Share
 
Comments
“হন্দক্কী চহিগী বজেৎনা ২১শুবা চহি-চাগীদমক্তা ভারতকী চাউখৎ-থৌরাংগী ‘গতিশক্তী’ থমখ্রে”
“মসিগুম্বা ‘ইনফ্রাস্ত্রকচরদা য়ুম্ফম ওইবা চাউখৎ-থৌরাং’গী মাইকৈদা পাংথোকপা থৌওংনা ঐখোয়গী শেন্মিৎলোনগী পাঙ্গলবু মশক থোক্না হেনগৎহনগনি”
“ভারত সরকারগী দাইরেক্ত কেপিতেল এক্সপেন্দিচরনা ইং ২০১৩-১৪দা চাউরাক্না লুপা করোর লাখ অনিগা মখায় ওইরম্মি, মসিনা ইং ২০২২-২৩দা লুপা করোর লাখ তরেৎ মখায়দা হেনগৎখি”
“ইনফ্রাস্ত্রকচরগী থৌরাং য়াৎপা, থবক ওইনা পাংথোকপা অমসুং য়েংশিনবগী থৌওংনা পি.এম. গতি-শক্তীদগী অনৌবা পাউতাক অমা ফংলগনি। মসিনা প্রোজেক্ত অমদা চঙবা মতম অমসুং চঙফম থোকপা শেনফম হেন্দোকপগী থৌওংবুসু হন্থহনগনি”
“পি.এম. গতি-শক্তী নেস্নেল মাস্তর প্লান্দা হৌজিক-হৌজিক দেতা লেয়র ৪০০ হেন্না ফংলে”
“মন্ত্রালয় ৬কী দিজিতেল সীস্তেম ২৪বু য়ুলিপকী খুত্থাংদা হৌজিক পুন্সীল্লি। মসিনা লোজিস্তিক্সকী অচঙবা শেনফম হনথহনবদা তেংবাংগদবা নেস্নেল সিঙ্গল ৱিন্দো লোজিস্তিক্স পোর্তেল অমা শেমগনি”
“ঐখোয়গী এক্সপোর্তপু পি.এম. গতি-শক্তীনা মশক থোক্না তেংবাংগনি, ঐখোয়গী এম.এস.এম.ই.শিংসু মালেমগী থাক্তা চাংয়েংনবা ঙম্লগনি”
ৱেবিনার অসিনা প্রধান মন্ত্রীনা ৱাফম থমদুনা পাংথোকখিবা বজেৎ মতুংগী ৱেবিনারগী পরিংদা তরুক শুবনি।

প্রধান মন্ত্রী, শ্রী নরেন্দ্র মোদীনা ঙসি গতিশক্তীগী পান্দম অমসুং মসিনা কেন্দ্রগী বজেৎ ২০২২গী মনুং চল্লকপগী মতাংদা পাংথোকপা ৱেবিনারদা ৱা ঙাংখ্রে। ৱেবিনার অসিনা প্রধান মন্ত্রীনা ৱাফম থমদুনা পাংথোকখিবা বজেৎ মতুংগী ৱেবিনারগী পরিংদা তরুক শুবনি।

প্রধান মন্ত্রীনা হন্দক্কী চহিগী বজেৎ অসিনা ২১শুবা চহি-চাদা ভারতকী চাউখৎপগী খোঙজেল (গতিশক্তী) শেমখ্রে হায়না ফোংদোকখি। মসিগুম্বা ‘ইনফ্রাস্ত্রকচরদা য়ুম্ফম ওইবা চাউখৎ-থৌরাং’গী মাইকৈদা পায়খৎলিবা থৌওংনা ঐখোয়গী শেন্মিৎলোনগী পাঙ্গলবু মশক থোক্না হেনগৎহনগনি অমসুং থবক পীবগী অনৌবা খুদোংচাবা কয়া ফংহল্লগনি হায়না মহাক্না হায়খি।

প্রধান মন্ত্রীনা প্রোজেক্ত অমা লোইশিনবগী চৎনবী ওইরিবা থৌওংশিংদা স্তেকহোলদরশিংগী মরক্তা তেংবাংনবা লৈতবগী মতাংদা অহেনবা মিৎয়েং চঙখি। মসিগী মরমদি, মরী লৈনবা তোঙান-তোঙানবা বিভাগশিংগী মরক্তা ময়েক শেংনা পাউ ফাওনদবগীনি। “হৌজিক্তি, গতিশক্তীনা মরম ওইরগা, মীওই খুদিংনা মপুং ফাবা ই-পাউগা লোয়ননা মখোয়গী থৌরাং য়াৎপা য়ারগনি। মসিনা লৈবাক্কী রিসোর্সশিংবু খ্বাইদগী ফবা মওংদা শিজিন্নবা য়াহল্লগনি”, হায়না মহাক্না মখা তাখি।

