প্রধান মন্ত্রী শ্রী নরেন্দ্র মোদীনা ঙসি রাজ্য সভাদা রাস্ত্রপতিনা ৱারোল পীখিবা অদুগী মোসন ওফ থেঙ্কসকী পাউখুম পীখ্রে। মহাক্না অপ্পর হাউসকী মেম্বরশিংনা দিবেৎ অসিদা শরুক য়াখিবগীদমক থাগৎপা ফোঙদোকখ্রে। মহাক্না হায়খি মদুদি রাস্ত্রপতিগী ৱারোল অসিনা অৱাবা কয়া মাইয়োক্নরিবা মালেম অসিদা আশা অমসুং থৌনা হাপখি।

মহাক্না হায় ভারত অসি ঙসি খুদোংচাবা কয়া লৈবা লৈবাক অমা ওইরে অমসুং মালেম্না ভারত্তা মীৎয়েং থম্লি। ভারত্তগী আশা কয়া তৌরি অমদি ভারতনা ঐখোয়গী গৃহ অসিগী য়াইফনবা তৌরক্কনি হায়না থাজবসু থম্লি। ভারতনা মাগী নীংখা তমখিবগী চহি ৭৫শুরকপা অসিদা ঐখোয়না মসি ইনোৎ হাপ্পগী পাল্লন থৌরম ওইহন্নবা হোৎনগদবনি অমসুং ভারতনা নীংখা তমখিবা চহি চামা ফাবগী মতম ওইদৌরিবা ২০৪৭ অসিদা ভারতকী ঐখোয়না মঙলিবা মঙলান অদুগীদমক ৱাশকখিবা অদু থুংহন্নবা অমুক হন্না ইশানা হোৎনরসি হায়না পি.এম.না ফোঙদোকখ্রে।

প্রধান মন্ত্রীনা হায় কোবিদ লাইচৎ মাই পাক্না লাকশিল্লিবা অসি দল নত্ত্রগা মীওই অমগী মাই পাকপা নত্তে মসিদা লৈবাক্কী ওইনা মাই পাকপনি অমসুং মসিগী ৱাখল্লোন অসিদা নুংঙাইবা ফোঙদোক্কদবনি। ভারতনা পোলিয়ো অমসুং স্মোল পোক্সকী চাউনা শীংনবা মায়োক্নখিবা মতম অদু থেংনখ্রে। ভারতনা বেক্সিন পুথোক্কদ্রা নত্ত্রগা মীওই কয়ানা মদু ফংগনি হায়বা কনা অমত্তনা খঙখিদে। শ্রী মোদীনা হায় হায়রিবা মতমশিং অদুদগী – ‌ঐখোয়গী লৈবাক অসিনা মালেমগী ওইনা বেক্সিনশিং শাবা অমসুং মালেমগী ওইনা খ্বাইদগী অচৌবা বেক্সিন দ্রাইভ চত্থবগী মতম - ঐখোয় হৌজিক তানফম অসি য়ৌরে। মসিনা ঐখোয়দা ইশানা ইশাবু থাজবা হেনগৎহল্লি। কোবিদ-১৯গী মতম অদুনা ঐখোয়গী ফেদরেল স্ত্রকচরদা অমসং কোওপরেতিব ফেদরেলিজমগী থৌনা লিংজেলদা অনৌবা মপাঙ্গল হাপখ্রে হায়না মহাক্না ফোঙদোকখ্রে।

প্রধান মন্ত্রীনা ভারতকী দেমোক্রেসী অসিদা য়ানিংদবা ফোঙদোক্লিবা অসিগী মতাংদা ৱা ঙাংখি অমদি মহাক্না হায় ভারতকী দেমোক্রেসী অসি ৱেস্তর্ন ইন্সিতিত্যুসন অমা নত্তে মসি হ্যুমেন ইন্সিতিত্যুসন অমনি। ভারতকী নেস্নেলিজমদা অকাইবা পীরকপা হিরম পুম্নমক্কী মতাংদা মীচম প্রজাদা খঙহনবা হায়বা অসি মরু ওই। নেতাজী সুভাশ চন্দ্র বোসপু পল্লদুনা প্রধান মন্ত্রীনা হায় ভারতকী নেস্নেলিজম অসি ৱাখল পীকপা নত্ত্রগা খুদোংচাবা খক্তা উবা তৌদে নত্ত্রগা নমফু-শাফু তৌদে, মসি সত্যম, সিবম সুন্দরমগী ৱাখল্লোন্দা য়ুম্ফম ওই। “ভারত অসি মালেমগী ওইনা খ্বাইদগী অচৌবা দেমোক্রেসী ওইবা খক্তা নত্তে। ভারত অসি ‘দেমোক্রেসীগী মমানি’ অমসুং মসি ঐখোয়গী থৌদাংনি। ঐখোয়গী লৈবাক অসি মহৌশানা দেমোক্রেতিক ওই”, হায়না প্রধান মন্ত্রীনা ফোঙদোকখ্রে।

