প্রধান মন্ত্রী, শ্রী নরেন্দ্র মোদীনা ঙসি কর্নাতকাগী মৈসুরুদা লৈবা মৈসুরু য়ুনিভর্সিতীদা ‘জেক্ত তাইগর চহি ৫০ শুরকপগী’ থৌরম হৌদোকখ্রে। প্রধান মন্ত্রীনা ইন্তর্নেস্নেল বিগ কেৎস এলাইন্স (আই.বি.সি.এ.)সু ফোঙখ্রে। মহাক্না মেনেজমেন্ত ইফেক্তিবনেস ইভাল্যুএসন ওফ তাইগর রিজর্বসকী ৫শুবা সাইকলগী সম্মরী রিপোর্ত, ‘অমৃত কাল কা বিজন দোর তাইগর কঞ্জর্বেসন’ – চেফোঙ ফোঙখি, কৈগী মশিং লাউথোকখি অমসুং ওল ইন্দিয়া তাইগর এস্তিমেসন (৫শুবা সাইকল)গী সম্মরী রিপোর্ত ফোঙখি। মহাক্না প্রোজেক্ত তাইগ চহি ৫০ মপুং ফারকপগী নীংশিং শেনয়েক অমসু ফোঙখি।
থৌরম অসিদা ৱা ঙাংলদুনা প্রধান মন্ত্রীনা হায়খি ভারত্তা কৈগী মশিং হেনগৎলকপগী চাউথোকচনীংঙাই ওইবা মীকুপকী মতাংদা ফোঙদোকখি অমসুং কৈশিংদা স্তেন্দিং ওবেসন পীদুনা ইকাই খুম্নখি। মহাক্না হায়খি ঙসি মীপুম খুদিংমক্না প্রোজেক্ত তাইগরনা চহি ৫০ মপুং ফারকপগী অচৌবা থৌরম অসি উবা ফংলি অমসুং মসিগী মাইপাকপা অসি ভারত খক্তা নত্তনা মালেম পুম্বগী চাউথোকচবা পোক্নীংঙাই ওইবা মীকুপ অমনি হায়না ফোঙদোকখি। প্রধান মন্ত্রীনা হায়খি ভারতনা কৈগী মশিং হন্থরকপদগী কনবা খক্তা নত্তনা কৈশিংনা চাউখৎচনবা ইকোসিস্তেম অমসু পীখি। ভারতনা নীংতম্বা ফংবগী চহি ৭৫শুরকপা অসিদা মালেমগী কৈগী মশিংগী ৭৫% ভারত্তা লৈবদা প্রধান মন্ত্রীনা নুংঙাইবা ফোঙদোকখি। প্রধান মন্ত্রীনা মখা তারদুনা হায়, য়াম্না চান্নরিবদি ভারতকী তাইগর রিজর্বশিংনা লমগী স্ব্বার কিলোমিতর ৭৫,০০০ কোনশিল্লি অমসুং হৌখিবা চহি তরাদগী তরা-নিথোইদা লৈবাক্কী কৈগী মশিং চাদা ৭৫ হেনগৎলকখি।
অতোপ্পা লৈবাকশিংদা কৈগী মশিং অসি লেংদনা নত্ত্রগা হন্থরক্লিবগা চাংদম্নবদা ভারত্তা কৈগী মশিং হেনগৎলক্লিবা অসিগী মতাংদা মালেম শিনবা থুংবদা লৈরিবা ৱাইল্দলাইফ এন্থুজিয়াস্তশিংনা খল্লিবা ৱাহংশিংগী মতাংদা নৌহৌননা ফোঙদোক্লদুনা প্রধান মন্ত্রীনা হায়খি মসিগী পাউখুম অসি ভারতকী চৎনবী অমসুং নাৎতা অমসুং বাইওদাইভর্সিতী অমসুং এনভাইর্নমেন্তগী মাইকৈদা মাগী মহৌশানা লৈরিবা ইথিল অদুগী মরক্তা লোৎতুনা লৈরি। প্রধান মন্ত্রীনা হায়খি, “ভারতনা ইকোলোজী অমসুং ইকনোমীগী মরক্তা লৈরিবা য়েৎনবদা থাজবা থমদে অমসুং অনিমক পুন্না লৈমিন্নবা অসি চপ মান্ননা মরু ওইনা লৌই”। ভারতকী পুৱারীদা কৈগী মরু ওইবা অদু নীংশিংলদুনা প্রধান মন্ত্রীনা মধ্য প্রদেশকী চহি লিশিং তরা শুরবা রোক আর্ত্তা কৈগী গ্রাফিকেল রিপ্রজেন্তেসনশিং উবা ফংখি হায়না ফোঙদোকখি। মহাক্না মখা তারদুনা হায়খি সেন্ত্রেল ইন্দিয়াদগী ভারিয়া ফুরুপ অমসুং মহারাস্ত্রগী ৱার্লি ফুরুপ অসি কৈশিংবু থৌনি অমরোমদা ভারতকী ফুরুপ কয়ানা কৈ অসিবু মরুপ অমসুং ময়াম্বা অমা ওইনা লৌনৈ। মহাক্না মখা তারদুনা হায়খি ইমা দুর্গ অমসুং ভগবান আইয়প্পানা কৈদা তোংই।