প্রধান মন্ত্রীনা সরকারনা পায়খৎলিবা ইনফ্রাস্ত্রকচর শেমগৎ-শাগৎপগী থৌওংগী পাক-চাউবগী চাংদা অহেনবা মিৎয়েং চঙলদুনা পি.এম. গতিশক্তীগী তঙাই ফদবা লৈবগী মতাংদা ফোংদোকখি। “ভারত সরকারগী দাইরেক্ত কেপিতেল এক্সপেন্দিচরনা ইং ২০১৩-১৪দা চাউরাক্না লুপা করোর লাখ অনিগা মখায় ওইরম্মি, মসিনা ইং ২০২২-২৩দা লুপা করোর লাখ তরেৎ মখায়দা হেনগৎখি”, হায়না প্রধান মন্ত্রীনা পাউদমখি। “ইনফ্রাস্ত্রকচরগী থৌরাং য়াৎপা, থবক ওইনা পাংথোকপা অমসুং য়েংশিনবগী থৌওংনা পি.এম. গতি-শক্তীদগী অনৌবা পাউতাক অমা ফংলগনি। মসিনা প্রোজেক্ত অমদা চঙবা মতম অমসুং চঙফম থোকপা শেনফম হেন্দোকপগী থৌওংবুসু হন্থহনগনি”, হায়না মহাক্না মখা তাখি।

 “কোওপরেতিব ফেদেরেলিজমগী ৱাখল্লোনবু মপাঙ্গল কনখৎহন্দুনা, ঐখোয়গী সরকারনা রাজ্যশিংগী তেংবাংগীদমক্তা হন্দক্কী চহিগী বজেত্তা লুপা করোর লাখ ১ পীবগী ৱারোল পীরি। হায়রিবা শেনফম অসিবু রাজ্য সরকারশিংনা মলতিমোদেল ইনফ্রাস্ত্রকচর অমসুং কান্নগদবা অতোপ্পা এসেৎশিংদা শিজিন্নবা য়ারগনি”, হায়না শ্রী মোদীনা ফোংদোকখি। য়ৌশিনবদা ৱাবা চিংগী লমদমশিংগী কন্নেক্তিবিতী ফগৎহন্নবগীদমক্তা পায়খৎপা নেস্নেল রোপৱে প্রোগ্রাম অমসুং হীরম অসিগা মরী লৈনবা অৱাং নোংপোক চাউখৎনবা পায়খৎপা প্রধান মন্ত্রীগী খোঙথাং (পি.এম. দি.ই.ভি.আই.এন.ই.)গী মতাংদসু মহাক্না পনখি। পি.এল.আই.গী খোঙথাংগী মতাংদা পল্লদুনা, প্রধান মন্ত্রীনা লৈবাক্কী ইনফ্রাস্ত্রকচরদা ইনভেস্ত তৌনবা প্রাইভেৎ সেক্তরশিংদা মফমদা ৱাফম থমখি।

পি.এম. গতিশক্তী নেস্নেল মাস্তর প্লান্দা হৌজিক্কী ওইনা, দেতা লেয়র ৪০০গী মথক্তা লৈরে অমসুং হায়রিবশিং অসি হৌজিক চত্থরিবা অমসুং ৱাহৌদোক লৈরবা প্রোজেক্তশিং খক্তগী নত্তনা উমংগী লম অমসুং অফংবা ইন্দস্ত্রীএল ইস্তেৎকী ই-পাউসু য়াওরি হায়না প্রধান মন্ত্রীনা পাউদমখি। প্রাইভেৎ সেক্তরশিংনা মসিবু মখোয়গী থৌরাং য়াৎপগীদমক্তা শিজিন্নগদবনি হায়বা পাউতাক পীরদুনা, প্রধান মন্ত্রীনা নেস্নেল মাস্তর প্লানগী মরু ওইবা ই-পাউ খুদিংমক হৌজিক্তি প্লেৎফোর্ম অমখক্তা ফংলে হায়না ফোংদোকখি। “মসিনা মরম ওইরগা, প্রোজেক্ত শীন্দোকপা অমসুং দি.পি.আর.গী থাক মক্তদা লৈবা তোঙান-তোঙানবা মখলগী ক্লিয়ারেন্সকী অয়াবা লৌবা য়ারগনি। মসিনা অদোমগী কমপ্লাইএন্সকী পোৎলুম হন্থহনবদসু য়াম্না তেংবাংগনি”, হায়না মহাক্না হায়খি। প্রধান মন্ত্রীনা রাজ্য সরকারশিংনা মখোয়গী প্রোজেক্ত অমসিং ইকোনোমিক জোনশিংগীদমক্তা পি.এম. গতি শক্তী নেস্নেল মাস্তর প্লানবু মখোয়গী য়ুম্ফম ওইহল্লু হায়না য়াথং পীখি।