শ্রী মোদীনা হায় কোরোনাগী মতমদা ফোরেন ইনবেস্তমেন্ত ফংদনা লৈবাক কয়ানা লৈখিবদা মতমদা ভারত্তা রেকোর্দ ওইনা ইনবেস্তমেন্ত তৌরকখি। হিরম অসিদা শ্রী মোদীনা ফোরেন করেন্সী, এফ.দি.আই., ইন্তর্নেৎ পেনিত্রেসন অমসুং দিজিতেল, ফাইনান্সিএল ইনক্লুজন, অমাংশঙ শাবগী কভরেজ হেনগৎপা, অহোংবা মমলগী হাউসিং, এল.পি.জি. কভরেজ অমসুং লেম্না লায়েংবা হায়রিবশিং অসিদা মাই পাকপগী পর্ফোর্মেন্স অদু পাউদমখ্রে। শ্রী মোদীনা হায় শীংনবা কয়া লৈ অদুবু ঐখোয়না ৱারোইশিন নত্ত্রগা সমস্যা অনি অসিদা করম্বগী শরুক ওইগদগে হায়বা অদু লেপচগদবনি।

প্রধান মন্ত্রীনা হায় ২০১৪দগী হৌনা ঐখোয়না লৌমীবু শক্তি পীনবা লৌউ-শিংউগী সেক্তরদা অহোংবশিং পুরকপা হৌখ্রে। ক্রোপ ইন্সুরেন্স স্কীম অসি লৌমীদা হেন্না খুদোংচানবা অহোংবা পুরকখি। পি.এম.-কিসান স্কীমসু হৌদোকখ্রে। শ্রী মোদীনা হায় সরকার অসিনা অপীকপা লৌমীশিংগীদমক্তসু থবক পাইখৎলি। পি.এম.এফ.বি.ৱাই.গী মখাদা লৌমীশিংনা লুপা করো ৯০,০০০গী ক্লেম ফংক্রে। লৌমীশিংনা কিসান ক্রেদিৎ কার্দ, সোইল হেল্থ কার্দ অমসুং সম্মান নিধিদগী কান্নবসু ফংখ্রে। লম্বী-থোং ফাওনবা হেনগৎলকপা মতমদা লৌমীশিংগী পোত্থোক্না অরাপ্পা মফমশিংদা য়াওবা ঙমগনি। কিসান রেল অমসুং কিসান উরানগুম্বা খোঙথাংশিংসু পাইখৎখ্রে। হৌজিক্কী ওইনা খ্বাইদগী মরু ওইরিবা অসি অপীকপা লৌমীশিংগী পুন্সি মহিং ফগৎহনবা অসিনি হায়না প্রধান মন্ত্রীনা হায়খ্রে। মখোয়না দাইরি সেক্তরগুম্না লনাই অমসুং কো-ওপরেতিব অনিমক পুন্না থবক তৌমিন্ননবা মনীং-মখা তম্বা করিগী ফংলোইদোইনো? হায়না প্রধান মন্ত্রীনা হংখ্রে।

লৌউ-শিংউগী সমস্যাশিং অসি ৱারোইশিন পুরক্কদবনি অমসুং মসিগীদমক থবক পাইখৎপা মথৌ তাই। প্রধান মন্ত্রীনা লৌমীশিংগী য়াইফনবা দল পুম্নমক্তা মাংদা চংশিন্নবা হায়খ্রে। এম.এস.পি.গী মতংদাং প্রধান মন্ত্রীনা “এম.এস.পি. লৈরমখি। এম.এস.পি. লৈরি। তুংলমচৎতসু এম.এস.পি. লৈখিগনি। লায়রবশিংগী অহোংবা মমলদা রসন মখা তানা ফংহনখিগনি। মন্দিশিং মতমগা চুনবা ওইহল্লগনি” হায়না নৌহৌননা ফোঙদোকখ্রে। লৌমীশিংগী য়াইফনবা ঐখোয়না রাজনিতীগী ওইবা ৱাখল্লোন অসি থাদোক্তুনা থবক তৌবা তাই হায়না মহাক্না ফোঙদোকখ্রে।