ৱাইল্দলাইফ কঞ্জর্বেসন্দা ভারতকী তোপ-তোপ্পা মাইপাকপশিংগী মতাংদা প্রধান মন্ত্রীনা হায়খি, “ভারত অসি মহৌশাবু ঙাকশেনবা হায়বা অসি নাৎকী শরুক অমা ওইরিবা লৈবাক্নি”। মহাক্না হায়খি মালেমগী লমগী শরুক্কী চাদা ২.৫ ভারত ওইরি অদুবু গ্লোবেল বাইওদাইভর্সিতীদা চাদা ৮ শরুক তম্বগীদমক খঙনৈ। মহাক্না হায়খি ভারত অসি মালেমগী ওইনা খ্বাইদগী চাউবা তাইগর রেঞ্জ লৈবাক্নি, শমু লিশিং কুনথ্রাগী ময়া লৈবগা লোয়ননা মালেমগী খ্বাইদগী চাধবা এসিয়াতিক ইলেফেন্ত রেঞ্জ লৈবাক্নি অমসুং মশিং লিশিং অহুমগী ময়া লৈবগা লোয়ননা খ্বাইদগী চাউবা সিঙ্গল-হোর্ন রাইনোগী লৈবাক্নি। মহাক্না মখা তারদুনা হায়খি ভারত অসি এসিয়াতিক লায়ন লৈবা মালেমগী অমত্তা ঙাইরবা লৈবাক্নি অমসুং মাগী মশিং অসি ২০১৫দা ৫২৫ ওইরম্বদগী ২০২০দা ৬৭৫রোমদা হেনগৎলকখি। মহাক্না ভারতকী লেপার্দকী মশিংগী মতাংদা পল্লদুনা চহি ৪দা চাদা ৬০ হেন্না হেনগৎলকখি। গঙ্গাগুম্বা তুরেলশিং শেংদোক্নবা তৌরিবা থবক্কী মতাংদা পল্লদুনা প্রধান মন্ত্রীনা হায়খি মতম অমদা মুৎখিগদৌবগী অকিবা লৈরম্বা এক্বাতিক স্পেসিস খরদি ফগৎলকপা উবা ফংখি। মহাক্না মাইপাকপশিং অসিগীদমক মীয়াম্না শরুক য়াবা অমসুং কঞ্জর্বেসনগী কলচরদা মনা পীখি।
ভারত্তা তৌখিবা থবকশিংগী মতাংদা পল্লদুনা প্রধান মন্ত্রীনা হায়খি “ৱাইল্দলাইফ হিংগৎহন্নবগীদমক ইকোসিস্তেমশিং হিংগৎহনবা মরু ওই”। লৈবাক অসিনা রমসর সাইৎকী লিস্ততা ৱেৎলেন্দ ১১ হাপচিন্দুনা রমসর সাইৎকী অপুনবা মশিং ৭৫ য়ৌখি হায়না ফোঙদোকখি। মহাক্না হায়খি ২০১৯গা চাংদম্নবা মতমদা ২০২১দা উমং অমসুং উ-পাম্বী হৌবা মফমশিংনা স্ক্বার কিলোমিতর ২২০০ হেন্না হেনগৎহনখি। হৌখিবা দিকেদ অসিদা কম্ম্যুনিতী রিজর্বশিংগী মশিং অসি ৪৩দগী ১০০ হেনখি অমসুং ইকো-সেন্সিতিব জোনশিং ওইনা নোতিফাইদ তৌখিবা নেস্নেল পার্ক অমদি সেঙ্কচুরীশিংগী মশিং অসি ৯দগী ৪৬৮দা হেনগৎহনখি, মসিমক শুপ্নগী দিকেদ অমগী মনুংদা ঙমখিবনি হায়না মহাক্না ফোঙদোকখি।
