প্রধান মন্ত্রী শ্রী নরেন্দ্র মোদীনা ঙসি য়ুনাইতেদ নেসন্স সেক্রেতরী-জেনরেল (য়ু.এন.এস.জি.), হিস এক্সিলেন্সী এন্তোনিও গুতেরেসকা তেলিফোন্দা ৱারী শাখ্রে।
লুচিংবা অনিনা ইন্দিয়ন পীসকীপর অনিনা থৱায়না পোন্থা পীখিবা য়ু.এন. ওর্গনাইজেসন স্তেবিলাইজেসন মিসন ইন দি দেমোক্রেতিক রিপব্লিক ওফ দি কোঙ্গো (এম.ও.এন.য়ু.এস.সি.ও.)দা চত্থখিবা এতেক্ত অদুগী মরমদা খন্নখি।
প্রধান মন্ত্রী নরেন্দ্র মোদীনা য়ু.এন. সেক্যুরিতী জেনরেলদা খোঙজেল য়াংনা থীজিন্নবা, এতেক্ত অসি চত্থখিবা মরাল লৈবা মীওইশিং চৈরাক পীনবা হায়খি। হৌজিক ফাওবদা য়ু.এন. পীসকীপিং মিসনগী মখাদা ইন্দিয়ন পীসকীপর ২,৫০,০০০ হেন্না লৈবগা লোয়ননা য়ু.এন. পীসকীপিং অসি ভারতনা ঙাক্না চৎতুনা লাকখি হায়না মহাক্না ফোঙদোকখি। ত্রুপ পীরিবা লৈবাকশিংগী মরক্তা খ্বাইদগী চাউবা ওইরিবা, ইন্দিয়ন পীসকীপর ১৭৭না য়ু.এন. পীসকীপিং মিসনশিংগী মথৌ তৌবদা থৱায়না পোন্থা পীখি।
য়ু.এন.এস.জি.না থৱায়না পোন্থা পীখ্রবা ইন্দিয়ন বোর্দর সেক্যুরিতী ফোর্স পর্সনেল অনিগী ইমুং-মনুংশিংদা লোয়ননা ভারত সরকার অমসুং মীয়ামদা অৱাবা ফোঙদোকখি। মহাক্না এম.ও.এন.য়ু.এস.ও.গী মায়োক্তা চত্থখিবা এতেক্ত অসি অকনবা মওংদা য়ানিংদবা নৌহৌনা ফোঙদোকখি অমসুং খোঙজেল য়াংনা থীজিন্নবা অঙম্বা মতেক পীগনি হায়না থাজবা পীখি।
প্রধান মন্ত্রী নরেন্দ্র মোদীনা এম.ও.এন.য়ু.এস.সি.ও.দা ভারতকী লান্মী ২০৪০গী ময়াদা হৌজিক দেমোক্রেতিক পিপল ওফ দি কোঙ্গোদা শান্তি অমসুং তংদু লৈতাবা পুরক্নবা ভারতনা হনবা লৈতনা মতেং পাংখি হায়নসু ফোঙদোকখি।
