ঙসি সিদনিদা প্রধান মন্ত্রী শ্রী নরেন্দ্র মোদী অস্ত্রেলিয়াগী কম্পেনিশিংগী মকোক থোংবা সি.ই.ওশিংগী বিজিনেস রাউন্দতেবল অমদা ৱা ঙাংখ্রে।
মীফম অদুদা স্তিল, বেঙ্কিং, ইনর্জি, মাইনিং অমসুং আই.তি য়াওনা হিরম কয়াদা লেবাক শীনবা থুংনা লৈরিবা মাঙজিল থাবা কম্পেনিশিংগী সি.ই.ওশিং শরুক য়াখি। রাউন্দতেবল অদুদা অস্ত্রেলিয়াগী মাঙজিল থাবা য়ুনিভর্সিতিশিংগী ভি.সি খরসু শরুক য়াখি। ললোন-ইতিক্কী থবক লাইহন্নবা অমসুং শেন-থুম চাউখৎপা হেনগৎহন্নবা সরকারনা পায়খৎলিবা শেন-থুমগী অওনবশিং অমসুং থবকশিংগী মতাংদা প্রধান মন্ত্রীনা পাউদমখি।
থবকশিং অদুগী মনুংদা ইনফ্রাস্ত্রকচর কন্নেক্তিবি প্রোজেকশিংগী মিসন গাতি শক্তি, জন-ধন-আধার-মোবাইল ত্রিনিতি, নেসনেল ইজুকেসন পোলিসি, হায়দ্রোজেন মিসন ২০৫০, পি.এল.আই স্কিম, স্পেস অমসুং জিওস্পাসিএল সেক্তরদা লনাই শেন থাদবা য়াহনবা, মেদিকেল দিভাইস শানবা অনৌবা থৌশিল, অয়ুস্মান ভারত হেল্থ ইন্সুরেন্স স্কিম য়াওখি।
ইনফ্রাস্ত্রকচরগী হিরমদা হায়বদি দিজিতেল ইনফ্রাস্ত্রকচর, আই.তি, ফিনতেক, তেলিকোম, সেমিকন্দক্তরশিং, স্পেস, রিনিউএবল ইনর্জি, গ্রিন হায়দ্রোজেন, ইজুকেসন, ফার্মা, অনা-লায়য়েং, মেদিকেলগী খুৎলায়শিং শাবা, মাইনিং, ক্রিতিকেল মিনরেলশিং, তেক্সতাইল, লৌউ-শিংউ অমসুং চীঞ্জাক শেম-শাবাগী লমদা লৈরিবা শেন থাদনবগী খুদোংচাবশিং লৌনবা প্রধান মন্ত্রীনা সি.ই.ওশিং খঙহনখি।
ভারতকী কম্পেনিশিংগা লোয়ন্না থবক তৌমিন্নদুনা নাকল অনিমক কান্নবা লৌনবা প্রধান মন্ত্রীনা সি.ই.ওশিংগী পুক্নিং থৌগৎখি।
Interacted with top CEOs during the business roundtable in Sydney. Elaborated on the business opportunities in India and the reform trajectory of our Government. Invited Australian businesses to invest in India. pic.twitter.com/vxxCY3P5ez
— Narendra Modi (@narendramodi) May 24, 2023
