প্রধান মন্ত্রী, শ্রী নরেন্দ্র মোদীনা ঙসি দেনমার্ককী প্রধান মন্ত্রী, ঐচ.ই. শ্রীমতি মেত ফ্রেদরিক্সনগা লোইননা নাকল অনিমক্কী ওইবা মীফম অমা পাংথোকখ্রে।
লুচিংবা অনি অদুনা ৱান-ওন-ৱান ফোর্মেত্তা ৱারী শানখি, মসিগী মতুংদা দেলিগেশনগী থাক্তা লৈবা ৱারী শানখি।
প্রধান মন্ত্রীনা ভারত-দেনমার্ক গ্রীন স্ত্রেতেজিক পার্তনরশিপকী প্রোগ্রেস অদু য়েংশিনখ্রে। খন্ন-নৈনবা অদুদা রিন্যুৱেবল ইনর্জীগী মতাংদা, মরু ওইনা ওফশোর ৱিন্দ ইনর্জী অমসুং গ্রীন হাইদ্রোজেনগা লোইন-লোইননা অতোপ্পা কবা অমগী মনুংদা স্কিল দেবেলপমেন্ত, হেল্থ, শিপ্পিং, ৱাতর অমসুং আর্ক্তিক্কী মতাংদা কোওপরেশন পীনবগী মতাংদা ওইখি।
ভারতকী মরু ওইবা প্রোগ্রামশিংদা ভারত্তা লৈবা দেনিশ কমপনীশিংনা অফবা মওংদা শরুক বাখিবশিং অদুগীদমক্তা প্রধান মন্ত্রীনা থাগৎপা ফোংদোকখি।
লুচিংবা অনিমক্না লৈবাক অনি অসিগী মরক্তা মী অমনা অমগী মরক্তা লৈনরিবা মরী হেনগৎগৎহনবগীদমক্তা থাগৎখি, অমসুং মাইগ্রেশন অমসুং মোবিলিতী পার্তনরীশপকী মতাংদা দিক্লেরেশন ওফ ইন্তেন্ত অদুবু তরাম্না ওকখি।
লুচিংবা অনি অদুনা রিজনেল অমসুং গ্লোবল ইশুশিংগী মতাংদা মখোয়গী ৱাখল্লোনশিং অদুবুসু তাথোক-তাশিন তৌনখি।
জোইন্ত স্তেতমেন্ত অদু দেলিগেশনগী থাক্তা ৱারী শানরবা মতুংদা লৌখৎখি, হায়রিবশিং অদু মসিদা য়েংবা য়াগনি।
ৱারোইশিন পুরকখিবা এগ্রীমেন্তশিংগী লিস্ত অদু মসিদা য়েংবা য়াগনি।
