লৌমীশিংগী শেন্থোক শরুক অনি ওইহন্নবগী চাউনা হোৎনরিবশিংগী মনুংদা অমা ওইনা ২০১৯গী সেপ্তেম্বর ১১দা প্রধান মন্ত্রী শ্রী নরেন্দ্র মোদীনা নরেন্দ্র মোদীনা উত্তর প্রদেশকী মথুরাদগী লাইবস্তোকশিংদা নাবা ফুৎ অমসুং মাউথ দিজিজ অমদি ব্রুসেলোসিস মুথৎনবগীদমক নেস্নেল এনিমেল দিজিজ কন্ত্রোল প্রোগ্রাম হৌদোক্লগনি।
কেন্দ্র সরকারনা লুপা কোতি ১২,৬৫২গী শেনফম চাদা ১০০ থাদবগা লোয়ননা ২০২৪ ফাওবা চহী মঙাগী ওইনা প্রোগ্রাম অসিনা ফুৎ অমসুং মাউথ দিজিজকী মায়োক্তা শন, ইরোই, য়াও, হমেং অমসুং ওক য়াওনা লাইবস্তোক মিলিয়ন ৫০০ হেন্না তিকা থানবা পান্দম থম্লি।
প্রোগ্রাম অসিনা ব্রুসেলোসিস লায়নাগী মায়োক্তা থেংননবা চহীগী ওইনা বোবিন কাল্বস অমোম মিলিয়ন ৩৬ তিকা থানবসু পান্দম থম্লি।
প্রোগ্রাম অসিগী কম্পোনেন্ত অনি লৈরি – লাইনাশিং অসি ২০২৫ ফাওবদা কন্ত্রোল তৌবা অমসুং ২০৩০ ফাওবদা মরু ফংনা মুথৎপা।
নুমীৎ অদুদা প্রধান মন্ত্রী নরেন্দ্র মোদীনা নেস্নেল আর্তিফিসিয়েল ইন্সেমিনেসন প্রোগ্রামসু হৌদোক্লগনি। ভেক্সিনেসন অমসুং দিজিজ মেনেজমেন্ত, আর্তিফিসিয়েল ইন্সেমিনেসন অমসুং প্রদক্তিবিতীগী হীরমদা লৈবাক অসিগী জিলা ৬৮৭তা লৈরিবা কৃশি বিজ্ঞান কেন্দ্রশিংদা বাবুগর সেক্স সিমেন ফেসিলিতী অমসুং মতম অমত্তদা লৈবাক শিনবা থুংনা ৱার্কশোপশিং হৌদোক্কনি।
সেপ্তেম্বর ১১দা চৎকদৌরিবা মহাক্কী মথুরা খোংচৎ মনুংদা প্রধান মন্ত্রীনা স্বচ্ছতা হি সেবা থৌরমদসু শরুক য়াগনি।
