প্রধানমন্ত্রী শ্রী নরেন্দ্র মোদীনা ঙসি মহাক্কী কুনতরুক শুবা প্রগতি – আইসিতিদা য়ুম্ফম ওইবা, প্রো-এক্তিব গোবর্নেন্সকীদমক মল্তি-মোদেল প্লেতফোর্ম অমসুং মতম চানা থবক পাইখৎপগী মতাংদা ৱারী ৱাতাইগী থৌরম অমা পাংথোকখ্রে।
হৌজিক ফাওবদা পাংথোকখিবা প্রগতিগী মীফম ২৫দা অপুনবা লুপা কোতি লাখ তরা হেন্না ইনভেস্ত তৌরিবা প্রোজেক্ত ২২৭ মথং মনাও নাইনা য়েংশিনখি। পব্লিক গ্রিভান্সেসকী রিজোলুসনসু নৌহৌনা য়েংশিনখি।
ঙসি, কুনতরুক শুবা মীফমদা, প্রধান মন্ত্রীনা পোস্ত ওফিসশিং অমসুং রেলৱেজগা মরি লৈনবা গ্রিভানসেসকী হেন্দলিং অমদি রিজোলুসনগী মায়কৈদা চংশিল্লিবা প্রোগ্রেস অদু য়েংশিনখি। মহাক্না পোস্তেল অমসুং রেল নেতৱার্ক্তা অখন্ননা ভিম এপ্লিকেসন শিজিন্নদুনা দিজিতেল ত্রাঞ্জেকক্সন হেঙ্গৎহনবগী মরুওইবা অদুদা অকনবা ৱাফম থমখি।
প্রধান মন্ত্রীনা রেলৱে, রোদ, পেত্রোলিয়ম অমদি পৱার সেক্তরশিংদা পায়খৎলিবা ইনফ্রাস্ত্রকচর প্রোজেক্ত মাপলগী প্রোগ্রেস অদু নৌহৌনা য়েংশিনখি। প্রজেক্তশিং অসি হরিয়ানা, রাজস্থান, গুজরাত, মহারাষ্ট্রা, উত্তর প্রদেশ, উরিষা, বিহার, ঝারখন্দ, ৱেস্ত বেঙ্গল, তেলঙ্গনা, তামিল নাদু অমদি আন্ধ্র প্রদেশ য়াওনা তোঙন তোঙনবা রাজ্যশিংদা শন্দোক্লি। প্রোজেক্তশিং অসিদা ৱেস্তর্ন দেদিকেতেদ ফ্রাইত কোরিদোর অমদি চার ধাম মহামার্গ বিকাস পরিয়োজনা য়াওরি।
প্রধান মন্ত্রীনা অমরুৎ মিসন ইমপ্লিমেন্ত তৌরিবা অদুগী প্রোগ্রেস অদু নৌহৌনা য়েংশিনখি। মহাক্না তার্গেৎ তৌরিবা পি দি এস ওপরেসনশিংগী এন্দ-তু-এন্দ কম্পুতরাইজেসনগী প্রোগ্রাম অদুসু নৌহৌনা য়েংশিনখি।
