নোংমগী ওফিসিয়েল খোঙচৎ ওইনা ২০১৯গী ওক্তোবর ২৯দা সাউদী অরাবিয়াদা ঐ চৎলি। রিয়াধতা পাংথোক্কদবা ৩শুবা ফিউচর ইনভেস্তমেন্ত ইনিসিয়েতিপ ফোরমদা শরুক য়ানবা সাউদী অরাবিয়াগী নিংথৌ সালমান বি অবদুলাজিজ অল-সাউদনা চেবাউ পীরকপদগী খোঙচৎ অসি পাংথোকপনি।
ঐগী রিয়াধ খোঙচৎ মনুংদা, ঐনা সাউদী অরাবিয়াগী নিংথৌগা নাকল অনিগী ওইবা ৱারি শানগনি। লৈবাক অনিগী অমসুং মালেমগী ৱাফমশিং খন্ননবা অমসুং নাকল অনিগী ওইবা ৱাফমশিংগী মতাংদা ঐনা সাউদী অরাবিয়াগী ক্রাউন প্রিন্স মোহমদ বি সালমানগা উনগনি অমসুং ৱারি শানগনি।
ভারত অমসুং সাউদী অরাবিয়া মমাংঙৈদগী হৌনা অচেৎপা অমসুং মরুপ-মপাং ওইবা মরি লৈনরক্লি। ভারতকী দরকার ওইবা ইনর্জ সাউদী অরাবিয়ানা খ্বাইদগী য়াম্না পীরি।
২০১৯গী ফেবুৱারিদা ক্রাউন প্রিন্সনা নিউ দিল্লিদা লাক্লম্বা অদুদা ভারতকী মরুওইবা সেক্তরশিংদা য়ু এস দোল্লর বিল্লিয়ন ১০০ থাদগনি হায়না থাজবা পীরমখি।
দিফেন্স, সেকুরিতি, ললোন-ইতিক , কলচর, ইজুকেসন অমসুং মীগা-মীগা চৎথোক-চৎশিন তৌনবগী হিরমশিংদা সাউদী অরাবিয়াগা নাকল অনিগী মতেং পীনরি।
খোঙচৎ অদুদা, স্ত্রাতেজিক পার্তনরসিপ কাউন্সিল লিংখৎনবা খুৎয়েক পীনদুনা ভারত-সাউদী অরাবিয়াগী স্ত্রাতেজিক পার্তনরসিপ অনৌবা থাক অমদা পুখৎলগনি।
ফিউচর ইনভেস্তমেন্ত ইনিসিয়েতিপ ফোরমদা শরুক য়াদুনা লৈবাক অসিনা ২০২৪দা য়ু এস দোল্লর ত্রিল্লিয়ন ৫গী ইকোনোমি অমা লৈহন্নবা মালেমগী ইনভেস্তরশিংগীদমক ভারত্ত লৈরিবা ললোন-ইতিক অমসুং ইনভেস্তমেন্তগী খুদোংচাবশিংগী মতাংদা ঐ ৱা ঙাংগনি।
