প্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী খুত্থাংদা ২০২২গী জনুৱারী ২৪দা নুংথিলগী পুং ১২ তাবা মতমদা প্রধান মন্ত্রী রাস্ত্রিয়া বাল পুরস্কার (পি.এম.আর.বি.পি.) এৱার্দীশিংগা লোইননা ৱারী-ৱাতাই শানরগনি। ব্লোকচেন তেক্নোলোজী শিজিন্নদুনা চহি ২০২২ অমসুং ২০২১গীদমক্তা পি.এম.আর.বি.পি. এৱার্দীশিংদা দিজিতেল সার্তিফিকেতশিং পীথোক্লগনি। মসিগী তেক্নোলোজী অসি অহানবা ওইনা এৱার্দিশিংগী সার্তিফিকেতশিং পীথোক্নবগীদমক্তা শিজিন্নরগনি।
ভারত সরকারনা কেতেগোরী তরুক্তা মীং ওইনা পল্লবদা ইন্নোভেশন, সোসিয়েল সার্বিস, স্কোলাস্তিক, স্পোর্তস, আর্তস অমসুং কলচর অমসুং ব্রেবরীদা ময়ামদগী থোইদোক-হেন্দোকপা এচীবমেন্ত লৈখিবা অঙাংশিংদা পি.এম.আর.বি.পি. এৱার্দ অসি পীদুনা লাক্লি। হন্দক্কী চহিদি, লৈবাক অসিগী মফম খুদিংমক্তগী অঙাং ২৯, বাল শক্তি পুরস্কারগী তোঙান-তোঙানবা কেতেগোরীশিংগী মখাদা পি.এম.আর.বি.পি.-২০২২গীদমক্তা খনগৎখি। এৱার্দীশিং অদুনা রপব্লিক দে পেরেদতসু চহি খুদিংগী শরুক য়াই। পি.এম.আর.বি.পি.গী এৱার্দী খুদিংমক্তা মেদল অমা, শেলগী মনা ওইনা লুপা লাখ ১ অমসুং সার্তিফিকেত পী। শেলগী মনা অদু পি.এম.আর.বি.পি. ২০২২গী মাইপাক্লবশিং অদুগী একাউন্তশিংদা ত্রান্সফর তৌরগনি
