ভিদিও কনফরেন্সকী খুৎথাংদা ফেব্রুৱারি ১৯,২০২১গী নুংথিল পুং ৪:৩০ তাবদা প্রধান মন্ত্রী শ্রী নরেন্দ্র মোদীনা কেরলাদা পৱার অমসুং অর্বান সেক্তরগী মরুওইবা প্রোজেকশিং শঙ্গাগনি অমসুং উরেপ-উয়ুং তমগনি। থৌরম অদুদা কেরলাগী চীফ মিনিস্তর, পৱার অমসুং নিউ অমসুং রিনিউএবল ইনর্জিগী রাজ্য মন্ত্রি(ইন-চার্জ) অমসুং হাওসিং অমসুং অর্বান এফেয়ার্সকী রাজ্য মন্ত্রি শরুক য়াগনি।
পুগালুর-থ্রিসুর পৱার ত্রান্সমিসন প্রোজেক
প্রধান মন্ত্রীনা কে.ভি ৩২০ পুগালুর(তামিল নাদু)-থ্রিসুর(কেরলা) পৱার ত্রান্সমিসন প্রোজেক শঙ্গাগনি। মসি ভোল্তেজ সোর্স কনভর্তর(ভি এস সি)দা য়ুম্ফম ওইবা হায় ভোলতেজ দাইরেক্ত করেন্ত(ঐচ ভি দি সি) প্রোজেক্নি অমসুং খ্বাইদগী নৌবা ভি.এস.সি তেক্নোলোজি শীজিন্নবা ভারতকী অহানবা ঐচ.ভি.দি.সি লিঙ্কনি। লুপা কোতি ৫০৭০ চঙনা শাবা প্রোজেক অসিনা নোংচুপ থংবা মাইকৈদগী মৈ মেগা ৱাত ২০০০ পুরকপা ঙমগনি অমসুং কেরলাগী মীয়ামগী দরকার ওইবা মৈ ফংহনবদা মতেং পাংগনি। মসিগী ভি.এস.সি সিস্তেম অসিদা ঐচ.ভি.দি.সি এক্স.এল.পি.ই(ক্রোস-লিঙ্ক পোলিইথাইলিন) কেবল মথক্ত পুরি অমসুং মমাংঙৈগী ঐচ.ভি.দি.সি সিস্তেমগা চাংদম্নবদা লম কনবা চাদা ৩৫-৪০ কনবা ঙম্মি।
কাসারাগোদ সোলার পৱার প্রোজেক
মেগা ৱাত ৫০গী কাসারাগোদ সোলার পৱার প্রোজেক প্রধান মন্ত্রীনা মীয়ামদা কৎথোক্কনি। প্রোজেক অসি নেসনেল সোলার ইনর্জি মিসনগী মখাদা পায়খৎপনি। কাসারাগোদ জিলাগী পাইভালিকে, মিনজা অমসুং চিপ্পার খুঙ্গংশিংদা লম একর ২৫০ হেনবদা শাবা লোইরবা সোলার প্লান্ত অসি কেন্দ্র সরকারনা লুপা কোতি ২৮০ রোম থাদদুনা পায়খৎপনি।
ইন্তগ্রেতেদ কম্মান্দ এন্দ কন্ত্রোল সেন্তর
প্রধান মন্ত্রীনা তিরুভানন্থাপুরমদা ইন্তগ্রেতেদ কম্মান্দ এন্দ কন্ত্রোল সেন্তর শানবা উরেপ-উয়ুং তমগনি। প্রোজেক অসি লুপা কোতি ৯৪ রোম চঙনা পায়খৎকদবনি অমসুং মসি তিরুভানন্থাপুরম মিউনিসিপাল কোর্পোরেসনগী স্মার্দ সোলুসনশিং পাংথোক্নবা লিংখৎকদবনি অমসুং অথু-অকায়গী থৌদোকশিং থোরকপা মতমদা অপুনবা ওইনা থবক পায়খৎনবা ময়াম পুনফম অমা ওইনা থবক তৌগনি।
স্মার্দ রোদস প্রোজেক
প্রধান মন্ত্রীনা তিরুভানন্থাপুরমদা স্মার্দ রোদ প্রোজেকশিং উরেপ-উয়ুং তমগনি। লুপা কোতি ৪২৭ চঙনা পায়খৎকদবা প্রোজেক অসিনা তিরুভানন্থাপুরমগী হৌজিক লৈরিবা কিলোমিতর ৩৭ শাংবা লম্বীশিংগী মথক্তা পুরিবা খুদিংমক লৈনুংদা লৈহন্দুনা অমসুং লম্বী অমসুং লম্লোং ফাংবা মফমশিং শেমগৎতুনা মালেম থাক্কী লম্বীশিং ওইহনগনি।
অরুভিককারাদা ঈশিং চুমথোক্নবা প্লান্ত
অমরুত মিসনগী মখাদা অরুভিককারদা শাবা নোংমদা ঈশিং ৭৫ এম.এল.দি(মিল্লিয়ন লিতরস পর দে) চুমথোকপা ঙম্বা প্লান্ত অমা প্রধান মন্ত্রীনা শঙ্গাগনি। প্লান্ত অসিনা তিরুভানন্থাপুরমগী মীয়ামদা অফবা থক্নবা ঈশিং মরাংকাইনা ফংহনগনি অমসুং হৌজিক অরুভিককারাদা লৈরিবা ঈশিং শেংদোক্নপা প্লান্তশিং শেমজিন-শাজিনবগী থবক পায়খৎলকপা মতমদা সহর অসিদা ঈশিং পীবদা অপনবা থোকহন্দবদা মতেং পাংগনি।
