ঙসি, কুৱেতকী অমির সৈখ মেসাল অল-অহমদ অল-জাবর অল-সাবাহনা চেবাউ পীরকপগী কুৱেত্ত নুমিৎ নিনিগী খোঙচৎকীদমক ঐ খোঙশাল্লে।
মীরোল কয়া লৈরক্লবা কুৱেতকা লৈনবা পুৱারিগী মরীশিং ঐখোয়না মরুওইনা লৌরি। ঐখোয় ললোন-ইতিক অমসুং ইনর্জিগী মরুপ ওইবা খক নত্তনা, নোংচুপ এসিয়া লমদমদা শান্তি, সেকুরিতি, তংদু-লৈতাবা অমসুং নুংঙাই-য়াইফবা পুরক্নবা ঐখোয়গী মান্নবা অপাম্বা লৈরি।
ঐনা কুৱেতকী ক্রাউন প্রিন্স অমসুং প্রধান মন্ত্রীগা উনগনি। ঐখোয়গী মীয়াম অমসুং লমদম অসিগী মীয়ামগী য়াইফনবা তুংগী মরুপ-মপাংগী লম্বী অমা শেম্নবা মসিনা খুদোংচাবা অমা পীরগনি।
লৈবাক অনিগী মরক্ত মরুপ-মপাংগী মরীশিং মপাঙ্গল কনখৎহনবদা চাউনা মতেং পাংলিবা কুৱেত্ত লৈবা ভারতমচাশিংগা উন্নবা ঐনা খৌরাংনা ঙাইরি।
গল্ফ লমদমগী মমিং লৈরিবা শান্নবগী থৌরম অমা ওইরবা অরাবিয়ান গল্ফ কপ হৌদোকপগী থৌরমগীদমক ঐ চেবাউ পীরকপগীদমক ঐনা কুৱেতকী লুচিংবশিং থাগৎপা ফোঙদোকচরি। শান্নবগী ফজবা অমসুং লমদম অসিগী অপুনবা হরাওবা ফোঙদোকপগী থৌরম অসিগী শরুক অমা ওইনবা ঐনা থাজবা থম্লি।
