প্রধান মন্ত্রী শ্রী নরেন্দ্র মোদী হয়েং ২০১৯গী ফেব্রুৱারী ১১দা উত্তর প্রদেশকী ব্রিন্দাবন্দা চৎকনি।
মহাক্না ব্রিন্দাবন চন্দ্রোদয়া মন্দিরদা অক্স্য পত্র ফাউন্দেসন্নগী চাকলেন বিল্লিয়ন ৩ পীজবগী খুদম ওইনবা প্লেক মায়খুম হাংদোক্কনি।
মদুগী মতুংদা প্রধান মন্ত্রীনা স্কুলশিংগী অঙাংশিংদা চাক্লেন বিল্লিয়ন ৩ পীজগনি। মদুগী মতুংদা মহাক্না থৌরম অদুদা তিনবা মীয়ামদা ৱা ঙাংগনি।
শ্রী মোদীনা ইস্কোনগী অচার্য় শ্রীলা প্রভুপদকী বিগ্রহদসু লৈ কত্তুনা ইকায় খুম্নগনি।
থৌরম অসি ফাউন্দেসন অসিনা চাকলেন বিল্লিয়ন ৩ পীজবগী নীংশিংনীংঙাই ওইনা পাংথোকপনি।
য়ুমফম:
অক্স্য পত্র অসি মিদ-দে মিল স্কিমগী ইমপ্লিমেন্তিং পার্তনর অমা ওইনা থৌদাং য়ারি।
মসিগী ওইবা ১৯শুরবা চহীগী খোংচৎ অসিদা অক্স্য পত্র ফাউন্দেসন্না রাজ্য ১২গী স্কুল ১৪,৭০২গী অঙাংশিংদা মিদ-দে মিল মিল্লিয়ন ১.৭৬ পীজখ্রে। ২০১৬তা অক্স্য পত্রনা ভারতকী রাস্ত্রপতি প্রনব মুখর্জীনা শরুক য়াদুনা অপুনবা চাক্লেন বিল্লিয়ন ২শুবগী নীংশিংনীংঙাই ওইবা থৌরম পাংথোকখি।
ফাউন্দেসন অসি হ্যুমেন রিসোর্স দিবেলপমেন্ত মন্ত্রালয় অমসুং রাজ্য সরকারশিংগা পুল্লগা অঙাং মিল্লিয়ন কয়াবু অফবা, হাইজিনিক ওইবা অমসুং মচীওইবা চিঞ্জাক পীজনবা থবক তৌরি।
মিদ-দে মিল স্কিম অসি মালেমদা অসিগুম্বা মখলগী খ্বাইদগী চাউবা প্রোগ্রাম অমা ওইনা লৌনৈ। প্রোগ্রাম অসিনা চহী ৬তগী ১৪ ফাওবদা লৈবা অঙাংশিংবু স্কুলশিংদা মিং চনবা, এতেন্দেন্স, অমসুং লেংদনা লৈবদা ইনোৎ পীনবা অমসুং হকশেলগী ফিভম ফগৎহন্নবা পান্দম থম্লি।
প্রধান মন্ত্রীনা ২০১৮গী ওক্তোবর ২৪দা ন্যু দিল্লীদা ‘Self4Society’ এপ্লিকেসন হৌদোকপা মতমদা অক্স্য পত্র ফাউন্দেসনগী মরমদা ঙাংখি। মহাক্না হায়খি, “অক্স্য পত্র অসি সোসিয়েল স্তার্ত-অপ অমনি, মদুনা খোংজং অমা ওন্থোক্তুনা স্কুল অঙাংশিংদা চিঞ্জাক ফংহল্লি।”