গুজরাতকী মুখ্য মন্ত্রী ওইনা ৱাইল্দলাইফ কঞ্জর্বেসন্দা ফংখিবা মহাক্কী এক্সপরিয়েন্স অদুবু নীংশিংলদুনা প্রধান মন্ত্রীনা নোংশাগী মশিং হেনগৎহন্নবা থবক তৌখিবা অদু পনখি অমসুং জিওগ্রাফিকেল এরিয়া অমা খক্তদা লিমিঃ তৌদুনা থম্বনা লমলক্কী শা-ঙা কনবা ঙমলোই হায়না অকনবা ৱাফম থমখি। মহাক্না লমদম অদুগী মীয়াম অমসুং শা-ঙাগী মরক্তা ইমোসন লোয়নন ইকনোমীগী মরী থম্বা মথৌ তাই হায়খি। প্রধান মন্ত্রীনা শাদানবগুম্বা এক্তিবিতীশিং মোনিতর তৌবগীদমক শেলগী মনাগী ইনসেন্তিব পীখিবা গুজরাত্তা হৌদোকখিবা ৱাইল্দলাইফ মিত্র প্রোগ্রামগী মতাংদা ফোঙদোকখি। গিরগী এরিয়াদা লৈরিবা ফোরেস্ত দিপার্তমেন্তদা গির নোংশাশিংগীদমক রিহেবিলিতেসন সেন্তর অমা হাংদুনা নুপী-বীত গার্দশিং অমসুং ফোরেস্তরশিং লৌখিবা অদুগী মতাংদসু ফোঙদোকখি। মহাক্না গিরদা হৌজিক অচৌবা তুরিজম অমসুং ইকোতুরিজমগী ইকোসিস্তেম অমা লিংখৎখিবগী মতাংদসু ফোঙদোকখি।
প্রধান মন্ত্রীনা প্রোজেক্ত তাইগরগী মাইপাকপা অসিগী দাইমেন্সন কয়া লৈ অমসুং মসিনা তুরিস্ত এক্তিবিতী, এৱের্নেস প্রোগ্রাম হেনগৎহনবা ঙমখি অমসুং তাইগর রিজর্বশিংদা মেন-এনিমেল কনফ্লিক্তশিং হন্থহনবা ঙমখি হায়না নৌহৌনা ফোঙদোকখি। শ্রী মোদীনা মখা তারদুনা হায়খি, “মফম খুদিংমক্তা লৈরিবা লোকেল মীয়ামগী পুন্সি অমসুং ইকোলোজীদা কৈশিং লৈবা অসিনা অফবা কান্নবা পীখি”।
দিকেদ কয়াগী মমাংদা ভারত্তা চিতাহ মুৎখি হায়রদুনা প্রধান মন্ত্রীনা নমিবিয়া অমসুং সাউথ এফ্রিকাদগী ভারত্তা চিতাহগী অহানবা ত্রান্স-কন্তিনেন্তেল ত্রান্সলোকেসন মাইপাকখিবা অদুগী মতাংদা প্রধান মন্ত্রীনা ফোঙদোকখি। নুমিৎ খরনিগী মমাংদা কুনো নেস্নেল পার্ক্তা নুংশিরবা চিতাহ মচা ৪ পোকখি হায়না মহাক্না নীংশিংখি। অমসুং চহি ৭৫গী মমাংদা মুৎলুরবা মতুংদা ভারত্তা চিতাহনা মচা পোকখি। মহাক্না বাইওদাইভর্সিতী ঙাকশেন্নবা অমসুং চাউখৎহন্নবগীদমক ইন্তর্নেস্নেল কোওপরেসন মরু ওই হায়না ফোঙদোকখি।
ইন্তর্নেস্নেল এলাইন্স অমগী মথৌ তাবগী মতাংদা প্রধান মন্ত্রীনা হায়খি, “ৱাইল্দলাইফ প্রোতেক্সন অসি লৈবাক অমা খক্তা নত্তনা য়ুনিভর্সেলগী সমস্যা অমনি”। ২০১৯দা প্রধান মন্ত্রীনা গ্লোবেল তাইগর দেদা এসিয়াদা পোচিং অমসুং ইলিগেল ৱাইল্দলাইফ ত্রেদকী মায়োক্তা এলাইন্স অমা থম্নবা ফোঙদোকখি অমসুং ইন্তর্নেস্নেল বিগ কেৎ এলাইন্স অসি ৱাখল্লোন অসিগী এক্সতেন্সন অমনি হায়খি। মাগী কান্নবশিং মতাংদা প্রধান মন্ত্রীনা হায়খি ভারত য়াওনা তোঙান-তোঙানবা লৈবাকশিংগী এক্সপরিয়েন্সশিংদগী কঞ্জর্বেসন অমসুং প্রোতেক্সন এজেন্দা লাইনা ইমপ্লিমেন্ত তৌবগা লোয়ননা বিগ কেৎশিংগা মরী লৈনবা অপুনবা ইকোসিস্তেমগী ফাইনান্সিএল অমসুং তেক্নিকেল রিসোর্সশিং মোবিলাইজ তৌবা লাইগনি। “ইন্তর্নেস্নেল বিগ কেৎ এলাইন্সকী মীৎয়েং অসি কৈ, নোংশা, কবো কৈ, স্নো লেপার্দ, পুমা, জগ্বার অমসুং চিতাহ য়াওনা মালেমগী মরু ওইবা বিগ কেৎ ৭ ঙাকশেনবদা চংখি” হায়না প্রধান মন্ত্রীনা ফোঙদোকখি অমসুং কেৎশিং অসিগী লৈফম ওইরিবা লৈবাকশিংনা এলাইন্স অসিগী শরুক ওইগনি হায়খি। মহাক্না মখা তারদুনা হায়খি মেম্বর ওইরিবা লৈবাকশিংনা মখোয়গী এক্সপরিয়েন্সশিং শিয়র তৌবা য়াগনি মখোয়গী মপাং ওইরিবা লৈবাক্তা হেন্না থুনা মতেং পাংবা ঙমগনি অমসুং রিসর্চ, ত্রেনিং অমসুং কেপাসিতী বিল্দিংদা মীৎয়েং চংগনি। শ্রী মোদীনা হায়খি, “পুন্না ঐখোয়না স্পেসিসশিং অসি মুৎখিগদবদগী কনবা ঙমগনি অমসুং শাফবা অমদি অফবা ইকোসিস্তেম অমা শেম্বা ঙমগনি”।
ভারতকী জি২০ প্রসিদেন্সীগী মোতো, ‘ৱান আর্থ, ৱান ফেমিলী, ৱান ফ্যুচর’গী মতাংদা প্রধান মন্ত্রীনা হায়খি মসিনা ঐখোয়গী অকোইবগী ফীভম শাফনা লৈরবা অমসুং ঐখোয়গী বাইওদাইভর্সিতী মখা তানা চাউথোক্লবা মতমদা খক্তা মীওইবা খুনআনিগী অফবা তুংলমচৎ অমগী পাউজেল পীখি। মহাক্না নৌহৌনা ফোঙদোকখি, “মসিগী থৌদাং ঐখোয় পুম্নমক্কীনি, মসি মালেম পুম্বগীনি”। কোপ২৬কী মতাংদা পল্লদুনা প্রধান মন্ত্রীনা হায়খি ভারতমা অচৌবা পান্দমশিং থমখি অমসুং অকোইববু ঙাকশেন্নবগী পান্দম খুদিংমক ফংনবা হোৎনবদা মতেং পাংগদবা অপুনবগী তেংবাংদা থাজবা থমখি।
থৌরম অসিদা শরুক য়াখিবা মপাল লমগী মীথুংলেনশিং অমসুং দিগনিতরীশিংদা ৱা ঙাংলদুনা প্রধান মন্ত্রীনা মখোয়াদা ভারতকী ত্রাইবেল খুন্নাইগী পুন্সি অমদি চৎনবীদগী করিগুম্বা খরা পুদুনা চৎখিনবা হায়খি। ত্রাইবেলশিংনা খুন্দাবা সহ্যাদ্রি অমসুং ৱেস্তর্ন ঘাটশিংগী লমদমগী মতাংদা থমখি অমসুং মখোয়না চহিচা কয়াদগী কৈ য়াওনা বাইওদাইভর্সিতী খুদিংমক য়োকখৎনবা থবক তৌদুনা লাকখি হায়না ফোঙদোকখি। মহৌশাদগী গিব এন্দ তেক্কী বেলেন্স তৌরিবা ত্রাইবেল খুন্নাইগী চৎনবী অসি মফম অসিদা য়োকখৎপা য়াগনি হায়না মহাক্না অকনবা ৱাফম থমখি। ৱারোল পীবা লোইশিনবদা প্রধান মন্ত্রীনা ওস্কর ফংখিবা ‘দি ইলিফেন্ত হ্বিস্পর্স’কী মতাংদা পনখি অমসুং মসিনা মহৌশা অমসুং জিবা পানবগী মরক্তা ফজরবা মরীগী ঐখোয়গী লেগেসী অদু উৎলি হায়না ফোঙদোকখি। লোইশিনবদা প্রধান মন্ত্রীনা হায়, “ত্রাইবেল খুন্নাইগী লাইফস্তাইল অসিনা মিসন লাইফ হায়বদি লাইফস্তাইল ফোর এনভাইর্নমেন্তগী বিজন অদু খঙনবা হোৎনবদা মতেংসু পাংই”।
