আয়ুশ্মান ভারতকী মখাদা আশা চাউনা তৌরিবা হেল্থ ইন্সুরেন্স প্রোগ্রাম হৌদোক্নবা শেম শারিবশিং প্রধান মন্ত্রী শ্রী নরেন্দ্র মোদীনা নিংথৌকাবা নুমিৎতা য়েংশিনখ্রে।
হেল্থ ইন্সুরেন্স প্রোগ্রাম অসি অয়েৎ-অপন য়াওদনা চৎথনবগীদমক রাজ্যশিংগা তাথোক তাশিন তৌবা য়াওনা হৌজিক ফাওবদা শেম শারিবশিং অদু প্রধান মন্ত্রীদা খঙহনখি।
স্কিম অসিনা ইমুং খুদিংদা লুপা লাখ ৫ ফাওবা ফংহল্লগনি। মসিনা লাইরবা ইমুং কোতি ১০ কোনশিন্নবা পান্দম থম্লি।
স্কিম অসিগী মখাদা লাইরবা অমসুং খুন্নাইগী শোত্থরবা কাংলুপশিংদা খ্বাইদগী য়াম্না কান্নবা ফংহন্নবা প্রধান মন্ত্রীনা অকনবা ৱাফম থমখি।
হকশেল অমসুং য়াইফ-য়ুম্বাল মন্ত্রালয়, নীতি আয়োগ অমসুং পি.এম.ও.গী মকোক থোংবা ওফিসিয়েলশিংনা স্কিম অসিগী তোঙান তোঙানবা মওং মতৌশিং অদু পাউদমখি।
মমাং থাদা, অম্বেদকর জয়েন্তীগী তঞ্জাদা, ছতিসগরগী শোত্থরিবা বিজাপুর জিলাদা প্রধান মন্ত্রীনা আয়ুশ্মান ভারতকী মখাদা অহানবা ‘হেল্থ এন্দ ৱেলনেস সেন্তর’ হৌদোকখি।