প্রধান মন্ত্রীনা লৈবাক অসিবু তংদুন লৈতনা লৈরিবা অসি থুগাইনা হোৎনরিবা অসিদগী চেকশিন্নবা চেকশিন ৱা থমখ্রে। মহাক্না হায় ভারতনা সিখশিংনা মতেং পাংলিবা অসিগীদমক য়াম্না চাউথোকচৈ। লৈবাক অসিগীদমক থবক কয়া তৌখ্রবা কাংলুপ অমনি। গুরু সহিবশিংগী ৱাহৈ অমসুং থৌজাল অসি মমল য়াম্মি। প্রুধান মন্ত্রীনা সহর-খুঙ্গংগী খেন্নবা অসি লৈহনদনবা হোৎনবা তাই হায়নসু ফোঙদোকখ্রে।

প্রধান মন্ত্রীনা নহারোমগী শক্তিগী মরু ওইবা অদুসু থমখ্রে অমসুং মহাক্না হায় নহারোমগী মপাঙ্গল হাপ্নবা হোৎনবনি লৈবাক অসিগী অফবা তুংলমচৎ পুরকপদা মতেং পাংগনি। মসিগা চপ মান্না মহাক্না নেস্নেল এজুকেসন পোলিসী অসিবু পাম্নবা ফোঙদোক্নরকপা অসিগীদমকসু থাগৎখ্রে।

প্রধান মন্ত্রীনা হায় এম.এস.এম.ই. অসি শেন্মীৎলোনগী রিকভরী অমসুং গ্রোথকী ওইনা মরু ওই মরমদি মখোয়দা থবক পীবা ঙম্বগী অচৌবা শক্তি লৈ। মসিনা মরম ওইগা মখোয়না কোরোনাগী মতম অসিদা স্তিম্যুলস পেকেজশিংদা অখন্নবা মফম কনবা ঙমখ্রিবনি।

সবকা সাথ, সবকা বিকাসম সবকা বিশ্বাস হায়বা ৱাখল্লোন অসিগী মতাংদা প্রধান মন্ত্রীনা নক্সলনা শোকহল্লবা মফমশিং অমসুং অৱাং নোংপোক্তা তংদু লৈতবা ফীভমদা পুরক্নবা খোঙথাংশিং লৌখৎখ্রে হায়না পাউদমখ্রে। মহাক্না হায় মফম অদুদা ফীভম ফগৎলক্লি অমসুং মফমশিং অদুদা অনৌবা খুদোংচাবশিংদা লৈরক্লি। তুংদা লাক্কদৌরিবা মতমশিংদা নোংপোক থংবা লমশিংদা লৈবাক অসিগী চাউখৎ-থৌরাংদা মরু ওইবা থৌদাং অমা লৌরগনি হায়না মহাক্না ফোঙদোকখ্রে।

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • krishangopal sharma Bjp December 29, 2024

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • krishangopal sharma Bjp December 29, 2024

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • krishangopal sharma Bjp December 29, 2024

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • Reena chaurasia August 29, 2024

    बीजेपी
  • शिवकुमार गुप्ता February 23, 2022

    जय भारत
  • शिवकुमार गुप्ता February 23, 2022

    जय हिंद
  • शिवकुमार गुप्ता February 23, 2022

    जय श्री सीताराम
  • शिवकुमार गुप्ता February 23, 2022

    जय श्री राम
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
India’s development story and the PM’s contribution

Media Coverage

India’s development story and the PM’s contribution
NM on the go

Nm on the go

Always be the first to hear from the PM. Get the App Now!
...
Prime Minister congratulates Gukesh for his first-ever win against Magnus Carlsen in Norway Chess 2025
June 02, 2025

Prime Minister, Shri Narendra Modi, has congratulated Gukesh for his first-ever win against Magnus Carlsen in Round 6 of Norway Chess 2025."Congratulations to him for triumphing over the very best. His first-ever win against Magnus Carlsen in Round 6 of Norway Chess 2025 showcases his brilliance and dedication", Shri Modi stated.

The Prime Minister posted on X;

"An exceptional achievement by Gukesh! Congratulations to him for triumphing over the very best. His first-ever win against Magnus Carlsen in Round 6 of Norway Chess 2025 showcases his brilliance and dedication. Wishing him continued success in the journey ahead."

@DGukesh