“ঙসিগী নুমিৎ অসিমক্তদা, ভারতকী লোজিস্তিক্স কোস্ত অসি জি.দি.পি.গী ১৩দগী ১৪% ওই হায়না খন্নরি। মসিনা অতোপ্পা লৈবাকশিংদগী হেল্লি। পি.এম. গতি-শক্তীনা ইনফ্রস্ত্রকচরনা নীংথিনা মথৌ তৌবগী চাং হেনগৎহনবদা অচৌবা থৌদাং লৌরি”, হায়না প্রধান মন্ত্রীনা ফোংদোকখি। হন্দক্কী বজেৎ অসিদা পুথোকখিবা অমসুং সরকারগী তোঙান-তোঙানবা বিভাগশিংনা মখোয়গী তঙাই ফদবগী মতুং ইন্না শিজিন্নবা হৌরিবা অমসুং মসিনা মরম ওইরগা মখোয়গী লোজিস্তিক্স কোস্ত হন্থহল্লিবা, য়ুলিপ – য়ুনিফাইদ লীজিস্তিক্স ইন্তর্ফেস প্লেৎফোর্মগী মতাংদা ৱা ঙাংখি। “মন্ত্রালয় ৬কী দিজিতেল সীস্তেম ২৪বু য়ুলিপকী খুত্থাংদা হৌজিক পুন্সীল্লি। মসিনা লোজিস্তিক্সকী অচঙবা শেনফম হনথহনবদা তেংবাংগদবা নেস্নেল সিঙ্গল ৱিন্দো লোজিস্তিক্স পোর্তেল অমা শেমগনি”, হায়না মহাক্না মখা তাখি।

প্রধান মন্ত্রীনা বিভাগ খুদিংদা লোজিস্তিক্স দিবিজন অমসুং তেংবাংনবা হেনবা থৌওংগী খুত্থাংদা লোজিস্তিক্সনা মথৌ হেন্না নীংথিজনা পাংথোকহন্নবগীদমক্তা ইম্পাৱর্দ গ্রুপ ওফ সেক্রেতরীশিং লৈহনবগী খোঙথাং মরমদা পাউদমখি। “ঐখোয়গী এক্সপোর্তপু পি.এম. গতি-শক্তীনা মশক থোক্না তেংবাংগনি, ঐখোয়গী এম.এস.এম.ই.শিংসু মালেমগী থাক্তা চাংয়েংনবা ঙম্লগনি”, হায়না মহাক্না মখা তাখি।

প্রধান মন্ত্রীনা পি.এম. গতি-শক্তীনা ইনফ্রাস্ত্রকচরগী থৌরাং য়াৎপদগী হৌরগা শেমগৎ-শাগৎপা অমসুং শিজিন্নবগী থাক ফাওবগী ইনফ্রাস্ত্রকচর শেমগৎপদা তসেংবা পব্লিক-প্রাইভেৎ পার্ত্নরশিপ শোইদনা লৈহনগনি হায়না ফোংদোকখি। “ৱেবিনার অসিদা প্রাইভেৎ সেক্তরশিংনা সরকারগী পথাপশিংগা তেংবাংনদুনা হেন্না ফবা মহৈ মতৌ করম্না ফংবা ঙমগনি হায়বগী মতাংদা খন্ন-নৈনবগী থৌরম অমসু য়াওগদবনি”, হায়না শ্রী মোদীনা হায়খি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Need to bolster India as mother of democracy: PM Modi

Media Coverage

Need to bolster India as mother of democracy: PM Modi
...

Nm on the go

Always be the first to hear from the PM. Get the App Now!
...
PM calls on President
November 26, 2022
Share
 
Comments

The Prime Minister, Shri Narendra Modi has called on the President of India, Smt Droupadi Murmu.

Prime Minister's office tweeted;

"PM @narendramodi called on Rashtrapati Droupadi Murmu Ji earlier today."