইনা খন্ন-নৈনগনি, পোজিতিব ওইবা সজেসন খরা মাংদা লাক্কনি। কনফ্রেন্স অসিনা তুংলমচৎকীদমক হেন্না ফবা সোলুসন কয়াসু পুথোক্লগনি হায়না ঐহাক্না থাজবা থম্লি।

অমুক হন্না ময়াম পুম্নমকপু য়াইফ-পাউজেলগা লোয়ননা ঐহাক্কী ৱারোল লোইশিনজরি। থাগৎচরি।        

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Whom did PM Modi call on his birthday? Know why the person on the call said,

Media Coverage

Whom did PM Modi call on his birthday? Know why the person on the call said, "You still haven't changed"
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 সেপ্তেম্বর, 2021
September 19, 2021
Share
 
Comments

Citizens along with PM Narendra Modi expressed their gratitude towards selfless contribution made by medical fraternity in fighting COVID 19

India’s recovery looks brighter during these unprecedented times under PM Modi's leadership –