এনভাইর্নমেন্ত, ফোরেস্ত অমসুং ক্লাইমেৎ চেঞ্জকী কেন্দ্র মন্ত্রী, শ্রী ভুপেন্দ্র য়াদব অমসুং এনভাইর্নমেন্ত, ফোরেস্ত অমসুং ক্লাইমেৎ চেঞ্জকী কেন্দ্রগী রাজ্য মন্ত্রী, শ্রী অশ্বিনি কুমার চৌবেনা থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা ইন্তরনেসনেল বিগ কেতস এল্লাইন্স(আই বি সি এ) হৌদোকখ্রে। এসিয়াদা শা তানবা অমসুং আইন্না য়াদবা মওংদা লম্লক্কী শা-উচেকশিং ললোনবা থিংনবা মালেমগী লুচিংবশিংগী চুঙশিন্নবা অমা শেম্নবা জুলাই, ২০১৯দা প্রধান মন্ত্রীনা খঙহনখ্রে। প্রধান মন্ত্রীগী পাউজেলগী শরুক অমা ওইনা, চুঙশিন্নবা অসি হৌদোক্লে। মালেমগী মরুওইবা অচৌবা হৌদোং ৭ হায়বদি কৈ, নোংশা, কবো কৈ, স্নো লেপার্দ, পুমা, জাগ্বার অমসুং চিতাহ কন্নবা অমসুং ঙাক-শেন্নবা ইন্তরনেসনেল বিগ কেৎস এলাইন্সনা থবক পায়খৎকনি।
The success of Project Tiger is a matter of pride not only for India but for the whole world. pic.twitter.com/ucde8TPMZq
— PMO India (@PMOIndia) April 9, 2023
We do not believe in conflict between ecology and economy, but give importance to co-existence between the two. pic.twitter.com/hRv0xzsdK3
— PMO India (@PMOIndia) April 9, 2023
India is a country where protecting nature is part of culture. pic.twitter.com/0y3lLJMHeb
— PMO India (@PMOIndia) April 9, 2023
For wildlife to thrive, it is important for ecosystems to thrive.
— PMO India (@PMOIndia) April 9, 2023
This has been happening in India. pic.twitter.com/hSFkvGYlbj
Big Cats की मौजूदगी ने हर जगह स्थानीय लोगों के जीवन और वहां की ecology पर सकारात्मक असर डाला है। pic.twitter.com/L5E61uyQA3
— PMO India (@PMOIndia) April 9, 2023
Cheetahs had become extinct in India decades ago.
— PMO India (@PMOIndia) April 9, 2023
We brought this magnificent big cat to India from Namibia and South Africa.
This is the first successful trans-continental translocation of the big cat. pic.twitter.com/WLwHZXU8Gl
Protection of wildlife is a universal issue.
— PMO India (@PMOIndia) April 9, 2023
International Big Cat Alliance is our endeavour for protection and conservation of the big cats. pic.twitter.com/dLS3TRQGd4
